Վազգեն Մանուկյանը հայտարարել է Հանրային խորհուրդը լքելու մասին

Հանրային խորհրդի նախագահ Վազգեն Մանուկյանը քիչ առաջ հանդես է եկել հայտարարությամբ՝ Հանրային խորհրդի անդամներին հայտնելով իր հրաժարականի մասին:

Նա կոչով դիմել է Հանրային խորհրդի անդամներին․ «Սիրելի’ գործընկերներ, Նոր իշխանություններն ունեին բացառիկ հնարավորություն մեր երկիրը տանել զարգացման ուղղությամբ, ժողովրդին համախմբել համազգային խնդիրների շուրջ, նպաստել մեր քաղաքացիների բարեկեցությանը՝ կառուցելով ավելի ժողովրդավար ու ավելի արդյունավետ ազգային պետություն: Ցավոք, իշխանությունները գնացին այլ ուղղությամբ, և այսօր մեր երկրում ձևավորվել է անվստահության և ատելության աննախադեպ աստիճանի մթնոլորտ, տեղի է ունեցել հասարակական այնպիսի պառակտում, ինչպիսին երբեք չի եղել:

Եվ սա այն դեպքում, երբ աշխարհն ու մեր տարածաշրջանն այսքան փոխվել են՝ ավելացնելով նոր վտանգներ ու մարտահրավերներ մեր անվտանգության հարցում, Արցախի հարցում: Այս պայմաններում իշխանության նպատակը պետք է լիներ հասարակության մեջ առկա ճաքերը մեղմելը, համերաշխության մթնոլորտ ստեղծելը, ժողովրդին համախմբելը: Այդ նպատակի իրականացման համար ամենաարդյունավետ գործիքներից մեկը կարող էր լինել հենց Հանրային խորհուրդը, որի կարևոր գործառույթներից մեկը, համաձայն օրենքի, Կառավարության, պետական կառավարման համակարգի մարմինների և քաղաքացիական հասարակության ինստիտուտների միջև փոխադարձ վստահության, երկխոսության և գործընկերային հարաբերությունների ձևավորմանը նպաստելն է:

Փոխարենը իշխանությունները շարունակում են քննարկել նախագծեր և անել քայլեր, որոնք ավելի ու ավելի են պառակտելու մեր հասարակությունը. դա անցումային արդարադատությունն է, առանց մեղադրական եզրակացությունների գույքի բռնագանձման օրինագիծը, կրթական ոլորտի փոփոխությունները, քաղաքական խնդիրներ լուծելու նպատակով դատաիրավական համակարգն օգտագործելը և այլն: Հանրային խորհրդի վերջին նիստին ես Ձեզ ներկայացրեցի, որ մի քանի անգամ փորձել եմ հանդիպել վարչապետի հետ, գտնել համագործակցության եզրեր՝ թուլացնելու հասարակության մեջ առկա լարվածությունը և Հանրային խորհրդի միջոցով կանխելու որոշ քայլեր, որոնք, իմ կարծիքով, վտանգավոր են պետության համար: Գիտեք նաև, որ այդ փորձերն ապարդյուն են անցել:

Մեր վերջին նիստից անցել է որոշակի ժամանակ, և նորից ոչ մի արձագանք: Այս պայմաններում իմ հետագա գործունեությունը Հանրային խորհրդում համարում եմ անիմաստ և դուրս եմ գալիս խորհրդից, ինչի մասին արդեն գրավոր տեղեկացրել եմ կառավարությանը: Կշարունակեմ պայքարը հանուն մեր պետության և ժողովրդի շահերի, ինչպես պայքարել եմ իմ ողջ կյանքի ընթացքում: Սիրելի՛ գործընկերներ, Շնորհակալություն եմ հայտնում բոլորիդ: Շատերիդ հետ հետաքրքիր ու դժվարին ճանապարհ ենք անցել դեռևս 2009 թվականից՝ փորձելով ստեղծել քաղաքակիրթ հարթակ, ձևավորել հանրային նոր մշակույթ, գտնել փոխզիջումային լուծումներ հասարակության ու իշխանության միջև ծագած խնդիրների, վեճերի և լարվածության ժամանակ: Հուսով եմ, որ Հանրային խորհուրդը կշարունակի պահպանել իր որակը և կշարունակի ծառայել իր նպատակներին»,- գրել է Մանուկյանը:

Հիշեցնենք, որ հատկապես վերջին շրջանում Հանրային խորհրդի վարքագիծը քննարկումների տեղիք էր տվել: Պատգամավոր Արման Բաբաջանյանը դիմել էր վարչապետին՝ խնդրելով Մանուկյանին հեռացնել պաշտոնից: Ընդգծելով, որ Հանրային խորհուրդը Սահմանադրական մարմին է, Բաբաջանյանը միեւնույն ժամանակ գրել էր, որ թեեւ հանրային խորհրդի առաքելությունը պետք է լիներ հանրությանը հուզող խնդիրների վերհանումը, սակայն հանրային խորհրդի կողմից նույնիսկ փորձեր չենք տեսնում այդ ուղղությամբ: Հոկտեմբերի 27-ի գործով դատապարտված Նաիրի Հունանյանի հետ հանդիպումից հետո Բաբաջանյանը ակնարկներ էր արել նաեւ Վազգեն Մանուկյանի ու Հոկտեմբերի 27-ի գործով ցմահ ազատազրկման դատապարտված Նաիրի Հունանյանի կապի մասին:

Սակայն, հաշվի առնելով, որ Մանուկյանը ՀԽ նախագահի պաշտոնում նշանակվել էր ապրիլի 4-ին, ուստի վարչապետը նրա հեռացման հարցը կարող էր դնել միայն ապրիլի 4-ից հետո: Մանուկյանն ինքն էլ հայտարարել էր, որ կհանդիպի վարչապետի հետ եւ եթե նա համարի, որ չեն ուզում աշխատել իրար հետ՝ ինքը կհեռանա: Օրերս Մանուկյանը հայտարարել էր, որ փորձել է կապ հաստատել վարչապետի հետ, սակայն իրեն չի հաջողվել: Այսօր Հանրային խորհրդի նիստում պետք է քննարկվեր 2 լրատվամիջոցի կողմից ներկայացրած դիմում՝ ՀԽ անդամ Ստյոպա Սաֆարյանին խորհրդից հեռացնելու մասին: Հիշեցնենք, որ Վազգեն Մանուկյանը ՀԽ նախագահ է 2009 թվականից: 

Տպել
2756 դիտում

Երիտասարդների բարեխոս Սուրբ Սարգսի հիշատակության օրն այս տարի կնշվի փետրվարի 8-ին

Բերման է ենթարկվել «Քաղաքացիական գիտակցություն» հկ նախագահ Նարեկ Սամսոնյանը. Արսեն Բաբայան

Ադրբեջանն արգելել է Ուկրաինայի ՆԳՆ հայ աշխատակցուհուն մասնակցել Բաքվում անցկացվող սեմինարին

Ավտովթար է տեղի ունեցել Սարատովի մարզում. զոհը եւ տուժածները ՀՀ քաղաքացիներ են

Ռուսաստանում սպանվել են Ռոստովի շրջանային պատգամավորն ու կինը

Դանակահարություն՝ Նուբարաշենի բանտում. 2 դատապարտյալ է տեղափոխվել «Էրեբունի» բժշկական կենտրոն

Արմեն Սարգսյանն Արարատում մասնակցել է Բանակի օրվան նվիրված տոնական միջոցառմանը

Ոստիկանության շենքից դուրս է եկել «Ադեկվադ» նախաձեռնության համահիմնադիր Արթուր Դանիելյանը

Երեւանի նախկին ոստիկանապետ Աշոտ Կարապետյանի մահվան դեպքով վկաներ կան. ՌԴ ՔԿ

Հրդեհներ են բռնկվել հանրապետության խոտածածկ տարածքներում, այրվել է 5.5 հա տարածք

Սեռական ոտնձգության ու կողմնակալ քվեարկության մասին հայտարարությունը ստվերել է «Գրեմի 2020»-ը

Քաղաքագետ Քանանյանի հետ հացադուլ է անում ևս մեկ արցախցի. բողոքին կմիանան այլ քաղաքացիներ նույնպես

Գորիսի տներից մեկում փրկարարները հայտնաբերել են 1945 թվականին ծնված տղամարդու դի. ԱԻՆ

ՃՏՊ Շիրակի գերեզմանատան մոտ. տուժածների վիճակը ծանր է, նրանց թվում հղի կին կա

ԱԱԾ նախկին տնօրեն Գեորգի Կուտոյանի ինքնասպանությունը կատարվել է նեղ անձնական շարժառիթով. ՔԿ

Ավտովթար Երեւանում. BMW-ն դուրս է եկել երթևեկելի գոտուց և տապալել լուսացույցը, կա տուժած

Վարչապետը հանդիպել է Հայաստանում ԱՄՆ դեսպան Լին Թրեյսիի եւ Կանզաս նահանգի Ազգային գվարդիայի հրամանատար Լի Տաֆանելլիի հետ

Չինաստանից վերադարձած Վրաստանի քաղաքացին կորոնավիրուսի ախտանիշներով դիմել է բուժհաստատություն

Այսօրվա մեր հայրենիքն այն տարածքն է, որ գտնվում է սահմանին կանգնած զինվորի թիկունքում. վարչապետ

Աննա Հակոբյանը ներկա է գտնվել «Հայրենիքի պաշտպանի վերականգնողական կենտրոնում» Արմենակ Ուրֆանյանի անվան դահլիճի բացմանը