Լեւոն Երանոսյանի պաշտպանը միջնորդեց դատարան հրավիրել Նիկոլ Փաշինյանին, Վալերի Օսիպյանին եւ Հունան Պողոսյանին

ՀՀ նախկին փոխոստիկանապետ Լեւոն Երանոսյանի պաշտպան Տիգրան Սաֆարյանը քիչ առաջ դատարանին միջնորդեց որպես վկա դատարան հրավիրել եւ հարցաքննել ՀՀ վարչապետ Նիկոլ Փաշինյանին, ՀՀ նախկին փոխոստիկանապետ, Սյունիքի մարզպետ Հունան Պողոսյանին եւ ՀՀ ոստիկանապետ Վալերի Օսիպյանին:

Պաշտպանը նշեց, որ նախաքննության ընթացքում եւս այս միջնորդությունը ներկայացվել է, սակայն այն մերժել է այն պատճառաբանությամբ, որ պաշտպանական կողմը իբր չի ներկայացրել, թե ինչ տեղեկություններ ստանալու համար են ցանկանում հիշյալ անձանց կանչել հարցաքննության: «Իրականում մենք միջնորդությունում այդ ամենը նշել էինք: Բացի այդ հիշյալ անձանց հարցաքննությունը բխում է գործով որպես ապացույց ճանաչված բազմաթիվ տեսանյութերով: Մասնավորապես, պարոն Երանոսյանին մեղադրանք է առաջադրվել 2018 թվականի ապրիլի 16-ին եւ ապրիլի 22-ին համապատասխանաբար Երեւան քաղաքի Բաղրամյան պողոտայում եւ Արցախի պողոտայում տեղի ունեցած իրադարձությունների ժամանակ որոշակի գործողություններ կատարելու համար եւ հենց այդ տեսանյութերի ուսումնասիրություններով իրադարձությունների ժամանակ մի կողմից ցուցարարներին գլխավորել է Նիկոլ Փաշինյանը, մյուս կողմից՝ Վալերի Օսիպյանը, որպես Երեւան քաղաքում ոստիկանության ծառայության ղեավար, իրականացրել է ոստիկանության Երեւան քաղաքի ծառայողների ղեկավարումը: Հետեւաբար, նրանց, ինչպես նաեւ խնդրո առարկա իրադարձությունների ժամանակ առաջին տեղակալի պաշտոնը զբաղեցնող նեկայումս Սյունիքի մարզպետ Հունան Պողոսյանի հարցաքննությունը անհրաժեշտ ենք համարում հետեւալ պատճառաբանությամբ՝ ոստիկանության վկայակոչված երկու բարձրաստիճան պաշտոյաները դեպքերի ժամանակ անմիջական գտնվել են դեպքի վայրում, անմիջական ականատես են եղել այդ գործողություններին, որոնց կապակպցությանբ մեղադրանք է առաջադրվել Լեւոն Երանոսյանին: Իսկ Նիկոլ Փաշինյանը եւս ներկա է գտնվել այնտեղ, եւս տիրապետում է տեղեկություններին, որոնք սույն գործի դատաքննության ընթացքում անհրաժեշտ է պարզաբանել»,- միջնորդության մեջ նշեց Տիգրան Սաֆարյանը:

Մեղադրող դատախազ Արմեն Շահբազյանը առարկեց միջնորդության դեմ՝ նշելով, որ չի նշել որեւէ պատճառաբանություն, թե ինչ կարեւոր տեղեկություն պետք է վկաները հայտնեն գործի վերաբերալ, ուստի գտնում է, որ ներկայացված միջնորդությունը ենթակա է մերժման:

Տուժող կողմի համար եւս հասկանալի չէր, թե ինչ տեղեկություն պետք է հայտնեն Նիկոլ Փաշինյանը, Վալերի Օսիպյանը եւ Հունան Պողոսյանը: Տուժող Զավեն Գրիգորյանի ներկայացուցիչ Տիգրան Եգորյանը նշեց, որ հասկանալի չէ, թե ինչ փաստի, փաստերի հանգամանքների վերաբերյալ պետք է ցուցմունք տան նրան:

Դատարանը որոշեց նշված միջնորդության քննարկումը հետաձգել եւ դրան անդրադառնալ դատաքննության արդյունքում:

Տիգրան Սաֆարյանը միջնորդեց նաեւ Հատուկ քննչական ծառայությունից պահանջել տեղեկություններ` կապված հեղափոխության օրերին տեղի ունեցած իրադարձությունների առթիվ հարուցված քրեական այլ գործերի վերաբերյալ: Միջնորդություն ներկայացնելիս Սաֆարյանը նկատեց, որ իր պաշտպանյալի վերաբերյալ քրեական գործը հարուցվել է մեկ այլ քրեական գործի նյութերով, որը վերաբերել է հեղափոխության օրերին ոստիկանության այլ ծառայողների կողմից ենթադրյալ ապօրինություն կատարելուն: Այս քրեական գործն էլ իր հերթին հարուցված է եղել ցուցարարների կողմից ոստիկանների նկատմամբ բռնություն գործադրելու առթիվ հարուցված քրեական գործի նյութերից: Նախաքննության ավարտ հայտարարելուց հետո Տիգրան Սաֆարյանը նախաքննական մարմնին միջնորդել է տրամադրել վերը նշված քրեական գործերի ընթացքի վերաբերյալ տեղեկություններ պարզելու համար` դրանում ներգրավված մեղադրյալ անձինք կան, թե՝ ոչ, կամ արդյոք որեւէ անձի վերաբերյալ կայացվել է քրեական հետապնդումը դադարեցնելու որոշում: Այս միջնորդությունը, պաշտպանի խոսքով, եւս մերժել է, ուստի պաշտպանը նման միջնորդություն ներկայացրեց նաեւ դատարանում:

Մեղադրող դատախազ Արմեն Շահբազյանն այս միջնորդության դեմ եւս առարկեց: Լսելով դատավարության մասնակիցների դիրքորոշումները՝ նախագահող դատավոր Հարություն Մանուկյանը պաշտպանի այս միջնորդության քննությունը եւս հետաձգեց:

Այսօրվա նիստին ներկայացել էին գործով տուժողները: Նրանց թվում է նաեւ լրագրող Լիանա Եղիազարյանը, որը Արցախի փողոցում լուսաձայնային նռանկի սխալ կիրառման հետեւանքով երկու վնասվածք է ստացել: Նա պատմեց, որ ապրիլի 22-ին Արցախի փողոցում լուսաբանելիս է եղել բողոքի ակցիան, երբ Նիկոլ Փաշինյանին բերման են ենթարկել:

«Ցուցարարները թույլ չէին տալիս Նիկոլ Փաշինյանին բերման ենթարկել, եւ ոստիկանական օպերացիան տեղի ունեցավ, պայթուցիկ նյութեր նետվեցին այն ուղղությամբ, որտեղ մենք գործընկերներով աշխատում էինք, եւ որտեղ առնվազն տասը տեսախցիկ կար: Այդ պայթուցիկ նյութերը նետվեցին հենց այն հատված, որտեղ մենք լուսաբանում էինք Նիկոլ Փաշինյանին բերման ենթարկելու պահը...Անսպասելի էր, որ այդ հատուկ միջոցները կնետվեն ուղիղ լրագրողների ուղղությամբ»,- պատմեց Եղիազարյանը: Մեր հարցին, թե Լեւոն Երանոսյանին տեսե՞լ է նռնակ նետելիս, տուժողը բացասական պատասխան տվեց: «Հետագայում է պարզվել, որ Լեւոն Երանոսյանի հրահանգով են այդ հատուկ միջոցները կիրառվել»,- նշեց լրագրողը:

Սույն գործով հաջորդ դատական նիստը տեղի կունենա հունիսի 11-ին:

Տպել
4550 դիտում

Համայնքի ղեկավարները հիմա նաեւ իրենց առաջնորդությամբ մոբիլիզացիոն եւս մեկ փուլ պետք է ապահովեն. Երիցյան

ԵՏՀ-ն կքննարկի Թուրքիան, ԵԱՏՄ սակագնային արտոնությունների միասնական համակարգից օգտվող երկրների ցանկից հանելու հարցը

ՀՀ ԿԳՄՍՆ-ն կստանձնի 2021 թվականի ԱՊՀ անդամ երկրների կրթության ոլորտում համագործակցության խորհրդի նախագահությունը

Հայաստանցի սպառողներին կոչ ենք անում չխոչընդոտել Թուրքիայից արդեն իսկ ներկրված ապրանքների սպառմանը․ Ղազարյան

ԼՂ-ում հակամարտության սրումը նպաստում է կորոնավիրուսի տարածման տեմպերի աճին. ԱՀԿ-ն հայտարարություն է տարածել

Կատալունիայի խորհրդարանը դատապարտում է Ադրբեջանի կողմից քաղաքացիական բնակչության վրա հարձակումները

Փաշինյանի որոշմամբ՝ Տաթև Անտոնյանը նշանակվել է ԱԽ գրասենյակի ղեկավարի տեղակալի պաշտոնում

ԵՊՀ-ի ուսանողներն ընթացիկ քննություն կհանձնեն, որոշվել է չչեղարկել քննությունները

Դու ժպտացիր, դու պարեցիր, դու կրթվեցիր, աշխարհով մեկ պտտվեցիր, բայց պինդ կանգնեցիր քո երկրի հողին. Աննա Հակոբյան

Ադրբեջանական ռմբակոծությունից տուժել են իրանական խաղաղ բնակավայրերը. ավերվել են տներ (տեսանյութ)

Հայոց պատմության մեջ կգրենք վրացական կողմի ևս մեկ դավաճանական քայլի մասին․ ակցիա Վրաստանի դեսպանատան մոտ

Պարզեցվել է ռազմական գործողությունների հետևանքով զոհված զինծառայողների թաղման նպաստի ստացման գործընթացը

Տիրան Խաչատրյանը, Անդրանիկ Փիլոյանը և Գարեգին Պողոսյանը պարգևատրվել են Հայրենիքի շքանշանով

Կանադական Օնտարիոյի խորհրդարանում առաջարկել են Թուրքիային հեռացնել ՆԱՏՕ-ից ու ճանաչել Արցախը

Մեր տղաների մարտական ոգին ու տրամադրվածությունը հաղթանակի հանդեպ միայն մեծ վստահություն է ներշնչում. ԱՀ նախագահ

Արդեն 3 շաբաթից ավելի Բյուրականի աստղադիտարանն իր հյուրատանն է հյուրընկալել Արցախից եկած երեխաներին ու նրանց խնամողներին

Թուրքական «Բայրակթար» դրոններին մատակարարվում է նաև Rotax 912 տիպի շարժիչներ՝ արտադրվող ավստրիական ընկերությունում

«Վախի ազդեցության տակ է եղել». աղմկահարույց տեսանյութի Ազնիվն իրոք գերեվարվել է. armeniasputnik

Կալիֆոռնիական Viastat Inc-ը հայտարարել է, որ դադարեցնում է անօդաչուների տուփերի վաճառքը Թուրքիային

Համառ մարտերը շարունակվում են տարբեր ուղղություններով. Արծրուն Հովհաննիսյան