Քանի գլխանի էիք, որ վարչապետ չընտրեիք․ Ալեն Սիմոնյանն ու Նաիրա Զոհրաբյանը «բանավիճեցին»

Անկեղծ ասած՝ զզվելի է, ուղղակի նողկալի է, որպես 12 տարվա խորհրդարանական՝ երբեւէ ԱԺ-ն այսքան ցածրակարգ, այսքան էժանագին բանավեճերի հարթակ չի եղել: Այս մասին այսօր ԱԺ-ում՝ իր ելույթում, հայտարարեց ԲՀԿ խմբակցության պատգամավոր Նաիրա Զոհրաբյանը։

Արձագանքելով «Իմ քայլը» խմբակցության պատգամավոր Արփի Դավոյանի այն ելույթին, որտեղ վերջինս ասել էր, որ ուշադիր լսում են Գագիկ Ծառուկյանի հարցազրույցները, բայց ահագին բաներ չեն հասկանում, որովհետեւ հիմնական խոսքն ուղեկցվում է տարբեր բառերով, եւ ընդհանուր միտքը հասկանալի չէ՝ Նաիրա Զոհրաբյանն ասաց․

«Ուղղակի անհարմար է, ես հասկանում եմ, որ մանիպուլյացիան ձեր հիմնական գործիքն է, որ հիմնական խնդիրներից շեղելու համար ասում եք՝ էս թուղթը էսպես, էն թուղթը՝ էնպես: Նախ՝ դուք իրավունք չունեք վիրավորելու պարոն Ծառուկյանին, տիկի՛ն Դավոյան, եւ որեւէ մեկը որեւէ մեկին վիրավորելու իրավունք չունի: Եթե չեք հասկացել իր որեւէ հարցազրույցը, պրոբլեմը փնտրեք ձեր մեջ: Երկրորդ՝ ինչ է իրականում տեղի ունեցել․ տեղի է ունեցել շատ պարզ բան. Ձեր սիրելի քաղաքապետը, որն իր նախընտրական խոստումներից որեւէ մեկը չի կատարել, ուղղակիորեն մերժել է, չի հասկացել, չի հասկանում, ունակությունները բավարար չեն, իր տեղը թատրոնն է, իր տեղն «Ազիզյաններն» են։ Ի՞նչ անենք, չի կարողացել էդ մարդը բարենպաստ պայմաններ ստեղծել, որ այդ միլիարդավոր ներդրումները գան Հայաստան: Սա է խնդիրը: Սրա մասին է խոսել պարոն Ծառուկյանը»,- ասաց Նաիրա Զոհրաբյանը:

Ինչ վերաբերում է պատգամավորների հիշեցումներին, որ ԲՀԿ-ն ժամանակին կոալիցիա է կազմել ՀՀԿ-ի հետ, Զոհրաբյանն ասաց, թե իրեն երբեւէ թույլ չի տվել որեւէ բան հիշեցնել, բայց հիմա ստիպված է․

«Եթե չլիներ ԲՀԿ-ն, ապա գոնե այս խորհրդարանում, գոնե իրավական ճանապարհով վարչապետ չէր ընտրվելու, եւ հայտնի չէ, թե դուք որտեղ կլինեիք եւ որտեղ կհայտնվեիք»,- եզրափակեց Զոհրաբյանը։

Զոհրաբյանի ելույթից հետո Ալեն Սիմոնյանն արձագանքեց, թե՝ քանի գլխանի էիք, որ վարչապետ չընտրեիք։ Զոհրաբյանն էլ տեղից արձագանքեց, սակայն մնացած ռեպլիկները լսելի չեղան, իսկ ԱԺ նախագահ Արարատ Միրզոյանը փորձեց հանդարտեցնել իրավիճակը։

Տպել
4280 դիտում

ՀՀ վարչապետ Նիկոլ Փաշինյանը հանդիպում է անհետ կորածների հարազատների հետ

Արցախում ականի պայթյունից վիրավորված փրկարարների ու ՊԲ զինծառայողի կյանքին վտանգ չի սպառնում

Մեկնարկել է ՀՀ նախագահ Արմեն Սարգսյանի աշխատանքային այցը Հորդանանի Հաշիմյան Թագավորություն (տեսանյութ, լուսանկարներ)

Վարչապետն այցելել է ռազմարդյունաբերական ընկերություններ և հանձնարարել շարունակել արտադրական հզորությունների զարգացումը

Վարչապետ Փաշինյանը շնորհավորել է Արարատ Միրզոյանին ծննդյան տարեդարձի կապակցությամբ

Ականի պայթյունի հետևանքով Արցախում ռուս սպա է վիրավորվել. ria.ru

Ախուրյանի ոստիկաններն ապօրինի թմրաշրջանառության դեպք են բացահայտել

Արագածոտն գյուղում այրվել է մոտ 450 հակ անասնակեր․ ԱԻՆ

Արցախի տեղեկատվական շտաբի արձագանքը Մարտունու շրջանի Բերդաշենին հակառակորդի և ռուսական ուժերի մոտենալու մասին լուրերին

Որոնողական աշխատանքները շարունակվում են Մարտունի, Մատաղիսի ուղղությամբ, Շեխեր եւ Զարդարաշեն գյուղերում․ ԱՀ ԱԻՊԾ

Հարությունյանը շնորհակալություն հայտնել ԿԳՄՍՆ թիմի անդամներին, նշել, որ բարեփոխումների արդյունքները կլինեն առաջիկայում

ՃՏՊ Գավառ-Մարտունի ավտոճանապարհին․ 22-ամյա վարորդը տեղում մահացել է

Հայ ֆուտբոլիստների արդյունավետ ուիք-էնդը․ Մխիթարյանը փայլեց, Ղադիմյանը գոլը նշեց Հայաստանի դրոշով

Շվեյցարիան և Գերմանիան 460.000 ֆրանկ կտրամադրեն Հայաստանի համայնքներին՝ ուղղված ՔՈՎԻԴ-19-ի հետևանքների հաղթահարմանը

Արարատ Միրզոյանը հեռախոսազրույց է ունեցել ՌԴ Պետական դումայի նախագահ Վյաչեսլավ Վոլոդինի հետ

Սփյուռքը շարունակում է հումանիտար օգնություն ուղարկել Հայաստան

ԿԳՄՍ նախարար է նշանակվել Վահրամ Դումանյանը

ԱԻՆ-ը 441 բեռնատար հումանիտար օգնություն է փոխանցել լիազոր մարմիններին

Արայիկ Հարությունյանն ազատվեց ԿԳՄՍ նախարարի պաշտոնից

Արցախի նախագահ Արայիկ Հարությունյանն աշխատանքային ընդլայնված խորհրդակցություն է անցկացրել Ասկերանում (տեսանյութ)