Նիկոլ Փաշինյանի ու ՌԴ նորանշանակ վարչապետ Միշուստինի առաջին հանդիպումն ու սելֆին (տեսանյութ)

Ղազախստանում՝ Ալմաթիում, քիչ առաջ մեկնարկեց ՀՀ վարչապետ Նիկոլ Փաշինյանի եւ ՌԴ վարչապետ Միխայիլ Միշուստինի հանդիպումը: Միշուստինի նշանակումից հետո սա ՀՀ վարչապետ Նիկոլ Փաշինյանի առաջին հանդիպումն է նրա հետ: 

Լուսանկարվելու պաշտոնական արարողությունից հետո Փաշինյանը գրպանից հանեց բջջային հեռախոսն ու առաջարկեց նաեւ սելֆի անել: Միշուստինը ժպիտով համաձայնեց եւ հարցրեց, թե հայերեն ինչպես են ասում սելֆի: Փաշինյանը կատակեց. «Սելֆին հենց հայերեն բառ է»: 

 Վարչապետները ծիծաղելով զբաղեցրին իրենց տեղերը: Իր խոսքում ՀՀ վարչապետն ընդգծեց, որ Հայաստանի եւ Ռուսաստանի կառավարությունների եւ երկրների միջեւ միշտ եղել եւ լինելու են լավ ու ջերմ հարաբերություններ, բայց իր կարծիքով միշտ շանս կա նոր մակարդակի բարձրացնելու այդ հարաբերությունները: «Ձեզ հետ համագործակցությամբ մենք կարողանալու ենք դա անել: Իհարկե, մեր պետությունների միջեւ հարաբերությունները զարգանում են ըստ պլանավորածի՝ շատ լավ: Առեւտրաշրջանառությունը 2019-ին մոտենում է երկու միլիարդի, որը բավական լավ ցուցանիշ է: 2020-ին այդ դինամիկան կպահպանվի: Հայաստանում մեզ հաջողվել է 2019 թվականին կառուցել տնտեսական բավական լավ դինամիկա, այսօր արդեն հրապարակվել են թվերը. մենք 2019-ին ունենալու ենք 8 տոկոսին մոտ տնտեսական աճ»,- ասաց ՀՀ վարչապետը:

Փաշինյանը իր խոսքի ավարտին հույս հայտնեց, որ մոտ ապագայում կհանդիպեն նաեւ Երևանում, քանի որ այս տարի Եվրասիական միջկառավարական խորհրդի նիստերից մեկը կանցկացվի Հայաստանի մայրաքաղաքում:

Իր հերթին՝ ողջունելով ՀՀ վարչապետին՝ Միշուստինը նշեց, որ ջերմությամբ է հիշում բոլորովին վերջերս իր այցը Հայաստան՝ մասնակցելու Տեղեկատվական տեխնոլոգիաների համաշխարհային WCIT ֆորումին, որը փայլուն էր կազմակերպված: «ՌԴ նոր կառավարությունը տրամադրված է մեր կառուցողական հարաբերությունների, մեր հայ գործընկերների հետ շփումների շարունակմանը, այդ թվում՝ միջկառավարական հանձնաժողովի շրջանակում, որը համանախագահում է ՌԴ տրանսպորտի նախարար Եվգենի Դիտրիխը: Դուք խոսեցիք մեր ապրանքաշրջանառության եւ առեւտրի մասին. Ռուսաստանը Հայաստանի գլխավոր արտաքին տնտեսական գործընկերն է՝ առևտրի ծավալում 26 տոկոս չափաբաժնով: Հանրապետությունում գործում է 2.2 հազար ռուսական ընկերություններ: 2018թ. երկկողմ ապրանքաշրջանառությունն աճել է 11 տոկոսով՝ ինչպես դուք ասացիք, հասնելով մոտ 2 միլիարդ դոլարի: Աճը շարունակվել է նաև նախորդ տարի՝ հունվար-նոյեմբերին ավելանալով 17.6 տոկոսով: Ցանկանում եմ նշել, որ պետք է ամրապնդել այդ դրական միտումը, գտնել գործընկերության նոր ոլորտներ: Հույս ունեմ այսօր քննարկել երկկողմ հարցերի ողջ շրջանակը»,-ասաց Միշուստինը:

Հիշեցնենք, որ Փաշինյանի ու Միշուստինի գլխավորած պատվիրակություններն Ալմաթիմում մասնակցում են ԵԱՏՄ միջկառավարական նիստին:

Տպել
2079 դիտում

«Նորք»-ում գրանցվեց մահվան եւս մեկ դեպք. Հայաստանում կորոնավիրուսից մահացածների թիվը դարձավ յոթ

Բոլորս պետք է լծվենք գազի գնի հայտի ուսումնասիրության հիմնավորվածությանն ու դրա գնահատականին. պատգամավոր

Դատավորը նկատողություն ստացավ «օրենքով գող» Հայկո Աստրախանսկիին երկիրը լքելու թույլտվություն տալու համար

Բելառուսը ռուսական նավթը կգնի բարելի դիմաց 4 դոլար արժեքով. հավելավճարներ չեն լինի

ԲԴԽ-ն խիստ նկատողություն է հայտարարել դատավոր Նաիրա Մխիթարյանին

Արցախում մեկուսացված 3 քաղաքացու հետազոտության արդյունքները եղել են բացասական․ ԱՀ-ում առայսօր կորոնավիրուսի դեպք չկա

«Առականի». նոր նախագիծ ԿԳՄՍ նախարարությունից

Բագրատաշենի սահմանային անցակետում հետախուզվող է հայտնաբերվել

Ռուսաստանում կարանտինային արձակուրդը կտեւի ամբողջ ապրիլ. Պուտինը նոր ուղերձով է հանդես եկել

Հայաստանում արձանագրվել է կորոնավիրուսի հետեւանքով մահվան 6-րդ դեպքը

Ներդրումային առաջարկներին մեր արձագանքի արագությունը եւ որակը պետք է էական փոփոխությունների ենթարկվի. վարչապետ

Անցկացվել են հրետանավորների գործնական պարապմունքներ․ ՊՆ

Մահակով եւ հակագազով ցուցմունք կորզելու գործով տուժողն առերեսվել է երկու մեղադրյալների հետ

Արցախում մարտին թանկացել են բժշկական դիմակը, ալյուրը, հավի ձուն, սոխը, կիտրոնն ու այլ ապրանքներ

ՊԵԿ-ը շարունակում է խրախուսել հարկերը պարտաճանաչ վճարող տնտեսվարողներին․ 4 տնտեսվարողի հավաստագիր է ուղարկվել փոստով

Ապրիլյան ագրեսիան ամրապնդել է Արցախի ժողովրդի և իշխանությունների՝ պետականության զարգացումը շարունակելու վճռականությունը

Գյումրիի խանութնրից մեկում հայտնաբերվել եւ ոչնչացվել են ժամկետանց վաֆլիներ․ ՍԱՏՄ

Օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ

Ոստիկանության Դիլիջանի ու Վարդենիսի բաժիններում քաղաքացիներն ապօրինի հրազեններ են հանձնել

Խոնարհվեցի հայրենիքի պաշտպանության ժամանակ ընկած հերոսների շիրիմների առջեւ․ Արարատ Միրզոյան