Հրայր Թովմասյանն արձակուրդում է․ նա չի մասնակցում իր վերաբերյալ դիմումը վարույթ ընդունելու հարցի քննարկմանը

Սահմանադրական դատարանի նախագահի աթոռը զբաղեցնող Հրայր Թովմասյանն այսօրվանից արձակուրդում է։ Նա չի մասնակցի իր լիազորությունները դադարեցնելու հարցով Ազգային ժողովի դիմումը վարույթ ընդունել-չընդունելու հարցի քննարկմանը։ Այս մասին այսօր լրագրողների հետ ճեպազրույցում ասաց ՍԴ անդամ Ալվինա Գյուլումյանը։

Ըստ Գյուլումյանի ենթադրության՝ Հրայր Թովմասյանը գործի քննության անաչառությունն ապահովելու նպատակով է արձակուրդ վերցրել։

Դատարանի աշխատակարգային նիստին չի մասնակցում նաեւ ՍԴ դատավոր Վահե Գրիգորյանը։ Նա ՍԴ դատավորի պաշտոնը ստանձնելու օրվանից Դատարանի որեւէ նիստի չի մասնակցել։

Ալվինա Գյուլումյանի կարծիքով՝ Վահե Գրիգորյանը հավանաբար ցանկություն չունի մասնակցելու նիստին, չնայած նիստի օրվա եւ ժամի մասին ծանուցված է։

Գյուլումյանի փոխանցմամբ՝ եթե ՍԴ անդամները մինչեւ աշխատանքային օրվա ավարտը Հրայր Թովմասյանի լիազորությունները դադարեցնելու մասին դիմումը վարույթ ընդունել-չընդունելու հարցով որոշակի եզրակացության չգան, հնարավոր է՝ նիստը շարունակվի աշխատանքային ժամերից դուրս եւս, քանի որ այս հարցը լուծելու համար որոշակի ժամկետ կա։

Ի դեպ, ՍԴ անդամը նշեց, որ աշխատակարգային նիստը սկսվել է առավոտյան ժամը 11-ին, օրակարգում այլ հարցեր էլ կան, որոնց քննարկումն արդեն ավարտվել է։

Հիշեցնենք, որ Հայաստանի խորհրդարանը հոկտեմբերի 4-ին ընդունեց Սահմանադրական դատարանի անդամ Հրայր Թովմասյանի լիազորությունները դադարեցնելու մասին ԱԺ որոշման նախագիծը Սահմանադրական դատարան ուղարկելու մասին հարցը։ ՍԴ անցած երկուշաբթի ստացել էր դիմումը։

ԱԺ «Իմ քայլը» խմբակցության ներկայացրած նախագծում Թովմասյանի լիազորությունները դադարեցնելու չորս հիմք կա: Դրանցից առաջինը, ըստ նախագծի հեղինակների, այն է, որ Հրայր Թովմասյանը մինչեւ ՍԴ անդամ լինելը, եղել է Հանրապետական կուսակցության անդամ եւ 2010 թվականից ի վեր ՀՀ-ում զբաղեցրել է մի շարք առանցքային պաշտոններ՝ Արդարադատության նախարար, ԱԺ աշխատակազմի ղեկավար, ԱԺ պատգամավոր եւ պետա-իրավական հանձնաժողովի նախագահ, եւ գաղտնիք չէ՝ ինչպիսի փոխկապակցված շահեր ուներ ՀՀԿ-ն Ռոբերտ Քոչարյանի հետ, որը դիմում էր ուղարկել Դատարան։ 

ՍԴ նախագահ Հրայր Թովմասյանի լիազորությունները դադարեցնելու երկրորդ հիմքը Թովմասյանի եւ Ռոբերտ Քոչարյանի պաշտպաններից Արամ Օրբելյանի քավոր-սանիկական հարաբերություններն են․

Երրորդ հիմքը Հրայր Թովմասյանի՝ Մարտի 1-ի վերաբերյալ տարբեր կարծիքներ հնչեցնելն է:

Չորրորդ հիմքն այն է, որ Ռոբերտ Քոչարյանի դիմումը քննելուց առաջ Սահմանադրական դատարանը քննության առարկա չի դարձրել այդ գործին մասնակցելու անհնարինության հարցը։

Սահմանադրական դատարանի մասին օրենքի 83-րդ հոդվածի համաձայն՝ ԱԺ խմբակցության դիմումը քննության ընդունելու պահից ՍԴ անդամ Հրայր Թովմասյանի լիազորությունները կասեցվելու են մինչեւ դատաքննության ավարտը: Թովմասյանը դատավարությանը ներգրավվելու է բացառապես որպես պատասխանող:

Դիմումի մուտքագրման օրվանից 30 օր հետո ՍԴ-ն ընդունելու է կա՛մ Հրայր Թովմասյանի լիազորությունները դադարեցնելու, կա՛մ դիմումը մերժելու մասին որոշում։ Սահմանադրական դատարանի պատճառաբանված աշխատակարգային որոշմամբ՝ նշված ժամկետը կարող է երկարաձգվել, բայց ոչ ավելի, քան 50 օրով:

Իսկ եթե օրենքով սահմանված ժամկետում Ազգային ժողովը հրաժարվի դիմումից, եւ Սահմանադրական դատարանի դատավորը եռօրյա ժամկետում չառարկի դրա դեմ, ապա գործի վարույթը ենթակա է լինելու կարճման:

Տպել
1743 դիտում

ՏԻՄ ընտրություններից հետո միայն 1 վերահաշվարկի իրականացման դիմում է եղել, որն էլ մերժվել է. Մուկուչյան

Վանաձորի Հայքի հրապարակը երբեւէ նման լուսավորություն չի ունեցել (լուսանկարներ)

Ադրբեջանում խոսքի ազատության հարցում դեռեւս չկա առաջընթաց. ԵԽ-ն զեկույց է հրապարակել

Տավուշում հակամարտության սրման դեպքում բնակչության ներհոսքը դեպի Իջեւան կազմակերպելուն ուղղված վարժանք է անցկացվել

Մարզի ղեկավարի պահանջն է. նոր Հայաստանում նման բացթողումներն անընդունելի են

Թալիբները թիրախավորել են Աֆղանստանի խոշորագույն ամերիկյան ռազմաբազան. զոհվել է 2, վիրավորվել՝ 73 բնակիչ

Գյումրիում Toyota-ն գլխիվայր շրջվել է, կա վիրավոր

Արմավիրում քննարկվել է 2019-2025 թթ. Հայաստանի տարածքային զարգացման ռազմավարության նախնական ամփոփ տարբերակը

Շենգավիթի համալիր սոց. ծառայությունների նորաբաց տարածքային կենտրոնը տարեկան 15.000 քաղաքացու կսպասարկի

ՌԴ Տուլայի մարզը հետաքրքրված է Հայաստանով. ՀՀ Էկոնոմիկայի նախարարություն

Դատավոր Արշակ Վարդանյանն առանց քննության է թողել Ռոբերտ Քոչարյանի պաշտպանների բողոքը

Շատ կարեւոր էր, որ Արամ Խաչատրյանին մարմնավորող դերասանը հայ լինի. կայացավ «Սուսերով պար» ֆիլմի պրեմիերան

Արդարադատության փոխնախարար Քրիստիննե Գրիգորյանն ընդունել է Միացյալ Թագավորության պատվիրակությանը

Տղամարդը կնոջ մասին վարկաբեկող տեղեկություններ հրապարակելու սպառնալիքով պահանջել է 1 մլն 700 հազար դրամ (տեսանյութ)

Նիկոլ Փաշինյանը Նոր տարին կդիմավորի Հանրապետության հրապարակում. նրա ամանորյա ուղերձը կհեռարձակվի հրապարակից

Վահան Թումասյանն այս պահին դիմում է ՀՀ իշխանություններին, ԱԺ պատգամավորներին, ՀՀ ոստիկանությանը

Խուսափեք նոր պարտքերի կուտակումից. Սուրեն Պապիկյանը տարեվերջյան ամփոփիչ խորհրդակցություն է անցկացրել ՋՕԸ տնօրենների հետ

Բանտարկված լրագրողների թվով Չինաստանը և Թուրքիան ռեկորդ են գրանցել

Իրականացվում են Հյուսիս-հարավի Տրանշ-4-ի Քաջարան-Ագարակ հատվածի նախագծման աշխատանքները

2022 թվականից Ֆրանսիայում նվազագույն կենսաթոշակը կկազմի 1000 եվրո. Էդուար Ֆիլիպ