Պաշտպանը միջնորդեց դադարեցնել Ռոբերտ Քոչարյանի նկատմամբ հարուցված քրեական հետապնդումը

Երեւանի ընդհանուր իրավասության դատարանում այսօր շարունակվում է Ռոբերտ Քոչարյանի եւ մյուսների գործով դատական նիստը:

Այն սկսվեց մոտ մեկ ժամ ուշացումով, քանի որ պաշտպաններից եւ տուժողների ներկայացուցիչներից մի քանիսը նախապես տեղեկացրել էին դատարանին, որ գտնվում են խցանման մեջ եւ դատարան կներկայանան փոքր-ինչ ուշ:

Նախորդ նիստին, հիշեցնենք, ամբաստանյալ Արմեն Գեւորգյանի եւ Ռոբերտ Քոչարյանի պաշտպանները միջնորդություն էին ներկայացրել քրեական հետապնդումը դադարեցնելու եւ քրեական գործը կարճելու մասին:

Շարունակելով միջնորդության քննությունը՝ Ռոբերտ Քոչարյանի պաշտպան Արամ Վարդեւանյանը նախ հայտարարեց, որ միանում է ամբաստանյալ Արմեն Գեւորգյանի պաշտպան Էրիկ Ալեքսանյանի միջնորդությանը՝ նշելով, որ Գեւորգյանի մեղադրանքի հիմքում դրվել է մի տեղեկություն, որն ինքնին հանցագործության արդյունք է: Խոսքը Վիկիլիկսի հրապարակման մասին է:

Այնուհետեւ ներկայացնելով իրենց միջնորդությունը՝ Արամ Վարդեւանյանը նշեց, որ 300-րդ եւ 300.1-րդ հոդվածներն ունեն տարբեր հանցակազմեր. «Հին օրենքում՝ 300-րդ հոդվածում, խոսվում էր իշխանության յուրացման մասին, որի մեթոդներից է սահմանադրական կարգի տապալումը, իսկ այստեղ խոսվում է ամբողջովին նոր հանցակազմի մասին»:

Արամ Վարդեւանյանը ընդգծեց՝ օրենքում փոփոխություններ կատարելու վերաբերյալ լսումների ժամանակ Ազգային ժողովի այդ ժամանակվա պատգամավոր Դավիթ Հարությունյանը հայտարարել է, որ 300.1-րդ հոդվածն իր մեջ պարունակում է առնվազն 5 թերություն, եւ եթե որեւէ մարմին, այդ թվում՝ Դատախազությունը, դրան չի հակադարձել, նշանակում է՝ Ռոբերտ Քոչարյանին մեղսագրվող ենթադրյալ արարքի որակը կասկածի տակ է դրվում: Վարդեւանյանը ընդգծեց նաեւ, որ համաներման ակտով 300 եւ 300.1-րդ հոդվածները չեն կարգավորվել, քանի որ 300.1-րդ հոդվածով սահմանվել է նոր հանցակազմ:

Վարդեւանյանի խոսքով՝ Դատախազությունն այժմ պնդում է, թե նոր օրենքը բարելավող նորմ է, որովհետեւ ավելի հստակ է. «Բայց եթե հստակությունը չափում ենք դրանով, ուրեմն շատ վտանգավոր դրության մեջ ենք: Ամեն դեպքում, դրանից բացի, Դատախազությունը պնդում է, թե նոր օրենքից բռնության պարտադիր էլեմենտը դուրս է եկել, բայց եթե արարքը նախկինում կարող էր լինել միայն բռնությամբ, իսկ այսօր դրա շրջանակը ընդլայնվել է, ո՞նց կարող է դա լինել ավելի բարելավող»:

Խոսելով հայտնի 7-ի գործի մասին՝ պաշտպանը թվարկեց այն դատախազներին, ովքեր 2009 թվականին պաշտպանել են Մարտի 1-ի գործով մեղադրանքը: Նրանք են Փիլոյանը, Թադեւոսյանը, Հարությունյանը, Նադոյանը, Սարգսյանը,  Ամիրզադյանը: Պաշտպանն ընդգծեց՝ այս գործով մեղադրանքը պաշտպանում են այլ դատախազներ եւ ներկայացնում այլ դիրքորոշում, մինչդեռ յուրաքանչյուր դատախազ ներկայացնում է ոչ թե իր ուրույն կարծիքը, այլ Դատախազության ընդհանուր դիրքորոշումը. «Խորին հարգանքով վերաբերվելով սույն գործով դատախազներին՝ ես կարծում եմ, որ Լիլիթ Թադեւոսյանը առավել արհեստավարժ է, ունի տարիների փորձ եւ այժմ զբաղեցնում է Վճռաբեկ դատարանի դատավորի բարձր պաշտոնը»: Նախագահող դատավոր Աննա Դանիբեկյանը ընդմիջեց պաշտպանին՝ խնդրելով գնահատականներ չտալ: Արձագանքելով դրան՝ Վարդեւանյանն էլ ասաց, որ ինքը գնահատական տալու միտում չունի, բայց ըստ նրա՝ նման արհեստավարժ մասնագետների դիրքորոշումը կասկածի տակ դնելը տարակուսելի է:

Անդրադառնալով անմեղության կանխավարկածի հանգամանքին՝ Արամ Վարդեւանյանն ասաց, որ երբ Սահմանադրական դատարանի որոշման հիմքով միջնորդություն էին ներկայացրել Ռոբերտ Քոչարյանի նկատմամբ քրեական հետապնդումը դադարեցնելու վերաբերյալ, եւ դատավոր Աննա Դանիբեկյանն այն մերժել էր, իր դատական ակտում, ըստ էության, տվել էր 2 մեկնաբանություն. «Առաջին մեկնաբանությունը, որ տվել էիք, այն է, որ Ռոբերտ Քոչարյանի դիմումի հիման վրա ՍԴ-ի դիրքորոշումը ոչ մի հետեւանք չի ենթադրում Քոչարյանի համար, երկրորդը՝ այն, որ մեկ նժարի վրա ունենալով ՍԴ-ի, մյուսին՝ Վճռաբեկ դատարանի դիրքորոշումը՝ նախապատվությունը տվել եք Վճռաբեկին, եւ դա այն պարագայում, երբ Վճռաբեկի այդ դիրքորոշումը, ըստ ՍԴ-ի, պաշտոնաթող նախագահներին վերաբերելի չէ»:

Արամ Վարդեւանյանը պնդեց՝ ոչ ինքը, ոչ դատավորը, ոչ ուրիշ մեկը չի կարող ասել՝ Ռոբերտ Քոչարյանի գործողությունները բխում էին իր՝ նախագահի կարգավիճակից թե ոչ. այդտեղ, ըստ պաշտպանի, առկա է օրենսդրական բաց, որը հաղթահարելու քայլեր այս ընթացքում Ազգային ժողովը չի ձեռնարկում. «Ռոբերտ Քոչարյանին մեղսագրվող արարքում վկայակոչվում է արտակարգ դրություն մտցնելու հրամանագիրը, մեկը կարո՞ղ է ինձ համոզել, որ նման հրամանագիր արձակելը չի բխում կարգավիճակից, ինչպե՞ս կարելի է իրավունքի տիրույթում նման հայտարարություն անել»: Վարդեւանյանը պնդեց, որ հրամանագիր արձակելը բխում է նախագահի կարգավիճակից եւ լիազորություններից. «Նման դեպքում, ըստ ՍԴ-ի, քրեական հետապնդումը ենթակա է անհապաղ դադարեցման, իսկ այդ գործողությունները՝ ոչ իրավաչափ ճանաչվելուն»,- ամփոփեց Վարդեւանյանը՝ միջնորդելով դադարեցնել Ռոբերտ Քոչարյանի նկատմամբ հարուցված քրեական հետապնդումը:

Պաշտպան Հայկ Ալումյանն էլ, միանալով միջնորդություններում արտահայտած բոլոր դիրքորոշումներին, ասաց. «Ռոբերտ Քոչարյանի նկատմամբ հարուցված քրեական հետապնդումը պետք է դադարեցվի, քանի որ այն չի համապատասխանում իրավական որոշակիության սկզբունքին, միշտ էլ չի համապատասխանել, ստեղծման օրից, պարզապես դա բացահայտվեց այն ժամանակ, երբ փորձեցին կիրառել»:

Տպել
2224 դիտում

Իրականացվելու է զորակոչիկների մասնագիտական ընտրություն

ԱԺ պատվիրակությունը Մադրիդում հանդիպել են հայ համայնքի ներկայացուցիչների հետ

Մեկնարկել է բասկետբոլի Հայաստանի կանանց առաջնությունը

Թալին-Մաստարա ճանապարհին ավտոմեքենան դուրս է եկել երթևեկելի հատվածից

Արագածոտն գյուղի փոքրիկ բնակիչները շուտով նոր ու հարմարավետ մանկապարտեզ հաճախելու հնարավորություն կունենան

Դոլարը, եվրոն ու ռուբլին թանկացել են․ Կենտրոնական բանկը սահմանել է նոր փոխարժեքներ

Քովիդ-19-ով պայմանավորված՝ ՀՀ տարածքում կարանտինը սահմանված է մինչև 2022 թ․-ի հունիսի 20-ը․ ճամփորդական սահմանափակումներ

Հայաստանի և Ադրբեջանի միջև վիճելի հարցերի լուծումների որոնումը շարունակում է մնալ Ռուսաստանի ուշադրության կենտրոնում

«Սև ուրբաթ»-ին գրքերի վաճառքը 3-4 անգամ ավելի է եղել. որոշ գրախանութներում զեղչերը դեռ գործում են

Ծաղկահովիտ խոշորացված համայնքի 10 բնակավայրերում արևային ֆոտովոլտային կայաններ կկառուցվեն

Հայաստանի մի քանի մարզերում ձյուն է տեղում, որոշ ավտոճանապարհներին բուք է, տեղ-տեղ՝ մերկասառույց

Անհրաժեշտ ենք համարում ՀԱՊԿ երկրների միջև ռազմական համագործակցության ձևավորումը. Հակոբ Արշակյան

«Internatiօnal IDEA» միջազգային հեղինակավոր կազմակերպությունն աջակցելու է արդարադատության նախարարությանը

Թումո կենտրոնը կտեղակայվի Կապանի կայարանի պատմական շենքում

Քամու հետևանքով վնասվել են տանիքներ, տանիքներում տեղադրած արևային ջրատաքացուցիչներ, ավտոմեքենաներ․ ԱԻՆ (լուսանկարներ)

Կայացել է Ազգային ժողովի կարողությունների ուժեղացմանն ուղղված Թվինինգ ծրագրի հանրային իրազեկման միջոցառումը

Կառավարության մոտեցումն ու ձեռագիրը գյուղական համայնքների զարգացումն ապահովելն է. Շիրակի մարզպետն այցելել է Կամո

Անցկացվել է վաշտային մարտավարական զորավարժություն

Հնարավոր եմ համարում ԵՄ-ում պարտադիր պատվաստումների հարցի քննարկումը. Եվրոպական հանձնաժողովի նախագահ

Աշոցքում ձյան առատ տեղումները ուղեկցվում են որոտով և կայծակով․ Գագիկ Սուրենյանը տեսանյութ է հրապարակել

Նիկոլ Փաշինյանն իր դիրքը նշմարել էր մինչ Սոչիի հանդիպումը, միջանցքի հարց հայկական կողմը չի քննարկում. քաղաքագետ

ՀՀ-ում կան փակ ավտոճանապարհներ. Ջաջուռի ոլորաններում ձնաբուք է

Զորամասերի նվագախմբերի, ԶՈՒ երգի, պարի համույթի համալրման նպատակով ՊՆ-ն հայտարարում է զորակոչիկների լսումներ և դիտումներ

ԿԳՄՍՆ-ում ստորագրվել է Էջմիածնի քաղաքապետարանի թիվ 13 մանկապարտեզի վերանորոգման համար դրամաշնորհային ծրագրիը

Հղիները «Քովիդ-19»-ի ծանր ընթացքի զարգացման և բարդությունների առաջացման ռիսկի խմբում են. առողջապահության նախարարություն

Միրզոյանը և Բայրամովը վաղը կհանդիպեն Շվեդիայում․ Եվրախորհրդարանում հայտարարել է Լյուկ Դիվինը

Կասեցվել են Կոտայքի մարզի Աղավնաձոր գյուղի վարչական ղեկավարի լիազորությունները

Կաշառք ստանալու համար մեղադրանք է առաջադրվել ՃՈ տեսուչին և նրան օժանդակած անձին․ խափանման միջոց է ընտրվել կալանավորումը

Փրկարարները Հրազդան գետից դուրս են բերել քաղաքացու դի

UNITY՝ «Շնորհավո՜ր Նոր Տարիֆ». UCOM-ը հանդես է եկել բոլոր ժամանակների իր լավագույն առաջարկով (տեսանյութեր)

Ապօրինի հատված ծառեր տեղափոխելու և իրավապահների նկատմամբ բռնություն գործադրելու կասկածով 3 անձ է ձերբակալվել. ՔԿ

«Քաղաքացիական պայմանագիր» կուսակցությունը Գյումրիում դե ֆակտո չի պարտվել. Հարությունյան

Նախագահը հյուրընկալել է արցախյան վերջին պատերազմում հերոսաբար զոհված զինծառայող, «Արցախի հերոս» Ալեն Մարգարյանի մորը

Կո՞ղմ են քաղաքացիները գլխավոր տոնածառի տեղադրմանը, թե՞ ոչ. (տեսանյութ)

Հայ Փոստը և Լատվիայի փոստը սկսում են նոր համագործակցություն

Վաղվանից չպատվաստված աշխատողները 7 օրը մեկ պետք է ներկայացնեն ՊՇՌ թեստի բացասական պատասխան

«Արարատցեմենտ»-ի արտադրամասում աշխատակիցն արգելափակվել է հումք տեղափոխող գլանակի արանքում և մահացել

Ստաֆիլակոկ հավի մսով և գազարով խճողակում. հայտնի են «Տաթև» կրթահամալիրի լաբորատոր փորձաքննության արդյունքները

Հաղորդակցության միջոցներն Արցախում գործում են խափանումներով, որոշ համայնքներում ընդհանրապես բացակայում է. ԱՀ ՄԻՊ

Մարգարա-Վանաձոր-Տաշիր-Վրաստանի սահման ավտոճանապարհի Գոգավան-Ստեփանավան հատվածը դժվարանցանելի է բեռնատարների համար