ՀՖՖ-ն ներկայացրել է արտահերթ ժողովի կազմակերպման ժամանակացույցը

Հաշվի առնելով 2019 թվականի դեկտեմբերի 23-ին կայանալիք ՀՖՖ արտահերթ ժողովի հետ կապված հանրային մեծ հետաքրքրությունը՝ ներկայացնում ենք ժողովի կազմակերպման, ՀՖՖ նախագահի և Գործադիր կոմիտեի անդամության թեկնածությունների առաջադրման ժամանակացույցը:

Այդ մասին տեղեկացնում է ՀՖՖ պաշտոնական կայքէջը:

ՀՖՖ նախագահի և Գործադիր կոմիտեի անդամության համար թեկնածությունների առաջադրման վերջնաժամկետ է սահմանվել 2019 թվականի դեկտեմբերի 2-ը ներառյալ: Մինչ սահմանված վերջնաժամկետը՝ ՀՖՖ անդամ 34 կազմակերպությունները կարող են ՀՖՖ ներկայացնել նախագահի և Գործադիր կոմիտեի անդամության իրենց թեկնածուներին. յուրաքանչյուր անդամ կազմակերպությունից յուրաքանչյուր պաշտոնի համար մեկական ներկայացուցիչ:

Մինչև դեկտեմբերի 6-ը ներառյալ նույն անդամ կազմակերպությունները պետք է ՀՖՖ ներկայացնեն իրենց ներկայացրած թեկնածուների չդատվածության մասին տեղեկանքները, ինչպես նաև Ժողովին մասնակից իրենց՝ քվեարկության իրավունք ունեցող մեկ և քվեարկության իրավունք չունեցող մինչև երկու պատվիրակների տվյալները:

Դեկտեմբերի 2-ից 6-ն ընկած ժամանակահատվածում ՀՖՖ-ն կստուգի ներկայացված թեկնածուների համապատասխանելիությունը ՀՖՖ կանոնադրությամբ սահմանված պահանջներին: Փաստաթղթային փաթեթները ամբողջականացնելուց և թեկնածուների ցանկը վերջնականացնելուց հետո՝ դեկտեմբերի 6-ին ՀՖՖ գրասենյակում կհրավիրվի մամուլի ասուլիս, որի ընթացքում ուղիղ եթերում կհրապարակվեն թե՛ նախագահության, թե՛ Գործադիր կոմիտեի անդամության համար ներկայացված թեկնածությունները և դրանց ներկայացրած անդամների անունները: Ընդ որում, կհրապարակվեն ոչ միայն վերջնական ցուցակում տեղ գտած թեկնածությունները, այլև այն թեկնածուները, ովքեր Կանոնադրության պահանջներին չհամապատասխանելու դեպքում դուրս կմնան վերջնական ցուցակից: 

ՀՖՖ նախագահի պաշտոնի համար առաջադրված բոլոր թեկնածուները դեկտեմբերի 7-ից 21-ը ներառյալ հնարավորություն կունենան հրապարակայնորեն ՀՖՖ անդամներին և ֆուտբոլային հանրությանը ներկայացնելու իրենց նախընտրական ծրագրերը:

Դեկտեմբերի 23-ին տեղի կունենա ՀՖՖ արտահերթ ժողովի նիստը, որի ընթացքում ՀՖՖ անդամ կազմակերպությունները քվեարկության միջոցով կընտրեն ՀՖՖ նոր նախագահ և Գործադիր կոմիտեի նոր անդամներին: Ժողովի անցկացման տեղի, ժամի և օրակարգի վերաբերյալ տեղեկատվությունը ՀՖՖ-ն կհրապարակի և իր անդամներին կտեղեկացնի Ժողովից առնվազն 10 օր առաջ՝ համաձայն ՀՖՖ Կանոնադրության:

 

Տպել
564 դիտում

«Նորք»-ում գրանցվեց մահվան եւս մեկ դեպք. Հայաստանում կորոնավիրուսից մահացածների թիվը դարձավ յոթ

Բոլորս պետք է լծվենք գազի գնի հայտի ուսումնասիրության հիմնավորվածությանն ու դրա գնահատականին. պատգամավոր

Դատավորը նկատողություն ստացավ «օրենքով գող» Հայկո Աստրախանսկիին երկիրը լքելու թույլտվություն տալու համար

Բելառուսը ռուսական նավթը կգնի բարելի դիմաց 4 դոլար արժեքով. հավելավճարներ չեն լինի

ԲԴԽ-ն խիստ նկատողություն է հայտարարել դատավոր Նաիրա Մխիթարյանին

Արցախում մեկուսացված 3 քաղաքացու հետազոտության արդյունքները եղել են բացասական․ ԱՀ-ում առայսօր կորոնավիրուսի դեպք չկա

«Առականի». նոր նախագիծ ԿԳՄՍ նախարարությունից

Բագրատաշենի սահմանային անցակետում հետախուզվող է հայտնաբերվել

Ռուսաստանում կարանտինային արձակուրդը կտեւի ամբողջ ապրիլ. Պուտինը նոր ուղերձով է հանդես եկել

Հայաստանում արձանագրվել է կորոնավիրուսի հետեւանքով մահվան 6-րդ դեպքը

Ներդրումային առաջարկներին մեր արձագանքի արագությունը եւ որակը պետք է էական փոփոխությունների ենթարկվի. վարչապետ

Անցկացվել են հրետանավորների գործնական պարապմունքներ․ ՊՆ

Մահակով եւ հակագազով ցուցմունք կորզելու գործով տուժողն առերեսվել է երկու մեղադրյալների հետ

Արցախում մարտին թանկացել են բժշկական դիմակը, ալյուրը, հավի ձուն, սոխը, կիտրոնն ու այլ ապրանքներ

ՊԵԿ-ը շարունակում է խրախուսել հարկերը պարտաճանաչ վճարող տնտեսվարողներին․ 4 տնտեսվարողի հավաստագիր է ուղարկվել փոստով

Ապրիլյան ագրեսիան ամրապնդել է Արցախի ժողովրդի և իշխանությունների՝ պետականության զարգացումը շարունակելու վճռականությունը

Գյումրիի խանութնրից մեկում հայտնաբերվել եւ ոչնչացվել են ժամկետանց վաֆլիներ․ ՍԱՏՄ

Օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ

Ոստիկանության Դիլիջանի ու Վարդենիսի բաժիններում քաղաքացիներն ապօրինի հրազեններ են հանձնել

Խոնարհվեցի հայրենիքի պաշտպանության ժամանակ ընկած հերոսների շիրիմների առջեւ․ Արարատ Միրզոյան