Նախարարը պահանջել է Արխիվի տնօրենի հրաժարականը, դիմել գլխավոր դատախազին. քրգործ կհարուցվի՞

Լուսանկարում՝ ձախից Սուրեն Պապիկյան, աջից՝ Ամատունի Վիրաբյան

Այսօր ՀՀ տարածքային եւ կառավարման նախարար Սուրեն Պապիկյանը Ազգային արխիվի տնօրեն Ամատունի Վիրաբյանից հրաժարականի դիմում է պահանջել:

Ավելի վաղ, մայիսի 21-ին, 37 հոգի՝ Ազգային արխիվի աշխատանքից դժգոհ մի շարք քաղաքացիներ, այդ թվում եւ քաղաքագետ-միջազգայնագետ «Մոդուս Վիվենդի» կենտրոնի հիմնադիր ղեկավար Արա Պապյանը, ԱՄՆ Դենվեր քաղաքի Կոլորադոյի համալսարանի միջազգային հարաբերությունների դասախոս Սիմոն Մաղաքյանն ու մի շարք լրագրողներ, գրող հրապարակախոսներ, մանկավարժներ ու հոգեբաններ բաց նամակ էին ուղարկել ՀՀ տարածքային եւ կառավարման նախարար Սուրեն Պապիկյանին՝ պահանջելով Վիրաբյանի հրաժարականը:

Բաց նամակի մասնակիցներն արձանագրել էին, որ Հայաստանի ազգային արխիվը կարիք ունի իր բոլոր գործառույթներով օրինական դաշտ բերվելու` առանց կոռուպցիոն դրսևորումների, այլևայլ կամայականությունների եւ «ընտանեկան կապալի» ու իսկապես ՀՀ արխիվային օրենսդրության շրջանակում ծառայելու իր բուն կոչմանը՝ այն է պետության եւ քաղաքացիների կարիքներին:

Դրան հաջորդել էին ՀՀ տարածքային եւ կառավարման նախարարության կողմից իրականացվող ստուգումները, ինչի արդյունքում էլ նախարար Սուրեն Պապիկյանն Ամատունի Վիրաբյանից այսօր պահանջել է հրաժարարկանի դիմում գրել: 

Տեղեկությունը մեզ հետ զրույցում հաստատեց Ազգային արխիվի տնօրենը: «Մինչև երեկո նախարարն ինձ ժամանակ է տվել, մտածում եմ, խորհրդակցեմ ընկերներիս հետ, ըստ այդմ էլ որոշում կընդունեմ: 37 հոգով բաց նամակ էին գրել նախարարին, որ ես ոմանց զրկում եմ արխիվից օգտվելու իրավունքից եւ որ ազգային արխիվի դռները բաց չեն բոլորի առաջ: Բաց նամակի վերաբերյալ նախարարը վարույթ հարուցեց: Բացատրություն պահանջեցին, ընդլայնեցին հետազոտությունը եւ հարցեր առաջ բերեցին, որոնք կապ չունեին բաց նամակում նշվածի հետ»,- ասաց Վիրաբյանը:

Վերջինս ասաց, որ հիմնական մեղադրանքները վերաբերում են իր կողմից տրվող տեղեկանքների անճշտությանը, եւ այն հարցին, թե ինչու մինչև հիմա նախարարություն չի ներկայացրել արխիվի գործունեության հնգամյա ծրագիր: «Ինքս եմ իրենց տրամադրել տեղեկագրեր, որտեղ նշված է, որ տվյալ քաղաքացին աշխատել է, սակայն նրա աշխատավարձը չի պահպանվել, ուստի մենք վերցնելով տվյալ ժամանակաշրջանի, տվյալ բնագավառի միջին աշխատավարձի թիվը այդ մարդկանց տրամադրել ենք տեղեկագրեր:

Տարիքով կանայք էին, ուսուցիչներ եւ այլն, եկել լաց են եղել, թե բա երկրից գնում ենք, մի թղթի կտոր գրեք, տվեք, որ այնտեղ գնալուց թոշակից չզրկվենք, ես էլ տվել եմ»,- ասաց Ամատունի Վիրաբյանը: Վերջինս վստահեցնում է, որ դա իր կողմից մարդասիրական քայլ է. «Սա համարել են օրենքի խախտում եւ վարչական վարույթ են հարուցել»: Վիրաբյանին ուղղված բողոքներ են հնչեցրել նաեւ արխիվից, որ միշտ նույն մարդկանց է գործուղման ուղարկում: «Ամեն մարդ չի կարող գնալ, գիտական կոնֆերանսում ելույթ ունենալ կամ օտար լեզվով խոսել»,- արձագանքեց Վիրաբյանը:

Շրջանառվող լուրերին, թե Արա Պապյանն է ցանկանում զբաղեցնել Ազգային արխիվի տնօրենի պաշտոնը՝ Վիրաբյանն ասաց, որ տեղյակ չէ: «Ես տեղյակ չեմ, թե ով է ուզում դառնալ տնօրեն, բայց, որ Արա Պապյանն ակտիվորեն մասնակցում է բողոքի այս գործընթացներին՝ դրանից տեղյակ եմ: Նա ամեն շաբաթ իր էջն է թարմացնում եւ դնում մի տարի առաջ իմ կողմից հնչեցրած այն խոսքերը, որ Ելքի տղաները դեռ պետք է շատ աղ ու հաց ուտեն, որ պատկերացնեն, թե ով է նախկին պետական գործիչ Սարգիս Կասյանը: Պապյանը շահագրգռված է, որ ինձ հանեն»,- ասաց Վիրաբյանը:

Արա Պապյանը չժխտեց, որ հրապարակավ քննադատել է Վիրաբյանին: Ավելին՝ վերջինս ասաց, որ իր համար անընդունելի է այն փաստը, որ Վիրաբյանը քննադատել է Ելք դաշինքին ու ասել, որ շատ հաց ու պանիր պետք է ուտեն, որ հասնեն Կասյանին. «Կասյանն այն սրիկան է, որը կործանել է հայոց պետականությունը, համեմատելու բաներ չեն»:

Ինչ վերաբերում է ազգային արխիվի տնօրենի պաշտոնում ընտրվելու հավակնություններին՝ Պապյանն ասաց, որ ցանկություն չունի եւ երբևէ չի էլ ուզենա: «Ես դիվանագետ եմ, ակադեմիական գիտությամբ չեմ զբաղվում»,- ասաց նա: Վերջինս ենթադրեց, որ, թերևս նման մտքեր են առաջ եկել նրանից հետո, երբ ինքը ստորագրել է տարածքային կառավարման նախարար Սուրեն Պապիկյանին ուղղված բաց նամակում, որտեղ էլ նշված էր Վիրաբյանի չարաշահումների եւ թերի աշխատանքի մասին:

«Վիրաբյանի մասին բավական շատ բողոքներ են եղել, այդ թվում եւ ոչ միայն գիտական բնույթի, որոնք համապատասխան մարմիններին են փոխանցվել»,- ասաց  Արա Պապյանը: Վստահեցրեց, որ Ամատունի Վիրաբյանի կողմից բազմիցս իրականացվել է փաստաթղթերի անհայտացում, դրանց կամայական տրամադրում կամ չտրամադրում, կեղծում, սեփական ազգականներին տարբեր պաշտոնների նշանակում եւ նրանց միջոցով ֆինանսական զեղծարարություններ:

«Գրավոր վկայություններ կան: Նամակը, որը մենք ստորագրել ենք, դրանում Վիրաբյանի կամայական մոտեցումն է նշված եղել փաստաթղթերի տրամադրման հետ կապված»,-ասաց Արա Պապյանը: Վերջինս վստահեցրեց, որ բացի գիտական չարաշահումներից բազմաթիվ կոռուպցիոն չարաշահումների հեղինակ է Վիրաբյանը:

Հ.Գ. Օրվա վերջում ՀՀ տարածքային կառավարման եւ զարգացման նախարարության լրատվական ծառայությունից փոխանցեցին, որ տնօրեն Ամատունի Վիրաբյանին պաշտոնից ազատելու, ինչպես նաև նրան հրաժարական ներկայացնելու պահանջի վերաբերյալ մամուլում տարածված տեղեկատվությունը չի համապատասխանում իրականությանը:

Ս․թ․ հունիսի 20-ին «Հայաստանի ազգային արխիվ» ՊՈԱԿ-ի տնօրեն Ամատունի Վիրաբյանը շարունակում է պաշտոնավարել եւ ազատման դիմում չի ներկայացրել։

Միաժամանակ հայտնում են, որ հունիսի 20-ին Տարածքային կառավարման եւ զարգացման նախարար Սուրեն Պապիկյանը հանդիպել է Ամատունի Վիրաբյանի հետ, մտահոգություններ հայտնել եւ բացատրություններ պահանջել վարչական վարույթի շրջանակներում իրականացված ուսումնասիրությունների արդյունքում հայտնաբերված մի շարք խախտումների, մասնավորապես՝ որոշ փաստաթղթերի կեղծման փաստերի կապակցությամբ։

Համաձայն Տարածքային կառավարման և զարգացման նախարարության՝ Ազգային արխիվի տնօրենը իրականացված խախտումների վերաբերյալ առարկություններ չի ներկայացրել, ավելին՝ գրավոր բացատրության մեջ ընդունել է, որ իր կողմից կատարվել են մի շարք փաստաթղթերի կեղծումներ, արգելվել է որոշ քաղաքացիների օգտվել արխիվային նյութերից, սահմանված ժամկետում չի ներկայացվել աշխատանքային պայմանագրով նախատեսված Ազգային արխիվի գործունեության հնգամյա ծրագիրը։

Սուրեն Պապիկյանի՝ 2018թ․ մայիսի 23-ի №142-Ա հրամանով հարուցված վարչական վարույթի շրջանակներում իրականացված ուսումնասիրությունների և ձեռք բերված նյութերի հիման վրա պարզվել է, որ Ազգային արխիվի տնօրենի գործողություններում առերևույթ առկա են ՀՀ քրեական օրենսգրքով սահմանված հանցագործության հատկանիշներ:

Ելնելով վերոգրյալից՝ Սուրեն Պապիկյանը դիմել է ՀՀ գլխավոր դատախազ Արթուր Դավթյանին՝ քրեական հանցագործության մասին հաղորդմանը սահմանված կարգով ընթացք տալու խնդրանքով։

Տպել
6577 դիտում

Վարանդայի շրջանում այսօր իրականացված որոնողական աշխատանքների ընթացքում փրկարարները տարհանել են ևս 3 աճյուն

ԵՄ-ն կանգնած է Հայաստանի կողքին՝ աջակցելով խորը բարեփոխումների արդյունավետ իրականացմանը. Շառլ Միշելը՝ Նիկոլ Փաշինյանին

Ունենք տեղեկություններ, որ որոշ հայ գերիներ (այդ թվում՝ կանայք) տանջամահ են արվել Ադրբեջանում․ Մարուքյանը՝ ԵԽԽՎ-ում

Իրակլի Ղարիբաշվիլին շնորհավորել է Նիկոլ Փաշինյանին ընտրություններում հաղթանակի կապակցությամբ

ԿԸՀ-ն բավարարել է Արմեն Չարչյանի վերաբերյալ դատախազության ներկայացրած միջնորդությունները

Երեկ պատուհանից դեպի օդ կրակոցներ արձակած քաղաքացու նկատմամբ խափանման միջոց է կիրառվել ստորագրություն չհեռանալու մասին

Մանախ մականունով հայտնի Արթուր Այվազյանին մեղադրանք է առաջադրվել. նրան կալանավորելու միջնորդություն է ներկայացվել

Հարավկովկասյան երկաթուղին հիշեցնում է անվտանգության նորմերի պահպանման մասին

Աղիքային վարակին բնորոշ ախտանշաններով 16 քաղաքացի է հոսպիտալացվել «Վանաձոր» ԲԿ-ում, որից 10-ը երեխա է, 6-ը՝ մեծահասակ

Ընտրությունները պետք է վերածվեն հանրային համերաշխության, որի վրա պիտի կառուցենք մեր ազատ պետության վերնաշենքը․ Ավինյան

Հունիսի 21-ին մեկնարկել է ամառային զորակոչը

Հանրապետության 120 դպրոցներում իրազեկման և տարահանման միջոցառումներ են իրականացվել (տեսանյութ)

«Արարատ-Արմենիան» երկարաձգել է պայմանագիրը Յոհան Գուֆրանի հետ

Արման Բաբաջանյանի մեքենայի վրա կրակողը ձերբակալվել է

Հայաստանի Մ-17 հավաքականը ընկերական հանդիպումներ կանցկացնի Պորտուգալիայի հետ

«5165» շարժումը չի ընդունում ընտրությունների արդյունքները

Գեղադիր-Գառնի ավտոճանապարհին մոտ 15 հա բուսածածկույթ է այրվել

ՊԵԿ 100 աշխատակից մասնագիտական դասընթաց է անցել

Երվանդ Քոչարի թանգարանում բացվել է «Քոչարական գծի մոգական փոխհատումները» խորագրով կոնցեպտուալ ցուցադրությունը

«Լուսավոր Հայաստան» կուսակցությունը հարգում է ժողովրդի որոշումը

Որ ուժերը ինչ դեմքերով կլինեն նոր խորհրդարանում, երբ կձեւավորվի այն. նախնական պատկեր

«Հայոց հայրենիք» կուսակցությունը չի ճանաչում ընտրությունների արդյունքները. կդիմեն ՍԴ

ԿԸՀ-ն բավարարել է ընտրակաշառք տալու համար ձերբակալված պատգամավորի թեկնածուի վերաբերյալ միջնորդությունները

Հայոց լեզվի միասնական քննության արդյունքը օտար լեզվի համեմատ բավական ցածր է. հայտնի են նախնական արդյունքները

20.000-ական դրամ յուրաքանչյուրին. ևս 1 անձ է ձերբակալվել ընտրակաշառք առաջարկելու կասկածանքով

Ահազանգեր են եղել «Գազպրոմ», «ՀԷՑ» և «Զանգեզուրի պղնձամոլիբդենային կոմբինատ» ընկերությունների վերաբերյալ. Իոաննիսյան

Կրեմլը շնորհավորում է հայ ժողովրդին ընտրություններում ՔՊ-ի հաղթանակի կապակցությամբ

«Ազատական» կուսակցությունն ընդունում է ընտրությունների արդյունքները. Ղլեչյան

Օրվա խորհրդով անհրաժեշտ եմ համարում կատարել մի քանի եզրահանգումներ և հղել մի քանի հորդորներ. Արթուր Բաղդասարյան

Ընտրական իրավունքի իրացմանը խոչընդոտելու դեպքերով 2 քրգործ է հարուցվել, նախապատրաստվել է 87 նյութ

Նիկոլ Փաշինյանն այցելել է «Եռաբլուր» զինվորական պանթեոն (լուսանկարներ)

Եթե լինեն փաստարկներ, կբողոքարկենք ընտրությունների արդյունքները. Արամ Սարգսյան

Կարո Փայլանը շնորհավորել է Նիկոլ Փաշինյանին ընտրություններում հաղթանակի կապակցությամբ

Ընտրատեղամասերի 10 տոկոսում արձանագրվել են քվեաթերթիկների դուրս բերման դեպքեր. Դանիել Իոաննիսյան

Ի պատիվ մեր ժողովրդի բարձր գիտակցության եւ վճռականության՝ մեզ վստահվեց մեր ժողովրդի քվեն. Արմեն Փամբուխչյան

ԱՊՀ դիտորդները չեն արձանագրել խախտումներ, որ կարող են ազդել ընտրությունների արդյունքների վրա

Հաջողություններ եմ մաղթում. Արայիկ Հարությունյանը շնորհավորել է Փաշինյանին

Ինչ կլինի «Հայաստան» և «Պատիվ ունեմ» դաշինքների՝ մանդատներից հրաժարվելու պարագայում. ԿԸՀ նախագահի պարզաբանումը

Որ «Քաղաքացիական պայմանագիր» կուսակցությունը կարող էր 680.000 քվե ստանալ, հասկանալի չէ. Արա Զոհրաբյան

Զոհված զինծառայողների աճյունների որոնողական աշխատանքները շարունակվում են Վարանդայի (Ֆիզուլի) շրջանում