Նորայր Փանոսյանն ազատ է արձակվել. դատարանը բավարարել է պաշտպանների վերաքննիչ բողոքը

Սահմանադրական դատարանի նախագահ Հրայր Թովմասյանի սանիկ Նորայր Փանոսյանն ազատ է արձակվել:

«Հայկական ժամանակ»-ի հետ զրույցում Փանոսյանի պաշտպան Հովսեփ Սարգսյանը տեղեկացրեց, որ կալանավորման որոշման դեմ իրենց վերաքննիչ բողոքը բավարարվել է հիմնավոր կասկածի բացակայության հիմքով:

Դատավոր Նարինե Հովակիմյանի որոշմամբ՝ Փանոսյանն ազատ է արձակվել դատարանի դահլիճից:

Հիշեցնենք՝ սկզբնապես Փանոսյանին մեղադրանք էր առաջադրվել Քննչական կոմիտեի կողմից ՀՀ ՔՕ-ի 308-րդ հոդվածի 2-րդ մասով (պաշտոնեական լիազորությունները չարաշահելը, որն անզգուշությամբ առաջացրել է ծանր հետեւանքներ), եւ միջնորդություն էր ներկայացվել դատարան խափանման միջոց կալանավորումը ընտրելու համար: Երեւանի ընդհանուր իրավասության դատարանը՝ դատավոր Արտուշ Գաբրիելյանի նախագահությամբ, բավարարել էր միջնորդությունը, եւ Նորայր Փանոսյանը կալանավորվել էր:

Դատարանի այդ որոշումը պաշտպանական կողմը բողոքարկել էր Վերաքննիչ դատարան, որը դատավոր Սերգեյ Մարաբյանի նախագահությամբ բավարարել էր բողոքը, եւ Փանոսյանն ազատ էր արձակվել հիմնավոր կասկածի բացակայությամբ: Հետագայում գործն ուղարկվել էր Հատուկ քննչական ծառայություն, եւ 2019 թվականի դեկտեմբերի 26-ին Փանոսյանի մեղադրանքը փոփոխվել էր. նրան նոր մեղադրանք էր առաջադրվել նույն հոդվածով, սակայն ինչպես պաշտպան Հովսեփ Սարգսյանն էր մեր զրույցում նշել, նոր մեղադրանքում դրվագային ավելացումներ են եղել: Նոր մեղադրանքի առաջադրումից հետո դարձյալ կալանավորման միջնորդություն էր ներկայացվել դատարան, որը 2020 թվականի հունվարի 9-ին բավարարվել էր Երեւանի ընդհանուր իրավասության դատարանի դատավոր Գագիկ Պողոսյանի որոշմամբ: Նորայր Փանոսյանը դարձյալ կալանավորվել էր, եւ պաշտպանական կողմն այդ որոշման դեմ վերաքննիչ բողոք է ներկայացրել:

Իրադարձությունները, որ հիմք են հանդիսացել քրեական գործի հարուցման համար, վերաբերում են 2011-2014 թվականներին, երբ Փանոսյանը զբաղեցրել է ՀՀ արդարադատության նախարարության աշխատակազմի օրինականության վերահսկողության տեսչության պետի պաշտոնը:

Տպել
1650 դիտում

Ոստիկանության Մաշտոցի բաժնի ծառայողները մեքենաներից կատարված գողություններ են բացահայտել

9 հակաճգնաժամային միջոցառումների շրջանակներում բաշխվել է 3 միլիարդ 670 միլիոն դրամ. վարչապետ

Ալափարսում հայտնաբերվել է առանց համապատասխան փաստաթղթերի կրային թերթաքարով բեռնված «Զիլ» մակնիշի մեքենա

Ձեզ լուրջ պահեք, մեզ հետեւում են. ֆեյսբուքն օգտատերերի մասին տեղեկություններ կտրամադրի COVID-19-ի դեմ պայքարի համար

Ելակը մտավ զորամաս. վարչապետ (տեսանյութ)

Մուլտի գրուպի տնօրեն Սեդրակ Առուստամյանի գործով նախաքննությունն ավարտվել է

Պարենային եւ պաշտպանական միջոցներ կտրամադրվեն Արագածոտնի միայնակ տարեցներին, հաշմանդամություն ունեցող եւ խոցելի անձանց

Այս պահին Արցախի բուժհաստատություններում մեկուսացված քաղաքացիներ չկան. Արցախ/Տեղեկատվական շտաբ

Անցկացվել է զորավարժություն՝ մարտական հրաձգությամբ

«Նախագահի պաշտոնը զբաղեցրած մարդը ո՞նց չի ընկալում՝ ինչ ենք ասում». Քոչարյանը պնդում է՝ Սարգսյանի պայմանը կբավարարվի

Սպիտակի քաղաքային զբոսայգուց 28-ամյա երիտասարդ է բերման ենթարկվել

Բակո Սահակյանն անցկացրել է խորհրդակցություն. քննարկվել են կորոնավիրուսի տարածման դեմ պայքարի միջոցառումները

Պետության աջակցությունից օգտվող շահառուների շրջանակն ընդլայնելու նպատակով քննարկվել են նոր առաջարկություններ

Ժամեր անց Երեւանում վայրէջք կկատարի Չինաստանից բժշկական պարագաների եւ սարքավորումների խմբաքանակ տեղափոխող ինքնաթիռը

Մոսկվայում անօթևան մնացած ՀՀ քաղաքացիները գտնվում են Պոդոլսկում՝ ժամանակավոր կացարանում

Քրեական գործ է հարուցվել Սիսիանի ոստիկանների նկատմամբ բռնություն գործադրելու և խուլիգանություն կատարելու դեպքի առթիվ

Քիմ Քարդաշյանի քույրն աշխարհի ամեաերիտասարդ միլիարդատերն է

ԳՇ պետը եւ ՊՆ փոխնախարարը միջգերատեսչական աշխատանքային խմբի հետ քննարկում են անցկացրել

Օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ

Ապրիլյանի հանձնաժողովի գրությունը հասկանալի չէ. Սերժ Սարգսյանը պատասխանել է Անդրանիկ Քոչարյանին