Խնդիրը բացարձակ ուտել-խմելու կամ ծափ-ծլնգոցի վրա գումար ծախսելը չէ. վարչապետը՝ Ամանորի ծախսերի շուրջ աղմուկի մասին

Այն մթնոլորտը, որ ստեղծվում է Հանրապետության հրապարակում, հենց ամանորյա ճոխ ծախսեր իրենց թույլ տալ չկարողացող մարդկանց թույլ կտա գեղեցիկ նշել Ամանորը:

Այս մասին «Ֆեյսբուք»-ի իր էջի ուղիղ եթերում անդրադառնալով Ամանորի ծախսերի շուրջ ստեղծված աղմուկին՝ ասեց ՀՀ վարչապետ Նիկոլ Փաշինյանը:

«Կառավարությունը բավական մեծ գումար է հատկացրել Ամանորի ծախսերը հոգալու համար, մոտավորապես 270 միլիոն դրամ, եւ շատ կարեւոր է արձանագրել, թե մենք ինչի համար ենք անում, որովհետեւ խնդիրը բացարձակապես ուտել-խմելու կամ ծափ-ծլնգոցի վրա գումար ծախսելը չի, որովհետեւ մենք այսպիսով լուծում ենք շատ կարեւոր սոցիալ-հոգեբանական եւ գեղագիտական հարցեր: Ավանդույթի համաձայն՝ արդեն երկար տարիներ ՀՀ շատ քաղաքացիներ Ամանորը նշում են Հայաստանից դուրս, ինչը շատ լուրջ խնդիր է ՀՀ-ի համար, որովհետեւ գումարները արտահոսում են երկրից դուրս, եւ մեզ համար շատ կարեւոր է, որ մարդիկ Ամանորն անցկացնեն Հայաստանում, եւ իրականացնում ենք այս ծրագիրը: Սրանով մենք ուզում ենք նաեւ խթանել դեպի Հայաստան տուրիստների հոսքը եւ մենք ուզում ենք այս ներդրմամբ ավելի խթանել տուրիստների հոսքը Հայաստան, եւ, ըստ մեզ, Հայաստանը տուրիստների համար սեզոնայնություն պետք է չունենա:

Շատ է խոսվում այն մասին, թե արժե՞ այդքան գումար ծախսել, երբ մեր երկրում բազմաթիվ անապահով մարդիկ կան: Այն մթնոլորտը, որ ստեղծվում է Հանրապետության հրապարակում, հենց ամանորյա ճոխ ծախսեր իրենց թույլ տալ չկարողացող մարդկանց թույլ կտա գեղեցիկ նշել Ամանորը, մարդիկ կարող են իրենց երեխաներին վերցնել եւ գալ Հանրապետության հրապարակ: Այդտեղ կլինեն տաղավարներ, որտեղ կվաճառվեն բրդուճներ, բուտերբրոդներ, եւ կարող են մարդիկ, 1 բաժակ գինի վերցնելով, հրապարակում դիմավորել Ամանորը, համերգ լսել եւ ստեղծել նոր մշակույթ: Մենք սովոր ենք միայն ընտանիքով կամ ընկերներով կամ նեղ միջավայրում նշել Ամանորը, մենք ուզում ենք ավելի լայն տարածում ստանա այն գաղափարը, որ «Հայաստանն իմ տունն է, իմ ընտանիքն է»: Ուզում ենք մարդիկ մեկը մյուսի համար ավելի լավ միջավայր ստեղծեն: Դեկտեմբերից սկսած մինչեւ հունվարի 6-ը, 7-ը՝ Հանրապետության հրապարակում միջոցառումները շարունակվելու են:

Ես նախագծերը տեսել եմ, բոլորովին նոր, բոլորովին ուրիշ միջոցառումներ են նախատեսվում այս տարի Երեւանում: Ես, այդ գեղագիտական միջավայրը տեսնելով, ուզում եմ ասել, որ ավելի լավ է՝ երեխաները ոչ թե ուրիշների, հարեւանների սեղաններին նայելով եւ համեմատելով անցկացնեն, այլ բեմերին նայելով՝ զարգանան:

Հունվարի 1-ին, 2-ին, 3-ին, 4-ին, Երեւանի կենտրոնում լինելու են համերգներ, ներկայացումներ, բաց են լինելու որոշակի ժամերով թանգարաններ: Եկեք գումարներ ծախսենք ոչ թե փչացող սննդի վրա, այլ գումար ծախսենք դասական համերգի, թանգարանի տոմսի վրա:

Ամանորյա մի քանի օրը սեղանի շուրջ ուտելը, խմելը, անընդհատ նույն ուտելիքները տեսնելը վերջում ստեղծում է դեպրեսիվ միջավայր, մարդիկ տոներից հետո հանգստի կարիք են ունենում, սա մեր խնդիրներից մեկն է՝ տոնը կառուցել այնպես, որ ոչ թե դրանից հետո պետք լինի հանգստանալ, այլ տոնը ինքնին հանգստի պատճառ լինի:

Այսպիսի մի բան էլ կա, որ ես խանդով եմ մոտենում այն մտքին, որ Ամանորի մասին բոլոր հիթերը մեր մեջ տարածված հայկական չեն, ես հանձնարարել եմ նոր երգեր գրել, որոնք կհնչեն Ամանորին հրապարակում, եւ չգիտեմ՝ հիթ կդառնան, թե ոչ, բայց կուզեի, օրինակ, «Ջինգլ Բելզ»-ին համահունչ երաժշտություն մենք ունենայինք՝ սեփական հիթ:

Եթե Ամանորին ավելի շատ տուրիստներ գան Հայաստան, դա կնշանակի, որ մեր սպառումը շատանալու է, ավելանալու է, այդ սպառումը հասնում է մինչեւ ամենահեռավոր գյուղ, որովհետեւ այդ սպառումը կաթ է, պանիր է, միս է, չիր է, կաղամբ ու կարտոֆիլ է: Մենք ուզում ենք Ամանորին հնարավորինս շատ այցելուներ գան Հայաստան, որպեսզի ավելանա սպառումը, եւ մարդիկ կարողանան ավելի շատ հարցեր լուծել: Ո՞վ է ասել, որ զբոսաշրջիկները միայն Երեւանում են մնալու կամ 5 օր Հանրապետության հրապարակում են շրջելու, նրանք, անշուշտ, այլ քաղաքներ էլ կայցելեն, եւ կավելանա քաղաքներում էլ սպառումը:

Այսպիսի մի օրինակ կա, որը ես տեսա Դավոսում, այն փոքր մի գյուղ է, որտեղ բնակիչները մի քանի օրով տեղափոխվել էին հարազատների տուն՝ իրենց տները հյուրերին վարձով տալու համար, ես էլ եմ առաջարկում զբոսաշրջիկներին վարձով տալ ձեր տունը, փոխարենը՝ Ամանորին հավաքվելով հարազատներից մեկի տանը:

Ես չեմ հասկանում այն միտքը, որ ասում են՝ այսքան խնդիրներ կան երկրում, դուք տոնի վրա այսքան գումար եք ծախսում: Ես երբեք չեմ ընդունել այն միտքը, որ մարդկանց պետք է ուղղակի փող բաժանել, ու այստեղ գալիս է հին, չարչրկված խոսքն այն մասին, որ մարդուն պետք է ոչ թե ձուկ նվիրել, այլ ձուկ բռնել սովորեցնել:

Հույս ունեմ, եւ իմ հույսերն ավելի առարկայացան, որ այս տարի Ամանորը Երեւանում լինելու է բացառիկ: Իսկ միջոցառումը երեւանցիներին չի ուղղված միայն, այն երկրի թիվ 1 միջոցառումն է, եւ հույս ունեմ շատերիդ տեսնել երեւանում, սփյուռքի մեր հայրենակիցներին տեսնել, եւ հույս ունեմ, որ նրանք տոմս են գնել եւ նրանցից շատերին կտեսնեմ Երեւանում: Այսօր Երեւանի քաղաքապետը կներկայացնի միջոցառումների ցանկը, եկեք միասին բոլորովին նոր ձեւով եւ տրամաբանությամբ, նոր տրամադրությամբ դիմավորենք 2020 թվականը, այն եւս Հայաստանի, Արցախի, սփյուռքի մեր հայրենակիցների տարին է լինելու: Ես բոլորին հրավիրում եմ Հանրապետության հրապարակ՝ նշելու բացառիկ 2020 թվականը»,- նշել է վարչապետը:

Տպել
3656 դիտում

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)