Հայաստանի ֆուտբոլի ազգային հավաքականը կգլխավորի ոչ թե ռուսաստանցի մարզիչ Ալեքսանդր Գրիհորյանը, այլ Աբրահամ Խաշմանյանը: Ոչ ամբողջական 1 օրվա ընթացքում Հայաստանի ֆուտբոլի ֆեդերացիան հետ է կանգնել Գրիգորյանին նշանակելու որոշումից: Այսօր՝ նոյեմբերի 6-ին, պաշտոնապես հայտարարել է, որ մինչեեւ 2020թ. նոյեմբերի 30-ը պամանագիր է կնքել Աբրահամ Խաշմանյանի հետ, ՀՖՖ նախագահ Արթուր Վանեցյանն էլ ինստագրամում լուսանկար է հրապարակել նրա հետ:

Դեռ երեկ հստակ տեղեկատվություն կար, որ ընտրանին գլխավորելու է Գրիգորյանը, սակայն այսօր պարզվեց, որ 53-ամյա մասնագետն այդ աշխատանքը չի կատարի: Ռուսական championat.com-ը եւս անդդրադարձել է թեմային եւ մանրամասներ հայտնել չկայացած գործարքի մասին: Նշել է, որ այսօր Գրիգորյանը գնացել է ֆեդերացիա արդեն իսկ համաձայնեցրած պայմանագիրը ստորագրելու համար, բայց նրան հայտնել են, որ որոշումը փոխված է:

Ավելի վաղ մեր աղբյուրները հաստատել էին մամուլում տարածված տեղեկությունը, ըստ որի, աշխատանքը կատարելու էր Գրիգորյանը: Նշվում էր, որ նրա թեկնածությունը պնդել են «Բանանց»-ի (այժմ «Ուրարտու») սեփականատեր Ջեւան Չելոյանցն ու «Լոռի»-ի սեփականատեր, ՀՖՖ գործկոմի անդամ Թովմաս Գրիգորյանը, ու Վանեցյանն էլ, դեմ գնալով գլխավոր քարտուղար Արմեն Մելիքբեկյանի ու տեխնիկական տնօրեն, իսպանացի ճանաչված մասնագետ Խինես Մելենդեսի կարծիքներին, հավաքականի ղեկը վստահել նրան:

Մեր աղբյուրներն այսօր նշեցին, որ Գրիգորյանի ծառայություններից հրաժարվել են մամուլում եղած ճնշման պատճառով: Հրապարակումներից հետո քննադատության մեծ ալիք բարձրացավ այս թեկնածության վերաբերյալ: Թեեւ կային Գրիգորյանի տարբերակին հավանություն տվողներ, սակայն, ինչպես երեւում է, հակառակ կարծիքն ավելի ուժեղ էր: Սոցցանցերում Գրիգորյանի դեմ խոսեցին ֆուտբոլասերներ, լրատվամիջոցներում տարածվեցին մասնագիտական կարծիքներ՝ ի դեմս ֆուտբոլային գործակալ Դմիտրի Սելյուկի: Հաճախ շեշտվող փաստարկներից մեկն այն էր, որ այս մասնագետը հաջողության է հասել միայն կանանց ֆուտբոլում մարզիչ աշխատելով:

Ինչ վերաբերում է Խաշմանյանին, ապա այս պահը հասունանում էր, հայկական ֆուտբոլային աշխարհում վաղուց էին սպասում նրան այս պաշտոնում տեսնելուն: Այն պահից ի վեր, ինչ Արմեն Գյուլբուդաղյանցը հրաժարական տվեց, նա, ինչպես նաեեւ «Շիրակ»-ի գլխավոր մարզիչ Վարդան Բիչախչյանը դարձան հավաքականի երկրպագուների հիմնական թեկնածուներից: Կային կարծիքներ, որ մարզիչը պետք է լինի արտասահմանցի, սակայն եթե ամեն դեպքում Հայաստանից է լինելու, ապա թող այս երկուսից մեկը լինի: Բիչախչյանը հրապարակայնորեն հայտարարեց, որ իր տարբերակը բացառվում է: Խաշմանյանն էլ «Հայկական ժամանակ»-ի հետ զրույցում չցանկացավ մեկնաբանել ընտրանին գլխավորելու հավանականությունը: Ասաց, որ այդ թեմայով չի խոսի:

Նրա գլխավորած վերջին ակումբը եղել է «Ալաշկերտ»-ը, որի հիմնական հաջողությունները կապված են հենց Խաշմանյանի հետ: Մի քանի անգամ հեռացել ու վերադարձել է «Ալաշկերտ»: Վերջին անգամ թիմը թողել է այս տարվա սեպտեմբերին ու մինչեւ այժմ աշխատանք չուներ: 51-ամյա մասնագետը գլխավորել է նաեւ «Կիլիկիա»-ն, «Գանաձսար»-ն ու Երեւանի «Արարատ»-ը: Ունի նաեւ Հայաստանի հավաքական թիմերում աշխատելու փորձ: Նա 2013թ. մարզել է ՀՀ մինչեեւ 19 տարեկանների, 2013-2014թթ.՝ մինչեւ 21 տարեկանների հավաքականը: Որպես ֆուտբոլիստ հանդես է եկել Երեւանի «Արարատ»-ում, «Կոտայք»-ում, «Շիրակ»-ում, ՀՄԸՄ-ում, «Հոմենեթմեն Բեյրութ»-ում «Երեւան»-ում, «Էրեբունի»-ում, «Միկա»-ում:

Այսպիսով Խաշմանյանը թիմին կառաջնորդի Եվրո 2020-ի ընտրական փուլի վերջին 2 խաղերում: Նոյեմբերի 15-ին Հայաստանի հավաքականը Երեւանի Վազգեն Սարգսյանի անվան «Հանրապետական» մարզադաշտում 9-րդ տուրի շրջանակներում կընդունի Հունաստանին: Նոյեմբերի 18-ին կհյուրընկալվի Իտալիային:

Այս պահի դրությամբ Հայաստանը Եվրո 2020-ի եզրափակիչ փուլ դուրս գալու միայն տեսական հնարավորություններ է պահպանում: Որակավորման փուլի ավարտից 2 տուր առաջ J խմբում 3-րդն է 10 միավորով: 2-րդ տեղում Ֆինլանդիան է, որը 15 միավորով իրեն ապահով է զգում: Իտալիան անվիճելի առաջատրն է: Ժամանակից շուտ նվաճել է ուղեգիրը: Այս պահին ունի 24 միավոր:

ՀՖՖ հավաքականների բաժինն արտասահմանում հանդես եկող հայ ֆուտբոլիստների ակումբներին արդեն ուղարկել է հրավերները: Շուտով հայտնի կդառնան նաեւ այն խաղացողների անունները, որոնք առաջիկա 2 խաղերում կլինեն Աբրահամ Խաշմանյանի տրամադրության տակ:

Տպել
2440 դիտում

Զինվորը պիտի առողջ լինի, որ նաեւ մարտունակ լինի, մի՛ մոռացեք վարակի մասին. Արտավազդ Վանյան

Ջավախահայերը հումանիտար ապրանքներով բեռնված մեքենաները տեղափոխում են Հայաստան. Վրաստանը թույլատրեց

Մակրոն, Թրամփ, Պուտին, Մերկել, Հռոմի Պապ. ազդեցիկ առաջնորդները խաղաղության ու երկխոսության կոչ են անում

Շվեյցարիան աջակցում է Ղարաբաղյան հակամարտությունը բանակցային ճանապարհով լուծելուն ուղղված ԵԱՀԿ Մինսկի Խմբի ջանքերին

Հայկական զինուժի կողմից հակառակորդի՝ մինչ այժմ խոցված սպառազինությունը. ՀՀ ՊՆ-ն նոր տվյալներ է հրապարակել

Աշխատավարձը՝ 1500-2000 դոլար եւ Թուրքիայի գրանցում. ում է հավաքագրել Թուրքիան եւ ինչի դիմաց

Զգուշացնում ենք՝ ոչ մի գնդակ չպետք է արձակվի մեր սահմանների ուղղությամբ. Իրանի սահմանապահ ուժերի հրամանատարի տեղակալ

ՄԱԿ-ի գլխավոր քարտուղարը Փաշինյանի հետ զրույցում խոր մտահոգություն է հայտնել Արցախում ստեղծված իրավիճակի մասին

Թուրքիան սիրիացի մարտիկներ է ուղարկում՝ օգնելու իր հավատակից Ադրբեջանին. պատմել են զինյալները․ Reuters

Պետք է պատրաստ լինենք շատ ավելի ծանր ու երկար մարտական գործողությունների. ԱՀ նախագահ

Հայկական կողմի զոհերի թիվն ավելացել է եւս 26–ով. Արցախի ՊՆ-ն նոր ցանկ է հրապարակել

Առաջնագիծ մեկնեց օգոստոսին Լիբանանից հայրենադարձված պահեստազորի լեյտենանտ Արեգ Ասրապեանը. Զարեհ Սինանյան

Սահմանափակված է ՀՀ տարածքից ելքը պահեստազորում հաշվառված անձանց համար

Վիրավորվել է մոտ 30 քաղաքացիական բնակիչ. Արցախի ՄԻՊ-ի խոսքով՝ մարդկանց ոգին բարձր է, բայց զգուշավոր են

Վրացի իրավապահները ջավախահայերին թույլ չեն տալիս հումանիտար օգնությունը հասցնել սահման եւ փոխանցել հայկական կողմին

Փաշինյանը Մերկելին կոչ է արել գործադրել բոլոր ջանքերը՝ Թուրքիայի ապակառուցողական կեցվածքը սանձելու համար

Հայ ազգը եղել է, կա ու կլինի. միասին մենք ուժեղ ենք. Արթուր Աբրահամ

Ադրբեջանի ռազմաօդային և հրթիռային հարձակումներն ուղեկցվում են էթնիկ հայերի նկատմամբ մեծ ծավալի ատելության խոսքով. ՄԻՊ

Տեսանյութում բաց աղբյուրներով ապացուցվում է, որ Ադրբեջանն է հարձակվել հայկական կողմի վրա. Հովհաննես Մովսիսյան

Խնդիրը միայն Արցախը չէ, և սա պետք է բոլորս իմանանք. Արայիկ Հարությունյան