ՍԴ-ն խուսափում է կատարել իր վրա դրված Սահմանադրական առաքելությունը․ Վարդանյանը՝ ԱԺ դիմումը վարույթ չընդունելու մասին

ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանի համար անսպասելի էր, որ Սահմանադրական դատարանը Հրայր Թովմասյանի լիազորությունները դադարեցնելու վերաբերյալ դիմումը վարույթ ընդունելը կմերժեր։ Պատգամավորի համար, սակայն, զարմանալի չէր լինի, եթե դատարանը որոշում կայացնելու պարագայում մերժեր դիմումը։

«Անսպասելի էր, որովհետեւ այստեղ պետք էր քննարկել բացառապես ֆորմալ հիմքերը։ Բայց ես չեմ տեսել որոշումը, այն կհրապարակվի, անհրաժեշտ կլինի հասկանալ որոշումը եւ համապատասխան դիրքորոշում արտահայտել»,- «Հայկական ժամանակ»-ի հետ զրույցում ասաց Վարդանյանը։

Մեր զրուցակցի պնդմամբ՝ մի բան պարզ է․Սահմանադրական դատարանը բարդ գործերի քննության ժամանակ խուսափողականություն է դրսեւորում․

«Դատարանը փորձում է տարբեր պատճառներով խուսափել բարդ գործերի քննությունից։ Դրա վառ օրինակներից մեկը Վենետիկի հանձաժողով դիմելն էր, ՄԻԵԴ դիմելն էր, այս դիմումը նախնական ուսումնասիրության փուլում մերժելն էր եւ ոչ ընդունելի համարելը։ Չեմ հասկանում, թե ինչ է կատարվում Սահմանադրական դատարանի հետ։ Ուզում եմ հասկանալ, թե ինչ հիմքեր են գտել, որով այս փուլում այդ դիմումը կարելի էր չընդունել վարույթ։ Սա այն է, ինչ մենք տեսնում ենք»,- ասաց մեր զրուցակիցը։

Ըստ պատգամավորի՝ տպավորություն է ստեղծվում, որ ՍԴ-ն պարզապես չի ցանկանում կատարել իր վրա դրված սահմանադրական առաքելությունը։

Մեր հարցին՝ ի վերջո այս սցենարը հաշվարկե՞լ էին, ո՞րն է խորհրդարանական մեծամասնության քայլերի հաջորդականությունը, որոնցով պատրաստվում են լուծել Սահմանադրական դատարանի շուրջ ստեղծված ճգնաժամը, Վլադիմիր Վարդանյանը պատասխանեց․

«Ես ասել եմ, որ մեր քայլերն ինքնանպատակ չեն, դրանք ուղղված չեն որեւէ անձի, երեւույթի դեմ, մենք գործ ունենք գործընթացների հետ եւ բազմիցս հորդորել ենք խնդրել ՍԴ անդամներին, որպեսզի կատարեն իրենց սահմանադրական առաքելությունը՝ երկրում ապահովեն սահմանադրական արդարադատության իրականացումը, ապահովեն այն գործառույթները, որոնց համար ստեղծվել է Դատարանը։ Չէի ուզի տպավորություն ստեղծվեր, որ քանի որ մենք դժգոհ ենք փաստաթղթից, դժգոհում ենք նաեւ ՍԴ-ից, ու եթե այլ որոշում կայանցեր, գոհ կլինեինք։ Ո՛չ, խնդիրը ոչ թե փաստաթղթի մեջ է, այլ ՍԴ լիազորությունների իրականացման սահմանդրականության․արյդոք ՍԴ-ն այս փուլում իրավասո՞ւ էր մերժել դիմումը, թե ոչ»,- ասաց Վլադիմիր Վարդանյանը՝ ընդգծելով, որ այս կարգի դիմումները վարույթ ընդունելը մերժելու համար բավականին բարձր շեմ է դրված․

«Ի վերջո դիմողն ԱԺ-ն է, հիմքը հստակ նշված է եւ բոլոր ընթացակարգերը կատարվել են պատշաճ եւ օրենքով սահմանված կարգով։ Այսինքն՝ մերժելու հիմքեր կարծես թե չկային։ Այս ամենը, իհարկե, վերապահումով եմ ասում, որովհետեւ նախ եւ առաջ պետք է հասկանալ, թե ինչ է ասել ՍԴ-ն։ Ես ասել եմ, որ կոլեգիալ մարմինները կարող են խոսել իրենց փաստաթղթերի միջոցով եւ մինչեւ դա չկարդանք, չենք հասկանա՝ ինչ լեզու է օգտագործել Դատարանը։ Չգիտեմ՝ լարվածության արդյունք է, հոգնածության արդյունք է, թե ինչ, բայց ՍԴ-ն կարծես խուսափում է կատարել իր վրա դրված Սահմանադրական առաքելությունը»,- եզրափակեց Վարդանյանը։

ԱԺ «Լուսավոր Հայաստան» խմբակցության պատգամավոր Տարոն Սիմոնյանը դեռեւս չի կարող հստակ մեկնաբանություն տալ դիմումը վարույթ ընդունելը մերժելու վերաբերյալ, քանի որ որոշումն ամբողջությամբ հրապարակված չէ։ Բայց, Սիմոնյանի պնդմամբ, բոլոր դեպքերում պետք է հարգել Սահմանադրական դատարանի որոշումը։ Նրա խոսքով՝ Դատարանն առանց հիմքերի չէր կարող մերժել դիմումը վարույթ ընդունելը․

«Կարծես թե պահպանվել էր դիմումը ՍԴ ուղարկելու ընթացակարգը, միայն որոշման հրապարակումից կհասկանանք մերժման հիմքը, մի գուցե որոշ խնդիրներ են եղել, որ մենք չենք նկատել»,- մեր զրույցում ասաց պատգամավորը։

Տարոն Սիմոնյանը, սակայն, մնում է իրենց այն տեսակետին, որ ՍԴ-ում ճգնաժամ չկա, եւ այդ թեզն արհեստական ձեւով, քաղաքական դրդապատճառներով նախաձեռնված գործընթաց էր․

«Մենք բազմիցս հայտարարել էինք, որ որեւէ ճգնաժամ չկա Դատարանում։ Բայց մենք այս նախագծին կողմ քվեարկեցինք այն հիմնավորմամբ, որ եթե խմբակցություններից մեկի մոտ առկա է կասկած, որ կարող են լինել առերեւույթ խախտումներ դատավորներից որեւէ մեկի գործողություններում, ապա այդ կասկածն օրենքով սահմանված կարգով պետք է գնա ՍԴ, ստանա պատասխան։ Մենք հարգում ենք մեր գործընկներների կասկածելու իրավունքը։ Միայն թե ողջ գործընթացը տեղի ունենա օրենքով սահմանված կարգով, իսկ օրենքի խախտում այստեղ չենք տեսել, դրա համար էլ կողմ ենք քվեարկել որոշման նախագիծը Դատարան ուղարկելուն»,- մեկնաբանեց ԼՀԿ-ական պատգամավորը։

Հիշեցնենք, որ խորհրդարանական մեծամասնության՝ «Իմ քայլը» խմբակցության պատգամավոր Վահագն Հովակիմյանը ավելի վաղ մեր զրույցում նշել էր, որ Սահմանադրական դատարանի շուրջ ճգնաժամային իրավիճակ է ստեղծված, եւ Հրայր Թովմասյանի լիազորությունները դադարեցնելու մասին դիմումը վարույթ չընդունելու դեպքում իրենք ունենք քայլերի հաջորդականությունը, հաշվարկել են հնարավոր բոլոր սցենարները։ Հովակիմյանը վստահեցրել էր, որ խորհրդարանը պետք է լուծի եւ լուծելու է այս խնդիրը:

«Սա խնդիր է, որը Հայաստանի զարգացման համար առավել քան կարեւոր է։ Չափազա՛նց կարեւոր է, ու խորհրդարանը պետք է լուծի եւ լուծելու է այն։ Մեր ուղերձը նաեւ ՍԴ անդամներին է վերաբերում, նրանք էլ պետք է հիշեն, որ պետությունը չի կարող կանգնել փակուղու առաջ, եւ հանրային վստահություն չունեցող պետական որեւէ մարմին չի կարող խոչընդոտել պետության զարգացմանը»,- ընդգծել էր Վահագն Հովակիմյանը։

Հիշեցնենք, որ Հայաստանի խորհրդարանը հոկտեմբերի 4-ին ընդունել էր Սահմանադրական դատարանի անդամ Հրայր Թովմասյանի լիազորությունները դադարեցնելու մասին ԱԺ որոշման նախագիծը Սահմանադրական դատարան ուղարկելու մասին հարցը։ Փակ, գաղտնի քվեարկության արդյունքներով՝ քվեարկությանը մասնակցած 101 պատգամավորներից նախագծին կողմ էր եղել 98-ը, դեմ՝ մեկը։ Երկու քվեաթերթիկ ճանաչվել էր անվավեր։ Խորհրդարանական «Բարգավաճ Հայաստան» խմբակցությունը չէր մասնակցել քվեարկությանը՝ պատճառաբանելով, որ նախագիծն իրավական առումով թերիէ։

Տպել
5156 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում