Վերաքննիչ դատարանը Մանվել Գրիգորյանի խափանման միջոցի հարցով դարձյալ հեռացավ խորհրդակցական սենյակ

Վերաքննիչ քրեական դատարանի դատավոր Արմեն Բեկթաշյանը այսօր հեռացավ խորհրդակցական սենյակ՝ ԱԺ նախկին պատգամավոր, ԵԿՄ նախկին նախագահ Մանվել Գրիգորյանի խափանման միջոցի հարցով որոշում կայացնելու:

Պաշտպանները բողոքարկել են Երեւանի ընդհանուր իրավասության դատարանի նոյեմբերի 19-ի որոշումը, որով մերժվել էր Մանվել Գրիգորյանի խափանման միջոց կալանավորումը գրավով փոխարինելու վերաբերյալ միջնորդությունը:

Այսօրվա դատական նիստում անդրադառնալով այդ որոշմանը՝ պաշտպաններից Արսեն Մկրտչյանն ասաց. «Առաջին ատյանի դատարանի պատճառաբանությունից երեւում է, որ գրավի կիրառումը դատարանն անթույլատրելի է համարել, քանի որ առկա է հավականություն, որ ազատության մեջ լինելու դեպքում Մանվել Գրիգորյանը կարող է գործով անցնող անձանց վրա անօրինական ազդեցություն գործադրել, սակայն դատարանը որևէ կերպ չի հիմնավորել, թե Գրիգորյանը կոնկրետ որ անձանց նկատմամբ և ինչ եղանակով կարող է անօրինական ազդեցություն գործադրել»:

Պաշտպանի խոսքով՝ խափանման միջոցը չփոխելու եւ իրենց միջնորդությունը չբավարարելու արդյունքում արդարադատությունը վնաս է հասցվել. «Այսօրվա դրությամբ բողոքարկվող որոշումը դե ֆակտո չունենալով՝ ունենք երկու անջատված գործ, ինչը բխել է հենց վիճարկվող որոշումից, ունենք ամբաստանյալի խախտված իրավունք»:

Մեղադրող դատախազ Վահե Դոլմազյանի խոսքով, սակայն, վիճարկվող դատական ակտը բավարար չափով պատճառաբանված եւ հիմնավորված էր. «Ընդհանուր իրավասության դատարանը գտել է, որ խափանման միջոցը փոփոխելու հիմքեր չկան, եւ գրավը, անկախ դրա չափից, չի կարող բավարար երաշխիք հանդիսանալ ամբաստանյալ Մանվել Գրիգորյանի պատշաճ վարքագիծը սույն գործի դատական քննության ընթացքում ապահովելու համար,-ասաց դատախազը՝ հավելելով, որ եղած ռիսկերը ոչ նվազել են, ոչ էլ վերացել:

Դատարանը սույն միջնորդության վերաբերյալ որոշումը կհրապարակի վաղը:

Հիշեցնենք, որ ավելի վաղ պաշտպանները բողոքարկել էին նաեւ Երեւանի ընդհանուր իրավասության դատարանի դատավոր Մնացական Մարտիրոսյանի նոյեմբերի 5-ի որոշումը, որով դարձյալ մերժվել էր Գրիգորյանի նկատմամբ ընտրված խափանման միջոց կալանավորումը գրավով փոխարինելու միջնորդությունը: Այդ բողոքը մակագրվել էր Վերաքննիչ քրեական դատարանի մեկ այլ դատավորի՝ Նարինե Հովակիմյանի, որն էլ, լսելով կողմերին, այսօր հեռացել էր խորհրդակցական սենյակ, ապա րոպեներ անց վերադառնալով խորհրդակցական սենյակից՝ մերժել էր բողոքը:

 

 

 

Տպել
649 դիտում

Ձնեմարդ՝ ծաղկած այգիների տակ. Արցախում եւս ցրտահարություն է գրանցվել (լուսանկար)

Մարդկանց կորոնավիրուսային մեկուսացման շնորհիվ բնությունը շնչում է, օդը մաքրվում է, պանդաները՝ զուգավորվում

Արաբական կոալիցիան եւս Եմենում հրադադար է հայտարարել

Երեւանը բժշկական պարագաներ է ստացել չինական Չոնգցին գործընկեր քաղաքից

Կորոնավիրուսի համաճարակի հետեւանքով աշխարհում կարող է աղքատանալ 500 միլիոն մարդ

Դանակահարություն Արտաշատում. բերման է ենթարկվել 37-ամյա տղամարդ

ՌԴ-ում մնացած նորածինն ու մայրն արդեն Հայաստանում են, ինքնամեկուսացման մեջ. ՄԻՊ-ը ևս մեկ ընտանիք է վերամիավորել

Հակաճգնաժամային միջոցառումների շրջանակներում բաշխվել է 10 միլիարդ 700 միլիոն դրամի աջակցություն. վարչապետ

Ո՞ր դեպքերում են թույլատրվում միջմարզային և դեպի Երևան ուղևորափոխադրումները (տեսանյութ)

Հրետանային ստորաբաժանումների զինծառայողները պարապմունքներ են անցկացրել

Միջադեպեր, ծեծկռտուք Սիսիանում. կիզակետում Սիսիանի ոստիկանապետի պաշտոնակատարն է

Չգիտեմ, թե ինչն է իմ ԱԱԾ-ում հանդիպման շուրջ անհանգստության եւ անառողջ աժիոտաժի իմաստը. Հակոբ Ճաղարյանը

Հանրային պաշտպանները 108 միջնորդություն են ներկայացրել. կալանավորված 29 անձի խափանման միջոց արդեն փոխվել է

Գագիկ Սուրենյանը գյուղատնտեսներին խորհուրդ է տալիս բացօթյա սածիլում չկատարել. ցուրտ օդային հոսանքները պահպանվելու են

Քաշաթաղի ինքնամեկուսացված համայնքները առաջիկայում կապահովվեն անհրաժեշտ պարենամթերքով. ԱՀ ԱՆ

Մայիսի 1-ից գազալցակայաններում այլեւս խաղային ավտոմատներ չեն լինի. վարչապետ

Այս օրերին ճիշտ կլինի թուրմերը եւ համեմունքները համադրել․ Դավիթ Պիպոյանի խորհուրդները

Վարչապետ Նիկոլ Փաշինյանը նոր նշանակում է արել

ԱԺ նախկին պատգամավոր Արթուր Գեւորգյանին կալանավորելու որոշում է կայացվել. նա հետախուզվում է

Հայ Առաքելական եկեղեցին նշում է Ավագ հինգշաբթին