ՉԼ այս մրցաշրջանի հերոսներ «Լիվերպուլն» ու «Թոթենհեմը» կպայքարեն գլխավոր մրցանակի համար

Չեմպիոնների լիգայի 2018-19 մրցաշրջանն ավարտվում է մրցաշարի այս տարվա հերոս թիմերի խաղով: Վաղը՝ հունիսի 1-ին, Մադրիդի «Մենտրոպոլիտանո» մարզադաշտում, որտեղ տնային հանդիպումներն է անցկացնում «Ատլետիկոն», կմրցեն անգլիական «Թոթենհեմն» ու «Լիվերպուլը»: Այս խաղում տանտիրոջ կարգավիճակում կլինի լոնդոնյան թիմը:

Հանդիպման ֆավորիտը «մերսիսայդցիներն» են: «Լիվերպուլը» մրցաշարի ամենատիտղոսակիր թիմերից է: Դրանում հաղթել է 5 անգամ: Վերջինը եղել է 2004-05 մրցաշրջանի անմոռանալի եզրափակչում, որում 3:0 պարտվելիս կարողացավ առավելության հասնել «Միլանի» նկատմամբ: Սա լիվերպուլցիների համար 21-րդ եզրափակիչն է լինելու ՈՒԵՖԱ-ի հովանու ներքո անցկացվող մրցաշարերում: Նրանք հաղթել են դրանցից 11-ում:

«Մերսիսայդցիների» հիշողություններում դեռ թարմ է անցած մրցաշրջանի եզրափակչում Մադրիդի «Ռեալից» կրած ցավալի պարտությունը, որից հետո այդքան քննադատեցին հանդիպման հակահերոս դարպասապահ Լորիս Կարիուսին: Անցած տարի Կիեւում նրանք զիջեցին 1:3 հաշվով:

«Լիվերպուլի» ճանապարհը մինչեւ ավարտվող մրցաշրջանի վճռորոշ հանդիպում հարթ չի եղել: Խմբային փուլում 2-րդն էր: C խմբի առաջին հորիզոնականը զիջեց ՊՍԺ-ին: 1/8 եզրափակչում պայքարից դուրս թողեց «Բավարիային», 1/4 եզրափակչում շրջանցեց «Պորտուին», իսկ կիսաեզրափակչում դարձավ մրցաշարի պատմության ամենագեղեցիկ հանդիպումներից մեկի հեղինակը: Առաջին խաղում «Բարսելոնային» պարտվել էր 0:3, ու բոլորը վճռված էին համարում դիմակայության ելքը, սակայն պատասխան խաղում տանը 4:0 հաշվով տպավորիչ հաղթանակ տարավ:

«Թոթենհեմը», իհարկե, չի կարող հպարտանալ այս մրցաշարում ունեցած տիտղոսներով: Եզրափակչում լոնդոնցիները նորեկ են: Նրանք 40-րդ թիմն են, որոնք խաղում են այս մրցաշարի եզրափակչում: Ամեն դեպքում նրանք նույնպես ընթացիկ մցաշրջանում գեղեցիկ ֆուտբոլ են նվիրել ֆուտբոլասերներին:

Խմբային փուլում, ինչպես մրցակիցը, «Թոթենհեմը» զբաղեցրել էր 2-րդ տեղը: B խմբում առաջինը «Բարսան» էր: 1/8 եզրափակչում շրջանցեց Դորտմունդի «Բորուսիային»: 1/4 եզրափակչում հաջորդ փուլի ուղեգիր ձեռք բերեց «Մանչեստեր Սիթիի» դեմ գերդրամատիկ պատասխան խաղում: Պակաս դրամատիկ չէր նաեւ կիսաեզրափակչում «Այաքսի» դեմ պատասխան հանդիպումը, որում դիմակայության հաղթական գոլը խփվեց վերջին րոպեներին:

ՈՒԵՖԱ-ի մրցաշարերում այս թիմերը միմյանց դեմ դուրս են եկել 1 անգամ: Դա տեղի է ունեցել ՈՒԵՖԱ-ի գավաթի 1972-73 խաղարկության կիսաեզրափակչում: Դիմակայությունում հաղթել է «Լիվերպուլը»: Բոլոր մրցաշարերում թիմերը հանդիպել են 170 անգամ: «Լիվերպուլը» հաղթել է 79, «Թոթենհեմը»՝ 48 անգամ:

Մրցաշրջանի գլխավոր տիտղոսի համար պայքարը վաղը կսկսվի, Երեւանի ժամանակով, 23:00-ին: Կցուցադրվի Արմենիան TV-ի եթերում:

Տպել
884 դիտում

Ավիապատահար Գյումրիում. «Պոբեդայի» ինքնաթիռը վայրէջք կատարելիս ետնամասով հպվել է վազքուղուն

Սիրիայում թուրքական զինուժը կրակ է բացել քուրդ զինյալների դեմ

Թոշակառուն գերեզմանատան տարածքից 4 սոճի է հատել. վնասի չափը պարզվում է

Մարտական հերթափոխի նախապատրաստում զորամասերից մեկում

«Ձյունիկ սառնարան» ՍՊԸ-ի պահեստներից ծուխ է նկատվել (տեսանյութ)

Ոստիկանները ակցիայի մասնակիցներին բերման ենթարկելիս կիրառել են օրենքը խախտող անհամաչափ ֆիզիկական ուժ. ՄԻՊ

Վարչապետի աշխատակազմը ներկայացրել է այսօր կառավարությունում Ամուլսարի հանքի վերաբերյալ խորհրդակցության սղագրությունը

Ամուլսարի հանքի շահագործումը ոչ Սեւանին, ոչ Ջերմուկի ջրերին ոչ մի վնաս չի հասցնելու. վարչապետ

Ո՞ւմ է պետք Սերժ Սարգսյանի ձերբակալությունը. ՀՀԿ-ի՞ն, թե՞ ինշխանությանը

Ստեփանավանի անտառներում 3 տարում ապօրինի հատվել է 1462 ծառ. մեղադրանք է առաջադրվել 16 անձի

Նովոսիբիրսկ քաղաքում վթարի հետեւանքով ՀՀ քաղաքացի է զոհվել, 9 մարդ՝ վնասվածքներ ստացել

Քրեակատարողական հիմնարկներում նշեցին Սուրբ Աստվածածնի Վերափոխման տոնը

«Լիդիանը» կառավարություն է ներկայացրել ոչ հավաստի, ոչ լիարժեք տվյալներ. ՀԲՃ-ն հաղորդում է տվել հանցագործության մասին

Ավարտվեց «Իմ քայլը» խմբակցության հանդիպումը վարչապետի հետ Ամուլսարի հարցով. Նազարյանը մանրամասներ է հայտնում

Վարչապետի որոշմամբ էկոնոմիկայի նախարարի նոր տեղակալ է նշանակվել

Կարմիր Խաչի միջազգային կոմիտեի ներկայացուցիչները այցելել են Ադրբեջանում հայտնված հայ զինծառայողին

«Արարատ-Արմենիա» - «Դյուդելանժ» խաղի տոմսերի վաճառքն արդեն սկսված է

Արոնյանը սեւերով ոչ-ոքի խաղաց Անիշ Գիրիի հետ

Թիվ 17 հատուկ դպրոցի նախկին տնօրենը յուրացրել է սնունդ և մոտ 10 մլն դրամ գումար

Դավիթ Տոնոյանը մասնակցել է «Միջազգային բանակային խաղեր-2019» մրցաշարի փակման արարողությանը