Լավ կլիներ՝ այդ ժամանակ ոչնչացած լինեի, 3 անգամ տարածվել էր մահվանս լուրը. զինհաշմանդամը ՊՆ-ից ուշադրություն է պահանջում

Արցախյան պատերազմի մասնակից, երկրորդ խմբի զինհաշմանդամություն ունեցող Գառնիկ Կակոյանը երկար տարիներ է՝ հերթագրված է Պաշտպանության նախարարության կարիքավոր ընտանիքների ցուցակում, սակայն տուն այդպես էլ չի ստացել: Այսօր գտնվում է շատ ծանր իրավիճակում եւ ոչ մի տեղից աջակցություն չունի:

Դեռեւս 2013 թվականին, երբ ՊՆ նախկին նախարար Սերյան Օհանյանի մոտ ընդունելության է եղել, վերջինս Կակոյանին խոստացել է հարցին շուտափույթ լուծում տալ, բայց ինչպես ինքն է ասում՝ խոսքն այդպես էլ գործ չի դարձել: Նոր իշխանությունների օրոք էլ զինհաշմանդամը բազմաթիվ նամակներով դիմել է թե՛ ՀՀ վարչապետին, թե՛ Պաշտպանության նախարարությանը: ՀԺ-ի հետ զրույցում Կակոյանը բողոքեց, որ ՊՆ-ն ժամանակին աջակցել է բազմաթիվ անարժանների, իսկ ինքն այդպես էլ անտեսված է մնացել:

«Փառք ու պատիվ այն տղերքին, որոնք իրական զոհեր են, իսկ ովքեր ինքնակոչ են, մարդ չեն»,- ասում է Կակոյանն ու հիշում մարտի դաշտում ընկած զինակից ընկերներին: Ավագ լեյտենանտ Կակոյանը պարգեւատրվել է «Մարտական գործողության մասնակցի» կրծքանշանով,  Մարտական ծառայության, «Ծովակալ Իսակովի», «Վազգեն Սարգսյան», «Անդրանիկ Օզանյան», «Մայրական երախտագիտություն» մեդալներով:

Գառնիկ Կակոյանը 1994 թվականին երեք անգամ ծանր վիրավորում է ստացել, երեք անգամն էլ տարածվել են նրա մահվան մասին կեղծ լուրեր: «Հայկական ժամանակ»-ի խմբագրություն դիմած քաղաքացին այսօր այնքան հուսալքված է, որ ասում է. «Լավ կլիներ՝ ես այդ ժամանակ ոչնչացած լինեի ու այս օրին չհասնեի»:

«Թալիշի տարածքները ազատագրողը ես եմ եղել՝ Շահեն մականունով: Ամբողջ Արթիկի տարածաշրջանից միակ հրամանատարը ես եմ եղել: 1994-ին ինձ ուկրաինացի սնայպերիստ աղջիկ էր խփել: Ականջս ծակվել էր, գլուխս՝ քերծվել: Արնաքամ էի լինում, փոխարինող չունեի: Հետո ինձ պատմեցին, որ երբ տարել են ներքեւ, Ջերմուկի Համոն (Մուշեղ Բաբայան) ասել է՝ Շահենը խփվել է: Նրանք իմացել են, որ ազերիներն ինձ համար են գլխագին են նշանակել, դրա համար են իմ մահվան լուրերը տարածել: Հետո, երբ մեքենա են ուղարկել՝ «դիակս» տանելու, լուրը հասել է կնոջս, ինֆարկտ է տարել»,- պատմում է Կակոյանն ու իրեն մեղավոր համարում վերջերս մահացած կնոջ հիվանդությունների համար:

Գառնիկ Կակոյանը բացի առողջական լուրջ խնդիրներից ու մշտական դեղորայքային պահանջներից, այսօր բարդ իրավիճակում է հայտնվել 2016 թվականին բանկից վերցրած գումարի պատճառով: Նա վարկ է վերցրել, որպեսզի վերանորոգի Արթիկ քաղաքում իր կիսակառույցը: Վերցրած 11 հազար ԱՄՆ դոլարից վճարել է միայն 3 հազար 645 դոլարը, կնոջ եւ իր հիվանդությունների պատճառով չի կարողացել վճարել ամբողջը: Գործը հասել է դատարան: «Ստիպված վերցրի այդ վարկը, որպեսզի կիսակառույցը փոքր-ինչ բարելավեմ: Գազ, լույս քաշեցինք, դուռ պատուհան փոխեցինք, այնքան վերանորոգեցի, որ գոնե բնակելի դառնա, գումարը վերջացավ»,- ասաց նա:

Կակոյանի՝ ՀՀ վարչապետ Նիկոլ Փաշինյանին ուղղված նամակի պատասխանում հայտնել են, որ այն վերահասցեագրվել է Պաշտպանության նախարարությանը: Համաձայն ՊՆ ուսումնասիրությունների՝ պարզվել է, որ Կակոյանն ընդգրկված է Շիրակի մարզպետարանի 2007 թվականի ՀՀ ՊՆ ուղարկված բնակարանի կարիքավորների ցուցակում:

ՀՀ կառավարության 2018 թվականի դեկտեմբերի 06-ի N 1419-Ն որոշմամբ հաստատված կարգի 6-րդ կետի համաձայն՝ առաջնահերթ կերպով իրականացնում է սեփականության իրավունքով բնակելի մակերես չունեցող շահառուների բնակարանների ապահովությունը հետեւյալ առաջնահերթությամբ՝

1. զոհված զինծառայողների ընտանիքներ,

2. առաջին խմբի զինվորական հաշմանդամություն ունեցող նախկին զինծառայողներ,

3. երկրորդ խմբի զինվորական հաշմանդամություն ունեցող նախկին զինծառայողներ,

4. երրորդ խմբի զինվորական հաշմանդամություն ունեցող նախկին զինծառայողներ:

ՊՆ-ից միաժամանակ գրավոր տեղեկացրել են, որ բնակարանային հաշվառման ընդգրկված հաշմանդամության 2-րդ խմբի զինվորական կենսաթոշակի իրավունք ունեցողների սահմանման կարգի իրավաչափությունն ստուգելու նպատակով ներկայումս ՀՀ քննչական կոմիտեում քրեական գործ է հարուցվել: Նախաքննություն է տարվում: Ըստ այդմ՝ Կակոյանի բնակարանային ապահովման հարցը կքննարկվի քրեական գործի նախաքննության ավարտից հետո:

Բացի այդ, ՀՀ աշխատանքի եւ սոցիալական հարցերի նախարարի 2019 թվականի սեպտեմբերի 9-ի հրամանով՝ ստեղծվել է միջգերատեսչական հանձնաժողով՝ 2-րդ խմբի հաշմանդամություն ունեցող նախկին զինծառայողների բժշկասոցիալական փորձաքննության գործերն ուսումնասիրելու համար:

Հ.Գ. Նշենք, որ 2018 թվականից ՀՀ աշխատանքի եւ սոցիալական հարցերի նախարարությունում, մասնավորապես ԲՍՓ-ում, աննախադեպ մեծ թվով մարդկանց հաշմանդամության խմբեր են փոփոխության ենթարկվում: Կատարված վերանայումների արդյունքում մարդկանց մեծ մասը զրկվել են նպաստ ստանալու իրավունքից, իսկ շատ դեպքերում էլ կարգը փոխելու (առաջինից՝ երկրորդ, երկրորդից՝ երրորդ) արդյունքում նվազել է նրանց նպաստի չափը:

Տպել
1743 դիտում

Անկախ որեւէ կոնվեցիայից, ՀՀ-ում որեւէ մեկի նկատմամբ բռնություն չպետք է գործադրվի. վարչապետ

Ռոբերտ Քոչարյանի խափանման միջոցի գործով բողոքի քննության օրը հայտնի է

Վաճառվում է կով՝ շատ սիրուն հայացքով

ՀՀ տարածքում ավտոճանապարհները հիմնականում բաց են եւ անցանելի

Ռոբերտ Քոչարյանը տեղափոխվել է «Իզմիրլյան» բժշկական կենտրոն՝ հետվիրահատական հետազոտության

Ամենայն Հայոց կաթողիկոսը շնորհավորել է Կ. Պոլսի Հայոց նորընտիր Պատրիարքին

Կառավարությունն ավելացրեց «ԷՅ ԲԻ ՍԻ ՏԵՔՍՏԻԼ» ընկերությանը տրված արտոնությունը. կստեղծվի 175 նոր աշխատատեղ

Կառավարության որոշմամբ «Գյումրու տուն-ինտերնատ»-ը լուծարվեց

Միջերկրական ծովից փոքր ցիկլոն է մոտենում, որոշ հատվածներում թույլ ձյուն կտեղա, այնուհետ կտրուկ կտաքանա. Սուրենյան

Վարչապետ Նիկոլ Փաշինյանը զինծառայությունից խուսափածներին կոչ է անում ինքնաթիռի տոմս գնել եւ վերադառնալ Հայաստան

Կուբանում ռուսական ռազմական ուղղաթիռ է կործանվել, անձնակազմը զոհվել է

Հայաստանը Վերին Լարսում կունենա մաքսային կցորդ

Տնտեսագիտական համալսարանի ռեկտորի նախկին պաշտոնակատարը դատի է տվել ԿԳՄՍՆ-ին

Դանիել Իոաննիսյանը եւ Ալբերտ Ստեփանյանը նշանակվել են Հանրային խորհրդի անդամներ

Օդանավակայանից Հանրապետության հրապարակ հասնելու համար գերմանացին վճարել է 34.000 դրամ

Հայտնի են Չեմպիոնների լիգայի 1/8 եզրափակչի բոլոր թիմերը

Վթար՝ Նոր Գեղի-Լուսակերտ ավտոճանապարհին. կան տուժածներ

Մեկնարկել է ՀՀ կառավարության հերթական նիստը. օրակարգում ներառված է 70 հարց

ԱՄՆ ՄԶԳ մասնագետների հետ քննարկվել են ֆինանսական միջոցների հասանելիության խնդիրները

ԵԿՄ կնիքով հաստատված փաստաթղթեր են պատրաստվել՝ կեղծ տեղեկատվության մասին. ԱԱԾ բացահայտումը