Ամիրյանը տարածքը տվել էր, Մակունցը հետ վերցրել, Հարությունյանը նորից տրամադրել. անհասցե թատրոն կամ մի շենքի պատմություն

Երեւանի Գեւորգ Քոչարի 21 հասցեում (Դրամատիկական թատրոնի հարեւանությամբ) մեկնարկել են Երեւանի մնջախաղի պետական թատրոնին տրամադրված տարածքի շինարարական աշխատանքները: Այսօր կրթության, գիտության, մշակույթի եւ սպորտի նախարարի տեղակալ Արայիկ Խզմալյանը լրագրողների հետ զրույցում ասել է, որ բոլոր փաստաթղթերը կարգավորված են, հատկացումները՝ հաստատված:

«Արդեն վստահաբար կարող են ասել, որ Երեւանի մնջախաղի պետական թատրոնն ունենալու է իր հանգրվանը, իր ստեղծագործական օջախը»,- հայտնեց փոխնախարարը: Արա Խզմալյանի խոսքով՝ այս տարի 46 միլիոն դրամ կհատկացնեն վարչական հատվածի շինաշխատանքների համար, հաջորդ տարի կհատկացվի շինարարության համար անհրաժեշտ ամբողջ գումարը՝ 166 միլիոն 373 հազար դրամ:

Այս տարածքը Մնջախաղի թատրոնին էր տրամադրվել դեռեւս մշակույթի նախկին նախարար Արմեն Ամիրյանի օրոք: Ամիրյանը խոստացել էր նախագիծն իրականացնելու համար պետբյուջեից 260 միլիոն դրամ հատկացնել: Աշխատանքներն այնքան ձգձգվեցին՝ մինչեւ նախարարը հրաժարական տվեց:

Ամիրյանին փոխարինած եւ հեղափոխությունից հետո մշակույթի առաջին նախարար Լիլիթ Մակունցը եւս հարցն ուշադրության կենտրոնում պահեց, սակայն նրա ժամանակ նախարարությունը հայտարարեց, որ Ամիրյանի հատկացրած տարածքը պատմամշակութային արժեք է, եւ իրավունք չունեն ձեւափոխություն կատարելու: Մնջախաղի թատրոնին թույլ չտրվեցին մտնել Գեւորգ Քոչարի 21 հասցեում գտնվող ՀՀ ազգային գրապալատի տարածքը:

2018 թվականի նոյեմբերի 19-ին մշակույթի նախկին նախարար Լիլիթ Մակունցը Մնջախաղի թատրոնի տնօրեն Ժիրայր Դադասյանին էր ներկայացրել թատրոնի համար առաջարկվող հերթական տարբերակը: Այդ շենքը գտնվում էր Երեւանի Կենտրոն վարչական շրջանի Մոսկովյան 5 հասցեում, որտեղ երկար տարիներ տեղակայված է եղել Հանրապետական զինկոմիսարիատը: Սակայն դրա հետ կապված էլ քաղաքաշինական խնդիրներ էին առաջացել, եւ թեման փակվել էր:

Փաստացի վերջին անգամ 2018 թվականին էր թատրոնին խոստացվել նոր շենք, հոբելյանական 45-ամյակը նոր շենքում էին դիմավորելու, սակայն, ինչպես տեսանք, չէր ստացվել: Վերջին 15 տարում պարբերաբար թատրոնի տնօրինությանը խոստացել են, որ, ահա, այս տարում կունենաք ձեր շենքն ու այլեւս ստիպված չեք լինի տարածք վարձակալել Պարոնյան թատրոնում, սակայն նախարարները փոխվել են, իսկ խոստումները՝ մոռացվում:

Այսօր անդրադառնալով Մակունցի ժամանակ բարձրաձայնված խնդրին՝ Խզմալյանը վստահեցրել է՝ բոլոր այն փոփոխությունները, որոնք եղել են, չեն խաթարում շենքի պատմամշակութային արժեքը: ՀՀ քաղաքաշինության պետական կոմիտեի քաղաքաշինական ծրագրերի իրականացման վարչության պետ Արսեն Միրզոյանը նկատել է, որ նախագիծը երկու տարի առաջ ավարտված էր, սակայն բազմաթիվ խնդիրներ կային նախագծի, ընտրված լուծումների հետ կապված:

«Նախաձեռնեցինք նախագծի վերանայում, անհրաժեշտ փոփոխություններն իրականացրինք, ներկայացրինք գիտամեթոդական խորհրդին, սեպտեմբերին ստացանք թույլտվություն, դրան հաջորդեցին քաղաքապետարանի թույլտվությունների ընթացակարգեր, ճարտարապետահատակագծային առաջադրանքի վերանայում: Վերջապես ստացանք շինարարության թույլտվություն»,- նշել է նա: Միրզոյանը նկատել է, որ նախատեսված է աշխատանքներն իրականացնել 14 ամսվա ընթացքում, սակայն մեծ է հավանականությունը, որ դրանք ավելի շուտ ավարտվեն՝ 2020 թ. հոկտեմբեր-նոյեմբերին:

Նշենք, որ Երեւանի Մնջախաղի պետական թատրոնն ստեղծվել է 1974 թվականին եւ պետական թատրոնի կարգավիճակ է ստացել 1983 թվականին։ Մինչեւ օրս այն սեփական տարածք չի ունեցել:

Տպել
2873 դիտում

ԱԱՏՄ աշխատակիցները Վանաձորում ստուգայց են իրականացրել պետական մի շարք հիմնարկներում

Հունան Պողոսյանը վաղը կազատվի պաշտոնից․ հարցը ներառված է Կառավարության նիստի օրակարգում

Գուգարքի ոստիկանները ապօրինի ծառահատման դեպք են բացահայտել

Բելգիայի խորհրդարանի արտաքին հարաբերությունների հանձնաժողովն ընդունել է ԼՂ հակամարտության կարգավորման վերաբերյալ բանաձև

Արցախում ռուսերենը երկրորդ պետական լեզու հռչակելու նախագիծ չկա․ առայժմ չկա․ ԱԺ մամուլի պատասխանատու Ռուդոլֆ Մարտիրոսյան

Թմրամիջոցի իրացման դեպք է բացահայտվել․ երկու անձ ձերբակալվել է

Հայաստանի հավաքականի դարպասապահը կարող է կարիերան շարունակել Ռուսաստանում

Հաղթանակը նվիրեցինք ամբողջ հայ ժողովրդին և նրանց ովքեր առաջնագծում էին. Կապառոս

Ամբերդ ամրոց և Քարի լիճ տանող ավտոճանապարհները դժվարանցանելի են

Հայաստանի Պրեմիեր լիգայի 14-րդ տուրն ավարտվեց երկու ոչ-ոքիներով

Արա Այվազյանը և ԿԽՄԿ ներկայացուցիչները քննարկել են գերիների և անհայտ կորածների որոնողական աշխատանքների հարցը

Երևան-Մեղրի ճանապարհին ավտովթար է տեղի ունեցել․ վարորդը տեղում մահացել է

Ադրբեջանը ՄԻԵԴ-ին խնդրել է երկարաձգել 9 հայ ռազմագերու և նրանց փոխանակման մասին տեղեկության տրամադրման ժամկետը

Մեր դպրոցը չկա, ցրիվ են տվել թուրքերը. արցախցի շատ աշակերտներ դեռ հաճախում են հայաստանյան դպրոցներ

ԱՀ նախագահը հանդիպել է անհետ կորած և գերության մեջ հայտնված զինծառայողների հարազատների հետ

Տիգրան Ավինյանն ընդունել է Կարմիր Խաչի Միջազգային Կոմիտեի պատվիրակությանը

Ազատության հրապարակից մեկնարկել է Նիկոլ Փաշինյանի հրաժարականի պահանջով երթ

Գյումրու տներից մեկի տանիքում հրդեհ է բռնկվել․ ԱԻՆ

Հանրապետության հրապարակում այս տարի տոնածառ չի լինի

Դավթաշենի բաժանմունք բերման ենթարկվածի խուզարկությամբ փաթեթներով մարիխուանա է հայտնաբերվել