Դիվանագիտական ապարատի և մարզային պատասխանատուների համատեղ հավաքը բացառիկ է Հայաստանի պատմության մեջ. Սուրեն Պապիկյան

ՀՀ ՏԿԵ նախարար Սուրեն Պապիկյանի և ՀՀ ԱԳ նախարար Զոհրաբ Մնացականյանի նախաձեռնությամբ ԱԳՆ կենտրոնական ապարատի և օտարերկրյա պետություններում ՀՀ դիվանագիտական ծառայության մարմինների ղեկավարների ամենամյա համաժողովի մասնակիցներն այսօր Գյուրու «Էմիլի արեգակ» կենտրոնում ծրագրային հանդիպում-քննարկում են ունեցել ՀՀ մարզպետների հետ: Այս մասին հայտնում են նախարարության մամուլի ծառայությունից:

Իր ողջույնի խոսքում նախարար Սուրեն Պապիկյանը Հայաստանի երրորդ Հանրապետության պատմության մեջ բացառիկ իրադարձություն է որակել դիվանագիտական ապարատի և մարզային պատասխանատուների համատեղ հավաքը և նկատել, որ այն հիանալի հնարավորություն է ախտորոշել երկրի առջև ծառացած խնդիրներն ու փնտրել դրանք միասնական հաղթահարելու լուծումները:

Նախարար Պապիկյանը հավաքի մասնակիցներին է ներկայացրել ՀՀ տարածքային համաչափ զարգացման ուղղությամբ կառավարության առաջնահերթությունները և ընդգծել, որ մարզերի ու համայնքների հավասարաչափ զարգացում ունենալու նպատակով անհրաժեշտ է նախանշել ճիշտ թիրախներ և դրանց ուղղությամբ ճիշտ աշխատելաոճ: «Տարբեր երկրների հետ ունենք մեր ունեցած միջտարածաշրջանային և միջհամայնքային համագործակությունը երբեմն կրում է զուտ արարողակարգային բնույթ: Ենթադրում եմ՝ այսօրվա հավաքից հետո մենք պետք է մեր առջև խնդիր դնենք, որպեսզի տարածքային կառավարման մարմիններն իրենց մարզային զարգացման տեսլականը քննարկեն նաև գործընկեր դիվանագետների հետ: Մեր գործընկերներն իրենց հերթին պետք է փնտրեն այն ռեսուրսը, որն առկա է արտերկրում և փորձեն դա ներարկել մեր երկրի տնտեսության մեջ: Սա սկիզբն է այն կարևոր համագործակցության, փոխկապակցվածության,  որի համար մենք հավաքվել ենք»,- ասել է նախարարը:

Իր բացման խոսքում ԱԳ նախարար Զորհրաբ Մնացականյանը նշել է. «Ես ցանկանում եմ իմ շնորհակալությունը հայտնել, ձեզ՝ պարո՛ն Պապիկյան, պարո՛ն Բալասանյան, պարո՛ն Պետրոսյան՝ ձեր հյուրընկալության համար: Շատ շնորհակալ եմ, որ մարզպետերն արձագանքեցին և մաս են կազմում այս երկխոսության: Ինձ համար սա չափազանց կարևոր, պրակտիկ նշանակություն ունի: Մենք հաճախ խոսում ենք, մեր քննարկումների մեջ ընդգծում ենք շատ կարևոր սկզբունք. մեր գործն ունի պրակտիկ, կիրառական նշանակություն՝ արտաքին հարաբերությունները լավագույնս ծառայեցնելով մեր երկրի ներքին օրակարգին, մեր երկրի գերակայություններին, մեր կառավարության ծրագրի լավագույնս իրականացմանը»:

Ամփոփելով իր խոսքը՝ նախարար Մնացականյանը շեշտել է. «Մեր այս դեսպանաժողովը կազմակերպելիս  մենք ուշադրություն ենք դարձրել դրան, որպեսզի  մեր աշխատանքի կիրառելիությունն առավել ուժեղացնենք մեր երկրի զարգացման օրակարգում, արտաքին ոլորտը, արտաքին հարաբերությունները լավագույնս ծառայեցնենք մեր նպատակին: Եվս մեկ անգամ շնորհակալություն հյուրընկալության համար, և ես անհամբեր սպասում եմ մեր այս երկխոսությանը և ծրագրերին, որոնք պետք է ներկայացվեն մեզ և մեր դիվանագիտական ծառայության մարմինների ղեկավարներին»:

Ողջույնի խոսքով հանդես է եկել նաև Գյումրու քաղաքապետ Սամվել Բալասանյանը: Նա խիստ նշանակալի է համարել նմանօրինակ միջոցառման անցկացումը Գյումրի քաղաքում և հույս հայտնել, որ տարբեր երկրներում ներկայացված հայրենի դիվանագետներն իրենց ողջ ներուժն ու օտարերկրյա կապերը կծառայեցնեն նաև մարզի և Գյումրի քաղաքի զարգացմանը:

Հաջորդիվ մեկնարկել է մարզպետներ-դիվանագետներ ծրագրային քննարկման փուլը, որի ընթացքում մարզային պատասխանատուները դիվանագետներին են ներկայացրել իրենց մարզերի զարգացման ծրագրերն ու այլ երկրների վարչատարածքային միավորումների հետ համագործակցության տեսլականը:

Տպել
842 դիտում

Պարեկային ծառայության դասընթացավարները վերապատրաստվում են

Սահմանադրական դատարանում ընտրում են դատարանի նախագահ եւ փոխնախագահ

Շառլ Միշելն ինքնամեկուսացված է. ԵՄ գագաթնաժողովը հետաձգվել է մեկ շաբաթով

Նորշենից մինչև Գուսանագյուղ ճանապարհահատվածը ժամանակավորապես փակ կլինի երթևեկության համար

Հանրակրթության չափորոշիչների մասին նախագիծն ամենաքննարկվածներից է. առաջ քաշված հիմնական խնդիրներն ու ԿԳՄՍՆ պատասխանները

Հայաստանի ազգային ֆիլհարմոնիկ նվագախումբը և «Լոֆթը» ներկայացնում են «Մոցարտը՝ քաղաքում» մշակութային երեկոն

Էքստեռն ավարտական քննությունների 3-րդ քննաշրջանը կմեկնարկի հոկտեմբերի 15-ից

Ամերիկյան տեխնոլոգիական ընկերությունը նախատեսում է Հայաստանում հիմնել Տեխնոլոգիական լուծումների գլոբալ կենտրոն

Գագիկ Ծառուկյանի խափանման միջոցի հարցով հաջորդ նիստը նշանակվել է սեպտեմբերի 25-ին

Նավալնին դուրս է գրվել գերմանական «Շարիտե» կլինիկայից

Նոյեմբերին ՀՀ տարածքում կանցկացվի «Շանթ-2020» զորավարժությունը

Շրջակա միջավայրի նախարարն ընդունել է Հայաստանում ՄԱԿ-ի ՅՈՒՆԻՍԵՖ-ի ներկայացուցչի գլխավորած պատվիրակությանը

Լուկաշենկոն գաղտնի անցել է նախագահական պարտականությունների կատարմանը, երդվել

Վիվա-ՄՏՍ-ն ավելացրել է բնակարանաշինությանը հատկացվող ներդրումը

Սամվել Ալեքսանյանը դատի է տվել Երեւանի քաղաքապետարանին

Մինչև սահմանադրական փոփոխությունները ՍԴ-ում ճգնաժամ չի եղել. Արևիկ Պետրոսյան

Սպասեք մի 3-4 ժամ ու ամեն ինչ կիմանաք. Հրայր Թովմասյան

Գագիկ Ծառուկյանի գործով նիստն այսօր հետաձգվեց. պաշտպանական կողմը չէր ներկայացել դատարան

ՊԲ զինվորները նոր տեսաուղերձ են հղել Արցախից՝ ծնողների ու իրենց կարոտողների համար (տեսանյութ)

Արցախում հաստատվել է կորոնավիրուսով վարակման 6 նոր դեպք. փաստացի բուժում է ստանում 56 մարդ