Կոռուպցիայի կանխարգելման հանձնաժողովն ուսումնասիրում է պաշտոնյաների հայտարարագրերը․ որոշակի խախտումներ են հայտնաբերվել

Նորաստեղծ Կոռուպցիայի կանխարգելման հանձնաժողովն արդեն սկսել է պաշտոնյաների հայտարարագրած եկամուտների ուսումնասիրությունը։ «Հայկական ժամանակ»-ի հետ զրույցում ասաց Հանձնաժողովի նախագահ Հայկուհի Հարությունյանը։

Ուսումնասիրության ընթացքում հանձնաժողովականները նույնիսկ հասցրել են որոշ խախտումներ արձանագրել պաշտոնյաների եկամուտների մասին տվյալներում, սակայն դրանց վերաբերյալ առավել մանրամասն հանձնաժողովը կխոսի ավելի ուշ։

Հանձնաժողովը, որն, ըստ էության, փոխարինում է Բարձրաստիճան պաշտոնատար անձանց էթիկայի հանձնաժողովին, իր աշխատանքները սկսել է նախորդ տարվա նոյեմբերից։ Կառույցը մինչեւ դեկտեմբերի 19-ը գումարել է 4 նիստ եւ կայացրել է 7 որոշում: Հարուցվել է նաեւ երկու վարույթ, որոնցից մեկը վերաբերում է Հաշվեքննիչ պալատի անդամ Կարեն Կարապետյանի կողմից էթիկայի կանոնների խախտման դեպքին, իսկ մյուսը՝ Երեւանի քաղաքապետ Հայկ Մարությանին՝ նրա կողմից անհամատեղելիության պահանջների առերեւույթ խախտման հիմքով։ Ընդ որում՝ նշյալ վարույթը հարուցվել է հենց Հանձնաժողովի նախաձեռնությամբ:

Կառույցն այս ընթացքում որոշում է կայացրել մի շարք դիմումներ վերադարձնելու մասին, նաեւ որոշել է առանց քննության թողնել «Քաղաքացիական գիտակցություն» ազատական հասարակական կազմակերպության նախագահ Նարեկ Սամսոնյանի ներկայացրած՝ ՀՀ վարչապետ Նիկոլ Փաշինյանի կողմից վարքագծի սկզբունքները (բարեկրթություն եւ հարգալիություն) խախտելու վերաբերյալ դիմումը։

Հանձնաժողովի անդամների ընտրության օրվանից մինչ օրս ամենատարբեր շրջանակներից կարծիքներ են հնչել, որ կառույցը չի կարող անկախ գործել, քանի որ հանձնաժողովականներին ընտրում են պատգամավորները։ Քննադատները հարց են հնչեցնում՝ այդ դեպքում ինչպե՞ս կարող են նրանք անաչառ ուսումնասիրել պաշտոնյաների եկամուտները, վարույթներ հարուցել։

Կոռուպցիայի կանխարգելման հանձնաժողովի նախագահ Հայկուհի Հարությունյանը, սակայն, եւս մեկ անգամ վստահեցնում է՝ Հանձնաժողովը որեւէ տեսակի կաշկանդվածություն չունի իր գործառույթները պատշաճ իրականացնելիս։

Նրա պնդմամբ՝ այս հարցի վերաբերյալ բոլոր շահարկումներն անհիմն են. «Խնդիրը, որպես այդպիսին, բարձրացվել է քաղաքական հնարավոր ազդեցության տեսանկյունից, դա վերաբերել է հանձնաժողովի ձեւավորման սկզբունքին, բայց ֆունկցիոնալ անկախության տեսանկյունից առայժմ որեւէ ողջամիտ փաստարկ ներկայացված չէ։ Մենք, որպես հանձաժողով, պատասխանատու ենք ֆունկցիոնալ անկախության համար, իսկ որպես անձեր եւ կոլեգիալ մարմին՝ կազմավորման հետ կապ չունենք»։

Անդրադառնալով պաշտոնյաների հայտարարագրերի վերանայմանը՝ Հարությունյանը մեր զրույցում ասաց, որ 2018-19 թվականներին պաշտոնի ստանձնման եւ դադարեցման ժամանակ ներկայացրած եկամուտներն ուսումնասիրելու գործընթացն իրենց ամենօրյա աշխատանքի մասն է։ Իսկ ինչ վերաբերում է 2019 թ. տարեկան հայտարարագրերին՝ Հանձնաժողովի նախագահն ասաց, որ զբաղված են նոր ձեւանմուշի եւ դրա հիման վրա համապատասխան էլեկտրոնային բազայի ստեղծման աշխատանքներով։ Սույն թվականի մարտի 31-ը տարեկան հայտարարագրերը ներկայացնելու վերջնաժամկետն է։ Հարությունյանն ասաց, որ ձեւանմուշն ու էլեկտրոնային հարթակը պատրաստ կլինեն արդեն այս ամսվա վերջին, եւ, ըստ այդմ, հայտարարատու պաշտոնյաները առնվազն երկու ամիս կունենան իրենց հայտարարագրերը ներկայացնելու համար։

Նշենք, որ գործընթացային առումով պաշտոնատար անձանց եկամուտների հայտարարագրերում հնարավոր խախտում հայտնաբերելու դեպքում հանձնաժողովը վարույթ է հարուցելու, որի շրջանակում համապատասխան գործողություններ են իրականացվելու, անձն էլ կարգապահական պատասխանատվության է ենթարկվելու եւ դրամական տուգանքի։

Իսկ ոչ ճշգրիտ տվյալներ հայտնաբերելու դեպքը միանշանակ չէ, քանի որ, ինչպես պարզաբանեց Հայկուհի Հարությունյանը, լինում են դեպքեր, երբ տեխնիկական խնդիր է լինում կադաստրային տվյալների հետ կապված։ Սակայն եթե եկամուտ կամ գույք թաքցնելը եղել է դիտավորությամբ, ապա այդ դեպքում խախտումը դառնալու է իրավապահ մարմինների գործունեության առարկան, եւ նյութերը հանցագործության հատկանիշների հիմքով ուղարկվելու են համապատասխան մարմիններին։

Իսկ ահա Հաշվեքննիչ պալատի անդամի եւ Երեւանի քաղաքապետի վերաբերյալ հարուցված վարույթները ուսումնասիրման փուլում են։ Դրա համար նախատեսված է 90-օրյա ժամկետ։ Հանձնաժողովականները դեռ պետք է համապատասխան պարզաբանումներ ստանան նշված անձանցից, ուսումնասիրեն դրանք, կատարեն հարցադրումներ, ապա գնահատական տան։ Հարցապնդումների համար էլ անհրաժեշտ տվյալները ստացել են, իսկ ՀՊ անդամ Կարեն Կարապետյանն արդեն իսկ սեփական նախաձեռնությամբ որոշակի պարզաբանում է ներկայացրել։ Վերջնական որոշման համար դեռ անելիքներ կան։

Տպել
2327 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում