Ազգային ժողովը քննարկում է Սահմանադրական դատարանի դատավորի ընտրության հարցը․ թեկնածուն Արթուր Վաղարշյանն է

Ազգային ժողովն այսօր քննարկում է Սահմանադրական դատարանի դատավորի թեկնածուի ընտրության հարցը։ Արմեն Սարգսյանը ՍԴ դատավորի թափուր պաշտոնի համար առաջադրել է Արթուր Վաղարշյանի թեկնածությունը։

Վերջինս ծնվել է 1963 թվականի հոկտեմբերի 7-ին, Գեղարքունիքի մարզում։ Ծառայել է խորհրդային բանակում, ավարտել է ԵՊՀ իրավագիտության ֆակուլտետրը, 1993 թվականից զբաղվում է դասախոսական գործունեությամբ։ 2005 թվականից մինչ օրս զբաղեցնում է ԵՊՀ իրավագիտության ֆակուլտետի պետության եւ իրավունքի տեսության ամբիոնի վարիչի պաշտոնը, իրավաբանական գիտություների պրոսֆեսոր է։ Հեղինակ է ավելի քան 110 տպագրական աշխատանքների։ Հանդիսանում է միայն Հայաստանի Հանրապետության քաղաքացի։

Ներկայացնելով իր տեսլականը Սահմանադրական դատարանի մասին՝ Վաղարշյանն իր ելույթում ասաց, որ Սահմանադրական դատարանի դերը կարեւոր է երկրում սահմանադրականության հաստատման հարցում:

Վաղարշյանի խոսքով՝ ՍԴ յուրաքանչյուր անդամ իր յուրահատուկ դերը պետք է ունենա ու կարողանա իրավական նորմերին օբյեկտիվ մեկնաբանություններ տա․

«Մովսես Խորենացին ունի մի միտք Հայաստանից արդարության ու իրավունքի կորելու մասին: Հազարամյակներ անց այդ միտքը կարծես իրականություն է ու մենք կորցրել ենք արդարությունն ու իրավունքը: Այս պահին մեր խնդիրն է՝ Հայաստանում արդարությունն ու իրավունքը իրականություն դարձնել»,- հայտարարեց Վաղարշյանը՝ նկատելով, որ ինքն անձամբ իր կենսագրությամբ փորձել է նպաստել այդ հարցի լուծմանը իր գիտական գործունեությամբ, դասավանդման ընթացքում:

Իսկ թե ինչ կանի, եթե ընտրվի ՍԴ դատավորի պաշտոնում, Վաղարշյանը հիշեց թեւավոր խոսքը՝ «Մի ծաղկով գարուն չի գա» ու հավելեց. «Ես կփորձեմ հասնել որոշակի փոփոխությունների, որից առաջինն է՝ Սահմանադրական դատարանի գործերով կայացված որոշումներում անպայմանորեն էական մասնակցություն ունենան ՍԴ անդամները, այլ ոչ թե օժանդակ ապարատը, իսկ անդամները ընդամենը հաստատեն այդ որոշումները»:

Թեկնածուն նաեւ նշեց, որ համալսարանական ընկերները զարմացել են, որ ինքն առաջադրվել է ՍԴ դատավորի անդամի պաշտոնում, քանի որ այդ հարցում տեսել են «սատանայական գործարքներ, քաղաքական ուժերի հետ կապվածություն»:

«Բայց ես ասում եմ՝ պարզ մարդ եմ, խաբել չեմ սիրում, այն էլ՝ այս պատասխանատու պաշտոնին հավակնելու պահին: Որեւէ քաղաքական ուժի հետ կապված չեմ եւ որեւէ քաղաքական խարդավանքների մեջ չկամ: Թեկնածուների առաջադրման պրոցեսին մասնակցում եմ անցած տարվանից, երբ հեռուստատեսությամբ լսեցի մրցույթի մասին ու այդ հեղափոխական, ռոմանտիկ շրջանում որոշեցի մասնակցել մրցույթին: Առաջին մրցույթի արդյունքում առաջադրվեց Վահե Գրիգորյանը, երկրորդ մրցույթին չեմ մասնակցել, քանի որ բարդ իրավիճակ էր, Հայաստանում չէի, երրորդ մրցույթին առաջադրվեցի», - հավելեց Վաղարշյանը:

Տպել
11759 դիտում

Բանակը ապաղաքականացված կառույց է, յուրաքանչյուր զինծառայող՝ ազատ իր ընտրության մեջ. հայտարարություն

Արցախի զորամասերից մեկում սննդի ապահովման նոր համակարգով ճաշարան է բացվել (լուսանկարներ)

Կառավարությունում քննարկվել են սոցիալական առանձին խմբերին միանվագ աջակցության միջոցառումները

Հայաստանի 3 մարզերում ձյուն է տեղում. ճանապարհներն հիմնականում անցանելի են

Կորոնավիրուսը կապ չունի մարդկային գործոնի հետ, «չի փախել» ոչ մի լաբորատորիայից. ռուս պրոֆեսորի դիտարկումները

Վանաձորի, Սիսիանի, Արմավիրի, Գորիսի, Երեւանի մի շարք սուպերմարկետներ փակվել են 6 ժամով. ներկայացվում են պատճառները

Հրդեհ Զաքարիա Քանաքեռցու փողոցում. այրվել է մեքենայի շարժիչի հատվածը

Արցախում ժամանակավորապես դադարեցվել է մի շարք երթուղիների սպասարկումը

Պատրիկ Դևեջյանի մահն անամոքելի վիշտ է հայ-ֆրանսիական բարեկամության համար․ Ն. Փաշինյանը ցավակցական հեռագիր է հղել

Այսօր 158 անձի նկատմամբ կազմվել է վարչական իրավախախտման վերաբերյալ արձանագրություն. ոստիկանություն

Այս մեկ շաբաթը փորձություն կլինի բոլորիս համար

Երևանի քաղաքապետարանը ԱԻՆ-ի հետ համատեղ ամենօրյա ռեժիմով կատարում է ախտահանիչ միջոցառումներ

ՀՀ որոշ տարածքներում ձյուն է տեղում. Լարսը բաց է միայն բեռնատարների համար

ՀՀ ոստիկանապետ Արման Սարգսյանը հանձնարարել է ստուգել քաղաքացուն խոշտանգելու ահազանգի մանրամասները. ՄԻՊ

Հիվանդությունների վերահսկման և կանխարգելման կենտրոնի 14 աշխատակցի մոտ եւս կորոնավիրուս է հայտնաբերվել

3 ավիաընկերություններ այսօր կիրականացնեն Մոսկվա-Երեւան չվերթներ՝ տեղափոխելով ՀՀ քաղաքացիների

Ով ինչպես է օգտագործում կորոնավիրուսը

Վիշտն անսահման է. Ֆրանսիայում ՀՀ դեսպանը ցավակցել է Պատրիկ Դևեջյանի մահվան կապակցությամբ

Մահացել է լեհ մեծանուն կոմպոզիտոր, դիրիժոր և մանկավարժ Քշիշտոֆ Պենդերեցկին

Ցնցված եմ ֆրանսիահայ ականավոր գործիչ Պատրիկ Դեւեջյանի մահվան բոթից. Նիկոլ Փաշինյան