ԲԴԽ անդամների հրաժարականների շարանն արդեն հուշում է՝ ինչպես է աշխատել կառույցը․ ԲԴԽ անդամի թեկնածու

Բարձրագույն դատական խորհրդի անդամի թեկնածու Գրիգոր Բեքմեզյանն այսօր հանդիպեց խորհրդարանական «Իմ քայլը» խմբակցության պատգամավորների հետ։ Բեքմեզյանը լրագրողների հետ զրույցում հայտնեց, որ հարցերի լայն շրջանակ են քննարկել՝ այդ թվում՝ դատական համակարգի բարեփոխումների վերաբերյալ։

ԲԴԽ անդամի թեկնածուի կարծիքով՝ խորհրդի անդամների հրաժարականների շարանն արդեն հուշում է՝ այս մեկ տարվա ընթացքում ինչպես է աշխատել ԲԴԽ-ն․

«Այսինքն՝ եթե իրենք հասկանային, որ լավ են աշխատել եւ արդյունավետ, չէին լինի հրաժարականներ եւ կոնֆլիկտ՝ Դատավորների ընդհանուր ժողովի հետ»,-հավելեց Բեքմեզյանը։

Նա նկատեց, որ թեպետ մեկ տարին բավարար չէ, որ վերջնական գնահատական տանք, բայց փաստ է, որ դատական համակարգի ճգնաժամ եղավ, որի մեջ մեղավոր է նաեւ ԲԴԽ-ն, քանի որ ինչ-որ տեղ թերացել է․

«Բարձագույն դատական խորհուրդը անսպասելի անկախ է եղել, միգուցե չի հասկացել՝ ինչ պետք է անի։ ԲԴԽ անդամները նշանակվել էին նախորդ իշխանության օրոք, երբ դեռ ՀՀԿ-ն էր, նշանակվել էին որոշակի ազդեցությամբ, երբ իշխանություն փոխվեց, հանգեցինք իրավիճակի, երբ երկրում փոխվեց իշխանական համակարգը, դատական համակարգի նկատմամբ մոտեցումը։ Հասկանալի է, որ խնդիրները գալիս են նախկին իշխանությունից, բայց փոփոխությունից հետո անջրպետ առաջացավ, դատական համակարգը սկսեց այլեւս ցուցումներ չստանալ ներկա իշխանությունից, որի արդյունքում սկսեց մտածել՝ բա ումի՞ց ստանանք․ ինքը սովորել է հանձնարարականներ ստանալ, հիմա չկան դրանք»,- մեկնաբանեց ԲԴԽ անդամի թեկնածուն։

Բեքմեզյանն ասաց, որ եթե ընտրվի խորհրդի անդամ, նախ մյուս անդամների հետ Դատավորների ընդհանուր ժողով-ԲԴԽ հարաբերությունները պետք է կարգավորեն։ Թեկնածուն կարծիք հայտնեց, որ կարող է օժանդակել նախաձեռնած բարեփոխումների հարցում, կամ էլ շարունակել դատական պրակտիկան, նայել, բողոքել կամ ոչ, կամ էլ անմիջապես ներգրավվել, փորձել ինչ-որ բան փոխել։ Նա վստահեցրեց, որ անկախ ամեն ինչից՝ լինելու է անկախ, եւ ԲԴԽ չի գնում որպես «Իմ քայլ»-ի ներկայացուցիչ, այլ ԱԺ-ի կողմից ընտրված անդամ։

Բարձրագույն դատական խորհրդի անդամի թեկնածուի գնահատմամբ եւ զգացողությամբ՝ իշխանություններն այլեւս չեն ազդելու դատական համակարգի վրա, դատավորների որոշումների վրա, բայց եթե հանկարծ որեւէ ճնշում լինի, ինքն անպայման առաջինը կբարձրաձայնի դրա մասին։

Իսկ մնացած հարցերի մասին՝ այդ թվում դատարանները շրջափակելու որոշման, թեկնածուն կխոսի ԱԺ-ում ընտրության օրը՝ իր ելույթի ժամանակ։

Հիշեցնենք՝ Բարձրագույն դատական խորհրդի անդամի ընտրության հարցը քննարկվելու է Ազգային ժողովի հերթական՝ հունիսի 20-ի նիստում:

Դատական համակարգում վեթինգ իրականացնելու վարչապետի հայտարարությունից հետո հրաժարական տվեց ԲԴԽ նախագահ Գագիկ Հարությունյանը, օրեր առաջ՝ ԲԴԽ մեկ այլ անդամ՝ նախագահի պարտականությունները կատարող Գեւորգ Դանիելյան, հետո եւս երկու անդամ։

Տպել
6634 դիտում

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)