Գրավը կամ ստորագրությունը տվյալ փուլում ի զորու չեն ապահովել մեղադրյալ Քոչարյանի պատշաճ վարքագիծը․ մեղադրող դատախազ

Մարտի 1-ի գործով մեղադրող դատախազ Պետրոս Պետրոսյանն առարկեց եւ դատարանին խնդրեց մերժել պաշտպանների միջնորդությունը՝ գործով առանցքային մեղադրյալ Ռոբերտ Քոչարյանին ստորագրությամբ կամ գրավով ազատելու վերաբերյալ։

Պետրոս Պետրոսյանն ասաց, որ Քոչարյանի նկատմամբ կիրառված խափանման միջոցի հիմնավորվածության վերաբերյալ արդեն իսկ այսօր դատարանի կողմից կա հրապարակված որոշում, բայց դրա բովանդակությանն օբյեկտիվ պատճառներից ելնելով՝ չեն հասցրել ծանոթանալ, սակայն փաստ է, որ դատարանն արդեն իսկ քննության առարկա է դարձրել խափանման միջոցի հիմնավորվածության հարցը, այդ թվում՝ կիրառված կալանքի հիմքերի եւ պայմանների համատեքստում․

«Սակայն, քանի որ անընդհատ կրկնվում են եւ շրջապտույտի մեջ են գտնվում, նույն հիմքերի, հիմնավորումների կապակցությամբ տեսակետներ են հնչեցվում դատարանում, ստիպված ենք կրկին անդրադառնալ այն դատավարական նախապատմությանը, որը տեղի է ունեցել մինչ այս միջնորդությունը հարուցելը։ Պաշտպանության կողմն իր միջնորդության մեջ նշեց, որ կիրառվել է խափանման միջոց կալանավորում, որը կիրառվել է Վերաքննիչ քրեական դատարանում հունիսի 25-ին, եւ այդ խափանման միջոցի որոշման մեջ առկա առաջադրված մեղադրանքում Քրեական օրենսգրքի 301,1 հոդվածի 1-ին մասով եւ 311-րդ հոդվածի 4-րդ մասի 2-րդ կետով նախատեվսած հանրային վտանգավոր արարքներ կատարելու հիմնավոր կասկածի առկայության փաստն ինքնին վիճարկման առարկա չդարձավ հարուցված միջնորդությունների համատեքստում»,- ասաց մեղադրող դատախազը՝ նշելով, որ հանգամանքները, որոնք ներկայացրեց պաշտպանական կողմը, հատ առ հատ քննության առարկա են դարձված իր վկայակոչած որոշման մեջ․

«Պատահական չէ, որ այդ որոշման համատեքստում նաեւ դուք՝ որպես նախագահող, արդեն իսկ կայացրել եք համպատասխան որոշումներ՝ կիրառված խափանման միջոցը անփոփոխ թողելու համատեքստում, սակայն, նկատի ունենալով, որ կրկին բարձրացվում է այն հանգամանքը, որ քննությունից թաքնվելու հանգամանքները պայմանավորվում են այն նույն գործողություններով ու հիմնավորումներով, որ ներկայացվել եւ քննության առարկա են դարձել Վերաքննիչ քրեական դատարնում, մասնավորապես ՀՔԾ կողմից հայտարարություն տարածելուց հետո մեղադրյալի՝ ՀՀ վերադառնալու հանգամանքին, որին բազմիցս անդրադարձել ենք եւ փաստել, որ մեղադրանքի ծավալը եւ հնարավոր հետապնդման հանգամանքը այդ ծավալով կանխատեսելի չէր կարող լինել մեղադրյալի նկատմամբ, եւ դա հիմանվորվում է նաեւ նույն մեղադրյալի կողմից խափանման միջոց կալանավորման կիրառման եւ դրա կիրառված լինելու վերաբերյալ բողոքների քննության ընթացքում, իրականացված քննության ընթացքում մեղադրյալի կողմից հայտարարություններով առ այն, որ ինքը նույնպես չի կանխատեսել, որ երբեւէ կարող է այդ կարգավիճակում հայտնվել»,- ասաց Պետրոս Պետրոսյանը։

Անդրադառնալով պաշտպանների հայտարարությանը, թե Քոչարյանը կալանքը վերացնելուց հետո որեւէ գործողություն չի իրականացրել քննությունից թաքնվելու եւ քրգործով անցնող անձանց նկատմամբ անօրինական ազդեցություն գործադրելու հանգամանքների ուղղությամբ՝ մեղադրող դատախազն ասաց, որ այդ հարցը բազմիցս քննարկվել է՝ նկատի ունենալով, որ Վերաքննիչ քրեական դատարանի կողմից ընտրված խափանման միջոց կալանքը վերացնելուց հետո Քոչարյանը, առողջական խնդիրներով պայմանավորված, դիմել էր վարույթն իրականցնող մարմնին՝ երկրից բացակայելու թույլտվություն ստանալու համար, եւ ամրագրված ավիատոմսերը չեղարկվել են վարույթն իրականացնող մարմնի բացասական պատասխանը ստանալուց հետո․

«Այդ հանգամանքները պետք է մեկուսի չդիտարկել, քանի որ քրգործով ավիատոմսեր ամրագրելու հանգամանքը մեզ հայտնի է դարձել այլ աղբյուրներից, այլ ոչ թե իրենք են ներկայացրել, եւ հետեւաբար վարույթն իրականացնող մարմինը, դա գնահատելով որպես թաքնվելու փորձ, ինքն է նախաձռնել 2018-ի սեպտեմբերի 4-ին կիրառված խափանման միջոց ստորագրություն չհեռանալու մասին, եւ արդեն իսկ տվյալ ժամանակահատվածում ոչ պատշաճ վարքագիծ դրսեւորելու հավանակնությունը լուծվել է»,- պարզաբանեց դատախազը։

Անդրադառնալով քրեական գործով անցնող անձանց վրա անօրինական ազդեցություն գործադրելու հիմքի առկայությանը՝ մեղադրող դատախազն ասաց, որ այդ հարցերի վերաբերյալ հիմնավորումներ ներկայացված են․

«Մասնավորապես այն հանգամանքը, որ, որ անձը նախկինում զբաղեցրել է պետական պաշտոն եւ, ինչպես ասաց պաշտպանական կողմը, մեղադրյալի կապերը լայն են ոչ միայն Հայաստանի ներսում, այլեւ դրսում, այդ իրավական դիրքորոշումների լույսի ներքո քննարկելիս Վերաքննիչ քրեական դատարանը հանգել է օբյեկտիվ հետեւության, որ գործով անցնող անձանց նկատմամբ անօրինական ազդեցություն գործադրելու ռիսկերը չափազանց բարձր են»,- շեշտեց դատախազը։

Նա ասաց, որ Վերաքննիչ քրեական դատարանի կայացրած որոշումից հետո որեւէ դատավարական գործողություն չի իրականացվել եւ հետեւաբար ռիսկերը կան, առկա են եւ շարունակում են առկա լինել, իսկ ինչ վերաբերում է դիտարկմանը, թե կոնկրետ որ անձի նկատմամբ ինչպիսի ազդեցություն պետք է դրսեւորվի, մեղադրյալն ում հետ է առնչվել, ում է տեսել առերես, ում՝ ոչ, դատախազն ասաց, որ քրգործով անցնող անձանց ցուցմունքները մեղադրանքի կողմը գնահատել է որպես առաջադրված մեղադրանքը հիմավորող փաստական տվյալներ, եւ հետեւաբար դրանցից յուրաքնոչյուրի նկատմամբ անօրինական ազդեցություն գործադրելու ռիսկերը չափազանց բարձր են։

Փաստելով ընտրված խափանման միջոց կալանքի հիմնավորվածությունը, պայմանի եւ հիմքերի առկայությունը՝ մեղադրող դատախազը վստահաբար պնդեց, որ անձի ազատության հետ կապված որեւէ խափանման միջոց՝ գրավ կամ ստորագրություն, ի զորու չէ ապահովել տվյալ փուլում մեղադրյալի պատշաճ վարքագիծը․

«ՄԻԵԴ նախադեպային որոշմամբ՝ դատարանն անդրադարձել է գրավի թույլատրելիության հարցին եւ արտահայտել դիրքորոշում, որ դատավորները, ամեն դեպքում, պարտավոր են քննարկել գրավի կիրառելիության հարցը, բայց այդ հարցն, ըստ դատախազի, այս փուլում չի կարող զսպել մեղադրյալի պատշաճ վարքագիծը»,- ասաց մեղադրող դատախազ Պետրոս Պետրոսյանը՝ նշելով, որ պաշտպանական կողմի ներկայացրած միջնորդությունները անհիմն են, եւ խնդրեց դրանք մերժել։

Տպել
2415 դիտում

Կբարելավվի կապի ոլորտի ծառայությունների որակը Արցախում. Արցախի նախագահը հանդիպել է «Տելեկոմ Արմենիա»-ի տնօրենների հետ

Որքան Ադրբեջանն է կարող հայց ներկայացնել ՀՀ-ի դեմ, այդքան կամ ավելի այդքան ՀՀ-ն է կարող պահանջներ դնել․ Կիրակոսյան

ԱԺ նախագահը հանդիպել է ՄԻ պաշտպան Արման Թաթոյանի հետ

Երեւանի կրկեսի շենքի շինարարական աշխատանքները նախատեսված է ավարտել 2021-ի տարեվերջին

Վահան Հունանյանը նշանակվել է փոխվարչապետի խորհրդական

Միջազգային մարմիններին կներկայացվի էթնիկ հայ գերիների ու զոհերի մարմինների նկատմամբ դաժանությունների մասին 5-րդ զեկույցը

«Իմ նշանակումից հետո ո՛չ ես, ո՛չ նախարարության ղեկավար անձնակազմը պարգեւավճար չենք ստացել եւ առաջիկայում չենք ստանալու»

Արվում է հնարավորը՝ վիրավոր զինծառայողների կարիքների գնահատման, հաշմանդամության խմբի ճանաչման համար. նախարար

Հունան Պողոսյանն ազատվեց Սյունիքի մարզպետի պաշտոնից

Կառավարությունը հաստատեց «Այգ-1» արեւային ֆոտովոլտային ծրագրի մրցութային հանձնաժողովի կազմը

Այգեստան և Խնածախ համայնքների տարածքներում կիրականացվեն ականազերծման աշխատանքներ

Պատերազմին մասնակցած ուսանողների եւ ուսանող զավակ ունեցող մասնակիցների ուսման վարձը կփոխհատուցվի․ վարչապետ

Շուշեցիները այսօր Արցախի ներկայացուցչությունում էին․ նրանց կարևորագույն խնդիրը կացարանով ապահովված լինելն է

Մահացել է Դմիտրի Աթբաշյանը

Պատասխանատվության կենթարկվեն քաղաքացիների տեղաշարժին և տրանսպորտային երթևեկությանը խոչընդոտելու փորձեր կատարողները

Տիգրան Ավինյանի մամուլի քարտուղարն ազատվել է պաշտոնից

Արցախի վերահսկողությունից դուրս մնացած համայնքների բնակիչներին հյուրընկալելու համար փոխհատուցում կտրվի

Սյունիքի եւ Գեղարքունիքի մարզերում պատերազմի հետեւանքով անշարժ գույքին հասցված վնասները կփոխհատուցվեն

Պատերազմի ընթացքում զոհված քաղաքացիական անձանց ընտանիքներին եւ վիրավորներին փոխհատուցում կտրվի

Հաստատվել է կորոնավիրուսի 1277 նոր դեպք. գրանցվել է 26 մահ, եւս 11-ն էլ՝ այլ հիվանդության հետեւանքով