Պաշտպանները միջնորդել են արգելանքից հանել Մանվել Գրիգորյանի երեխաներին պատկանող շարժական եւ անշարժ գույքը

Երեւանի ընդհանուր իրավասության դատարանի Կենտրոն եւ Նորք Մարաշ նստավայրում այսօր շարունակվում է ԱԺ նախկին պատգամավոր, ԵԿՄ նախկին նախագահ Մանվել Գրիգորյանի գործով դատական նիստը:

Նիստից առաջ նախագահող դատավոր Մնացական Մարտիրոսյանը հայտնեց, որ Գրիգորյանը չի մասնակցի այսօրվա նիստին՝ առողջական վիճակով պայմանավորված: Հիշեցնենք, որ Գրիգորյանն արդեն մի քանի օր է՝ գտնվում է «Նաիրի» ԲԿ-ի վերակենդանացման բաժանմունքում:

Այս պարագայում դատական նիստը ենթակա է հետաձգման, բայց մինչ դա դատավորը հայտնեց, որ ստացվել է Մանվել Գրիգորյանի երեխաների՝ Արա եւ Արփենիկ Գրիգորյանների փաստաբանի միջնորդությունը, որով նա խնդրում է վերացնել նշված անձանց պատկանող շարժական եւ անշարժ գույքի վրա դրված արգելանքը:

Դատավորը հայտնեց, որ նույն միջնորդությամբ պաշտպանները դիմել են նաեւ Հատուկ քննչական ծառայությանը, որը, ի պատասխան դրան, հայտնել է, որ նշված անձանց շարժական եւ անշարժ գույքի վրա արգելանք է դրվել ՀՀ քրեական դատավարության 232-րդ հոդվածով սահմանված կարգով (կալանք դրվում է կասկածյալի և մեղադրյալի, ինչպես նաև այն անձանց գույքի վրա, որոնց վրա, կասկածյալի և մեղադրյալի գործողությունների համար, կարող է դրվել նյութական պատասխանատվություն՝ անկախ նրանից, թե ինչպիսի գույք է և ում մոտ է գտնվում): Հետեւաբար, ըստ ՀՔԾ-ի, բարձրացված հարցին կարելի է անդրադառնալ քրեական գործով մեղադրյալ անձանց մասով քաղաքացիական հայցը, գույքի հնարավոր բռնագրավումը, բռնագանձումը եւ դատական ծախսերի հնարավոր հարցերը լուծելուց հետո:

Դատավորի խոսքով՝ քննիչի այս պատասխանը պաշտպանները բողոքարկել են Գլխավոր դատախազությանը, որտեղից պատասխանել են՝ հայտնելով, որ դատախազը ՀՀ քրեական դատավարության օրենսգրքի 2-րդ մասի 9-րդ կետով լիազորված է լուծել հետաքննության մարմնի, քննիչի որոշումների և գործողությունների դեմ բերված բողոքները, բացառությամբ այն բողոքների, որոնց լուծումն օրենքով վերապահված է դատարանին. «Մինչդեռ ՀՔԾ պետին առընթեր ՀԿԳ ավագ քննիչի կողմից Ձեր դիմումին պատասխանելը գնահատել եք անգործություն, խնդրել եք վերացնել այն, որպիսի ընթացակարգ Քրեական դատավարության օրենսգիրքը չի նախատեսում»,- հայտնել են Գլխավոր դատախազությունից՝ միաժամանակ պարզաբանելով, որ վարույթն իրականացնող մարմնի՝ 2018 հունիսի 18-ի որոշմամբ նշված անձանց պատկանող գույքի վրա կալանք է դրվել՝ հաշվի առնելով Քրեական դատավարության օրենսգրքի 232-րդ հոդվածով նախատեսված դրույթները. «Որոշումների կայացումը պայմանավորված է Մանվել Գրիգորյանին մեղսագրվող հափշտակությունների կատարման հետ, հնարավոր է՝ նրանց պատկանող գույքը ձեռք է բերվել հանցավոր ճանապարհով»: Դատախազությունից հայտնել են նաեւ, որ տվյալ դեպքում վարույթն իրականացող մարմինը դատարանն է:

Անդրադառնալով վերոնշյալին՝ Մանվել Գրիգորյանի պաշտպաններից Գուրգեն Գրիգորյանն ընդգծեց, որ նշված գույքը պատկանում է ոչ թե ամբաստանյալ Մանվել Գրիգորյանին կամ Նազիկ Ամիրյանին, այլ 3-րդ անձանց, ինչը նրանց իրավունքների խախտում է. «Նշված անձինք ցանկանում են իրենց հայեցողությամբ տիրապետել, օրինակ՝ մեքենային, բայց չեն կարողանում»,- ասաց պաշտպանը՝ պնդելով, որ այդ գույքը չի առնչվում քրեական գործին:

Մեղադրող դատախազ Հայկ Պետրոսյանն էլ արձագանքեց՝ ասելով, որ երբ օրենքը պահանջում է պետական գրանցում, պետք է այդ պահանջները ապահովել, որպեսզի նման իրավիճակ չստեղծվի. «Մենք ինչքանո՞վ վստահ լինենք, որ այդ գույքը պատկանում է անձի, որը դա չի ստացել հանցավոր եղանակով»:

Դատախազն ընդգծեց՝ Քրեական դատավարության օրենսգիրքը պահանջում է արգելանք դնել նաեւ այն գույքի վրա, որը կարող է այլ անձի մոտ գտնվել, սակայն այդ անձը հնարավոր է՝ բռնագանձում եւ նյութական պատասխանատվություն կրի մեղադրյալի գործողությունների հետեւանքով. «Եթե ժամանակին օրենքի պահանջները տվյալ անձինք չեն պահպանել, պետք չէ նրանց անգործությունն այսօր փաթաթել մեղադրանքի կողմի վրա»,- ասաց Հայկ Պետրոսյանը:

Լսելով կողմերին՝ նախագահող դատավոր Մնացական Մարտիրոսյանը հայտնեց, որ գույքի, այդ թվում՝ նշված գույքերի արգելանքի վերաբերյալ կարող է որոշում կայացվել, երբ հրապարակվեն եւ հետազոտվեն բոլոր փաստաթղթերը եւ հստակեցվեն, որ այդ գույքերը չեն կարող ուղղվել որպես գույքի բռնագանձում, եւ որ դրանք հանցավոր ճանապարհով ձեռք բերված չեն. «Ինչ վերաբերում է այն հանգամանքին, որ գույքերը կարող են անհիմն կերպով արգելադրված լինել, ապա դա եւս վարույթի այս փուլում, առանց ապացույցների հետազոտման, քննարկվել չի կարող»,- նշեց դատավորը:

Տպել
732 դիտում

Նրանք լույսը խավարից զատում են զենքով, կամքով, կյանքով. նոր լուսանկարներ առաջնագծից

Հունաստանի հայ համայնքը Ազգային ժողովին, ԵՄ-ին, Եվրոպայի խորհրդարանին և Աթենքում ՄԱԿ-ի գրասենյակին բանաձեւ է ներկայացրել

Ելիսեյան պալատում տեղի է ունեցել Արմեն Սարգսյանի և Էմանուել Մակրոնի հանդիպումը. քննարկել են ղարաբաղյան հակամարտությունը

Human Rights Watch-ը կրկին հաստատում է՝ Արցախի ուղղությամբ կիրառվում են արգելված կասետային զինատեսակներ

Թշնամու զինտեխնիկայի ոչնչացումը (տեսանյութ)

Ժպիտներ Շուշիից. օրվա կադրը

Սենատոր Մենենդեսն Ադրբեջանին և Թուրքիային սպառազինության վաճառքը դադարեցնելու բանաձևեր է ներկայացրել

Կորոնավիրուսի նոր հակառեկորդ. 2474 դեպք 1 օրում. գրանցվել է 14 նոր մահ

Ադրբեջանցիները գրում են գնդապետ Շյուքյուր Համիդովի սպանվելու մասին. Razminfo

Զոհվել է ՀԱԿ անդամ, ԱԺ նախկին պատգամավոր Դավիթ Մաթեւոսյանը

Ադրբեջանի ագրեսիայի շարունակման դեպքում ԱՄՆ-ը պետք է ճանաչի Արցախի անկախությունը. Շերման

Մարտակերտի, Մարտունու շրջանի գյուղերի ուղղությամբ գիշերվանից կիրառվում են գրադ կայանք ու սմերչ

Ներկայումս տեղային նշանակության մարտեր են ընթանում ճակատային գծի բոլոր ուղղություններում. ՊԲ

Հայտնի է՝ որ ժամերին են սպասվում ԱՄՆ պետքարտուղարի հանդիպումները ՀՀ եւ Ադրբեջանի ԱԳ նախարարների հետ

Սոթք-Քարվաճառ ավտոճանապարհը, անվտանգության նկատառումներից ելնելով, դեռ փակ է

Մեկնարկել է ՀՀ ԱԳ նախարարի այցը ԱՄՆ. նա հանդիպել է ԱՄՆ պետքարտուղարի Եվրոպական և Եվրասիական հարցերով տեղակալի հետ

Կրակի տակ են հայտնվել Ասկերան եւ Մարտունի քաղաքները. նյութական վնասը մեծ է. Վահրամ Պողոսայն

Ադրբեջանի հարձակման, ռուսական ջանքերի, թուրքական միջամտության եւ խաղաղ կարգավորման մասին. Պուտինի անդրադարձը՝ ամբողջական

Կամավորագրումն իր մեջ սիմվոլիկա է պարունակում. Էջմիածնի քաղաքապետը որոշել է ղեկավարել կամավորների ջոկատը

Մեծ Մասրիկի հրետակոծության հետեւանքով վիրավորված բնակիչը հիվանդանացում մահացել է․ մարզպետ