Հայաստանում տնտեսական իրավիճակի զարգացումը տեղի է ունենում դրական եւ լավատեսական դինամիկայով. վարչապետ

ՀՀ կառավարության այսօրվա նիստում ՀՀ վարչապետ Նիկոլ Փաշինյանը անդրադարձավ Ազգային վիճակագրական ծառայության մայիսի 27-ին հրապարակած ապրիլ ամսվա մակրոտնտեսական ցուցանիշներին:

«Պետք է արձանագրել, որ առաջին 4 ամսվա տվյալներով Հայաստանում տնտեսական իրավիճակի զարգացումը տեղի է ունենում դրական եւ լավատեսական դինամիկայով: Ըստ հրապարակված տվյալների ապրիլինի մենք ունենք 9.2 տոկոս տնտեսական ակտիվության ցուցանիշ եւ եթե այս ցուցանիշը համադրում ենք առաջին եռամսյակի արդեն ամփոփված տվյալների հետ, համախառն ներքին արդյունքի 7.1 տոկոս աճ: Սա մեզ հիմք է տալիս ասելու, որ տնտեսությունն ունի լավ տրամադրություն եւ մեր խնդիրն է հասցեական՝ ճշգրիտ կապիտալ ծախսերի միջոցով խթանել այս լավ տրամադրությունը ու ի վերջո կարողանալ ավելի լավ ցուցանիշների հասնել: Ես ուզում եմ մի քանի կարեւոր ցուցանիշներ ընգծել: Մասնավորապես արդյունաբերական արտադրանքի ծավալը աճել է 13.2 տոկոսով, շինարարության ոլորտում աճը ավելի քիչ է քան մենք ցանկանում էինք, բայց համոզված եմ, որ այս ցուցանիշները կլավանան: Ինչու եմ համոզված, որովհետեւ հիփոթեքային շուկայում տիրող իրավիճակը անխուսափելիորեն բերելու է այդ արդյունքի: Մենք հիմա կարծում եմ ճիշտ քաղաքականություն ենք վարում, երբ որ շինարարական նախագծերը կամ հիփոթեքային ծրագրերը չենք կապում կոնկրետ շինարարի եւ կոնկրետ ծրագրի հետ: Այսինքն մենք շուկան թողնում ենք ինքնակարգավորման դաշտում եւ բնակարանների պահանջարկի ավելացմանը զուգընթաց համոզված եմ, որ շինարարության ոլորտում ակտիվությունը շատ ավելի շոշափելի կլինի: Չնայած առաջին եռամսյակում այդ շոշափելի տեղաշարժերը մենք այնուամենայնիվ որոշակի տեսել ենք:

Առեւտրի շրջանառությունն ավելացել է 9 տոկոսով, ծառայությունների ծավալն ավելացել է 16.2 տոկոսով: Անկեղծ ասած այս ցուցանիշների մեջ ամենաուրախալի ցուցանիշներից մեկը արտահանման ծավալների աճն էր: 1 ամիս առաջ մենք աշխատանքային քննարկում ունեցանք ինձ մոտ՝ արտահանման իրավիճակի հետ կապված որոշակի մտահոգիչ միտումներ կային: Մանրամասն քննարկեցինք իրավիճակը եւ ուրախ եմ, որ ապրիլին արդեն 9.9 տոկոսի աճ ենք մենք արձանագրել: Նաեւ միջին ամսական անվանական աշխատավարձերի աճի որոշակի դրական դինամիկա ունենք: Եւ կարծում եմ այս դինամիկան առաջիկայում սպասվող եւ կանխատեսվող՝ այսինքն հայտարարված որոշումների համատեքստում ավելի դրական կդառնա: Մենք հույս ունենք նաեւ, որ կառավարության վարած քաղաքականության արդյունքում աշխատավարձի աճի դինամիկան կնկատվի ավելի շոշափելի նաեւ մասնավոր հատվածում ու սա պետք է առաջիկա ժամանակաշրջանի համար լինի մեր առանցքային խնդիրներից մեկը»,- ասաց վարչապետը:

Նիկոլ Փաշինյանը, դիմելով տնտեսական զարգացման եւ ներդրումների նախարար Տիգրան Խաչատրյանին, հետաքրքրվեց, թե ի՞նչ մեկնաբանություններ ունի այս ամենի կապակցությամբ:

Խաչատրյանն ասաց, որ ՊԵԿ-ի հետ օպերատիվ՝ ամենօրյա սկզբունքով հետեւում են այն թվերին, որոնք առկա են. «9.9 տոկոս արտահանման ապրանքների ընդհանուր աճը հնարավոր է, որ առաջիկայում մի փոքր բարելավում ունենա: Ընդ որում սա սովորաբար տեղի ունեցող պրակտիկա է, երբ որ ավելի ուշ հասած որոշակի տեղեկություններով ամփոփումներ են տեղի ունենում: Ըստ ՊԵԿ-ի տվյալների արտահանումը ապրիլ ամսվա ընթացքում՝ նախորդ տարվա նույն ժամանակահատվածի նկատմամբ նույնիսկ 14.7 տոկոսով է աճել ոչ թե 9.9 տոկոսով: Ապրիլ ամսվա տվյալներով՝ նախորդ ապրիլի համեմատ «Արմենալը» արտահանումը 44 տոկոսով աճել է: Ծխախոտի արտահանումը նախորդ տարվա ապրիլի համեմատ աճել է 60 տոկոսով: Ոսկերչական արտադրանքը առաջին 4 ամիսներին 68 տոկոսով ավելի շատ է արտադրվել քան նախորդ տարի: Շոկոլադի արտահանումը նախորդ տարվա նույն ժամենակահատվածի նկատմամբ բարելավում ունի 34 տոկոսով»:

Տպել
13381 դիտում

Քոչարյանի գործով դատավորն ինքնաբացարկ հայտնեց. դատարանը հրապարակեց որոշումը

ԿԳՄՍ փոխնախարար Գեւորգ Լոռեցյանը չի ընդունում իրեն առաջադրված մեղադրանքը. պաշտպան

Ձերբակալվել են մաքսային ծառայության պաշտոնատար 6 անձինք. ՊԵԿ

Խորհրդարանը քննարկում է փակ տարածքներում ծխելը սահմանափակելու օրինագիծը

Պայթուցիկի պայթյունից տուժած 10-ամյա Գարուշ Թարվերդյանը դուրս է գրվել հիվանդանոցից

Դանակահարված 16-ամյա պատանու կյանքին այլեւս վտանգ չի սպառնում

Իրաքում մեկ գիշերում 20-ից ավելի ցուցարար է սպանվել

«Ծննդատները ոչ մի առնչություն չունեն». Ռազմիկ Աբրահամյանը՝ երեխաների ապօրինի որդեգրման մասին

Երկրորդ դասարանցիները մաքրում են դասասենյակը. դա հավաքարարի՞, թե՞ աշակերտի գործը պետք է լինի

Զգում եմ, որ փոթորիկ է լինելու. Աննա Հակոբյանը հրապարակել է «Առաջին տիկինների ծնկների» լուսանկարները

Գազը մինչև 2020 թ. ապրիլ չի թանկանալու. Մհեր Գրիգորյան

Ապրիլյան պատերազմի քննիչ հանձնաժողովի աշխատանքների վերջնական փուլում լսելու են մոտ 40 պաշտոնյայի

Ինչո՞ւ պետք է աշխատողը վճարի՝ չաշխատող մարդու առողջության ապահովագրության համար

Կենտրոնի «թաղապետարանի» 184 աշխատակիցները Նոր տարին կտոնեն համայնքի միջոցներով. գումարը 5 միլիոնից կնվազեցվի 3 միլիոնի

Բեռնատար ավտոմեքենան արգելափակվել է ձյան մեջ

Բացահայտվել է ավտոմեքենաներից կատարված երկու տասնյակից ավելի գողության դեպք. մեկ անձ կալանավորվել է

ԱԺ-ն քննարկում է Չինաստանի հետ մուտքի արտոնագրի վերացման համաձայնագրի վավերացման հարցը

Փոխվարչապետ Տիգրան Ավինյանը մասնակցել է հայ-վրացական իրավական համագործակցության երրորդ ֆորումին

Հրազդանի բժշկական կենտրոնում հրդեհային անվտանգության կանոնների մի շարք թերություններ և խախտումներ են հայտնաբերվել

Վերահաստատում եմ իմ ակտիվ մասնակցությունն ընտրապայքարին, Արցախում ֆեյքային գզվռտոց չի լինելու. Արցախի ԱԳ նախարար