Մեղավորները շինարարական կազմակերպություններն են. Եղեգնաձորի համայնքապետը արձագանքում է Նիկոլ Փաշինյանի դիտողություններին

 

Օրեր առաջ ՀՀ վարչապետ Նիկոլ Փաշինյանը շրջայց էր կատարել Վայոց ձորի մարզկենտրոն Եղեգնաձորում, որտեղ մի շարք թերություններ էր նկատել եւ դրանք բարձրաձայնել՝ դիմելով անձամբ իրեն ուղեկցող համայնքապետ Դավիթ Հարությունյանին:

Մասնավորապես փողոցներից մեկում շրջայց կատարելիս վարչապետը նկատել էր, որ վերանորոգման աշխատանքները, որոնք դեռեւս կատարվում էին՝ «գլխառադ» են արված: Բակերից մեկի բարեկարգումը եւս վարչապետին չէր գոհացրել: Վարչապետը դժգոհել էր նաեւ Եղեգնաձորի լուսավորությունից՝ նշելով, որ ծրագրի իրականացման համար գրեթե ոչ մի բան արված չէ: Դրա վերաբերյալ վարչապետը ֆեյսբուքյան իր էջում գրել էր. «Քաղաքապետն ասում է՝ դժվար մասն արել ենք: Հումորով քաղաքապետ։ Մնում է պարզենք «դժվար մաս» ասելով՝ ինչ նկատի ուներ»:

Եղեգնաձորի համայնքապետ Դավիթ Հարությունյանը «Հայկական ժամանակ»-ի հետ զրույցում մանրամասնեց, որ փողոցի վերանորոգման աշխատանքներն իրականացվում է մրցութային կարգով՝ մասնավոր ընկերության միջոցով:

«Մասնավորն ինձ ասում է՝ ես ժամանակ ունեմ եւ իմ գործը ժամանակին կավարտեմ, եթե ժամանակին չավարտեմ, նոր ինձ հետ խնդիր ունեցեք»,- ասաց Հարությունյանը՝ նշելով, որ մինչեւ նոյեմբերի 30-ը շինարարական կազմակերպությունը ժամանակ ունի. «Եթե աշխատանքը նորմալ չլինի, մենք գումարը չենք վճարի: Մենք մինչեւ հիմա ոչ մի կոպեկ չենք վճարել»:

Նա ասաց, որ շինարարական աշխատանքներն արդեն մեկուկես ամիս արվում են, սակայն դժվարացավ ասել, թե աշխատանքի քանի տոկոսն է կատարվել. «5 փողոցի վերանորոգում են անում՝ 2 փողոցի ասֆալտապատում, բակերի բարեկարգում»: Անդրադառնալով բարեկարգված բակի վերաբերյալ վարչապետի դժգոհությանը, Եղեգնաձորի համայնքապետն ասաց. «Ինչ դժգոհություն եղել է, այդ թերությունները պետք է վերացվեն»:

Հարցին՝ այս պահին աշխատո՞ւմ են այդ թերությունները վերացնելու ուղղությամբ, Հարությունյանն առաջարկեց այցելել համայնք եւ տեղում համոզվել. «Աշխատում ենք, բա ի՞նչ պետք է անենք»:

Հարցին՝ մինչ վարչապետի այցը այդ խնդիրներն ինքը չէ՞ր նկատել, Հարությունյանը պատասխանեց. «Խնդիրներ կան՝ գուցե չնկատենք, խնդիրներ կան՝ գուցե հուշեն, բոլոր համայնքներում էլ խնդիրներ կան: Փորձում ենք բոլոր խնդիրներին էլ լուծում տալ: Յուրաքանչյուր այցից կարող է ինչ-որ նոր բան փոխվել»:

Եղեգնաձորի Նորավանք թաղամասի բնակիչները վարչապետին ասել էին, որ 26 տարի է թաղամասը շահագործման է հանձնվել, սակայն կոյուղի չկա, ինչին ի պատասխան վարչապետը խոստացել էր խնդիրը կարգավորել: Սրա վերաբերյալ Եղեգնաձորի համայնքապետը մեր զրույցում ասաց, որ այդ խնդրի լուծման համար 290 մլն դրամ է հարկավոր ըստ հաշվարկների, որը գերազանցում է համայնքի տարվա բյուջեն, իսկ համայնքի բյուջեն կազմում է 277 մլն դրամ:

Հարությունյանն ասաց, որ սուբվենցիոն ծրագրերով՝ Կառավարության հետ համաֆինանսավորմամբ աշխատանքներ են իրականացնում: Դիտարկմանը, թե կարծես ավանդույթ է դարձել, որ պաշտոնյաների այցելություններից առաջ կամ հետո են շատ խնդիրներ սկսում լուծվել, Հարությունյանն արձագանքեց. «Մեզ մոտ այդպես չէ. եթե աշխատանքներ կան՝ պետք է արվեն: Կարեւոր չէ՝ գալուց առաջ, թե հետո»: Հարցին՝ այս դեպքում չի՞ ստացվում, որ վարչապետի նկատած թերություններն այցելությունից հետո են վերացվում, Եղեգնաձորի համայնքապետը պատասխանեց. «Չենք վերացնում, դա շինարարի աշխատանքներն է, որը նա պետք է իր ժամանակի մեջ հասցնի կատարել: Եթե չհասցնի, այդ ժամանակ  խնդիր կունենա»:

Հարությունյանի կարծիքով՝ բոլոր համայնքներում էլ խնդիրներ կան. «Հանրային լսումներ ենք անցկացնում, խնդիրները ներկայացնում ենք, հասկանում ենք գումարի չափը, եւ ավագանին որոշում է, թե ինչ անել»:

Հարցին՝ լուսավորության հարցն ինչո՞ւ չի լուծվել, քանի որ վարչապետը դրանից եւս դժգոհել էր, Հարությունյանը պատասխանեց. «Երեկ այդ շինարարը մարզպետին ասաց՝ ես ունեմ ժամանակ եւ դրանք 1 շաբաթում կհասցնեմ անել»:

Հարցին՝ վարչապետի հետ զրույցում նշել էր, որ գործի դժվար մասն արվել է, ի՞նչ նկատի ուներ դժվար մաս ասելով, պատասխանեց. «Ես ասացի՝ դժվարն անցել ենք: Էլեկտրասյուները, որ տնկվում են, 19 տեղում՝ 30 մետրի վրա փոսեր են փորվել, որոնց ներքին շերտերը կավային են,  քանդել են՝ մեկուկես մետր խորությամբ, ցեմենտ-բետոն են արել, որ էլեկտրականություն անցկացնեն: Այդ 19 անցքեր բացելն էր դժվար, ես դա նկատի ունեի: Հիմա մնացել է ամենահեշտը՝ սյուները տնկել, պլաֆոնները (լուսամփոփ) դնել եւ կաբելը միացնել»:

Հարությունյանը նշեց, որ լուսավորությունն իրականացնում է այլ կազմակերպություն, փողոցի վերանորոգումն՝ այլ եւ երկուսն էլ մինչեւ նոյեմբերի 30-ը ժամանակ ունեն խնդիրը կարգավորելու համար:

Հարցին՝ ստուգումներ սպասվո՞ւմ են այս առնչությամբ, Հարությունյանը պատասխանեց. «Ստուգումներ պետք է լինեն տվյալ կազմակերպություններում, եթե իրենք տվյալ ժամանակահատվածում չհասցնեն կատարել իրենց աշխատանքը»:

Անդրադառնալով հարցին, թե նման դժգոհություններից հետո սովորաբար համայնքապետները հրաժարական են տալիս, հնարավո՞ր է այս դեպքում էլ այդպես լինի, նա պատասխանեց. «Բայց ի՞նչ դժգոհություն, եթե գործն անավարտ է մնացել: Եթե գործը լավ չանեն, դժգոհություն կլինի՝ այդ ժամանակ կարելի է մտածել»:

Եղեգնաձորի համայնքապետը նշեց, որ լրատվամիջոցները թերությունների ժամանակ հիշում եւ զանգահարում են, սակայն առավելությունների համար չեն զանգահարում: Ի պատասխան խնդրեցինք Հարությունյանից նշել, թե 2012 թվականից մինչ այժմ ի՞նչ խոշոր աշխատանքներ է իրականացրել: Նա խորհուրդ տվեց դրանք տեսնելու համար այցելել համայնք:

Տպել
7262 դիտում

Արմեն Սարգսյանը Մոսկվայում հարգանքի տուրք է մատուցել լեգենդար հետախույզներ Գևորգ և Գոհար Վարդանյանների հիշատակին

Մայիսյան եռատոնը պետք է մնա եռատոն, թեկուզև ժամանակավորապես խեղված խորհրդով. Արտակ Բեգլարյան

Խաշոկջիի սպանությունից ի վեր Թուրքիայից առաջին անգամ պաշտոնյա կմեկնի Սաուդյան Արաբիա

3800-4200 մարդ է մասնակցում Քոչարյանի «հեռահավաքին» 16:25-ի դրությամբ. Civic

Այս գիշեր ցուրտ ցիկլոն է ներթափանցելու Հայաստան. սպասվում է ինտենսիվ անձրև, կարկուտ, ձյուն, ուժգին քամի

Երևանում երթուղայինի հրդեհումից այրվել է նաև մոտակա կանգառի գովազդային վահանակը (լուսանկարներ)

Նիկոլ Փաշինյանը պետական պարգևներ է հանձնել մի շարք զինծառայողների (լուսանկարներ, տեսանյութ)

Հարգանքով ենք հիշում մեր ընդհանուր հերոսներին. ՀՀ նախագաhին շնորհավորել է Տաջիկստանի նախագահը

Մաղթանքս մեկն է՝ խաղաղ երկինք. Գյումրիում անցկացվեց ՀՀ և ՌԴ զինված ուժերի զինծառայողների համատեղ շքերթ (լուսանկրաներ)

Նիկոլ Փաշինյանը չնախատեսված կանգառներ է ունեցել Վարդենիս եւ Ծովակ համայնքներում

Քոչարյանն ու դաշինքը մարդկանց հավաքել են Ազատության հրապարակում, իրենք ելույթ են ունենում «Գրանդ հոթել Երևան»-ից. Civic

Իսպանիայում ՀՀ դեսպանը Մադրիդում ներկա է գտնվել Մեծ հայրենականի տարելիցի միջոցառումներին

Հայրենական պատերազմում հաղթանակի տարեդարձի առթիվ Ա. Սարգսյանին շնորհավորական ուղերձներ են հղել Ղազախստանի նախագահները

Հաղթանակի ու խաղաղության տոնին Սուրբ պատարագ է մատուցվել Գայանե վանքում

Հրդեհ Գյումրի քաղաքում. այրվել է տան տանիք

Նիկոլ Փաշինյանը ԶՈւ ԳՇ պետ Արտակ Դավթյանի ուղեկցությամբ այցելել է Գեղարքունիքի մարզի N զորամաս

Երևանում թիվ 31 երթուղին սպասարկող ГАЗель-ում հրդեհ է բռնկվել. վարորդը էվակուացրել է ուղևորներին

Արմավիրում 28-ամյա վարորդը ոչ սթափ վիճակում Toyota Camry-ով մխրճվել է հոտի մեջ. 31 գառ տեղում սատկել է, 7-ը՝ վիրավորվել

Երևանում կանխվել է ինքնասպանության փորձը Հաղթանակի կամրջից

Արայիկ Հարությունյանն ու Գագիկ Ծառուկյանը քննարկել են Արցախում սոցիալ-տնտեսական և հումանիտար ծրագրերի իրականացումը

Կյանքից հեռացել է Հասմիկ Կիրակոսյանը

Արցախի նախագահը Մայիսյան եռատոնի առթիվ այցելել է Ստեփանակերտի հուշահամալիր

Վլադիմիր Պուտինը Հայրենական մեծ պատերազմում հաղթանակի 76-ամյակի առթիվ ուղերձ է հղել Արմեն Սարգսյանին

Համոզված եմ, որ մենք կվերակենդանանանք և, անկասկած, կկերտենք մեր հաղթական ապագան. Արթուր Թովմասյան

Արցախում Մայիսի 9-ի միջոցառումները մեկնարկել են խաչերթով

Արմեն Սարգսյանի անունից ծաղկեպսակ է դրվել Անհայտ զինվորի հուշակոթողի մոտ

Հաղթանակի և խաղաղության տոնի առթիվ Նիկոլ Փաշինյանն այցելել է «Հաղթանակ» զբոսայգի (լուսանկարներ)

Նիկոլ Փաշինյանը Մայիսի 9-ի առթիվ շնորհավորական ուղերձներ է հղել Վլադիմիր Պուտինին և Միխայիլ Միշուստինին

Նիկոլ Փաշինյանը Եռաբլուրում հարգանքի տուրք է մատուցել հանուն Հայրենիքի կյանքը զոհաբերածների հիշատակին (լուսանկարներ)

Մենք պարտք ունենք մեր նահատակների ու նոր սերնդի առջև. Ամենայն հայոց կաթողիկոս

Շորժա գյուղում բնակելի տունէ հրդեհվել

Հաստատվել է կորոնավիրուսային հիվանդության 178 նոր դեպք. առողջացածների թիվը գրեթե եռակի է

Դավաճանած կլինենք նրանց հիշատակը, եթե չկառուցենք ամուր պետություն, որը կապահովի Արցախի վերածնունդը. Նիկոլ Փաշինյան

Նոր հաղթանակներ գրանցելու համար պետք է հիշել և արժևորել պատմական հաղթանակները. Արցախի ԱԳՆ

Նիկոլ Փաշինյանն այցելել է Եռաբլուր

Մենք պարտավոր ենք հաղթել. ՀՀ նախագահի ուղերձը Հաղթանակի և խաղաղության տոնի առթիվ

Շուշին այսօր էլ պիտի լինի հայկական վերածննդի կարևորագույն խորհրդանիշներից մեկը. Արարատ Միրզոյան

Ֆիորին France 3-ի եթերում չկարողացավ զսպել հուզմունքը Ազնավուրի «Քեզ համար Հայաստան» երգի կատարման ժամանակ (տեսանյութ)

Աննա Հակոբյանն այցելել է անմահացած ժամկետային զինծառայող Վահան Աղախանյանի ընտանիքին

Ցավում եմ, որ այս բարձրագույն կոչումը հանձնում եմ ոչ թե անձամբ Կոմանդոսին, այլ Ձեզ, և հանձնում ենք հետմահու. Փաշինյան