Եթե նայել եք եւ հավանել, ուրեմն բռավո դերասաններին, իսկ եթե ոչ, մեղավոր եմ ես.կայացավ «Անհայտ բաժանորդը» ֆիլմի պրեմիերան

Այսօր՝ սեպտեմբերի 5-ին տեղի ունեցավ ռեժիսոր Արշալույս Հարությունյանի «Անհայտ բաժանորդը» խաղարկային ֆիլմի պրեմիերան:

«Անհայտ բաժանորդը» իտալական հայտնի «Կատարյալ անծանոթները» ֆիլմի հայկական տարբերակն է, որը տարբեր մեկնաբանություններով նկարահանվել է մի շարք երկրներում՝ Ֆրանսիայում, Իսպանիայում, Մեքսիկայում, Հունաստանում, Հարավային Կորեայում եւ Ռուսաստանում:

Ֆիլմի փակ դիտումից հետո ռեժիսոր Արշալույս Հարությունյանը նկատեց. «Եթե ֆիլմը նայել եք եւ հավանել, ուրեմն բռավո դերասաններին, իսկ եթե չեք հավանել, ուրեմն՝ մեղավոր եմ ես»: Արշալույս Հարությունյանի կարծիքով՝ «Անհայտ բաժանորդ»-ի համար այնպիսի դերասանական խումբ է աշխատել, որը երազելի է յուրաքանչյուր ռեժիսորի համար:

Ֆիլմի գլխավոր դերերում հանդես են գալիս դրասաններ Խորեն Լեւոնյանը, Նազենի Հովհաննիսյանը, Բաբկեն Չոբանյանը, Մարջան Ավետիսյանը, Սոս Ջանիբեկյանը, Անի Խաչիկյանն ու Արթուր Մանուկյանը: Դերասանների կարծիքով՝ սա այն եզակի դեպքերից մեկն է, երբ իրենք գոհ եւ հպարտ են թիմային հաջողված աշխատանքից:

Ռեժիսորի համոզմամբ էլ՝ պրոֆեիսոնալ թիմով աշխատելը միայն օգնել է իրեն, եթե էլ եղել են որեւէ քննարկումներ, կամ կոնկրետ տեսարանների, դրանց մատուցման վերաբերյալ ինչ-որ տարաձայնություններ են առաջացել, ապա ստեղծագործական բանավեճերի միջոցով կարողացել են լուծել: «Կապրիզներով ոչնչի չէինք հասնի, եւ ես, եւս մեկ անգամ պիտի իրենց շնորհակալություն հայտնեմ, որովհետեւ շատ հարմոնիկ մթնոլորտ է եղել, ստեղծագործելու համար շատ արդյունավետ»,-ասաց Արշալույս Հարությունյանը:

Ռեժիսորի կարծիքով՝ «Անհայտ բաժանորդը» ֆիլմում ներկայացվում է խաղի նոր կանոններ, որին ցանկացած մեկը պիտի պատրաստ լինի:

Արշալույս Հարությունյանը նախ, «Անհայտ բաժանորդը» ֆիլմը թատերական բեմադրության տարբերակով էր ներկայացրել հանդիսատեսի դատին, այն կոչվում էր «Սեւ արկղ»: «Սեւ արկղ» ներկայացման պրեմիերան եղել է նախորդ տարի, Երեւանի Պետական Կամերային թատրոնում, այն մինչեւ հիմա էլ խաղացանկում է:

Իսկ ֆիլմի նկարահանումները մեկնարկել են մայիսի 13-ից: «Անհայտ բաժանորդը» ֆիլմի հիմքում մարդկային փոխհարաբերություններն են: Ներկայացվում է մի քանի ընկերների կյանքից մեկ ճակատագրական օրվա մասին, որը փոխում է նրանցից յուրաքանչյուրի կյանքի բնակոն ընթացքը: 7 ընկերներ՝ 3 զույգ եւ մեկ տղամարդ, հավաքվում են ճաշկերույթի: Երեկոյի ընթացքում հերոսուհիներից մեկն առաջարկում է խաղ խաղալ: Խաղի կանոնները հետեւյալն են. նրանցից յուրաքանչյուրը սեղանին է դնում իր բջջային հեռախոսը եւ հեռախոսազանգ կամ հաղորդագրություն ստանալու դեպքում ընկերները դրանք միասին են ընթերցում, իսկ զանգերին պատասխանում բարձրախոսը միացրած:

Ֆիլմը կարող է մտորումների մեջ գցել ցանկացած մեկին, որն ապրում է մեր օրում եւ օգտվում տեղեկատվական տեխնոլոգիաներից, մասնավորապես, սմարթֆոններից:

Դերասանուհի Նազենի Հովհաննիսյանի համոզմամբ՝ ցանկացած ֆիլմ եւ ցանկացած գործողություն ազդում է դերասանի վրա այնքան, որքան կինոդիտողի: «Այո, մենք բոլորս ունեցել ենք մեր հասունացումն այս ֆիլմի ընթացքում: Ես ինձ իրավունք չեմ վերապահի խոսել բոլորի անունից, բայց ինձ համար դա այդպես է: Չկա անսխալ մարդ, եւ այդ գաջետներով մենք անընդհատ փորձում ենք մեզ ֆոտոշոփել, մեր կյանքը խմբագրել, անկախ նրանից՝ հայտնի ենք, թե՝ ո՛չ»,-ասաց նա: Դերասանուհու խոսքով՝ գուցե հենց դա է հիմնական մեսիջը, որը փորձում է տալ ֆիլմը:

«Մենք ապրում ենք մի իրականության մեջ, որտեղ չկա մասնավոր կյանք ասվածը, ուրեմն, այդ մասնավորի մեջ պետք է լինել ազնիվ, որպեսզի արտաքին աշխարհի հարաբերության հետ դիսոնանս չլինի, իսկ «սեւ արկղ»-ը բացելիս չվնասի ու չխոցի մահացու կերպով»,-ասաց դերասանուհին:

Նազենի Հովհաննիսյանը հայտնեց նաեւ, որ իրենց մեղադրել են ֆիլմը իտալական տարբերակից արտատպելու մեջ, սակայն դա իրականում այնքան էլ այդպես չէ եւ ինքը շատ շնորհակալ է ռեժիսորին նման հնարավորություն ընձեռելու համար:

Խորեն Լեւոնյանը նկատեց, որ ֆիլմի նկարահանման ընթացքը բավականին դժվար է եղել. «Հիմա կարող է դուք նայեք, ասեք՝ ինչ լավ, թեթեւ ֆիլմ էր, ուտում էին, խմում բասեինի մոտ նկարեցին գնացին տուն. ոչ, սիրելիներս, սա մեր կյանքի ամենադժվար նկարահանումներից մեկն էր, այդ մասին կփաստեն երեւի, թե բոլոր դերասանները»: Դերասանը նկատեց, որ այս ֆիլմից հետո իր հիմնական ձեռքբերումն է եղել թիմակիցների հետ առավել մտերմանալն ու էլ ավելի ընկերանալը. «Անի Խաչիկյանին չէի ճանաչում, հիմա շատ ուրախ եմ, որ ծանոթ եմ»:

Դերասանուհի Անի Խաչիկյանի կարծիքով՝ ֆիլմը խառնաշփոթ ստեղծելու հետ մեկտեղ նաեւ լուծումներ է տալիս: Տալիս է զգոն լինելու, ուշադիր եւ հոգատար լինելու նաեւ ներելու հաղորդագրություն. «Ֆիլմը նրա մասին չէ, թե ինչքան հմտորեն կարող ենք թաքցնել մեր հաղորդագրություններն ու մեր կյանքը: Իհարկե՝ ոչ ոք չի հերքում, որ պետք է դիմացինի անձանական տարածքը հարգել, բայց նաեւ պետք է ընտրությունների եւ որոշումների մեջ ավելի նրբանկատ լինել դիմացինի հանդեպ, այն մարդկանց հանդեպ, որոնք մեր կյանքում կարեւոր են»:

Մարջան Ավետիսյանի համար «Անհայտ բաժանորդ»-ը ֆիլմում նկարահանվելը որպես դերասանուհի եւս մեկ անգամ ուժերը փորձելու հնարավորություն էր, իսկ ընդհանուր ֆիլմի գաղափարը ոչ թե նրա մասին է, որ նայելուց հետո սկսեն դիմացինին կասկածել, այլ իմանալ այնքան որքան դիմացինն է թույլ տալիս, հարգել նրա անձնական տարածքն ու չփորփրել:

Մեր նախորդ զրույցում Արշալույս Հարությունյանը նշել էր, որ «Անհայտ բաժանորդ»-ի աշխատանքային վերնագիրը եւս «Սեւ արկղ» է: Ի դեպ, այն հենց այդպես էլ ներկայացված է Ազգային կինոկենտրոնի պետական ֆինանսավորմամբ ընտրված լիամետրաժ նախագծերի թվում: Ազգային կինոկենտրոնի 2019 թվականի գարնանային նստաշրջանում անցկացված մրցույթի շրջանակներում 20 միլիոն դրամ հատկացրել է ֆիլմին:

Այսօր այն արդեն մեծ էկրաններին է: Խոսելով նկարահանման աշխատանքներից՝ ֆիլմի հեղինակները նկատեցին, որ ընդհանուր աշխատանքը տեւել է մեկ տարի, իսկ բուն նկարահանման պրոցեսը 2-ից 3 ամիս:

Ֆիլմի պրոդյուսերներն են՝ Արման Միտոյանը, Ռուբեն Դիշդիշյանը եւ Արմեն Հայրապետյանը: Սցենարի հեղինակներն են՝ Պաոլո Ջենովեզեն, Ռոլանդո Ռաֆաելոն, Պաոլո Կոստելլան, Ֆիլիպպո Բոլոնյան եւ Պաոլո Մամիննին:

Տպել
1373 դիտում

Թուրքական օդուժը Իրաքի հյուսիսում թիրախավորել է բնակավայրեր. կա 2 զոհ

Հրետանավորներն անցկացրել են մասնագիտական պարապմունքներ. ՊՆ

Թրամփն ու ընտանիքը տեղափոխվել է ստորգետնյա բունկեր. ԱՄՆ-ում ցույցերի հետեւանքով 20 զոհ, 4 000 բերման ենթարկված կա

Հաշմանդամություն ունեցող երեխային պետք է սովորեցնել ինքնուրույն կյանք վարելու հմտություններ. ՄԻՊ (լուսանկարներ)

13-ամյա Նազելիի խնամակալությունը կստանձնի Գյումրիում ապրող հորաքույրը. կապրեն այլ հասցեում

Սահմանամերձ Բարեկամավանի միակ շրջանավարտի ավարտական երեկոն․ մի կողմից հակառակորդի հետ սահման, մյուսից՝ անտեսանելի թշնամի

Ամենահաճախակի խախտումները՝ գեղեցկության սրահներում, դեղատներում եւ ստոմատոլոգիական կենտրոններում․ ԱԱՏՄ

Սահմանադրական փոփոխությունների մասին քվեարկությունը ՌԴ-ում կանցկացվի հուլիսի 1-ին

Ակնկալվում է մի քանի անգամ մեծացնել Հայաստան ներմուծվող գազի և Իրան ներմուծվող էլեկտրաէներգիայի ծավալները

Լացող փոքրիկներ, մարզերից եկած հուսախաբ երեխաներ. հունիսի մեկն առանց ատրակցիոնների առաջվանը չէր

ՄԻԵԴ-ի պատասխանից առնվազն պետք է մտահոգվեն այն մարդիկ, որոնք ուղղել են հարցերը․ Վլադիմիր Վարդանյան

Եվրոպայում ֆուտբոլասերներին աստիճանաբար վերադարձնում են խաղադաշտ

ՍԱՏՄ-ն Կենտրոն վարչական շրջանում կասեցրել է կրկնակի խախտում կատարած երկու հանրային սննդի օբյեկտների աշխատանքը 48 ժամով

Օդային հաղորդակցության վերաբացումը կթույլատրվի հուլիսի կեսից. քննարկումն ու ժամկետը նախնական է

22-ամյա երիտասարդը աղջկա մերկ լուսանկարները չտարածելու դիմաց 3 միլիոն դրամ էր պահանջել. երիտասարդը ձերբակալվել է

Վարչապետին ծննդյան օրվա առթիվ շնորհավորական ուղերձ է հղել Ղազախստանի նախագահը

Վաղը հայկական արտադրության թեստերի առաջին խմբաքանակը՝ 350 հատ, կհանձնվի ՀՎԿԱԿ-ին. Տիգրան Ավինյան

Սահմանին գազի ներկա գնի պահպանման պարագայում, կարծում եմ, ՀԾԿՀ-ի հաշվարկները ողջամիտ են․ փոխվարչապետ

Ռեանիմացիոն եւ ինտենսիվ թերապիայի մահճակալային ֆոնդը կհամալրվի մոտ 120 մահճակալով

Տեղից չի շարժվել «Հարսնաքար»-ի սպանության գործը, ինչը դրա հեղինակներին դրդել է նորանոր հանցագործությունների․Բաբաջանյան