ՍԴ դատավորի աշխատանքային գործունեության մեջ նիստերին մասնակցելը շատ փոքր մաս է կազմում․ «Իմ քայլ»-ի պատգամավոր

Խորհրդարանական «Բարգավաճ Հայաստան» խմբակցության օրակարգում Սահմանադրական դատարանի դատավոր Վահե Գրիգորյանին առնչվող որեւէ հարց, այդ թվում՝ նրա լիազորությունները դադարեցնելու վերաբերյալ, չի քննարկվել։ Երեկ «Հայկական ժամանակ»-ի հետ զրույցում ասաց ԲՀԿ խմբակցության քարտուղար Արման Աբովյանը։

Մեր հարցին՝ խմբակցությունում կա՞ն պատգամավորներ, որոնք պատրաստվում են էական կարգապահական խախտման հիմքով Գրիգորյանի լիազորությունները դադարեցնելու հարցը բարձրացնել կամ նախագիծ ներկայացնել, Աբովյանը պատասխանեց, որ ինքը նման տեղեկություն չունի եւ չգիտի՝ ԱԺ անկախ պատգամավոր Արման Բաբաջանյանն ինչու է Վահե Գրիգորյանին ուղղած իր դիմումի մեջ հիշատակել նաեւ այն, որ ԲՀԿ-ն եւ այլ պատգամավորներ քննարկում են այդ հիմքով դատավորի լիազորությունները դադարեցնելու նպատակահարմարության հարցը. «Ես հիմա այլ մեկնաբանություններից զերծ կմնամ, քանզի մենք այդ հարցը չենք քննարկել»,- եզրափակեց Արման Աբովյանը։

Նշենք, որ Սահմանադրական  դատարանի դատավոր Վահե Գրիգորյանի՝ Դատարանի աշխատանքային նիստերին չմասնակցելու եւ միեւնույն ժամանակ աշխատավարձ ստանալու հարցը շարունակում է մնալ հանրային քննարկման տիրույթում։

Երեկ էլ Ազգային ժողովի անկախ պատգամավոր Արման Բաբաջանյանը դիմում է ուղարկել Վահե Գրիգորյանին՝ պարզաբանելու ՍԴ աշխատանքներին չմասնակցելու, բայց աշխատավարձ ստանալու, ծառայողական մեքենայից օգտվելու հանգամանքը․ «Ազգային ժողովի «Բարգավաճ Հայաստան» խմբակցությունը, այլ պատգամավորներ քննարկում են ՍԴ աշխատանքային նիստերին չմասնակցելու հիմքով Վահե Գրիգորյանի լիազորությունները դադարեցնելու նպատակահարմարության հարցը: Այս խնդիրը պարզաբանելու, ՍԴ աշխատանքներին չմասնակցելու իրական դրդապատճառները ներկայացնելու կոչով պաշտոնապես դիմել եմ ՍԴ դատավոր Վահե Գրիգորյանին»,- ֆեյսբուքյան իր էջում գրել է Բաբաջանյանը՝ կից հրապարակելով դիմումը․

«Հաշվի առնելով խնդրի կարեւորությունն ու հնչողությունը, ինչպես նաեւ նկատի ունենալով այն հանգամանքը, որ վստահաբար Դուք ունեք Սահմանադրական դատարանի նիստերին չմասնակցելու հիմնավոր դրդապատճառներ ու փաստարկներ՝ կապված այդ մարմնի լեգիտիմության հետ, հորդորում եմ, որ ինքներդ հանդես գաք սույն խնդրի պարզաբանմամբ, ինքներդ նախաձեռնեք այս խնդրի մասին քննարկում, այդ թվում՝ գրավոր ընթացակարգով դիմելով Ազգային ժողովին եւ ներկայացնելով Ձեր հիմնավորումները»,- մասնավորապես ասված է Բաբաջանյանի դիմումի մեջ։

Սահմանադրական դատարանի դատավորը դեռ չի ստացել պատգամավոր Արման Բաբաջանյանի դիմումը։ Այս մասին մեր հարցին ի պատասխան՝ ասաց Վահե Գրիգորյանը՝ հավելելով, որ դիմումին ծանոթանալուց հետո խոստանում է հանդես գալ հրապարակային պարզաբանմամբ։

Հիշեցնենք, որ հունիսին Վահե Գրիգորյանը նամակով դիմել էր ՍԴ անդամներին եւ ՀՀ սահմանադրական մարմիններին՝ ԱԺ-ին, ՀՀ նախագահին, ՀՀ կառավարությանը, Դատավորների ընդհանուր ժողովին՝ մասնամասն ներկայացնելով ՍԴ-ում ստեղծված ճգնաժամի հիմքերն ու պատճառները: ՍԴ դատավոր ընտրվելուց ի վեր՝ Գրիգորյանը Դատարանի որեւէ նիստի չի մասնակցել, ըստ էության, դատարանը համարելով ոչ լեգիտիմ։

Խորհրդարանական «Լուսավոր Հայաստան» խմբակցությունն արդեն իսկ հայտնել է իր տեսակետը, որ անթույլատրելի է համարում հանգամանքը, որ դատավորը գնում է աշխատանքի, օգտվում է արտոնություններից եւ հարկատուների հաշվին աշխատավարձ է ստանում, բայց չի մասնակցում դատական նիստերին, այսինքն՝ չի կատարում սահմանադրորեն սահմանված իր լիազորությունները։ Մեր զրույցում ասաց ԼՀԿ խմբակցության պատգամավոր Տարոն Սիմոնյանը. «Մենք կոչ էինք արել «Իմ քայլը» խմբակցությանը, որի միջնորդությամբ եւ ջանքերով Վահե Գրիգորյանը ընտրվեց դատավոր, որ իրենք նախաձեռնեն որեւէ գործընթաց՝ հասկանալու, թե ինչու նա չի ցանկանում աշխատել, բայց ստանում է աշխատավարձ ու օգտվում է բոլոր արտոնություններից»,- մասնավորապես նշեց Սիմոնյանը։

Սիմոնյանից հետաքրքրվեցինք, որ թեեւ ԼՀԿ-ն հայտարարել էր, որ ՍԴ-ում ճգնաժամ չկա, բայց Վահե Գրիգորյանն էլ իր տեսակետն էր հայտնել՝ բարձրացնելով Դատարանի լեգիտիմության հարցը՝ դրանով բացատրելով նաեւ նիստերից իր բացակայելու պատճառը, ԼՀԿ-ն, այդուամենայնիվ, բացակայության հիմքով Գրիգորյանի լիազորությունները դադարեցնելու խնդիր տեսնո՞ւմ է։ Տարոն Սիմոնյանը պատասխանեց, որ, որպես այդպիսին, լիազորությունները դադարեցնելու գործընթաց սկսելու հիմքերը կան։ Պատգամավորը եւս մեկ անգամ շեշտեց, որ իրենք «Իմ քայլ»-ին կոչ էին արել իրենց իսկ ընտրած դատավորից պարզաբանումներ պահանջել, քանի որ ՍԴ մասին օրենքով կարգապահական խախտում են համարվում անհարգելի բացակայությունները:

«Կարող է Գրիգորյանը պարզաբանում է տալիս, եւ դա դիտարկվում է որպես հարգելի բացակայություն։ Երբ Վահե Գրիգորյանը հանդես գա պարզաբանմամբ, մենք կհասկանանք առաջ բերած փաստարկները, եւ եթե դա մեզ համար ընդունելի պարզաբանում չլինի, կորոշենք, թե ինչ ենք անելու»,- եզրափակեց Տարոն Սիմոնյանը։

Այն հիմնավորումը, որով Վահե Գրիգորյանը չի մասնակցում նիստերին, «Իմ քայլը» խմբակցության պատգամավոր, ԱԺ պետական-իրավական հարցերի մշտական հանձնաժողովի անդամ Վահագն Հովակիմյանի համար լիարժեք բավարար եւ համոզիչ է։

Ինչ վերաբերում է այն քննադատությանը, թե Գրիգորյանը չի աշխատում, բայց աշխատավարձ է ստանում, Հովակիմյանը սրա վերաբերյալ մեկ հարց է հնչեցնում. արդյոք ՍԴ դատավորի աշխատանքային գործունեությունը ենթադրո՞ւմ է միայն նիստերին մասնակցություն։

Պատգամավորի համոզմամբ՝ ՍԴ դատավորի աշխատանքային գործունեության մեջ նիստերին մասնակցելը շատ փոքր մաս է կազմում, եւ հարց է առաջանում՝ Վահե Գրիգորյանն իր աշխատանքային գործունեության մնացած մասը չի՞ իրականացնում։ Այդ հարցին, ինչպես ասաց մեր զրուցակիցը, իր պարզաբանմամբ կպատասխանի ինքը Գրիգորյանը։

Մեր դիտարկմանը, որ Սահմանադրական դատարանի դատավորը սահմանադրական արդարադատություն է իրականացնում, ըստ էության, նիստերին մասնակցելու միջոցով, Վահագն Հովակիմյանը եւս մեկ անգամ շեշտեց, որ նիստերին չմասնակցելու վերաբերյալ Գրիգորյանը հստակ դիրքորոշում է հայտնել։ Բայց, ըստ մեր զրուցակցի, այստեղ քննարկման երկու առարկա կա. նախ՝ նիստերին մասնակցել-չմասնակցելը, ապա՝ չաշխատել-աշխատավարձ ստանալը:

«Ի վերջո, ՍԴ դատավորի աշխատանքը միայն նիստերին մասնակցությամբ չի պարփակվում։ Նիստերը ամիսը մի քանի անգամ են լինում, եւ դա ի՞նչ է նշանակում, ստացվում է՝ դատավորները նիստն ավարտում, գնո՞ւմ են, մի քանի ժա՞մ են աշխատում։ Նիստերից դուրս իր աշխատանքի մասին պարզաբանումներն արդեն կներկայացնի Վահե Գրիգորյանը»,- ասաց պատգամավորը։

Մեր հարցին՝ «Իմ քայլը» խմբակցությունն ինչպե՞ս է պատրաստվում «պաշտպանել» իր վստահությունը վայելող, իր քվեով ընտրված ՍԴ դատավորին, Վահագն Հովակիմյանը պատասխանեց.

«Վահե Գրիգորյանն իր իրավունքները շատ լավ կարող է պաշտպանել, այստեղ խնդիրը գալիս է փատարկների դաշտ. ո՞ւմ փաստարկն է ավելի համոզիչ, նրանցը, որոնք պնդում են, թե նիստերին չմասնակցելով՝ դատավորն աշխատանքային գործունեություն չի՞ ծավալում, թե՞ Վահե Գրիգորյանի փաստարկները»,- եզրափակեց «Իմ քայլը» խմբակցության պատգամավորը։

Տպել
3156 դիտում

Ռուսաստանը մտադիր է դուրս գալ ԵԱՀԿ ԽՎ-ից

ՆԱՏՕ-ն մարտավարական զորավարժություններ է անցկացնում Բալթիկ ծովի ափին

Բախվել են մարդատարն ու մոտոցիկլը. վերջինը կողաշրջվել է, մոտոցիկլավարը ծայրահեղ ծանր վիճակում տեղափոխվել է հիվանդանոց

Սաֆարյանը ներկայացրել է Ադրբեջանի ագրեսիայի, ՀՀ ինքնիշխան տարածքի օկուպացման հետևանքով տարածաշրջանում ստեղծված իրավիճակը

Եվրո-2024. Գերմանիան հաղթել է Հունգարիայի հավաքականին

Երևանը կունենա նոր գլխավոր հատակագիծ (տեսանյութ)

Չինաստանի հետ հարաբերությունները Հայաստանի արտաքին քաղաքականության կարևոր առաջնահերթություններից մեկն է. Արշակյան

Որ անընդհատ գրում ենք 10 մլն հայ, թիվը ոչ ավելանում է, ոչ պակասում, մի տեղ կա՞ էդ հայերի ցուցակը. վարչապետ (տեսանյութ)

«Հոնդա»-ն բախվել է քարե շինությանը, կա վիրավոր. վթարի պատճառներից մեկը ստեղծված վթարային իրավիճակն է եղել

Պատվիրատուներն անհանգստացած են շարժման արդյունքներից, մտածում են նոր դեմքեր ներգրավելու մասին. Ռոբերտ Ղևոնդյան

ԵՄ-Ադրբեջան անվտանգության երկխոսության նիստում քննարկվել է Հայ-ադրբեջանական հարաբերությունների կարգավորման գործընթացը

ԲՏԱ նախարարը Ֆրանսիայում մասնակցել է Սեբաստիան Լըկորնյուի կողմից պաշտոնական ընդունելությանը

Արարատ Միրզոյանը կմեկնի Վիլնյուս. օրակարգը հայտնի է

ԱՄՆ պետքարտուղարության ներկայացուցչի հետ Գնել Սանոսյանը քննարկել է երկու երկրների միջև ուղիղ չվերթեր սկսելու հարցը

2023-ի այս օրը կարող էր փրկվել արցախահայությունը, Ադրբեջանը համաձայն էր սեղանի շուրջ նստել, Արցախը հրաժարվեց. Իոաննիսյան

ՀՀ-ի և Կիպրոսի անհետ կորած անձանց հարցերով զբաղվող գերատեսչություններին առաջարկվել է համատեղ միջոցառմամբ հանդես գալ

Արարատ Միրզոյանը չի մասնակցի ՀԱՊԿ անդամ երկրների արտաքին գործերի նախարարների խորհրդի առաջիկա նիստին

Հայաստանն Իրանում առևտրական կցորդ ունի. վարչապետը որոշում է ստորագրել

ԱԳՆ-ում Լատվիայի պատվիրակությանը ներկայացվել են ՀՀ-ԵՄ զարգացող գործընկերության օրակարգն ու «Խաղաղության խաչմերուկ»-ը

Քաղաքաշինության կոմիտեն և խորվաթական ընկերությունը հուշագիր են ստորագրել. ինչ է նախատեսվում

Երիտասարդը շինանյութի խանութում և բենզալցակայաններում կեղծ 20-հազարանոցներ է իրացրել

Ամրակայվում է 19-րդ դարի Շիկահողի պատմական կամուրջը (լուսանկարներ)

Շրջակա միջավայրի նախարարը կմեկնի արձակուրդ

Նախատեսվում է 30 տոկոսով կրճատել ձերբակալվածների պահման վայրերը. Արթիկի և Թալինի ՁՊՎ-ներն արդեն չեն գործում

Վարչապետը նախարարի տեղակալ է նշանակել

Արմեն Գրիգորյանը Ֆրանսիայում է. երկկողմ հարաբերությունների զարգացմանը վերաբերող օրակարգային հարցեր են քննարկվել

Արժևորելով ձեռքբերումներն ու հնարավորությունները. շրջանավարտների ավարտական միջոցառում ԵՊՀ-ում (լուսանկարներ)

Արմավիրի մարզում ավտոմեքենա է այրվել

Խոսում ենք պարտություն, պատերազմ, բայց չենք արել ամենակարևոր արձանագրումը, սրբացրինք բանակը և ինչի՞ հասանք. վարչապետ

Գերմանիայի բուհերում քննարկվել են ակադեմիական քաղաքի շրջանակում համագործակցության հնարավորությունները

Ռիխտերն ավարտում է դիվանագիտական առաքելությունը ՀՀ-ում. վարչապետը հրաժեշտի հանդիպում է ունեցել Գերմանիայի դեսպանի հետ

Երաժշտության տոնը Գորիսում. Ֆրանսիայի դեսպանությունն ու ֆրանսիական ինստիտուտը հրավիրում են բացօթյա մեծ համերգի

Մհեր Գրիգորյանը հրաժեշտի հանդիպում է ունեցել Գերմանիայի դեսպանի հետ

Հայաստանն ու Նորվեգիան կխորացնեն գործակցությունը արդարադատության ոլորտի ռազմավարական ուղղություններով

Ջագան Չափագայնը ԱՍՀ նախարարի հետ զրույցում պատրաստակամություն է հայտնել դիտարկել նոր աջակցությունների հնարավորությունը

«BMW»-ն մխրճվել է բեռնատարի կցորդիչի մեջ. մահացածի դին ավտոմեքենայից դուրս է բերվել հատուկ տեխնիկայի միջոցով

Հայաստանում քաղաքական հեթանոսությանը վերադարձ չի լինելու. Հայկ Կոնջորյան

Սուրեն Պապիկյանը մեկնել է Լյուքսեմբուրգ

Մարտունի-Վարդենիս ճանապարհին մեքենաներ են բախվել. տուժածները հոսպիտալացվել են

ՀՀ նախագահն ու Մալթայի դեսպանը մտքեր են փոխանակել տարածաշրջանային զարգացումների շուրջ