Դատախազը միջնորդեց վերանայել Մանվել Գրիգորյանի խափանման միջոցը. դատարանը հեռացավ խորհրդակցական սենյակ

«Մանվել Գրիգորյանի առողջական վիճակի հետ կապված ի հայտ է եկել բարդացում, ինչը կարող է հանգեցնել անկանխատեսելի հետեւանքների»:

Այս մասին քիչ առաջ Երեւանի ընդհանուր իրավասության դատարանի Կենտրոն եւ Նորք Մարաշ նստավայրում հրավիրված արտահերթ նիստի ժամանակ հայտարարեց Փորձագիտական հանձնաժողովի նախագահ Գագիկ Հարությունյանը:

«Փորձաքննությունը եղել է ժամանակատար, եւ մենք պարբերաբար հետեւել ենք առողջական փաստաթղթերի տվյալներին, որոնք արձանագրվել են «Նաիրի» բժշկական կենտրոնում: Հետազոտություն է իրականացվել նաեւ «Արմենիա» բ/կ-ում, եւ հիմնական ախտորոշումները համընկել են»:

Գագիկ Հարությունյանը նշեց, որ խոսքը սրտի ռիթմի խանգարման մասին է. «Դա անակնկալ, հանկարծակի եկած ախտաբանություն է, եւ սրտի կծկումների հաճախականության հետ կապված կարող է բերել անկանխատեսելի բարդության»:

Մեղադրող դատախազ Վահե Դոլմազյանը փորձագետից հետաքրքրվեց արդյոք Մանվել Գրիգորյանի մոտ առկա հիվանդություններն ու բարդացումը համընկնո՞ւմ են կալանքի հետ անհամատեղելի հիվանդություններին, որոնք սահմանված են Կառավարության համապատասխան որոշմամբ:

Դատախազի հարցին ի պատասխան՝ Գագիկ Հարությունյանը տեղեկացրեց, որ հիվանդությունները երկու կետով մասամբ համընկնում են: Խոսքը վերաբերում է սրտի ռիթմի եւ հաղորդականության կայուն խանգարմանը, ինչպես նաեւ՝ դիաբետի ախտորոշմանն ու արյան շրջանառության անբավարարությանը:

Դատախազի մյուս հարցին՝ արդյոք նման պայմաններում անձը կարո՞ղ է պահվել քրեակատարողական հիմնարկում՝ Գագիկ Հարությունյանը բացասական պատասխան տվեց. «Հարցը փորձաքննության խնդիր է, բայց իմ անձնական փորձից ելնելով՝ կարող եմ ասել, որ նման վիճակում անձի գտնվելը քրեակատարողական հիմնարկում հնարավոր չէ, որովհետեւ նման պայմաններ ՔԿՀ-ն չունի, Մանվել Գրիգորյանն այժմ կարիք ունի գտնվելու վերակենդանացման բաժանմունքում, որը կարող է տալ հավանականություն դրական ելքի, բայց կա նաեւ բացասական ելք»:

Դատախազը միջնորդեց վերանայել Մանվել Գրիգորյանի խափանման միջոցը՝ խնդրելով այն փոփոխելու պարագայում ընտրել այնպիսի խափանման միջոց, որը կապահովի Մանվել Գրիգորյանի պատշաճ վարքագիծը ՀՀ-ի սահմաններում:

Պաշտպանական կողմը միացավ միջնորդությանը՝ հիշեցնելով, որ ինքը բազմիցս բարձրաձայնել է Գրիգորյանի առողջության վատթարացման մասին:

Նախագահող դատավորը հեռացավ խորհրդակցական սենյակ՝ որոշում կայացնելու: Այն կհրապարակվի այսօր՝ ժամը 20:30-ին:

 

Տպել
1968 դիտում

Ալափարսում հայտնաբերվել է առանց համապատասխան փաստաթղթերի կրային թերթաքարով բեռնված «Զիլ» մակնիշի մեքենա

Ձեզ լուրջ պահեք, մեզ հետեւում են. ֆեյսբուքն օգտատերերի մասին տեղեկություններ կտրամադրի COVID-19-ի դեմ պայքարի համար

Ելակը մտավ զորամաս. վարչապետ (տեսանյութ)

Մուլտի գրուպի տնօրեն Սեդրակ Առուստամյանի գործով նախաքննությունն ավարտվել է

Պարենային եւ պաշտպանական միջոցներ կտրամադրվեն Արագածոտնի միայնակ տարեցներին, հաշմանդամություն ունեցող եւ խոցելի անձանց

Այս պահին Արցախի բուժհաստատություններում մեկուսացված քաղաքացիներ չկան. Արցախ/Տեղեկատվական շտաբ

Անցկացվել է զորավարժություն՝ մարտական հրաձգությամբ

«Նախագահի պաշտոնը զբաղեցրած մարդը ո՞նց չի ընկալում՝ ինչ ենք ասում». Քոչարյանը պնդում է՝ Սարգսյանի պայմանը կբավարարվի

Սպիտակի քաղաքային զբոսայգուց 28-ամյա երիտասարդ է բերման ենթարկվել

Բակո Սահակյանն անցկացրել է խորհրդակցություն. քննարկվել են կորոնավիրուսի տարածման դեմ պայքարի միջոցառումները

Պետության աջակցությունից օգտվող շահառուների շրջանակն ընդլայնելու նպատակով քննարկվել են նոր առաջարկություններ

Ժամեր անց Երեւանում վայրէջք կկատարի Չինաստանից բժշկական պարագաների եւ սարքավորումների խմբաքանակ տեղափոխող ինքնաթիռը

Մոսկվայում անօթևան մնացած ՀՀ քաղաքացիները գտնվում են Պոդոլսկում՝ ժամանակավոր կացարանում

Քրեական գործ է հարուցվել Սիսիանի ոստիկանների նկատմամբ բռնություն գործադրելու և խուլիգանություն կատարելու դեպքի առթիվ

Քիմ Քարդաշյանի քույրն աշխարհի ամեաերիտասարդ միլիարդատերն է

ԳՇ պետը եւ ՊՆ փոխնախարարը միջգերատեսչական աշխատանքային խմբի հետ քննարկում են անցկացրել

Օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ

Ապրիլյանի հանձնաժողովի գրությունը հասկանալի չէ. Սերժ Սարգսյանը պատասխանել է Անդրանիկ Քոչարյանին

Շիրակի թեմի Սոցիալ-կրթական կենտրոնն Ավստրիական մանկական հիվանդանոցին անհրաժեշտ պարագաներ է նվիրել

Միրիկցի կնոջն Արարատի մարզից բերել էին տվել ընտրություններին մասնակցելու համար. Հայկ Խանումյան