Հայաստանի ֆուտբոլի ազգային հավաքականը ֆանտաստիկ հաղթանակ տարավ, հիանալի ֆուտբոլային երեկո պարգեւեց երկրպագուներին ու մնաց Եվրո 2020-ի ուղեգրի համար պայքարում: Բացի այն, որ երեկ՝ սեպտեմբերի 8-ին, Վազգեն Սարգսյանի անվան «Հանրապետական» մարզադաշտում Բոսնիա եւ Հերցեգովինայի նկատմամբ տոնած հաղթանակը (4:2) շատ կարեւոր էր մրցաշարային տեսանկյունից, այն նաեւ վստահ էր ու համոզիչ: Եթե ամռանը Հունաստանի դեմ խաղում հաղթանակից հետո ինչ-որ տեղ չէր ստացվում մոռանալ, որ Եվրոպայի 2004թ. չեմպիոնների կյանքում «սեւ շրջան» է, ապա արդեն օրեր առաջ՝ սեպտեմբերի 5-ին, Իտալիայի դեմ տնային խաղում երեւաց, որ դրական տեղաշարժ կա ու աշխատանք է կատարվում:

Աշխարհի քառակի չեմպիոնների դեմ թիմը դուրս չէր եկել նախապես պարտված, ու մրցակցի ահեղությունն ամենեւին չէր սարսափեցրել ՀՀ հավաքականի ֆուտբոլիստներին: Անգամ 10 հոգով թիմն այնպես խաղաց, որ նրանց նվիրվածության վրա դժվար էր կասկածել: Ու թեեւ մրցավարներից դժգոհելը ֆուտբոլում ճիշտ չէ, սակայն հանուն արդարության պետք է նշել, որ նրա գործողությունները եւ հատկապես Ալեքսանդր Կարապետյանի հեռացումն ազդեցին ընթացքի վրա: Խաղացողներն էլ հանդիպումից հետո բարձր գլխով հեռացան խաղադաշտից ու առանց խուսափելու պատասխանում էին պարտության վերաբերյալ լրագրողների հարցերին:

Այդ օրը երկրպագուները, իհարկե, հիասթափված էին, բայց այս անգամ արդյունքի (1:3), մրցավարության ու կորցրած 3 միավորների համար, այլ ոչ թե նրա, որ իրենց ֆուտբոլիստները ոչինչ չարեցին ու չկարողացան: Այդ խաղից երկրպագուները գնացին զգացողությամբ, որ թիմն իսկապես կարող է խաղալ ու մյուս տուրում էլ նույնն է անելու: Երեկ Բոսնիա եւ Հերցեգովինայի դեմ խաղում նրանք դա ապացուցեցին հենց սկզբից: Հոգեբանորեն պատրաստ էին նաեւ գոլ ընդունելուն ու չկոտրվեցին: 2 անգամ առավելությունը ձեռքից բաց թողնելուց հետո կարողացան հաղթանակի նժարը թեքել իրենց կողմը, չբավարարվեցին 1 գնդակի առավելությամբ ու ստեղծեցին նաեւ 4-րդը:

Այս հարցում իր մեծ ներդրումն ունեցվ թիմի ավագ Հենրիխ Մխիթարյանը: Իտալիայի դեմ խաղից հետո նրան հարցեր կային, սակայն երեկ նա իր կարիերայի լավագույն հանդիպումներից մեկն անցկացրեց ազգային ընտրանու մարզաշապիկով: Դարձավ դուբլի հեղինակ, գոլային փոխանցում կատարեց Հովհաննես Համբարձումյանին, 4-րդ գոլի դեպքում էլ հենց նրա հարվածից հետո մրցակիցը պատահմամբ գրավեց սեփական դարպասը: Այսպիսով՝ ՀՀ հավաքականի բոլոր ժամանակների լավագույն ռմբարկուն ընտրանու կազմում գոլերի քանակը հասցրեց 29-ի: Նրան այս ցուցանիշով ամենամոտը Յուրա Մովսիսյանն է, որն աչքի է ընկել 13 անգամ:

Այս խաղի ընթացքում մի քանի այլ խաղացողներ էլ բարելավեցին իրենց ցուցանիշները: Օրինակ՝ Տիգրան Բարսեղյանը գոլային փոխանցումների քանակով հավասարվեց բելգիացի Դրիս Մերտենսին ու ավստրիացի Մարսել Զաբիտցերին՝ 3: Առջեւում են հոլանդացի Մեմֆիս Դեպայը 5 եւ ֆրանսիացի Անտուան Գրիզմանը գոլային 4 փոխանցումով: Երեկվա խաղի հերոսներից մեկը՝ դարպասապահ Արամ Հայրապետյանը, նույնպես բարելավեց վիճակագրությունը: Բոսնիա եւ Հերցեգովինայի դեմ խաղում 7 սեյվ կատարեց՝ բոլոր խաղերում սեյվերի քանակը հասցնելով 32-ի: Այս ցուցանիշով նա լավագույն եռյակում է: 3-րդն է լրացուցիչ ցուցանիշներով: Համապատասխանաբար առաջին եւ 2-րդ տեղերը զբաղեցնող Հենրի Բոնելոն (Մալթա) եւ Էլիա Բենդետինին (Սան-Մարինո) նույնքան անգամ են փրկել իրենց թիմերին:

«Հանրապետականը» Հայաստան-Բոսնիա եւ Հերցեգովինա հանդիպման ժամանակ

Ֆուտբոլիստների նվիրվածությունն ու խաղի բարելաված որակն անտարբեր չեն թողնում երկրպագուներին: Նրանք գնահատում են դա: Թե Իտալիայի, թե Բոսնիա եւ Հերցեգովինայի դեմ խաղերում «Հանրապետականը» լեփ-լեցուն էր: Սեպտեմբերի 5-ին ներկա էր 13687, իսկ երեկ՝ 12457 հանդիսական: Նրանք մեկ մարդու նման մինչեւ վերջին րոպեներն աջակցում էին ֆուտբոլիստներին: Վերջիններս ընդգծում են, որ դա իրենց համար շատ կարեւոր է:

«Մենք այստեղ ուրիշ ոչ մի բանի համար չենք խաղում, կարեւորը մեզ հավատան»,- երեկ հանդիպումից հետո ասաց շատ էմոցիոնալ Արամ Հայրապետյանը:

Բոսնիա եւ Հերցեգովինայի նկատմամբ տոնած հաղթանակն ՀՀ-ի համար 10-րդն էր, որում կարողանում է 4 անգամ գրավել մրցակիցների դարպասը: Նախորդ 9 դեպքերում՝ ընկերական եւ պաշտոնական խաղերում, 1 խաղում 4 անգամ կարողացել է գրավել Անդորրայի, Սլովակիայի, Լիտվայի, Դանիայի,ԱՄԷ-ի, Էլ Սալվադուրի, Բելառուսի դարպասները, ինչպես նաեւ 2 անգամ էլ 4-ական գնդակ է ուղարկել Մակեդոնիայի դարպասը:

Եվրո 2020-ի որակավորման փուլում եզրափակիչ փուլի ուղիղ ուղեգիր են տալիս առաջին եւ 2-րդ տեղերը: Այս հաղթանակով ՀՀ-ն միավորների քանակը հասցրեց 9-ի ու ընտրական J խմբում 3-րդն է: 3 միավորով է զիջում ուղեգիր տվող 2-րդ հորիզոնականին, որը 12 միավորով զբաղեցնում է Ֆինլանդիան: Երեկ խմբի միանձնյա առաջատար Իտալիան 6-րդ խաղում 6-րդ հաղթանակը տարավ հենց 2-րդ ֆինների նկատմամաբ (2:1)՝ հնարավորություն տալով ՀՀ-ին մոտենալ անմիջական մրցակցին ու մնալ ուղեգրի համար պայքարում:

Երեկ խմբի 3-րդ խաղում Հունաստանը կրկին սայթաքեց: Միավորներ կորցրեց անհույս հետնապահի՝ Լիխտենշտեյնի դեմ խաղում (1:1): 6 տուրերից հետո J Խումբն ունի հետեւյալ տեսքը.

1.Իտալիա 18 միավոր

2.Ֆինլանդիա 12 միավոր

3.Հայաստան 9 միավոր

4.Բոսնիա եւ Հերցեգովինա 7 միավոր

5.Հունաստան 5 միավոր

6.Լիխտենշտեյն 1 միավոր

Ընտրական փուլի հաջորդ 2 տուրերը կկայանան մյուս ամիս: Հոկտեմբերի 12-ին ՀՀ-ն կհյուրընկալվի Լիխտենշտեյնին, իսկ 15-ի կարեւորագույն հանդիպում կանցկացնի Ֆինլանդիայի հարկի տակ: Ընդհանուր առմամբ որակավորման փուլոմ այս ենթախմբում մնացել է 4 տուր, որոնցից միայն մեկը ՀՀ-ն կանցկացնի տանը: Նոյեմբերի 15-ին կընդունի Հունաստանին: Վերջին տուրի շրջանակներում էլ՝ նոյեմբերի 18-ին, կգնա Իտալիա:

Տպել
4491 դիտում

Կառավարությունը կգործադրի բոլոր ջանքերը՝ ազատ, թափանցիկ, արդար ընտրությունների անցկացման համար. Արսեն Թորոսյան

Խծաբերդի մարտերում զոհված ինը զինծառայող հետմահու պարգևատրվել է «Արիության» մեդալով

Մոսկվա-Երևան չվերթի ինքնաթիռի ժամանումից հետո 28-ամյա հետախուզվող է բերման ենթարկվել

«Հայերը մեր ընկերներն են և մենք պատրաստ չենք ընդունելու թուրքերի օգնությունը». պաղեստինցիներ

ՀՀ-ն պատրաստակամ է անցկացնել արդար ընտրություններ. Ապիտոնյանն ընդունել է ԵԱՀԿ դիտորդական առաքելության հիմնական կազմին

Ուժեղ, ինքնիշխան պետությունը պետք է ունենա ուժեղ հետախուզական ծառայություն. Սերգեյ Նարիշկին

Արցախում հրետակոծությունից վնասված 7064 շենք-շինություն է հաշվառվել

Այսօր զինամթերքի վնասազերծման աշխատանքներ են նախատեսված Արցախի 4 քաղաքներում

Իսրայելը հրադադարի ռեժիմ չի հաստատի մինչև հինգշաբթի

Երևանի Մամիկոնյանց փողոցում ծառը տապալվել է մեքենայի վրա

Թուրքիայի նախագահ Էրդողանն անիծել է Ավստրիայի կառավարությանը

«Քարաշամբի գավաթը․ պատմության քառասունդարյա վկան». անիմացիոն հոլովակ Հայաստանի պատմության թանգարանում

Վաղը ժամանակավորապես կդադարեցվի Գեղարքունիքի մարզի Գեղհովիտ համայնքի մի հատվածի գազամատակարարումը

Վահրամ Դումանյանը շնորհավորական ուղերձ է հղել Թանգարանների միջազգային օրվա առթիվ

Բանկերը եւ վարկային կազմակերպությունները 2.5 մլրդ դրամի վարկ են ներել զոհվածներին, նրանց ընտանիքի անդամներին. ԿԲ նախագահ

Թաթոյանը ԵԽ-ի եւ МГИМО-ի բարձրաստիճան միջոցառմանը ներկայացրել է համավարակի ընթացքում աշխատանքի առաջատար փորձը

Ադրբեջանցիների թիկունքային ապահովման փորձերը կանխվում են. լիարժեք հանգուցալուծման շուրջ բանակցություններ կլինեն վաղը. ՊՆ

Օգտագործելով պաշտոնը, փոխնախարարը խոչընդոտել է դիզվառելիքի ներկրմանը. գործն ուղարկվել է դատարան

Հաստատվել է կորոնավիրուսային հիվանդության 212 նոր դեպք. գրանցվել է 17 մահ

ԱՄՆ նախագահի խորհրդականը Ալիևի հետ զրույցում անպատասխանատու և սադրիչ է անվանել սահմանին տեղաշարժերը

«Զվարթնոց» օդանավակայանից ձերբակալվել է Գագիկ Բեգլարյանը. նա ներկայացվել է ԱԱԾ

4-ամյա երեխային ապտակելու գործով մեղադրանք է առաջադրվել բժշկին. նախաքննությունն ավարտվել է

ԲՀԿ ընտրական ցուցակը գլխավորելու է Գագիկ Ծառուկյանը. հայտնի են երկրորդ ու երրորդ համարները

Հրդեհ Թբիլիսիի հանրակացարանում. 5-րդ հարկից կին է ընկել

Արմեն Գրիգորյանը ՀԱՊԿ ԱԽ քարտուղարների կոմիտեի նախագահի հետ քննարկել է սահմանային իրավիճակը

Ռազմամարզական ճամբարի ծրագիրը կփորձարկվի 4 դպրոցներում

Փրկարարները հեռացրել են ընկած ծառը ճանապարհի երթևեկելի հատվածից

Հրդեհ Ստեփանակերտում. այրվել է հողամասի տնակը

Կանխվել է 24-ամյա քաղաքացու ինքնասպանության փորձը Երևանի Հաղթանակի կամրջից

Հույն-թուրքական բանակցությունների երկրորդ փուլ. Չավուշօղլուն մտադիր է մեկնել Աթենք

Լևոն Տեր-Պետրոսյանն ընտրություններին մասնակցելով Ռոբերտ Քոչարյանի ջրաղացին է ջուր լցնում. Վիգեն Խաչատրյան

Քարաթափում Երևան-Մեղրի ավտոճանապարհին. այն միակողմանի փակվել էր

Էջմիածնի ջրանցքից դուրս է բերվել 55-ամյա քաղաքացու դի

Գյումրիում բացվեց ՀՀ-ում առաջին «Ընտանիքի անկյուն» ռեսուրսային կենտրոնը. շուտով կգործի նաև «Հայրերի դպրոցը»

Առողջապահության նախարարությունն ու «Վեոլիա ջուրը» տարբեր պնդումներ են անում. ինչու է Սիսիանում աղիքային վարակ բռնկվել

ԱՄՆ-ը Ադրբեջանի ղեկավարությունից կպահանջի դուրս բերել իր ուժերը ՀՀ տարածքից․ ԱՄՆ նախագահի խորհրդականը՝ Նիկոլ Փաշինյանին

Կամարիսում հիմնանորոգվում են ներհամայնքային ճանապարհներ

ՄԱԿ-ում 3-րդ անգամ չեն կարողացել համաձայնության գալ իսրայելա-պաղեստինյան հարցի շուրջ. Էրդողանը Բայդենին է մեղադրում

Արմեն Սարգսյանը ստորագրել է զինծառայությունից խուսափած անձանց նկատմամբ համաներում հայտարարելու մասին օրենքը

Գործարկվելու է Հոռոմ համայնքի շչակը․ ԱԻՆ-ը խնդրում է չանհանգստանալ