Իմ պաշտոնավարման ընթացքում նման դեպք չի եղել. Տիգրան Մուկուչյանը՝ Թլիկում ինքն իրեն պարտված գյուղապետի մասին

Նախօրեին տեղական ինքնակառավարման մարմինների ընտրություններն ամփոփելիս համայնքներից մեկում հետաքրքիր արդյունք գրանցվեց:

Մասնավորապես հայտնի դարձավ, որ Արագածոտնի մարզի Թլիկ համայնքի միակ թեկնածուն՝ Սլավիկ Սալոյանը, որը նաեւ գործող համայնքապետն է, պարտվել է ինքն իրեն՝ 9 կողմ եւ 13 դեմ ձայնով: Նշենք, որ համայնքապետի ընտրություններում գրանցված մյուս թեկնածուն ինքնաբացարկ էր հայտնել։

Թլիկում տեւական ժամանակ է՝ չլուծված է մնում ջրի խնդիրը, որի պատճառով էլ պարբերաբար գյուղացիները բողոքի ակցիաներ են իրականացրել, ճանապարհ փակել, սակայն՝ անօգուտ: Երեկ Թլիկի պարտված համայնքապետի հետ մեր զրույցից պարզ դարձավ, որ գյուղացիները նրան ձայն չեն տվել հենց ջրի հարցը չլուծելու պատճառով:

- Պարո՛ն Սալոյան, ինչպե՞ս է ստացվել, որ, լինելով միակ թեկնածուն, պարտվել եք:

- Որովհետեւ ժողովուրդը կանգնեց, ասաց՝ մեր ջրի հարցը չես լուծել: Մինչեւ այդ՝ ձայն չէին հանում, վերջին օրը եկան ասացին:

- Նախընտրական ծրագրեր ներկայացրե՞լ էիք, թե՞ միակ թեկնածուն էիք, վստահ էիք, որ հաղթելու եք:

- Ծրագրեր ունեցել եմ: Թղթերը բոլորի մոտ էին, որտեղ գրված էր՝ եկող տարվա գարնանը խմելու ջրի հարցով աշխատանքներ են իրականացվելու:

- Քանի՞ տարի է՝ համայնքը ղեկավարում եք, եւ քանի՞ ընտրող կա համայնքում:

- 4-րդ տարին է: Ընդհանուր թիվը 127 է, որից մոտ 40 հոգի Ռուսաստանում են:

-  Այս իրավիճակն ինչպե՞ս է հանգուցալուծվելու, նոր ընտրություննե՞ր են սպասվում:

- Այո՛, հունվարի մեջ պետք է լինի՝ 40-օրյա ժամկետում:

- Անդամակցո՞ւմ եք որեւէ կուսակցության:

- Ես կուսակցական եմ եղել 2016-17 թվականներին՝ ստիպողական: Գնացել ասել եմ՝ հրաժարվում եմ այդ կուսակցությունից:

- ՀՀԿ-ակա՞ն եք եղել:

- Այո՛: Հեղափոխությունից հետո եմ հրաժարվել: Ես քանի անգամ էլ դիմել էի, որ ինձ հանեն էդ կուսակցությունից: Հիմա գյուղում իմ դեմ պայքարողներն էլ ՀՀԿ-ի անդամներ են:

- Ձեզ ինչպե՞ս են ստիպել, որ դառնաք կուսակցական:

- Ասել են՝ պարտադիր է, որ դառնաք կուսակցական, մենք ենք ձեր գլխի տերը:

- Ձեր 4 տարվա աշխատանքը գյուղացիներին չի՞ գոհացրել:

- Այստեղ այլ հարց է, մարդիկ ասում են՝ մեր բարեկամին պիտի չկպչես, մեր փեսային պիտի չկպչես, նա ոնց ուզի, գյուղում այդպես պիտի ապրի: Մարդիկ կան, որ անասնապահությամբ են զբաղվում, ասում են՝ պետությանը ոչ մի լումա չունենք տալու:

Հիշեցնենք, որ ՏԻՄ ընտրություններ են անցկացվել Արագածոտնի, Արարատի, Արմավիրի, Գեղարքունիքի, Լոռու, Կոտայքի եւ Շիրակի մարզերի 16 համայնքում, որոնցից 12-ում ընտրությունները հերթական են, իսկ 4-ում՝ արտահերթ: Համայնքներից 12-ում ընթանում էին համայնքի ղեկավարի եւ 4 համայնքում՝ ավագանու անդամի ընտրություններ:

Այսպիսով՝ Արմավիրի Ալաշկերտ համայնքում 603 ձայնով հաղթել է միակ թեկնածու, անկուսակցական, գործող համայնքապետ Կարեն Հովհաննիսյանը։ Արմավիրի Ֆերիկ hամայնքում 3 թեկնածուներից 72 ձայնով հաղթել է անկուսակցական, գործող համայնքապետ Ռուստամ Հասանյանը: Նույն մարզի Նորապատ համայնքում 392 ձայնով հաղթել է միակ թեկնածու, անկուսակցական, գործող համայնքապետ Վահրամ Խաչատրյանը։ Լոռու մարզի Անտառամուտ համայնքում 108 ձայնով հաղթել է միակ թեկնածու, անկուսակցական, գործող համայնքապետ Արայիկ Գեւորգյանը։ Արարատի Տափերական համայնքում 8 թեկնածուներից 441 ձայնով հաղթել է անկուսակցական Կարեն Խաչատրյանը: Կոտայքի մարզի Ողջաբերդ համայնքում 295 ձայնով հաղթել է ԲՀԿ-ական գործող համայնքապետ Նորայր Մելքոնյանը։ Գեղարքունիքի Զովաբեր համայնքում 3 թեկնածուներից 357 ձայնով հաղթել է անկուսակցական Խաչիկ Բաղդասարյանը:

Արագածոտնի մարզ Զարինջա համայնքում 203 ձայնով հաղթել է միակ թեկնածու, անկուսակցական Սեւադա Մանուկյանը։ Նույն մարզի Հակո համայնքում 25 ձայնով հաղթել է գործող ՀՀԿ-ական համայնքապետ Սերյոժա Չարչոյանը։ Ավան համայնքում 2 թեկնածուներից 207 ձայնով հաղթել է անկուսակցական Գեւորգ Գալստյանը։

Կոշում 2 թեկնածուներից 689 ձայնով հաղթել է համայնքի անկուսակցական ղեկավար Աշոտ Ենգիբարյանը։ Այստեղ «Անկախ դիտորդ»-ը մի քանի խախտումներ էր արձանագրել, մասնավորապես՝ համայնքի ղեկավարի հետ կապված անձանց ուղղորդումների, կուտակումների վերաբերյալ:

մասնակցությունը ցածր էր

ՀՀ Կենտրոնական ընտրական հանձնաժողովի նախագահ Տիգրան Մուկուչյանը երեկ ՀԺ-ի հետ զրույցում ասաց, որ Թլիկ համայնքում մասնակցությունը բավականին ցածր է եղել: Նրա խոսքով՝ քվեարկելու իրավունք ունեցող 127 քաղաքացուց միայն 22-ն են մասնակցել քվեարկության: «Անգամ նման մասնակցության պայմաններում ընտրողների կեսից ավելին դեմ է քվեարկել առաջադրված միակ թեկնածուին: Ընտրական օրենսգիրքն սահմանում է, որ նման դեպքերում ընտրությունը համարվում է չկայացած: Այդ որոշումն ուժի մեջ մտնելու օրվան հաջորդող 40-օրյա ժամկետի վերջին կիրակի օրն անցկացվում է նոր ընտրություն՝ թեկնածուների նոր առաջադրմամբ, համայնքի ղեկավարի համար ընտրական օրենսգրքով սահմանված արտահերթ ընտրության ժամկետներում: Նոր ընտրությունը նշանակվում է մարզպետի կողմից»,- մանրամասնեց ԿԸՀ նախագահը: Վերջինս նաեւ ասաց, որ իր պաշտոնավարման ընթացքում նման դեպք չի եղել, երբ գործող գյուղապետի միակ թեկնածուն պարտվի ընտրություններում. «բայց դրանից առաջ 1-2 դեպք եղել է նույն մարզի տարածքում»:

Խոսելով ՏԻՄ ընտրությունների ակտիվության մասին՝ ԿԸՀ նախագահն ասաց. «Պետք է նկատենք, որ այն համայնքներում, որտեղ առկա էին մեկից ավելի թեկնածուներ, բավականին բարձր մասնակցություն է եղել: Օրինակ՝ Ավան համայնքում 69 տոկոս մասնակցություն ունենք, Կոշում՝ 65 տոկոս, Զովաբեր համայնքում՝ 71 տոկոս, Ողջաբերդում՝ 75 տոկոս: Ընդհանուր մասնակցությունը մոտ 50 տոկոս է կազմում»:

Անդրադառնալով Կոշ համայնքում հնարավոր ուղղորդումների վերաբերյալ հրապարակումներին՝ ԿԸՀ նախագահն ասաց, որ բոլոր թեկնածուներն ունեցել են վստահված անձեր, 4 հավատարմագրված ՀԿ-ներ, որոնք դիտորդական առաքելություն են իրականացրել. «Տարածքային ընտրական հանձնաժողովներն ստացված գրանցամատյաններն արդեն հասցրել են վերլուծել: 19 տեղամասային ընտրական հանձնաժողովների գրանցամատյաններից միայն 9-ում են առկա թվով 11 գրառում: Այս գրառումները դառնալու են մանրամասն քննարկման առարկա: Եթե լինեին ինչ-ինչ խնդիրներ, նախ դրանց վերաբերյալ կլինեին համապատասխան գրառումներ: Այն հանգամանքները, որոնք առկա են այդ հրապարակումներում, կքննարկվեն տարածքային ընտրական հանձնաժողովներում»:

Հարցին՝ վերահաշվարկ անելու վերաբերյալ դիմումներ ստացվե՞լ են, Մուկուչյանը պատասխանեց. «Դեռեւս մեկ դիմում է մուտքագրվել: Անուշավան համայնքում ավագանու անդամի ընտրություններ էր, եւ դիմումն ավագանու անդամի ընտրություններում վերահաշվարկի իրականացման մասին է: Այս պահին դիմումն ընդունվել է հանձնաժողովի կողմից, եւ դրա մասին մենք դեռ տեղեկություն կտրամադրենք: Բացի դրանից՝ նշեմ, որ մինչեւ վաղը (այսօր) առավոտյան մենք ժամանակ ունենք վերահաշվարկի դիմումների համար»,- եզրափակեց ԿԸՀ նախագահը:

Տպել
1874 դիտում

Իջևանում միջոցառումների շարքը սկսվել է դեպի Ազատամարտիկների հրապարակ հանդիսավոր երթով (լուսանկարներ)

15-ամյա աղջիկը հայտնաբերվել է

Բանակի օրվան նվիրված միջոցառումները Վաղարշապատ համայնքում մեկնարկել են ծաղկեպսակի խոնարհմամբ (լուսանկարներ)

Բրեդ Փիթը նոր սիրավեպ ունի․ նա հանդիպում է շվեդ երգչուհու հետ

ԱԱՏՄ-ն ստուգայցեր է իրականացրել հյուրանոցային գործունեությամբ զբաղվող տնտեսավարողների մոտ․ բացահայտվել է 11 խախտում

Էրդողանը վերահաստատել է, որ Թուրքիան չի հրաժարվելու ռուսական ՀՕՊ համակարգերից

Դու պետք է ապրես․ «Բազկամարդ»՝ գիրք հայ անկոտրում սպայի ու մարտիկի՝ Սարգիս Ստեփանյանի կյանքի մասին

Բա օտարերկրյա ազդեցության գործակալներն էլ ո՞նց են լինում. պատգամավորները՝ ԵԽԽՎ-ում Հայկ Մամիջանյանի քայլի մասին

Գերմանիայի կառավարությունը երկրից արտաքսել է Ռուսաստանի հյուպատոսության աշխատակցին

Վարանդայից հայտնաբերվել է ևս մեկ հայ զինծառայողի աճյուն․ Արցախի ԱԻՊԾ

Սահմանին մի քանի անկանոն կրակահերթ է արձակվել Ադրբեջանի կողմից, որոնց հայկական կողմը չի պատասխանել. ՊՆ

Պատերազմի ընթացքում և դրանից հետո Արցախի ժողովրդի իրավունքների առաջին պաշտպանը հայկական ԶՈՒ-ն է. Արցախի ՄԻՊ

Պուտինը հեռախոսազրույց կունենա Մակրոնի հետ, այնուհետ կանցկացնի անվտանգության խորհրդի նիստ

ՌԴ դեսպանի արտաքսման մասին ԱՄՆ-ի սպառնալիքները Լավրովը վիրավորանք է համարում

2 մարզերում ձյուն է տեղում, կան փակ ավտոճանապարհներ

Ռուսաստանի Դեսպանությունը շնորհավորել է Հայաստանի բոլոր քաղաքացիներին Բանակի օրվա առթիվ

Որոնվում է 15-ամյա Էլեն Ասատրյանը

Կոտայքի մարզպետը պարգևատրել է 44-օրյա պատերազմում վիրավորում ստացած երկու բժշկի

Երևան-Սևան ավտոճանապարհին մեքենան բախվել է ծառին. վարորդը մահացել է, տուժածներից երկուսի վիճակը ծանր է

Հայոց բանակը հաղթական է՝ անկախ վայրիվերումներից, անդառնալի կորուստներից. օրվա մեկնարկը Գյումրիում տրվել է պանթեոնից

ԵԽԽՎ-ում հայանպաստ բանաձևին թուրք և ադրբեջանցի պատգամավորների հետ միասին դեմ է քվեարկել նաև Հայկ Մամիջանյանը

Ինչ եղանակ սպասել առաջիկա օրերին. նոր տվյալներ Հիդրոօդերևութաբանության և մոնիտորինգի կենտրոնից

ԵԽԽՎ-ն վերահաստատել է հայ ռազմագերիների վերադարձի հրամայականը. Էդմոն Մարուքյան

Ինչ է տեղի ունեցել Արցախում Սամվել Բաբայանի որդու և Արթուր Օսիպյանի միջև. պարզաբանում է ԱՀ ոստիկանությունը

Ոչ կենացով, ոչ էլ «Եռաբլուր»-ում ցավը ցույց տալով չեն սիրում հայրենիքը, պետք է դուրս գանք այդ կսկիծից. Ռազմիկ Պետրոսյան

Արարատ Միրզոյանը 29 միլիոն դրամ արժողությամբ կահույքի հավաքածու չի գնել. ԱԳՆ մամուլի քարտուղարը հերքում է նման լուրերը

Արցախում ծայրահեղ ծանր վիճակում է 5, ծանր՝ 12 քաղաքացի. կորոնավիրուսի 8 նոր դեպք է հաստատվել

Հետևողական կլինենք Հայրենյաց պաշտպանի կոչումը բարձր պահելու համար. Կամո Վարդանյան

Երախտագիտությունս եմ հայտնում զինվորի հետ ծառայություն իրականացնող ռազմաբժիշկներին, ռազմաբժշկական անձնակազմին. Ավանեսյան

Ինչ վիճակում է Ստեփանծմինդա-Լարս ավտոճանապարհը

Հրթիռակոծվել է Բաղդադի միջազգային օդանավակայանը

Մհեր Գրիգորյանը կորոնավիրուսի դեմ պատվաստվել է 4 դեղաչափով

Եղբայրաբար գրկում ու շնորհավորում եմ առաջնագծում, զորամասում ու իրենց վաստակած հանգիստը վայելող Հայրենիքի պաշտպաններին

Եթե նորից ապավինենք Աստծուն, կկարողանանք վերականգնել մեր բանակի վաղեմի փառքը․ Կարեն Ջալավյան

«Թռիչք վերջին անգամ». Րաֆֆի Ալթունյանը հրապարակել է իր ու Հայկոյի վերջին աշխատանքը

ՀՀ տարածքում կան փակ եւ դժվարանցանելի ավտոճանապարհներ․ ԱԻՆ

Գլուխ խոնարհելով մեր նահատակների առաջ՝ նրանց հիշատակը վառ պահենք՝ ավելի ամուր բանակ կառուցելով․ Թորոսյան

Մեր բանակը վերանվաճում է տարածաշրջանային անվտանգության առանցքային երաշխավոր գործոնի իր դիրքերը. Արթուր Դավթյան

Կորոնավիրուսը շարունակում է տարածվել․ հաստատվել է 3000-ից ավելի նոր դեպք

Բարձրաստիճան պաշտոնյաններն այցելել են «Եռաբլուր» զինվորական պանթեոն (լուսանկարներ)