Ապրիլյան պատերազմի ժամանակ բանակն իր առջեւ դրված խնդիրը կատարել է․ ճակատագրական սխալներ չեն եղել․ Սեյրան Օհանյան

Պաշտպանության նախկին նախարար Սեյրան Օհանյանը վերահաստատում է պնդումը, որ 2016 թվականի ապրիլյան ռազմական գործողությունների ժամանակ բանակն իր առջեւ դրված խնդիրը կատարել է։ Քննիչ հանձնաժողովի՝ շուրջ 4 ժամ տեւած նիստից հետո լրագրողների հետ զրույցում այս մասին ասաց ինքը Օհանյանը։

Նախկին նախարարը նկատեց՝ հիմա այլեւս պաշտոնի չէ, պահեստազորում է, բայց այսքան լարված, սակայն համատեղ քննարկմամբ հաճելի աշխատանքի տպավորություն վաղուց չէր ստացել։

Օհանյանը որոշ մանրամասներ ներկայացրեց պատերազմից հետո ՊՆ-ի կազմած զեկույցից, որը քննիչ հանձնաժողովն արդեն հասցրել է ուսումնասիրել։ Նա հանձնաժողովի տեղեկությունները լրացրել է տարբեր օղակներում, այդ թվում՝ ե՛ւ ռազմաքաղաքական, ե՛ւ օպերատիվ մարտավարական, ե՛ւ մարտավարական։

Օհանյանը պնդում է, որ նախկինում արած իր եզրահանգումներն ու տպավորությունները չեն փոխվել․ բանակը ոչ միայն իր առջեւ դրված խնդիրն է կատարել, այլ ավելին՝ բանակի հրամանատարական կազմի, զինծառայողների, նրանց ենթակաների հերոսությունների շնորհիվ կարողացել ենք հասնել մարտական գործողությունները կանգնեցնելուն։

ՊՆ-ի նշյալ զեկույցում, ինչպես հայտնեց նախկին նախարարը, եզրահանգումներ են արվել մի քանի հարթություններում։ Այն ժամանակ ռազմաքաղաքական հարթությունում եզրակացության են եկել, որ ՀՀ եւ ԱՀ ԶՈՒ ղեկավարությունն ու նրա բոլոր օղակներն ի վիճակի են խաղաղ պայմաններից պատերազմական ժամանակահատվածի անցնելու, որովհետեւ դա տարիների ընթացքում փորձարկել են տարբեր զորավարժություններով․

Իսկ ահա օպերատիվ-մարտավարական եւ մարտավարական օղակի մասով զեկույցում նշված է, որ հրամանատարական կազմը, իրենց ենթակաները, նրանց բարոյահոգեբանական մակարդակը, ԶՈՒ-երի պատրաստության համար ուսումնանյութական բազան ապահովում է գործողություններ վարել ոչ միայն մարտավարական, այլ նաեւ այլ օղակներում․

«Եվ դա երեւացել է զորամասերի եւ ստորաբաժանումների հրամանատարական կազմի եւ զինվորների գործողություններում՝ նրանց քաջագործություններով եւ հերոսություններով»,- ասաց Սեյրան Օհանյանը՝ հավելելով, որ պետք է հասկանալ՝ դա մեկ օրում չի լինում․

«Եթե 2016-ին անձնուրաց կռվել է Արցախի ՊԲ-ն, ապա դա տասնյակ տարիների ընթացքում պատրաստության, ուսուցման եւ դաստիարակության, ավանդույթների հիման վրա է ձեւավորված։ Եզրակացությունը սա է»։

Նախկին նախարարն ասաց, որ այսօր քննարկել են նաեւ բացթողումներն ու թերությունները։ Հարցին՝ շա՞տ են եղել թերությունները՝ Օհանյանն այսպես պատասխանեց․

«Ասացեք, տեսնեմ, մի աշխատող մարդու, որը սխալներ թույլ չի տալիս։ ՊՆ-ում իմ երկարատեւ աշխատանքի ընթացքում ես ասել եմ՝ սխալ ունենալը եւ դրանք վերացնելը մեծ թերություն չէ, սխալ ունենալը, բայց չվերացնելն արդեն նման է մարտի դաշտում զորքը անտեր թողնելուն»։

Նախկին նախարարն ընդգծեց՝ ճակատագրական սխալներ չեն եղել։

Հարցին՝ կա՞ն բացթողումներ, որոնք պատասխանատվություն են ենթադրում՝ Օհանյանը պատասխանեց, որ ժամանակին բացթողումների համար ԱՀ ղեկավարությունը եւ ԱՀ պաշտպանական ղեկավարությունը որոշումներ ընդունել են եւ համապատասխան կարգապահական գործառույթներ են իրականացրել, տույժեր ու պաշտոնանկություններ։

Անդրադառնալով տարիներ շարունակ չվերացող այն խոսակցություններին, որ Ապրիլյան պատերազմի ժամանակ վառելիքի պակաս է եղել, հրամանատարների բացակայություն, պայմանավորվածություն՝ տարածքներ զիջելու մասին՝ Օհանյանն ասաց, որ ԶՈՒ հրամանատարական կազմը, ղեկավարման համակարգն իմացել է իր պարտականությունները, դրանք իրենց գործառույթների շրջանակում՝ իրականացրել։

Նա հայտարարեց, որ ԶՈՒ-երը նյութատեխնիկական ապահովման շրջանակներում, վառելիքաքսուքային նյութերի առումով որեւէ խնդիր չեն ունեցել․

«Ես եւս մեկ անգամ ուզում եմ հավաստիացնել, որ եթե ավելի ցածր մարտավարական օղակներում որոշակի բացթողումներ եղել են, դա գալիս է պատերազմական գործողությունների դժվարություններից, առանձնահատկություններից եւ դաժանություններից։ Մենք գնահատական կարող ենք տալ այն ավագ լեյտենանտի, կապիտանի, սերժանտի եւ զինվորի տեսանկյունից, որն առաջին գծում մարտական գործողություններ է վարել՝ գտնվելով հակառակորդի եւ հոգեբանական ու կրակային ճնշման տակ, բայց իր առջեւ դրված խնդիրը պատվով կատարել է»։

Թե ինչ խնդիրներ են եղել այդ դեպքում, Օհանյանն ասաց՝ սահմանափակվենք նրանով, որ ինքն այսօր ներկայացել է նիստին, եւ իր տեղեկությունները տվել է հանձնաժողովին․

«Թույլ տանք՝ հանձնաժողովն աշխատի»։

Զուգահեռ քննարկման արդյունքում նախկին պաշտոնյան եկել է այն եզրակացության, որ հանձնաժողովը պետք է իր աշխատանքը շարունակի, չնայած նախկինում նա կարծիք էր հայտնել, որ հանձնաժողովն առանձնապես անելիք չունի․

«Ես, իհարկե, այս հանձնաժողովը չէի կազմի, կամ հանձնաժողովին պաշպանության մասին առանձին հանձնարարություն կլիներ, որ առանձին աշխատեն ՊՆ ղեկավարության հետ, բայց քանի որ ստեղծվել է ԱԺ-ում, պետք է իր աշխատանքն ավարտի, ես էլ իմ կողմից աջակցելու եմ»։

Ինչ վերաբերում է վարչապետի հայտարարությանը, որ Ապրիլյան պատերազմը եղել է ՌԴ գիտությամբ, եւ, ի վերջո, դավադրություն եղե՞լ է, թե՞ ոչ, Օհանյանն ասաց, որ ինքը կարող է փարատել բոլոր մտահոգությունները․ «Եթե խոսում եք ինչ-որ դավադրության տեսաբանությունից, չի կարող լինել այլ դավադրություն, քան թուրք-ադրբեջանական դավադրությունն է։ Վերջակետ դրեք սրան։ Մութ, չբացահայտված դրվագներ չկան»։

Թե ինչ հարաբերություններ ունի Օհանյանը ՀՀ գործող իշխանության հետ, նախկին նախարարը հարց հնչեցրեց․ «Ներկա իշխանություններն ազգությամբ ո՞վ են՝ հայ։ Բա ինչպե՞ս կարող է հայը հայի հետ նորմալ հարաբերություն չունենա»,- ասաց նա՝ նշելով, որ այս իշխանությունների հետ համագործակցություն ունեն միայն այս քննիչ հանձնաժողովի շրջանակներում։

Սեյրան Օհանյանը նաեւ հայտնեց, որ իր հետ երբեւէ տարածքներ հանձնելու որեւէ փաստաթուղթ չի քննարկվել։

Տպել
1594 դիտում

Դպրոցներից և մանկապարտեզներից բողոքների դեպքում կիրականացվի վարչարարություն. ԱԱՏՄ

Գյումրիում ավտոմեքենա է այրվել

Գագիկ Ջհանգիրյանը և Դավիթ Խաչատուրյանը երդվեցին

Արցախի ԱԳՆ-ն միանում է Եվրախորհրդարանի կողմից Թուրքիայի ապակայունացնող դերի դատապարտմանը

63 տարեկանից բարձր անձանց համար կանցկացվեն «Տարեցների հանրապետական խաղեր» մրցույթը․ ԿԳՄՍՆ

Գագիկ Ջհանգիրյանը և Դավիթ Խաչատուրյանը ընտրվեցին ԲԴԽ անդամներ

Օքսֆորդի համալսարանում դասական հայագիտական հետազոտությունների համար նոր կրթաթոշակներ են սահմանվել

Կոռուպցիայի կանխարգելման հանձնաժողովի եզրակացության մեջբերումը իրականությանը չի համապատասխանում․ Գրիգորյան

ՀՀ տարածքում կան փակ ավտոճանապարհներ․ որոշ մարզերի ավտոճանապարհներին տեղ-տեղ մերկասառուց է

Փրկարարները «Երևանյան» լճի հարակից տարածքից քաղաքացու դին են դուրս բերել

ՀՀ սահմանների մոտ իրականացվող թուրք-ադրբեջանական զորավարժությունները խաղաղ մտադրությունների մասին չեն վկայում. Նաղդալյան

Հինգերորդ զորամիավորումում անցկացվել է եռօրյա հավաք-պարապմունք

Խորհրդարանում մեկնարկել է ԲԴԽ անդամների թեկնածուների ընտրության քվեարկությունը

Հայտնի են շաքարավազի գների բարձրացման պատճառները․ ՏՄՊՊՀ

«Երեւանից արտիստները գալիս, Վանաձորի ու Գյումրու օր են նշում». Լոռու մարզպետը հանդիպել է մշակույթի գործիչների հետ

Հաղարծին բնակավայրում մեքենան դուրս է եկել ճանապարհի երթևեկելի հատվածից և գլխիվայր ընկել Աղստև գետը․ վարորդը մահացել է

Ոչինչ ինձ չի կաշկանդում. ԲԴԽ անդամի թեկնածու

էկոնոմիկայի նախարարն Իրանում է․ կքննարկվեն երկկողմ առևտրատնտեսական համագործակցության զարգացման հեռանկարները

Հայաստանը կարևորում է Բելառուսի հետ քաղաքական, տնտեսական համագործակցության զարգացումը․ վարչապետն ընդունել է դեսպանին

Արտերկրում հայագիտության ցանցի ընդլայնման ուղղությամբ 2021 թվականին կհատկացվի 120 մլն դրամ

ԲԴԽ-ն կարող է վերականգնել և պետք է վերականգնի քաղաքացիների հավատը արդարադատության նկատմամբ․ Խաչատուրյան

Վորլդ Վիժն Հայաստանը բնաիրային աջակցություն կտրամադրի Արցախից տեղափոխված 10.020 շահառուի

Կոնգրեսականը փորձել է զենքով մուտք գործել Կապիտոլիումի շենք

ՀՀ պետական սահմանի հայ-ադրբեջանական շփման գծի ամբողջ երկայնքով շարունակել է պահպանվել կայուն օպերատիվ իրավիճակը

Սուրեն Պապիկյանը և Սերգեյ Կոպիրկինը ծանոթացել են ՀԱԷԿ կայանի արդիականացման աշխատանքներին

Անդրանիկ Փիլոյանն ընդունել է Բելառուսի նորանշանակ դեսպան Ալեքսանդր Կոնյուկին

Արդի տեխնոլոգիաների խմբում զինվորական ծառայության նշանակելու ընտրության նպատակով մրցույթ է հայտարարվել

Եթե ասել է, ենթադրում եմ՝ ինչ-որ հիմքեր ունեցել է. Խաչատուրյանը՝ «վնգստացող դատավորներ» արտահայտության մասին

Դա աննորմալ երեւույթ է. Ջհանգիրյանը՝ «Մարտի 1»-ի գործով նիստերի մասին

Լսելով Ձեր խոսքը՝ վախեցա, մտածեցի՝ մի՞թե ես այդպիսի բան եմ ասել. Ջհանգիրյանը՝ պատգամավորին

Ամբիոնից հայտարարեմ՝ նախագահ եմ, թուրն առնեմ գնամ այնտե՞ղ. Ջհանգիրյանը՝ դատավորներին ճնշելու, ԲԴԽ նախագահ դառնալու մասին

Արտակ Բեգլարյանը Կարմիր խաչի Արցախի գրասենյակի ղեկավարի հետ քննարկել է մարդասիրական մի շարք ծրագրեր

Ռուսաստանի քաղաքներում ձերբակալվել են Նավալնիի կողմնակիցները

ՔՏՀԱ տեսչական մարմինը Մարտունի համայնքում հայտնաբերված խախտման հիմքով դիմել է ՀՀ գլխավոր դատախազություն

Եթե մենք ուզում ենք խաշ ուտենք, կաթ տվող կովին չենք մորթում. Ջհանգիրյանը դեմ է գերագույն դատարանի ստեղծման գաղափարին

ԼՀԿ-ն լքեց ԱԺ նիստերի դահլիճը. ընդդիմությունը չի մասնակցի ԲԴԽ անդամների քվեարկությանը

Արցախում խոր ափսոսանքով ընդունեցինք Պարգև Արքեպիսկոպոս Մարտիրոսյանի ազատվելու լուրը. Ա. Հարությունյան

Ճապոնիան չի միանա միջուկային զենքի արգելքի մասին պայմանագրին

Ջաբրայիլում ականապայթյունային վիրավորումներ է ստացել Ադրբեջանի ականազերծման կենտրոնի աշխատակիցը

Եթե վարույթ հարուցվի, իմ տեսակետը կարտահայտեմ. Ջհանգիրյանը՝ զինված հեղաշրջման կոչեր հնչեցրած անձանց չկալանավորելու մասին