7 որդի ունեցող եւ դրա համար Ծնողական փառքի մեդալով պարգեւատրված ընտանիքը զրկվել է նպաստից

Նախորդ տարի Ծնողական փառքի մեդալով պարգեւատրված Հարութիկ Պողոսյանի եւ Զարուհի Ներսիսյանի բազմազավակ ընտանիքին նպաստից զրկել են:

Յոթ երեխաների հայրը «Հայկական ժամանակ»-ի հետ զրույցում հայտնեց, որ օգոստոսից նպաստ չվճարելու առիթ է հանդիսացել ավագ որդու՝ 21-ամյա Արմանի աշխատանքի անցնելը: Արմանն ամռանը զորացրվելուց հետո աշխատանքի է ընդունվել Սոթքի ոսկու հանքում: Ըստ հոր՝ ստանում է 90 հազար դրամ աշխատավարձ:

Պողոսյանների երեք որդիներն արդեն չափահաս են, սակայն ընտանիքում աշխատում են միայն հայրն ու ավագ որդին: Բազմանդամ ընտանիքը սոցիալապես անապահով է: Նպաստից զրկվելու մասին հարեւան խանութպանի միջոցով են լսել: «Խանութի տիրոջը մոտ 200 հազար դրամ պարտք ենք, ասաց՝ նպաստ են տալիս, գնա՞մ ձերն էլ ստանամ: Գնացել էր, ասել էին՝ իրենք նպաստ չունեն: Հետո ես գնացի, հարցրի, ասացին՝ ծրագրով ցույց է տվել ավագ որդուդ աշխատելը, դրա համար նպաստից զրկել են»,- պատմեց Հարութիկ Պողոսյանը:

Երկրորդ որդին՝ 20-ամյա Արմենը, եւս ավագ եղբոր հետ ծառայել է Արցախի զորամասերից մեկում: Տանկի մեխանիկ-վարորդ է եղել, սակայն հիմա չի աշխատում: «Տղայիս 20 օր էր մնացել, որ զորացրվի, վիրավորվել էր եւ քթի կոտրվածք ստացել: Բերեցինք Մուրացանի հոսպիտալ, կարեր դրեցին, բուժումներ արեցին, բայց ասացին, որ վիրահատություն կատարելու համար 6 ամիս պիտի անցնի: Այդ վնասվածքները նա ծառայության ընթացքում էր ստացել, բայց վիրահատությունը պիտի ամիսներ անց անեին: Ձգձգեցին, տարան-բերեցին, վերջում էլ ասացին, որ այդ ծախսերը մենք պետք է անենք, որովհետեւ զորացրված է: Ես կոպեկներով եմ յոլա գնում, 500 հազար դրամ որտեղի՞ց տամ էդ վիրահատության համար: Չկա պետություն, չկա օրենք, չկա մարդ»,- նեղսրտեց Հարութիկ Պողոսյանը:

Չափահաս դարձած երրորդ տղան Լենիկն է, ծնվել է 2001 թվականի հունիսի 24-ին: Նա էլ ամռանը պետք է բանակ զորակոչվի: Հայրը չի ցանկանում նրան էլ բանակ ուղարկել, քանի որ պետությունը նման ձեւով է վարվում յոթ զինվոր տված ընտանիքի հետ: «Երրորդ որդիս դարձավ չափահաս, մտածում էինք, որ գոնե մի 40 հազար կստանանք չորս անչափահասների համար, բայց՝ ոչ: Նրանք մտածում են, որ մեծ եղբայրը պետք է այդ 90 հազարով իր 6 եղբայրներին պահի՞: Կամ ինչի՞ պիտի եղբայրը եղբորը պահի, դրա համար ծնողներն են պատասխանատու, մենք էլ չենք կարողանում, ի վիճակի չենք: Արդեն 9 տարի է՝ 5 միլիոնից ավելի վարկերի տակ ենք, համագյուղացիներին էլ 2 միլիոն բաժանեմ՝ էլի չեմ կարողանա նրանց պարտքերից պրծնել, շորի խանութներին պարտք եմ, դպրոցի դասագրքերի գումարները չեմ տվել: Ո՞ր մեկն ասեմ»,- վրդովված թվարկում է բազմազավակ ընտանիքի հայրը:

Արմանի՝ հանքում աշխատելու պայմանագրի ժամկետը նոյեմբերին լրանում է, դեռ պարզ չէ՝ դրանից հետո երիտասարդի հետ նոր պայմանագիր կկնքե՞ն, թե՞ ոչ: Հոր խոսքով՝ այդ աշխատանքին որդուն մեծ դժվարությամբ է կարողացել տեղավորել, սրան-նրան խնդրելով՝ մի կերպ է ստացվել:

Դեռ մեր նախորդ՝ պարգեւատրման առիթով տված հարցազրույցում էր յոթ երեխաների հայրը նշել, որ մշտական աշխատանք չունի, բեռնատար մեքենա է վարում: Զբաղվում է նաեւ հողագործությամբ ու անասնապահությամբ: «Աշխատանք չունենք, հող էլ չունենք: Կես հեկտար հող ունեմ, բայց մեր տանը հարակից տնամերձ հողամասեր կան, իրենք այստեղ չեն, ռուսաստաններում են, մեկ հեկտար վարձակալել եմ, ցանում եմ, սարում խոտհարքներ ունեմ, խոտ եմ քաղում, վաճառում: Վարորդություն եմ անում (ես ինքս վարորդ եմ մասնագիտությամբ), գիշեր-ցերեկ, անքուն-անդադար աշխատում եմ, որ երեխաներիս կարողանամ պահել»,- ապրուստ վաստակելու միջոցների մասին խոսելով՝ ասել էր բազմազավակ հայրը: Այսօր նրանց կյանքում գրեթե ոչինչ չի փոխվել, միայն ծախսերն են շատացել: Իսկ ավագ որդու մի քանի կոպեկ աշխատավարձը նպաստել է նպաստից զրկվելուն:

ՀՀ աշխատանքի եւ սոցիալական հարցերի նախարարության սոցիալական աջակցության վարչության նպաստների բաժնի փորձագետ Սուսաննա Պողոսյանը ՀԺ-ի հետ զրույցում հայտնեց, որ Պողոսյանների ընտանիքի աղքատության միավորը 28 է, մինչդեռ պետք է 30-ից բարձր լիներ, որպեսզի նպաստ ստանալու իրավունք ունենային: 9 անդամից բաղկացած ընտանիքի աղքատության միավորը նախկինում բավականին բարձր է եղել՝ 38,46 միավոր:

Նպաստների բաժնի փորձագետը նաեւ նշեց, որ Հարութիկ Պողոսյանի ավագ որդու՝ Արման Պողոսյանի աշխատավարձը գրանցված է ոչ թե 90 հազար, այլ՝ 140: «Հավանաբար հուլիս ամսին են եկամուտը մուտքագրել եւ միանգամից միավորը նվազել է: Բացի դա, Պողոսյանները հող ունեն: Ըստ կադաստրային արժեքի՝ դա այնքան էլ քիչ հող չէ»,- ասաց Պողոսյանը:

Նպաստների բաժնի փորձագետը նկատեց, որ Պողոսյանների աղքատության միավորի նվազմանն է նպաստել երեխաների չափահաս դառնալն ու ընտանիքում աշխատունակ անձանց թվի մեծացումը, նրանք ներկա պահին 5-ն են, բայց առավել ազդեցիկ գործոնը Պողոսյանների ավագ որդու 140 հազար մուտքագրված աշխատավարձն է եղել:

Հ.Գ. 2018 թվականին Մարտի 8-ի կապակցությամբ Սերժ Սարգսյանը պարգեւատրել էր մի խումբ կանանց եւ բազմազավակ ծնողների, որոնց թվում էին նաեւ 7 որդի ունեցող Հարութիկ Պողոսյանն ու Զարուհի Ներսիսյանը: «Ընտանիքի կայացման ամրապնդման գործում ունեցած մեծ ավանդի, յոթ զավակ դաստիարակելու, նրանց ֆիզիկական, հոգեւոր, բարոյական լիարժեք ու ներդաշնակ զարգացումն ապահովելու համար» ամուսինները պարգեւատրվել են Ծնողական փառքի մեդալով:

Հ.Գ. Հոդվածը հրապարակվելուց հետո ՀԺ-ի հետ կրկին կապ հաստատեց Հարութիկ Պողոսյանը, վստահեցնելով, որ Սուսաննա Պողոսյանը սխալ տեղեկատվություն է տվել հողի չափի մասին. «Մեր ունեցած հողն ընդամենը 40 սոտ է, դա մի սենյակի չափ հող է մոտավորապես, ես չգիտեմ, թե ինչ հաշվարկով են նրանք այդպես ասել, բայց սխալ են ասել»:

Տպել
3519 դիտում

ԱՄՆ-ի հայ բժիշկների նվիրաբերած համակարգչային տոմոգրաֆը զինվորների բուժմանը կծառայի Կապանում

Գվատեմալայի Սայախչե քաղաքը ճանաչել է Արցախի ժողովրդի ինքնորոշման իրավունքը

Կրակը դադարեցնելու սին խոստումների եւ ագրեսիայի շարունակման շրջանը կարող է ճեղքվել Արցախի անկախության ճանաչմամբ. ԱՀ ԱԳՆ

Խոցվել է հակառակորդի եւս 11 ԱԹՍ, 2 ՏՕՍ, 12 զրահատեխնիկա. թշնամու կորուստները՝ ամփոփ

ՌԴ-ն եւ ՀՀ-ն պետք է միասին ճանաչեն Արցախի անկախությունը. Պուտինը կարող է լռել, ապա կտրուկ գործել. Տրետյակով

Հոկտեմբերի 24-ի ժամը 15․00-ի դրությամբ հայտնաբերվել է արգելված հրապարակումների 175 դեպք

Հաշվի առնելով ռազմական դրությունը՝ ԱԱՏՄ-ն ուժեղացված վերահսկողություն է իրականացնում խմելու ջրի որակի նկատմամբ

Վերելք» ներկայացման ողջ հասույթը կփոխանցվի Հայաստան» համահայկական հիմնադրամին

Ադրբեջանցիները հարձակվում են հայկական համազգեստով. Մատաղիսի ուղղությամբ 40 դի են թողել՝ հայկական ԶՈՒ-ի համազգեստով

Մեր տղաների արհեստավարժությունն ու գիտելիքները միայն ոգևորություն և վստահություն են ներշնչել. Արայիկ Հարությունյան

Թե՛ մեր օրն ենք լցնում, թե՛ մեր տղաներին ենք օգնում. Արցախից Վանաձոր եկած կանայք զբաղված են քողարկիչ ցանցեր գործելով

Դավիթ Տոնոյանն այցելել է երեկ հարավային ուղղությամբ մարտերի ընթացքում վիրավորված զինծառայողներին

Կանգնեցրել են թշնամուն, ոչնչացրել կենդանի ուժն ու մարտական տեխնիկան. 13 հերոսներ ներկայացվել են պարգևատրման

Աս պահին ծանր և ծայրահեղ ծանր վիճակում է մոտ 800 քաղաքացի, 388 մարդ ունի հոսպիտալացման կարիք. Ա. Թորոսյանի կոչը

«Դիմում եմ պարոն Մակրոնին, պարոն Թրամփին եւ պարոն Պուտինին». Պարգեւ Սրբազանի կոչը միջազգային հանրությանը

Հակառակորդի ՏՈՍ-1Ա ծանր հրանետային համակարգի խոցումը (տեսանյութ)

Հրապարակվել են ադրբեջանական ագրեսիան հետ մղելիս զոհված եւս 36 զինծառայողների անուններ

Հովիկի և Մարիամի պսակադրությունն ուղերձ է՝ ուղղված ողջ քաղաքակիրթ աշխարհին. Արայիկ Հարությունյան (լուսանկարներ)

Ադրբեջանցի գերեվարված զինծառայողի վիճակը գնահատվում է կայուն ծանր. ՊՆ խոսնակ

Կադրեր՝ անցած գիշեր հրթիռակոծված Ստեփանակերտից. կիրառվել են սմերչ հրթիռներ