Հրայր Թովմասյանն անձեռնմխելի է. ո՞ր դեպքում եւ ո՞ւմ համաձայնությամբ նա կարող է քրեական հետապնդման ենթարկվել

Սահմանադրական դատարանի նախագահի պաշտոնը զբաղեցնող Հրայր Թովմասյանի հետ կապված վերջին իրավական գործընթացներում ստվերվել է մի հանգամանք. ՍԴ նախագահը Սահմանադրությամբ անձեռնմխելի է: 

Սա նշանակում է, որ նրա նկատմամբ քրեական հետապնդում իրականացնելու համար անհրաժեշտ է լինելու Սահմանադրական դատարանի համաձայնությունը: Իսկ Հրայր Թովմասյանը, ինչպես հայտնի է, ներգրավված է երկու տարբեր իրավական գործընթացներում: Մասնավորապես ՀՔԾ-ում պատգամավոր Արման Բաբաջանյանի հաղորդման հիման վրա քրեական գործ է հարուցվել մի խումբ պաշտոնատար անձանց կողմից պետական իշխանությունը յուրացնելու առերեւույթ հանցագործության դեպքի առթիվ: Այս գործի շրջանակներում շոշափվում է նաեւ Հրայր Թովմասյանի անունը:

Բացի այդ, ԱԱԾ-ում նյութեր են նախապատրաստվում վերանորոգման ընթացքում թույլ տրված առերեւույթ յուրացումների եւ չկատարված աշխատանքները պաշտոնատար անձանց կողմից ընդունելու դեպքերի առթիվ: Այս գործով որպես վկա բացատրություններ են տվել Թովմասյանի հարազատները, սակայն Ազգային անվտանգության ծառայությանը դեռեւս չի հաջողվել կապ հաստատել Հրայր Թովմասյանի հետ:

Փաստաբան Նորայր Նորիկյանին խնդրեցինք պարզաբանել, որ եթե այնպես ստացվի՝ անհրաժեշտ լինի Թովմասյանի բացատրություն տալը կամ հարցաքննվելը, հնարավո՞ր է նրան հարցաքննության «բերել»:

Նորիկյանն ասաց, որ ՍԴ նախագահին բացատրության կամ հարցաքննության հրավիրելու համար իրավասու մարմինները Քրեադատավարական օրենսգրքով սահմանված կարգով՝ կարող են ծանուցագիր ուղարկել եւ տեղեկացնել որոշակի քննչական գործողությունների ներկայանալու անհրաժեշտության մասին: «Բայց անձին հարցաքննության կանչելը, որպես վկա հարցաքննելը, դեռ չի նշանակում, որ անձի նկատմամբ իրականացվում է քրեական հետապնդում: Շատ կարեւոր է դատավարական կարգավիճակները հստակեցնելը: Քանի դեռ Հրայր Թովմասյանը չունի կարգավիճակ, եւ նրան մեղադրանք չի առաջադրվել, Հայաստանի Հանրապետության քրեական դատավարության օրենսդրությամբ սահմանված կարգով՝ կարող է հարցաքննվել որպես վկա»,- ասաց Նորիկյանը:

Ծանուցագրով չներկայանալու պարագայում, ըստ փաստաբանի, Հայաստանի Հանրապետության քրեական դատավարության օրենսգիրքը հստակ սահմանում է անձին բերման ենթարկելու հիմքերը: Հենց այս պարագայում է, որ կաշկանդող հանգամանք կարող է հանդիսանալ անձեռնմխելիությունը:

ՀՀ Սահմանադրության 164-րդ հոդվածով, ինչպես նաեւ Սահմանադրական դատարանի մասին սահմանադրական օրենքներով սահմանված կարգով իր լիազորությունների հետ կապված քրեական հետապնդում իրականացնելու համար անհրաժեշտ է Սահմանադրական դատարանի համաձայնությունը:

Այս կապակցությամբ Նորիկյանն ասաց, որ եթե վարույթն իրականացնող մարմինը հանգի հետեւության, որ ձեռք բերված ապացույցների համակցությունը բավարար հիմք է հանդիսանում ՍԴ անդամի նկատմամբ քրեական հետապնդում իրականացնելու համար, այդ հարցով պետք է դիմի ՍԴ: 

«Նկատի ունենալով, որ Սահմանադրական դատարանի անդամի նկատմամբ քրեական վարույթի ողջ ընթացքում դատավարական հսկողություն իրականացնում է ՀՀ գլխավոր դատախազը, ապա այդպիսի զարգացման պայմաններում գլխավոր դատախազը պետք է միջնորդությամբ դիմի Սահմանադրական դատարանին՝ ՍԴ այս կամ այն անդամի նկատմամբ քրեական հետապնդում իրականացնելու համաձայնություն ստանալու թույլտվության վերաբերյալ»,- բացատրեց փաստաբանը:

Սակայն չի բացառվում, որ Սահմանադրական դատարանի 7 անդամները (ՍԴ ամբողջ կազմը, բացի Վահե Գրիգորյանից) հանդես գան Հրայր Թովմասյանի շահերից, այսինքն՝ նրա նկատմամբ հետապնդում իրականացնելու համաձայնություն չտան: Հիշեցնենք, որ վերջերս նրանք հայտարարությամբ էին հանդես եկել՝ ընդգծելով, որ հետեւում են Հրայր Թովմասյանի եւ նրա ընտանիքի անդամների հետ կապված զարգացումներին եւ կարձագանքեն՝ ըստ անհրաժեշտության։ Նորայր Նորիկյանից հետաքրքրվեցինք՝ եթե ՍԴ անդամները չտան համաձայնություն, արդյո՞ք այլ ընթացակարգ կա Թովմասյանին բերման ենթարկելու: Ի պատասխան՝ փաստաբանն ասաց.

«Մեր Սահմանադրությունը ուրիշ իրավակարգավորում չի նախատեսում Սահմանադրական դատարանի դատավորի (անդամի) նկատմամբ քրեական հետապնդում իրականացնելու համար, քան ՍԴ համաձայնությունը: Եթե ՍԴ-ն չտա համաձայնություն քրեական հետապնդում իրականացնելու մասով, ՍԴ որեւէ անդամի նկատմամբ քրեական հետապնդում չի կարող իրականացվել: Բայց եթե այդպիսի զարգացում լինի եւ Սահմանադրական դատարանը բավարար հիմքերի առկայության դեպքում չտա համաձայնություն քրեական հետապնդում իրականացնելու համար, ես կարծում եմ, որ պայթյուն տեղի կունենա, դրանով կհիմնավորվի, որ Սահմանադրական դատարանը ակնհայտ սուբյեկտիվ դիրքորոշում է դրսեւորում այս հանգամանքի վերաբերյալ»:

Տպել
9108 դիտում

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտութուն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան

Ընթանում է «Հայաստանը՝ որպես քաղաքակրթական խաչմերուկ» միջազգային գիտաժողովը (տեսանյութ)

Հայաստանի գոյությունը կարող է երաշխավորվել բացառապես եվրոպական ընտանիքում․ Արման Բաբաջանյան

ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Եթե մենք մնում ենք Ռուսաստանի հետ, խնդիրները լուծվելու են մեր հաշվին. Արամ Սարգսյան

2 զոհ, 7 վիրավոր. վթար Մարգարա-Վանաձոր-Տաշիր ճանապարհին

Գագիկ Սուրենյանը սպասված նորություն է հայտնել

«Տոյոտա»-ի 51-ամյա վարորդը, լինելով խմածության ամենաբարձր աստիճանի, բախվել է 3 մեքենայի

Քննչական կոմիտեի վետերանները հանդիպել են նորանշանակ քննիչների հետ

ԼՂ-ից բռնի տեղահանվածները ևս 9 ամիս սոցիալական աջակցություն կստանան, ընդլայնվել է նաև շահառուների շրջանակը

Հայաստանը մարդասիրական օգնություն կցուցաբերի Գազային

Եկամուտների հայտարարագիր ներկայացնող քաղաքացիները պետք է իրականացնեն անձի նույնականացման գործընթաց․ ՊԵԿ

ԼՂ-ից բռնի տեղահանված շուրջ 17 հազար երեխա կրթություն է ստանում ՀՀ դպրոցներում