Առանց ակումբի մնալուց մինչեւ աշխատավարձի խնդիրներ. ինչ պետք է անեն ֆուտբոլիստները, երբ ակումբը փաստի առաջ է կանգնեցնում

Վերջերս իր ակումբից խիստ դժգոհ հեռացավ ՀՀ ֆուտբոլի ազգային հավաքականի նախկին կիսապաշտպան Արթուր Եդիգարյանը: Նա հայտարարեց, որ «Ալաշկերտից» իրեն զանգահարել ու ասել են, որ խզի պայմանագիրը, հետո առաջարկել են խաղալ ավելի ցածր աշխատավարձով, ինչից հրաժարվել է: 32-ամյա խաղացողը չի կարող այլ ակումբ տեղափոխվել, քանի որ ՖԻՖԱ-ն արգելում է 1 մրցաշրջանում 2-ից ավելի թիմում խաղալ, եւ որոշել է ավարտել կարիերան: Եդիգարյանը նաեւ հայտարարեց, որ ՀՀ-ում շատ են նմանատիպ խնդիրներ լինում, երբ ակումբի դրդմամբ պայմանագիրը խզվում է, եւ խաղացողը կանգնում է փաստի առաջ՝ մնալով առանց թիմի: Այն, որ սա եզակի երեւույթ չէ, նշում է նաեւ «Լեգալ սպորտ» ֆուտբոլային գործակալության գործակալ Խորեն Քալաշյանը: «Հայկական ժամանակ»-ի հետ զրույցում նա նշեց, որ զրույցների մակարդակով տեղյակ է նման դեպքերից:

«Լինում են բազմակի դեպքեր, որ ֆուտբոլիստին կանչում են, ասում են՝ արի խզենք: Նորմալ պրակտիկա է ողջ աշխարհում, որ ակումբը ցանկություն է հայտնում պայմանագիրը խզելու: Ու այդտեղ արդեն մեր ֆուտբոլիստները չգիտեն՝ ինչպես իրենց պահել ու ինչ անել»,- ասաց նա:

Խորեն Քալաշյան

Քալաշյանը նշում է, որ նման խնդիրներ առաջանում են հիմնականում, քանի որ ֆուտբոլիստները չգիտեն իրենց իրավունքները եւ չունեն բավարար իրավաբանական գիտելիքներ: Մյուս կողմից նա ընդգծում է, որ մարզիկը պարտավոր էլ չէ նման գիտելիքների տիրապետել. նա պետք է իրեն պաշտպանված զգա ու կենտրոնանա իր մարզումների վրա: Ընդհանուր առմամբ, ըստ Քալաշյանի, ՀՀ-ում սպորտային իրավաբանությունը շատ է կաղում: Հիմա «Լեգալ սպորտն» անվճար խորհրդատվություն է իրականացնում, սակայն Քալաշյանն ընդգծում է, որ անհրաժեշտ է նաեւ այլ քայլեր ձեռնարկել տեղեկացվածությունը բարձրացնելու համար:

«Շատ կարեւոր թեմա է, որը Հայաստանում պետք է զարգացնել. FIFPro գաղափարն է: Համաշխարհային կազմակերպություն է. որը նաեւ իր ներկայացուցիչն ունի ՖԻՖԱ-ում: Ֆուտբոլիստների շահերն է պաշտպանում: Մենք ուզում ենք այդ գաղափարն այստեղ էլ զարգացնել. ֆուտբոլիստների, մարզիչների շահերի պաշտպանություն»,- ասաց նա:

Լուսինե Բակումյան

Ինչպես ՀԺ-ի հետ զրույցում ասաց Հայաստանի ֆուտբոլի ֆեդերացիայի Վեճերի լուծման պալատի (ՎԼՊ) նախկին նախագահ Լուսինե Բակումյանը, ֆուտբոլիստների իրավունքները պաշտպանվում են ՀՖՖ կանոնադրությամբ ու կանոնակարգերով: Օրինակ, կա ՀՖՖ ֆուտբոլիստների կարգավիճակի եւ տեղափոխության կանոնակարգ, որը սահմանում է պայմանագրի նվազագույն պայմանները, պայմանագրի կայունության ընդհանուր սկզբունքները, միակողմանի խզելու ընդունելի դեպքերը: Ըստ նրա՝ ֆուտբոլիստի եւ ակումբի միջեւ միջեւ ծագած ցանկացած բնույթի վեճ՝ ներառյալ աշխատանքային պայմանագրից բխող, ենթակա է կարգավորման ՎԼՊ կողմից եւ բացառում է ընդհանուր իրավասության դատարաններ դիմում ներկայացնելը: Այսինքն՝ խնդիրների դեպքում ֆուտբոլիստները կարող են դիմել ՀՖՖ ՎԼՊ: Բակումյանն ընդգծում է, որ իր աշխատելու ընթացքում ՎԼՊ-ն ի վիճակի է եղել լուծելու խնդիրները:

«Այս տարիների ընթացքում չի եղել գեթ մեկ դեպք, որ ՎԼՊ որոշման դեմ կողմերից որեւէ մեկը բողոք ներկայացնի Սպորտային արբիտրաժային դատարան, որտեղ կողմերն իրավունք ունեն բողոք ներկայացնելու ՎԼՊ որոշումն ստանալուց հետո 21-օրյա ժամկետում:»,- ասաց նա:

Մինչեւ Արթուր Եդիգարյանը եղած ամենահնչեղ դեպքերը կապված էին «Արարատ» ֆուտբոլային ակումբի հետ: Արտասահմանցի 2 խաղացողներ՝ Կիրիան Նվաբուեզեն, Ումարու Կաինան, հեռացել էին թիմից, ու նրանց աշխատավարձերն ակումբը չէր տալիս: Նրանք դիմել էին ՀՖՖ: Աշխատավարձը չստանալու համար «Արարատի» հետ դատական պրոցեսներ էր սկսել թիմի նախկին խաղացող Նորայր Գրիգորյանը: Նրանք այս հարցը բաձրացրել էին նաեւ ԶԼՄ-ներում: 

Տպել
741 դիտում

Բարեկենդան օրեր է, խելքս գլխես կորեր է. Գյումրիում տոնվեց Բուն Բարեկենդանը (լուսանկարներ, տեսանյութ)

Երկրաշարժ է եղել Թուրքիայի տարածքում. ցնցումները զգացվել են Շիրակի մարզում

Իրանի հետ հաղորդակցությունը 2 շաբաթով դադարեցվում է. արգելվում է նաեւ Մեղրիով մուտքը Հայաստան. վարչապետ

Թուրքիան ու Աֆղանստանը փակել են Իրանի հետ սահմանը՝ կորոնավիրուսի ներթափանցումը կանխելու նպատակով

Կոտայքի մարզի Մեղրաձոր գյուղում 18-ամյա ուսանողը դանակահարել է իր հասակակցին

Գարուն Երեւան. վարչապետը նոր լուսանկար է հրապարակել

ԵԽԽՎ համազեկուցողներն անհանգստություն են հայտնել Ադրբեջանում խաղաղ բողոքի ակցիաների ցրման առնչությամբ

Հրդեհ Տաշիր քաղաքում. այրվել է կուտակված անասնակեր

Հյուպատոսական բաժնի աշխատանքը դադարեցվել է ՀՀ քաղաքացիներին շուրջօրյա արդյունավետ ծառայություն մատուցելու համար

«Խաչասար» կոչվող հատվածում քաղաքացին ընկել և ստացել է վնասվածք. օգնել է ԱԻՆ-ը

Փետրվարի 25-ին Հայաստանի մեծ մասում սպասվում են տեղումներ. կցրտի 6-8 աստիճանով

Գավառ քաղաքում փրկարարները դուրս են բերել ձյան մեջ արգելափակված մեքենան

Թուրքիան «Patriot» համակարգերի գնման առաջարկ է ներկայացրել ԱՄՆ-ին

Այսօր Բուն Բարեկենդանն է. Երևանում սպասվում է մեծ շքերթ-տոնախմբություն

Ատելության քարոզի հեռահար նպատակները

Լոռու մարզի Սարալանջ գյուղի տնակներից մեկում հայտնաբերվել է տղամարդու դի

Նիկոլ Փաշինյանը շնորհավորական ուղերձ է հղել Ճապոնիայի վարչապետին Ազգային տոնի կապակցությամբ

Ի՞նչ է կորոնավիրուսը, ինչպե՞ս տարբերակել եւ ինչ է պետք իմանալ վիրուսի մասին. պարզաբանում է նախարարը (տեսանյութ)

Աբովյան քաղաքի բնակարաններից մեկում հայտնաբերվել է բնակչի դին

«Այո»-ի մասին Հայկ Ստվերի երգի պրեմիերան տեղի կունենա այսօր