Պաշտպանը միջնորդեց դադարեցնել Նարեկ Մութաֆյանի եւ Սարգիս Օհանջանյանի նկատմամբ հարուցված քրեական հետապնդումը

Երեւանի ընդհանուր իրավասության դատարանում Ռոբերտ Քոչարյանի աջակիցներ Սարգիս Օհանջանյանի եւ Նարեկ Մութաֆյանի գործով դատական նիստին պաշտպան Արամ Վարդեւանյանը միջնորդեց դադարեցնել ամբաստանյալների նկատմամբ հարուցված քրեական հետապնդումը՝ հանցակազմի բացակայության հիմքով:

Հիշեցնելով, որ նրանց մեղադրանք է առաջադրվել արդարադատության իրականացմանը և քննությանը խոչընդոտելու համար՝ Վարդեւանյանն ընդգծեց, որ այդ հոդվածն իրենից ենթադրում է դատարանի, դատախազի, քննիչի կամ հետաքննությունն իրականացնող անձի գործունեությանը ցանկացած ձևով միջամտություն, ինչպիսին չի կարող համարվել դատարանի կամ իրավապահ մարմինների գործունեության քննադատությունը, նրանց կողմից կայացված որոշումներին բացասական գնահատական տալը. «Բացի այդ, անձի գործողությունները պետք է ուղղված լինեն փաստացի հենց վարույթ իրականացնող մարմնի գործունեությանը միջամտելուն, մինչդեռ տվյալ դեպքում ենթադրյալ հանցագործության կատարման օրը Աննա Դանիբեկյանը խորհրդակցական սենյակում չի գտնվել, ավելին, նա եղել է արձակուրդում»,- նշեց Վարդեւանյանը՝ տարակուսանք հայտնելով, թե ինչպես է իր պաշտպանյալների՝ Արդարադատության ակադեմիայի դիմաց գտնվելու հանգամանքը դիտարկվել որպես արդարադատությանը խոչընդոտող արարք:

Վարդեւանյանի պնդմամբ՝ տվյալ իրավիճակում ամբաստանյալ Նարեկ Մութաֆյանի կողմից կատարված այն հարցադրումը, թե արդյո՞ք դատավոր Աննա Դանիբեկյանը հանդիսանում է «վնգստացող դատավոր»՝ հստակ նշելով նման հարցադրման աղբյուրը, չի կարող դիտարկվել, որպես արդարադատության իրականացմանը խոչնդոտել, քանի որ նման հարցադրումը իրենից պարզապես ենթադրում է քննադատություն, եւ քանի որ այդ եզրույթն առաջին անգամ օգտագործել է ՀՀ վարչապես Նիկոլ Փաշինյանը, ինչին անդրադառնալով էլ ԲԴԽ նախագահ Ռուբեն Վարդազարյանը հետագայում ասել է. «Ես չեմ վիրավորվել, քանի որ գտել եմ, որ դա ինձ և շատ դատավորների չի վերաբերվում։ Այդ արտահայտությունը թիրախ ուներ և մենք լավ գիտենք, թե դա ում էր հասցեագրված»: Արամ Վարդեւանյանը հիշեցեց՝ դատական նիստերից մեկի ժամանակ «վնգստացող դատավոր» եզրույթը օգտագործել է նաև Ռոբերտ Քոչարյանի պաշտպան Հայկ Ալումյանը՝ հետաքրքրվելով, թե դատավոր Դանիբեկյանը այդ ցանկում կա թե ոչ, եւ Հայկ Ալումյանի այդ հայտարարության վերաբերյալ դատավոր Աննա Դանիբեկյանի կողմից որեւէ սանցկիա չի կիրառվել, իսկ Փաստաբանների պալատը, քննարկելով Ալումյանի նկատմամբ կարգապահական վարույթ հարուցելու հարցը, որոշել է մերժել այն. «Այսպիսով, Նարեկ Մութաֆյանի կողմից պարզապես վերարտադրվել և Սարգիս Օհանջանյանի կողմից առանց որևէ բառ արտաբերելու, հեռավորության պահպանմամբ նկարահանվել է փաստաբան Հայկ Ալումյանի հարցադրումն ուղղված դատավոր Աննա Դանիբեկյանին»:

Անդրադառնալով Դանիբեկյանի կողմից տված ցուցմունքներին՝ պաշտպանը նշեց. «Աննա Դանիբեկյանը իր հարցաքննության ընթացքում պարզապես ենթադրել է հնարավոր արդարադատությանը խոչընդոտելու մասին, առանց հերքելու կամ հիմնավորելու նախկինում իր հայտնած դիրքորոշումը, որը վերաբերել է բացառապես անհարգալից վերաբերմունքին, ավելին՝ Աննա Դանիբեկյանն իր և ամբաստանյալների միջև կատարած առերեսման ընթացքում հայտնել է, որ իր կողմից նշված արարքը արդարադատության իրականացմանը խոչընդոտել դիտարկելը չի կարող հիմք հանդիսանալ, որպեսզի Ս. Օհանջանյանի և Ն. Մութաֆյանի կողմից կատարված արարքը վարույթ իրականացնող մարմնի կողմից ևս որակվի որպես արդարադատության իրականացմանը խոչընդոտել»: Վարդեւանյանը բարձրացրեց նաեւ Դանիբեկյանի կողմից տրված ցուցմունքի արժանահավատության հարցը, քանի որ դատավորն իր ցուցմունքում նշել է, որ ամբաստանյալները իրեն հարցեր են հղել նաեւ Ռոբերտ Քոչարյանի խափանման միջոցի վերաբերյալ իր կայացրած դատական ակտից, սակայն սոցիալական ցանցում հրապարակված տեսանյութում Քոչարյանի և մյուսների մասին քրեական գործին առնչվող որևէ հանգամանք չկա:

Մեղադրող դատախազը հայտարարեց, որ միջնորդությունը ներկայացնելիս պաշտպանը հղում կատարեց դատաքննության ընթացքում դեռեւս չհետազոտված ապացույցների, եւ քանի դեռ դրանք չեն հետազոտվել, դատարանը որեւէ կերպ չի կարող դրանց հղում կատարելով  որոշում կայացնել:

Լսելով կողմերին՝ նախագահող դաավոր Արմինե Մելիքսեթյանը որոշեց հետաձգել միջնորդության քննությունը: Հաջորդ դատական նիստը նշանակվեց մարտի 26-ին:

Տպել
876 դիտում

Այս պահին Արցախի բուժհաստատություններում մեկուսացված քաղաքացիներ չկան. Արցախ/Տեղեկատվական շտաբ

Անցկացվել է զորավարժություն՝ մարտական հրաձգությամբ

«Նախագահի պաշտոնը զբաղեցրած մարդը ո՞նց չի ընկալում՝ ինչ ենք ասում». Քոչարյանը պնդում է՝ Սարգսյանի պայմանը կբավարարվի

Սպիտակի քաղաքային զբոսայգուց 28-ամյա երիտասարդ է բերման ենթարկվել

Բակո Սահակյանն անցկացրել է խորհրդակցություն. քննարկվել են կորոնավիրուսի տարածման դեմ պայքարի միջոցառումները

Պետության աջակցությունից օգտվող շահառուների շրջանակն ընդլայնելու նպատակով քննարկվել են նոր առաջարկություններ

Ժամեր անց Երեւանում վայրէջք կկատարի Չինաստանից բժշկական պարագաների եւ սարքավորումների խմբաքանակ տեղափոխող ինքնաթիռը

Մոսկվայում անօթևան մնացած ՀՀ քաղաքացիները գտնվում են Պոդոլսկում՝ ժամանակավոր կացարանում

Քրեական գործ է հարուցվել Սիսիանի ոստիկանների նկատմամբ բռնություն գործադրելու և խուլիգանություն կատարելու դեպքի առթիվ

Քիմ Քարդաշյանի քույրն աշխարհի ամեաերիտասարդ միլիարդատերն է

ԳՇ պետը եւ ՊՆ փոխնախարարը միջգերատեսչական աշխատանքային խմբի հետ քննարկում են անցկացրել

Օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ

Ապրիլյանի հանձնաժողովի գրությունը հասկանալի չէ. Սերժ Սարգսյանը պատասխանել է Անդրանիկ Քոչարյանին

Շիրակի թեմի Սոցիալ-կրթական կենտրոնն Ավստրիական մանկական հիվանդանոցին անհրաժեշտ պարագաներ է նվիրել

Միրիկցի կնոջն Արարատի մարզից բերել էին տվել ընտրություններին մասնակցելու համար. Հայկ Խանումյան

Մխիթարյանի տրանսֆերային արժեքը նվազել է. կորոնավիրուսը միլիարդների վնաս է հասցնում ֆուտբոլին

ՓՄՁ 2 տնտեսվարող արդեն աջակցության պայմանագիր է կնքել․ ծրագրին դիմել է շուրջ 200 մարդ

Զոհրաբ Մնացականյանը հեռախոսազրույց է ունեցել Իրանի ԱԳ նախարար Մոհամմադ Ջավադ Զարիֆի հետ

Կորոնավիրուսային հիվանդության դեմ տարվող միջոցառումներում բժշկական մասով ներգրավված է մոտ 3000 հոգի. Արսեն Թորոսյան

Չինաստանի նախագահ Սի Ծինփինը պատասխանել է Արմեն Սարգսյանի նամակին