Լոռու մարզում նախորդ տարի հիմնանորոգվել է 43,65 կմ ճանապարհ, այս տարի կհիմնանորոգվի կրկնակի՝ 102,05 կմ

Լոռու մարզի մի շարք ավտոճանապարհներին շարունակում են ճանապարհաշինական մեծամասշտաբ աշխատանքները: Դրանց մի մասն արդեն ավարտվել է, մի մասն էլ ընթացքի մեջ է: Մարզպետարանից ՀԺ-ին տրամադրած փաստաթղթից երեւում է, որ եթե 2018թ-ին բոլոր ֆինանսական աղբյուրներով մարզում հիմնանորոգվել է 43,65 կմ ճանապարհ (7,8 մլրդ դրամ), ապա այս տարի նախատեսված է հիմնանորոգել 102,05 կմ ճանապարհ (12,96 մլրդ դրամ): Միայն սուբվենցիոն ծրագրերով այս տարի մարզի ճանապարհաշինությանը հատկացվել է 718,04 մլն դրամ գումար:

Նույն փաստաթղթից պարզ է դառնում, որ Մ-3, Մ-6, Մ-7 եւ Մ-8 միջպետական նշանակության ճանապարհների հիմնանորոգվող հատվածների ընդհանուր երկարությունը կազմում է 78,61 կմ, արժեքը՝ 11,303,6 մլն դրամ գումար: Ֆինանսավորման աղբյուրներն են ՀՀ պետական բյուջեն ու Ասիական զարգացման բանկը:

Հանրապետական նշանակության ճանապարհների հիմնանորոգվող հատվածների ընդհանուր երկարությունը կազմում է 5 կմ, արժեքը՝ 429,736 մլն դրամ: Ֆինանսավորման աղբյուրը պետական բյուջեն է:

Մարզային (տեղական) նշանակության հիմնանորոգվող ճանապարհների ընդհանուր երկարությունը կազմում է 13,84 կմ, արժեքը՝ 221,55 մլն դրամ: Այս դեպքում եւս ֆինանսավորման աղբյուրը պետական միջոցներն են:

Ընթացիկ տարվա սուբվենցիոն ծրագրերով ներհամայնքային ճանապարհների վերանորոգվող հատվածների համար հատկացվել է 718 մլն դրամ, որից պետական բյուջեի ֆինանսավորման չափը կազմում է 425 մլն, իսկ համայնքների կողմից համաֆինանսավորման չափը՝ 292,55 մլն դրամ:

Վերջին տարիներին Լոռիում մեկնարկած թերեւս ամենամեծ ճանապարհաշինությունը Վանաձոր-Ալավերդի-Բագրատաշեն-Վրաստանի սահման ավտոճանապարահն էր, որի աշխատանքները մեկնարկեցին տարիներ առաջ ու դեռ ընթացքի մեջ են: Սրանից բացի, Լոռին երբեւէ նման ճանապարհաշինություն չէր տեսել: Վանաձոր-Սպիտակ, Վանաձոր-Գյումրի, Վանաձոր-Դիլիջան, սրանք այն վայրերն են, որտեղ ամիսներ շարունակ աշխատում է շինտեխնիկան: Սրանք այն հատվածներն էին, որտեղով երթեւեկելը իսկական պատուհաս էր վարորդների համար:

Լոռու մարզպետ Անդրեյ Ղուկասյանը ՀԺ-ի հետ զրույցում ասաց, որ Սպիտակի հատվածում աշխատանքները գրեթե ավարտված են, մնացել է քաղաքի կենտրոնական հատվածը, դա էլ մոտ օրերս կավարտեն, մինչեւ հոկտեմբերի վերջ կավարտվեն նաեւ Վանաձոր-Դիլիջան ավտոճանապարհի բարեկարգման աշխատանքները:

Մարզպետի խոսքով՝ մեծ թափով ընթանում են նաեւ Վանաձոր-Ալավերդի-Վրաստանի սահման ճանապարհի նորոգման աշխատանքները: Դրանց ավարտը սահմանված է հաջորդ տարի:

Ըստ Անդրեյ Ղուկասյանի՝ սուբվենցիոն ծրագրերով ճանապարհաշինական ամենամեծ աշխատանքները տարվում են Վանաձորում՝ 210 մլն դրամ գումարի չափով: «Որոշակի մտավախություն ունենք ժամկետների հետ կապված, բայց աշխատանքները մեր ամենօրյա հսկողության տակ են: Պարբերաբար հանդիպում ենք թե շինարարներին, թե շրջայցեր ենք անում»,- ասաց նա՝ մեկ անգամ եւս վստահեցնելով, որ այն հատվածներում, որտեղ աշխատանքները անորակ կարվեն, միանշանակ ո՛չ ընդունվելու են պատվիրատուների կողմից, ո՛չ էլ վճարվելու. «Սկզբունքը միանշանակ պահվելու է, եւ այսօր արդեն համայնքապետերն ու շինարարները հասկացել են, եւ հետեւողական են լինում, որ ոչ թե խնդիր լինի ու մենք չվճարենք, այլ միանգամից որակյալ աշխատանք անեն: Նեղոց համայքնում, որտեղ անորակ էին արել, կրկնակի աշխատանք տարան,  բայց դա եւս պետք է ստուգվի»:

Դիտարկմանը, որ ճանապարհաշինության մասով հիմնական դժգոհությունը շարունակում է մնալ Վանաձոր-Ալավերդի-Բագրատաշեն ճանապարհի՝ Ալավերդի քաղաքի հատվածից, մարզի ղեկավարն ասաց. «Նշված ճանապարհը ԾԻԳ-ի տիրույթում է, իրենք են զբաղվում, բայց մենք եւս ամենօրյա հետեւում ենք, որ քաղաքի ներսի հատվածը շուտ արվի, բայց այնտեղ տարբեր խնդիրներ առաջ եկան, որոնք նախկինում չէին հաշվարկվել… որքան գիտեմ, առաջընթաց ունենք արդեն, հույս ունեմ Նոյեմբերին Ալավերդի քաղաքը կասֆալտապատվի ու կավարտվի»:

Տպել
983 դիտում

Հուշարձանագետ Սամվել Կարապետյանը հետմահու պարգեւատրվել է Մովսես Խորենացու մեդալով

ԱՄԷ բարձրաստիճան պաշտոնյաները շնորհավորել են ՀՀ Անկախության 29-րդ տարեդարձի առթիվ

Անկախության տոնի առթիվ Արմեն Սարգսյանին շնորհավորել է Ավստրիայի նախագահը

Պատերազմը չի ավարտվել, այն սկսել է 90-ականներին, մինչեւ հիմա շարունակվում է. Սասուն Միքայելյան

Անկախության տոնի առթիվ ՀՀ վաստակավոր արտիստի, մանկավարժի եւ ժողովրդական նկարչի կոչումներ են շնորհվել

«Մեր երկրների համագործակցությունը համակողմանիորեն զարգանում է». Նիկոլ Փաշինյանին շնորհավորել է Լի Քեցյանը

Միշուստինը Փաշինյանին հղված ուղերձում ընդգծել է ռուս-հայկական հարաբերությունների բարեկամական, գործընկերային բնույթը

Ինչպիսի՞ն ենք պատկերացնում մեր հայրենիքը 2050թ.-ին. Փաշինյանը ներկայացնում է Հայաստանի վերափոխման ռազմավարությունը

Անկախության տոնի առթիվ Արմեն Սարգսյանին շնորհավորել է Ճապոնիայի կայսր Նարուհիթոն

Անկախության տոնի առթիվ 4 գեներալ-մայորի և մեկ գեներալ-լեյտենանտի նոր կոչում է շնորհվել

«Մեր հայրենիք». հայ հայտնիների երգը նվիրվում է Հուլիսյան գործողությունների քաջարի մարտիկներին (տեսանյութ)

Ներսում՝ լույսեր, գույներ, զարմանքից և ուրախությունից փայլող աչքեր. Գյումրու տիկնիկայինը բացեց 85-րդ թատերաշրջանը

Ռիո դե Ժանեյրոյի Հիսուս Ամենափրկիչ արձանը ՀՀ անկախության տոնի առթիվ լուսավորվել է հայկական դրոշի գույներով (տեսանյութ)

Մենք՝ զինվորականներս, լավ գիտակցում ենք, որ մենք ենք այսօր անկախության երաշխավորները. ԶՈՒ ԳՇ պետի շնորհավորանքը

ՀՀ նախագահը մի շարք դեսպանների դիվանագիտական աստիճան տալու մասին հրամանագրեր է ստորագրել

Աշխարհազորը ԵԿՄ-ի հետ կապ չունի, բայց հնարավոր է՝ ԵԿՄ-ն գործի դրան կից․ Սասուն Միքայելյան

Մեկտեղելու ենք ջանքերը՝ Արցախի և Հայաստանի թռիչքաձև զարգացումն ապահովելու համար. հանդիպել են ՀՀ-ի ու Արցախի նախագահները

Այսօրվա մարտահրավերները մեկ անգամ ևս վերահաստատում են մեր գործընկերության կարևորությունը. Դոնալդ Թրամփը՝ ՀՀ վարչապետին

ՌԴ նախագահ Վլադիմիր Պուտինը շնորհավորել է ՀՀ վարչապետին Անկախության տոնի առթիվ

«Քոնթուրգլոբալ հիդրոկասկադ» ՓԲԸ-ն հայտարարում է մրցույթ