Նազարբաեւի թոռը Մեծ Բրիտանիայից քաղաքական ապաստան է խնդրում՝ սկանդալային տեղեկություններ հայտնելով

Ղազախստանի նախկին նախագահ Նուրսուլթան Նազարբաեւի թոռը՝ Այսուլթան (Ռահաթ) Նազարբաեւը դիմել է Մեծ Բրիտանիայի իշխանություններին՝ իրեն քաղաքական ապաստան տրամադրելու խնդրանքով: Այս մասին Այսուլթանը հայտնել է այսօր՝ փետրվարի 13-ին, ֆեյսբուքյան իր էջում:

Իր գրառման մեջ Նազարբաեւի թոռը սկանդալային տեղեկություններ է հայտնում, բացահայտումներ է անում, իսկ որպես նման խնդրանքով Մեծ Բրիտանիային դիմելու պատճառ՝ նշում ընտանիքի կողմից իրեն ուղղված սաստիկ ճնշումները, սպառնալիքները:

Այսուլթանը գրում է, որ երկրի իշխանություններին կանգնած իր ընտանիքը կարծում է, թե երկրները ղեկավարող անձինք աստվածներ են , սակայն չգիտեն, որ եթե ժողովուրդը համախմբվի, ապա իրենց վախճանը մոտ է:

«Ես Մեծ Բրիտանիայից քաղաքական ապաստան եմ խնդրում: Իմ կյանքի վերջին 5 տարիները պատված են սեւ գծերով: Այժմ ժամանակն է, որ մարդիկ իմանան՝ ինչ է տեղի ունենում եւ ինչու. բանն այն է, որ ես տիրապետում եմ Ռուսաստանի Դաշնության եւ Ղազախստանի կառավարությունների միջեւ մեծամասշտաբ կոռուպցիոն գործարքի մասին տեղեկության: Խոսքս Ղազախստանի ժողովրդից գողացված միլիարդավոր դոլարների մասին է:

Ես հայտնվել եմ այդ ժլատության եւ իմ ընտանիքի անհագ  փողասիրության կենտրոնում, մասնավորապես իմ մոր՝ Դարիգա Նազարբաեւայի (Ղազախստանի Սենատի գործող նախագահը եւ Նուրսուլթան Նազարբաեւի դուստրը) եւ նրա երկրորդ ամուսնու՝ Քայրաթ Շարիբպաեւի»,-գրել է երիտասարդը:

Մանրամասնելով, նա նշում է, որ խոսքը գործարքի մասին է, որով ռուսական «Գազպրոմ»-ը գնում է ղազախական գազ: Նազարբաեւի թոռը պնդում է, որ այս գործարքի խորքում կա ստվերային մի ընկերություն, որտեղից տարեկան մոտ 1,5 միլիարդ դոլարի շահույթ է ձեւավորվում: Այդ գումարները անցնում են Սինգապուր, որտեղ այն կիսում են մի ռուս ազդեցիկ բարձրաստիճան պաշտոնյա  եւ «Գազպրոմ»-ի ղեկավարությունը: Ինչ վերաբերում է Ղազախստանին, ապա ըստ Այսուլթանի, ապա տարեկան մոտ 700 միլիոն դոլար շահույթը կիսվում է Թիմուր Կուլիբաեւի եւ Քեյրաթ Բորանբաեւի՝ իր նախկին աներոջ միջեւ:

Նրա խոսքերով, ինքը հայտնվել է այս պատմության կենտրոնում, երբ իր մայրը՝ Դարիգան եւ նրա ամուսինը՝ Քեյրաթը ցանկացել են գործարքն իրենցով անել եւ սկսել են նախկին նախագահին՝ իր պապ Նազարբաեւին, իր դեմ տրամադրել:

Նշենք, որ թեեւ Նուրսուլթան Նազարբաեւն այլեւս Ղազախստանի նախագահի պաշտոնում չէ, սակայն նրա դուստրը՝ Դարիգա Նազարբաեւան շարունակում է մնալ երկրի սենատի ղեկավարի պաշտոնում եւ քիչ չեն խոսակցությունները, որ Նուրսուլթան Նազարբաեւն անցել է ստվերային կառավարման եւ միեւնույն է՝ ինքն է ղեկավարում երկիրը:

Ղազախստանի ղեկավարությունից այս տեղեկությունները որեւէ կերպ չեն մեկնաբանել: Գրեթե բոլոր ղազախական լրատվամիջոցները հրապարակել են Այսուլթանի հրապարակումն ու հայտարարությունները, սակայն պաշտոնական արձագանք դրանց դեռեւս չի եղել:

Ավելի վաղ Այսուլթան Նազարբաեւը եւս մեկ սկանդալային հայտարարություն էր արել այն մասին, որ հավանական է՝ ինքն իրականում Նուրսուլթան Նազարբաեւի ոչ թե  թոռն է, այլ որդին: Երիտասարդը նաեւ գրել է, որ իրեն էլ կարող են սպանել այնպես, ինչպես ժամանակին սպանել են իր փաստաթղթային հորը՝ ղազախ հայտնի օլիգարխ Ռահատ Ալիեւին: Այսուլթանի խոսքով, հենց Նազարբաեւի նախկին փեսայի՝ Ռահատ Ալիեւի՝ 2015-ին ավստրիական բանտում կազմած արխիվից  է ինքը տեղեկացել իր ծագման մասին:

Նշենք, որ այս բոլոր հայտարարություններից հետո երիտասարդի հետ կապվել են Times պարբերականից, որին էլ ինքը խոստացել է ներկայացնել այս պատմությունների ամենանուրբ մանրամասները: ֆեյսբուքյան իր էջում այս մասին հայտնելով՝ Այսուլթանը գրել է, որ այն, ինչ պատմելու է Times-ին, էլ ավելի հետաքրքիր է լինելու:

լուսանկարում՝ ձախից՝ սպանված օլիգարխ Ռահատ Ալիեւը, կենտրոնում՝ Այսուլթան Նազարբաեւը, աջից՝ Նուրսուլթան Նազարբաեւը

Տպել
4421 դիտում

«Գյումրի» ԲԿ-ի 29 աշխատակիցներ մեկուսացված են, կորոնավիրուսով հիվանդ որսորդի հետ շփված մարալիկցիները՝ ևս

Արցախում կառավարությունն ամրագրել է հյուրանոցային ավելի քան 80 համարներ, առանձնացվել են մեկուսացման տարածքներ

Վարակի տարածման ինտենսիվության գործակիցը գնահատված մոտ 2 արժեքից հաջողվել է նվազեցնել մինչև 1.4-ի

Չունեմ կորոնավիրուսային հիվանդություն, հիվանդանոցում կամ հյուրանոցում չեմ բնակվում. փոխնախարարի պարզաբանումը

Նոր Նորքի բազմաբնակարանները երեկվանից ախտահանվում են նոր, ավելի արդյունավետ սարքերով

Կոչ եմ անում չմասնակցել ընտրությունների երկրորդ փուլի քվեարկությանը․ Մասիս Մայիլյան

Ստեփանակերտի համեմատաբար խոշոր առևտրային սրահների տարածքներն ու մարդաշատ վայրերը ախտահանվել են

Տնտեսական բլոկի եւ կենտրոնական բանկի մասնագետների հետ քննարկում՝ վարչապետի գլխավորությամբ

Արցախ ներկրված նոր տեխնիկան ժամանակավորապես փոխանցվել է ՊԲ-ին՝ լրացուցիչ ախտահանման համար

Փլուզվել է ջրամբարի արտաքին պատը

Կորոնավիրուսի տարածման 7-օրյա կրկնապատկման տեմպը պահպանվում է. Արսեն Թորոսյան

Միասին ընթերցում ենք «Փոքրիկ իշխանը», Օր 2.ԿԳՄՍ նախարարն ուղիղ եթերում է

Քաղաքական խաղերի ժամանակը չէ

Թուրքիայի ԶՈՒ-ն 4 քուրդ զինյալի է սպանել Սիրիայի հյուսիս-արևելքում

Առողջապահության նախարարն այցելել է կորոնավիրուսի բուժմամբ զբաղվող բժշկական կազմակերպություններ

Վեհափառ Հայրապետն աղոթել է մխիթարության եւ բժշկության համար. դուրս է բերվել Աստվածամուխ Սուրբ Գեղարդը

Վրաերթ Արարատի մարզում․ 30 գառ տեղում սատկել է

Առաջիկա օրերին սպասվում է ձյան եւ անձրեւի տեսքով տեղումներ. կցրտի մինչեւ 10-12 աստիճանով

AC19 հավելվածն այլևս չի գործելու․ տվյալների բազաները տեղափոխվել են Covid-19 Armenia հավելված․ ՀՀ պարետ

Ուկրաինայի հայերը ֆինանսավորել են վիրուսաբանության լաբորատորիայի վերակառուցումը