Արմեն Գեւորգյանի պաշտպանը եւս մեղադրող դատախազներին բացարկի միջնորդություն ներկայացրեց

Մարտի 1-ի գործով ամբաստանյալ Արմեն Գեւորգյանի պաշտպան Էրիկ Ալեքսանյանը եւս այսօրվա նիստում բացարկի միջնորդություն ներկայացրեց սույն գործով մեղադրող դատախազներին:

Մինչ այդ, մեղադրող դատախազ Պետրոս Պետրոսյանին բացարկի միջնորդություն էին ներկայացրել Քոչարյանի պաշտպանները: Միանալով այս միջնորդությանը եւս եւ ներկայացնելով իր բացարկի հիմքերը՝ Ալեքսանյանը նշեց, որ սույն քրգործով մեղադրանքի պաշտպանություն իրականացնող դատախազները ենթակա են բացարկման, քանի որ Սահմանադրության 176-րդ հոդվածը, ՔԴՕ եւ Դատախազության մասին օրենքի համապատասխան նորմերը հստակ բխում են, որ դատախազը հանդիսանում է այն պաշտոնյան, որն իրականացնում է մինչդատական վարույթի օրինականության նկատմամբ դատավարական հսկողություն։ Այլ կերպ ասած՝ նշված նորմատիվ իրավական ակտերից ակներեւ է, որ դատախազը հանդիսանում է պետության այն ներկայացուցիչը, որն իրականացնում է նախաքննության եւ հետաքննության մարմինների կայացրած որոշումների եւ գործողությունների նկատմամբ դատախազական հսկողություն։

Ներկայացնելով այս նորմերը՝ Արմեն Գեւորգյանի պաշտպանը դատարանի ուշադրությունը հրավիրեց այն հանգամանքին, որ սույն քրգործով մինչդատական վարույթում նախաքննական մարմնի կողմից թույլ են տրվել քրեադատավարական օրենքի բազմաթիվ խախտումներ, որոնց հետեւանքով խախտվել են Արմեն Գեւորգյանի իրավունքներն ու օրինական շահերը․

«Քննության նկատմամբ հսկողություն իրականացնող դատախազները, որոնց հիմնական առաքելություններից է անձանց իրավունքների եւ, օրինակ, շահերի ապահովումը եւ խախտված իրավունքների դեպքում դրանց վերականգնման ուղղությամբ միջոցներ ձեռնարկելը, հարկ է նշել, որ որեւէ միջոց չի ձեռնարկվել Արմեն Գեւորգյանի խախտված իրավունքները վերականգնելու ուղղությամբ»,- ասաց Էրիկ Ալեքսանյանը՝ հավելելով, որ սույն քրգործի սկզբնական փուլից դատախազների կողմից իրականացվել է կույր մինչդատական վարույթի օրինականության նկատմամբ դատավարական հսկողություն։

Նա հայտարարեց, որ տարօրինակ կերպով սույն քրգործում հայտնվել է Վիկիլիքսի հրապարակումն այն մասին, թե իբր ճնշում է գործադրվել ՀՀ ՍԴ նախկին անդամ Վալերի Պողոսյանի նկատմամբ, որից հետո հաջորդել է արդարադատությանը խոչընդոտելու փաստի առթիվ քրգործի հարուցումն ու Արմեն Գեւորգյանին մեղադրանքի առաջադրումը։ Ընդ որում, պաշտպանի պնդմամբ, մինչ քրգործի հարուցումը, Պողոսյանը հերքել է որեւէ մեկի կողմից, այդ թվում՝ Արմեն Գեւորգյանի իր վրա ճնշումներ գործադրելու հանգամանքը, ինչը ակնհայտ է դարձնում, որ ի սկզբանե բացակայել է հանցագործության դեպքը․

«Սակայն անհասկանալի պատճառով նախ հարուցվում է քրեական գործը, իսկ հետագայում ՀՔԾ պետ Սասուն Խաչատրյանն իր հրապարակային ելույթներում խոսում է մեղադրանքի «հիմնավորվածության» մասին, իսկ քրեական հետապնդման մարմիններն էլ ոչ միայն չեն դադարեցրել քրեական հետապնդումը, այլեւ Արմեն Գեւորգյանի մեղադրանքը փոփոխել են ավելի ծանր մեղադրանքով, ինչից ակնհայտ է դառնում, որ քննության նկատմամբ հսկողություն իրականացնող դատախազներն ունեցել են կանխակալ վերաբերմունք»։

Արմեն Գեւորգյանի պաշտպանի պնդմամբ՝ սկզբնական մեղադրանքի շրջանակներում կատարվել են եւ իրականացվել նաեւ այլ խախտումներ։ Ըստ նրա՝ ի սկզբանե քրգործ հարուցվել էր արդարադատությանը խոչընդոտելու փաստի առթիվ, եւ եթե ուսումնասիրենք քրգործ հարուցելու մասին որոշումը, ապա կնկատենք, որ այն կայացվել է դատավարական խախտումներով։

Մյուս խախտումն էլ, ինչպես նշեց Ալեքսանյանը, այն է, որ այդ որոշման մեջ նշված է Արմեն Գեւորգյանի անունը, մինչդեռ, նրա պնդմամբ, քրգործ հարուցվում է ոչ թե անձի դեմ, այլ փաստի շուրջ․

«Ուսումնասիրելով որոշումը՝ կնկատենք, որ այնտեղ տրված են այնպիսի ձեւակերպումներ, որոնք անաչառ դիտորդի տեսանկյունից կարող են ստեղծել այնպիսի տպավորություն, որ Արմեն Գեւորգյանը կատարել է այդ որոշման նկարագրական մասի մեջ նկարագրված գործողությունները՝ հանցավոր արարքը։ Մինչդեռ բոլորիս հայտնի է, որ քրեական գործի հարուցման որոշման մեջ չեն կարող տրվել այնպիսի ձեւակերպումներ, որոնք անաչառ դիտորդի մոտ կարող են ստեղծել այնպիսի տպավորություն, որ անձը կատարել է այդ հանցագործությունը։ Ես չեմ ուզում հավատալ, որ գործով մեղադրողները՝ քննության նկատմամբ հսկողություն իրականացնող դատախազները, նշյալ դրույթի մասին որեւէ տեղեկություն չեն ունեցել եւ իմ նշված նախադեպային իրավունքի մասին որեւէ տեղեկություն չեն ունեցել»։

Էրիկ Ալեքսանյանը հայտարարեց, որ եթե գործ չունեն դատավարական չիմացության հետ, ապա այստեղ գործ ունեն դատախազների կողմնակալ վերաբերմունքի հետ։

Ինչ վերաբերում է Արմեն Գրիգորյանի փոփոխված նոր ծանր մեղադրանքին, ապա պաշտպանը հարկ համարեց փաստել, որ 2018 թվականի դեկտեմբերի 14-ին Երեւանի ընդհանուր իրավասության դատարանը, քննության առնելով նախաքննության մարմնի միջնորդությունը՝ Արմեն Գեւորգյանի նկատմամբ կալանավորումը որպես խափանման միջոց կիրառելու մասին, որոշել էր հիմնավոր կասկածի բացակայության հիմքով այդ միջնորդությունը մերժել․

«Այսինքն՝ դատավորը փաստացի արձանագրել էր այն հանգամանքը, որ Արմեն Գեւորգյանը որեւէ առնչություն չունի իրեն վերագրվող այդ մեղադրանքների հետ։ Հետեւաբար, եթե որեւէ առնչություն չունի, նրա առնչությունը մեղադրանքներում չի հիմնավորվել, ապա ինչպե՞ս կարող ենք խոսել առհասարակ մեղադրանքի մասին»,- հնչեցրեց պաշտպանը։

Նա նշեց, որ սպասում էին, որ քրեական հետապնդման մարմիններն անհապաղ ձեռնամուխ կլինեն Արմեն Գեւորգյանի նկատմամբ քրեական հետապնդումը դադարեցնելու վերաբերյալ որոշում կայացնելուն, սակայն տեսնում են, որ ոչ միայն նման որոշում չի կայացվում, այլ քրեական գործը նույն ապացույցների ծավալով ուղարկվում է դատարան․

«Նկատի ունենալով հանգամանքը, որ դատախազներն էլ դատական քննության փուլում չեն հրաժարվել մեղադրանքից՝ նշանակում է, որ վերջիններս ամենասկզբից կողմնակալ վերաբերմունք են ունեցել։ Հաշվի առնելով վերոգրյալը՝ խնդրում են հիմք ընդունել բացարկի միջնորդությունը եւ դատախազներին հեռացնել գործով վարույթից»,- եզրափակեց ամբաստանյալ Արմեն Գեւորգյանի պաշտպանը։

Տպել
999 դիտում

Որտեղ է տեղակայվելու Ղարաբաղում հրադադարի վերահսկման ռուս-թուրքական կենտրոնը. Թուրքիան կողմ է, Ռուսաստանը՝ դեմ

Սեր՝ պատերազմից հետո․ Արցախից Վանաձորում ապաստանած 55-ամյա Հայկազն ու Ռուզանը 2 օրից կամուսնանան

Հաբեթնակ Կուրղինյանը հրապարակել է ազատ ոճի ըմբշամարտի Հայաստանի հավաքականի կազմը

Քարակերտ համայնքում ասֆալտապատվել են Պարույր Սևակ, Գայ և Մովսես Խորենացի փողոցները

Գուտերեշը կոչ է արել Երեւանին ու Բաքվին վերսկսել բանակցությունները ԵԱՀԿ Մինսկի խմբի հովանու ներքո

ՀՀ թեկնածուն ընտրվել է Եվրոպայի խորհրդի՝ Մարդկանց թրաֆիքինգի դեմ պայքարի հարցերով փորձագետների խմբի անդամ

Արցախի ԱԳՆ-ն ողջունում է Ֆրանսիայի ԱԺ կողմից Արցախի ճանաչման անհրաժեշտության բանաձևի ընդունումը

Ամենայն Հայոց Կաթողիկոսն ընդունել է մարդասիրական առաքելությամբ Հայաստանում գտնվող ֆրանսիացի բժիշկներին

Նման պայմաններում հավաքականի հաղթանակն ավելի արժեքավոր էր. Արմեն Մելիքբեկյանը պատասխանել է լրագրողների հարցերին

«Ջրվեժ» անտառպարկ մուտքը պետք է դառնա անվճար հանրության համար

Այսօրվա գոռացողների կազմը համընկնում է Հոկտեմբերի 27-ի, Մարտի 1-ի շահառուների հետ. նրանք ձգտում են հեղաշրջման. Մեհրաբյան

Առողջապահության նախարարությունը վարում է ԴՆԹ նույնականացման 2-րդ սարքի ձեռքբերման բանակցություններ

Ժամանակավորապես կդադարեցվի երթևեկությունը Մյասնիկյան պողոտայի մի հատվածում

Գագիկ Ղալաչյանը հետ է կանչվել Ղազախստանում եւ Ղրղզստանում ՀՀ դեսպանի պաշտոնից

Մեծամորում ավարտվել են 2020 թվականի համար հաստատված երկու սուբվենցիոն ծրագրերից մեկով նախատեսված աշխատանքները

Իմ քայլը հիմնադրամի ջանքերով Ստեփանակերտում բացվել է անվճար հացատուն (լուսանկարներ)

ԱԱՏՄ-ն 3 մարզկենտրոնների դեղատներում, գեղեցկության սրահներում, առևտրի մանրամեծածախ կետերում ստուգայցեր է իրականացրել

Ամասիայի և Աշոցքի տարածաշրջանների ավտոճանապարհներին տեղ-տեղ առկա է մերկասառույց

Արարատ Միրզոյանը ակադեմիական շրջանակի ներկայացուցիչների հետ քննարկել է հասարակությանը հուզող մի շարք հարցեր

Արցախում է ՌԴ զինված ուժերի ինժեներական զորքերի պետ, գեներալ-լեյտենանտ Յուրի Ստավիցկին. հանդիպել են ԱՀ նախագահի հետ