«Փյունիկ» ֆուտբոլային ակումբը զայրացած է ՀՀ Բարձրագույն խմբի 2018-19 առաջնության 34-րդ տուրի «Լոռի»-«Փյունիկ» հանդիպումից հետո: Երեկ՝ մայիսի 20-ին, Վանաձորում կայացած խաղն ավարտվեց 2:2, «Փյունիկը» միավորներ կորցրեց ու խիստ բարդացրեց գործերը չեմպիոնական պայքարում: Հանդիպման դրվագներից մեկում թիմի խաղացողն ընկավ տուգանային հրապարակում, ու ըստ ակումբի՝ այդտեղ պետք է 11-մետրանոց նշանակվեր իրենց օգտին, սակայն գլխավոր մրցավար Արտակ Սիմոնյանը չնշանակեց: Ակումբը հանդես է եկել պաշտոնական հայտարարությամբ դժգոհելով մրցավարական այս եւ այլ որոշումներից:

««Փյունիկ» ֆուտբոլային ակումբը հայտնում է իր խորին վրդովմունքը Հայաստանի Բարձրագույն խմբի առաջնության 34-րդ տուրի «Լոռի ՖԱ»-«Փյունիկ» հանդիպման մրցավարական անձնակազմի եւ, մասնավորապես, գլխավոր մրցավար Արտակ Սիմոնյանի աշխատանքի կապակցությամբ։

Չեմպիոնական պայքարի համար առանցքային նշանակություն ունեցող հանդիպման ընթացքում մրցավարները թույլ են տվել կոպտագույն սխալներ, որոնք անհամատեղելի են պրոֆեսիոնալիզմի եւ անաչառության սկզբունքների հետ։ Այդ սխալների մասին հիշեցնելու կարիք չկա, քանի որ դրանք հիասթափության եւ ազնիվ զայրույթի ալիք առաջացրեցին ֆուտբոլային ողջ հանրության մեջ։ Իրենց սխալներով մրցավարները ազդեցին հանդիպման ելքի վրա եւ դրանով ունեցան վճռորոշ ներդրումը չեմպիոնական պայքարում ուժերի դասավորվածության վրա։

Հատկանշական է, որ մայիսի 18-ին, ՀՖՖ-ի կողմից վերոնշյալ խաղը սպասարկող գլխավոր մրցավարին նշանակելուց մեկ օր անց, «Փյունիկ» ֆուտբոլային ակումբի նախագահ Արթուր Սողոմոնյանը դիմել է ՀՖՖ առաջին փոխնախագահ Արմեն Մելիքբեկյանին, ներկայացնելով տվյալ մրցավարի պրոֆեսիոնալիզմի եւ անաչառության վերաբերյալ հիմնավոր կասկածներ եւ խնդրելով փոխարինել նրան։ Գրության պատճենը կցում ենք։ Ցավոք սրտի, ՀՖՖ-ն չի ընդունել այդ խնդրանքը։

Մրցավարական համակարգում վճռական եւ խորքային փոփոխությունների կարիքը վաղուց է հասունացել եւ ակնհայտ է բոլորի համար։ Ցավոք սրտի, մինչ օրս այդ ուղղությամբ չեն արվել հստակ եւ արդյունավետ քայլեր, որի հետեւանքները մենք զգում ենք այսօր։

Նման երեւույթները անհանդուրժելի են եւ պետք է անհապաղ արմատախիլ արվեն հայկական ֆուտբոլից։ Դրանից տուժում են բոլորը՝ ակումբները, որոնց ամբողջ տարվա քրտնաջան աշխատանքը վերացվում է մրցավարի անհավանական սխալներով, պատանի ֆուտբոլիստները, որոնք տեսնում են ֆուտբոլի անարդարության ողջ տգեղությունը եւ մեծ հիասթափություն ապրում, հայկական ֆուտբոլի հեղինակությունը երկրի ներսում եւ միջազգային ասպարեզում, հայկական ֆուտբոլում ներդում կատարող անձինք, եւ ամենակարեւորը՝ երկրպագուները։   

«Փյունիկ» ֆուտբոլային ակումբը հորդորում է ֆուտբոլային իշխանություններին ձեռնարկել անհապաղ քայլեր մրցավարական անձնակազմի թարմացման, հին «կանոններով» աշխատող եւ իրենց վարկաբեկած մրցավարներից ընդմիշտ ազատման՝ ազնիվ, պրոֆեսիոնալ մրցավարության եւ բոլոր ակումբների միջեւ մրցակցության հավասար պայմանների ապահովման նպատակով։

Ընթացող առաջնությունը առանձնանում էր իր դիտարժանությամբ, լարված եւ հետաքրքիր պայքարով։ Կրկնակի ցավալի է, որ նման առաջնության ելքը կարող է որոշվել ոչ թե խաղադաշտում, ազնիվ պայքարի միջոցով, այլ նմանօրինակ մրցավարության արդյունքում։

«Փյունիկ» ֆուտբոլային ակումբը իր խորին շնորհակալությունն է հայտնում իր հիանալի երկրպագուներին, ֆուտբոլային հանրության ներկայացուցիչներին, տվյալ հարցում միասնականության եւ աջակցության համար։ Հորդորում ենք չհիասթափվել, նույնիսկ եթե դա շատ դժվար է թվում։

Մենք վճռական ենք տրամադրված, միասնական ենք, եւ պայքարելու ենք մինչեւ վերջ բաղձալի նպատակին հասնելու համար»,- ասովում է ակումբի հայտարարության մեջ:

Կից ներկայացված է նաեւ ՀՖՖ-ին ուղղված այս դիմումը.

Այս խաղից հետո 2 միավոր կորցնելով «Փյունիկը» դեռ գլխավորում է մրցաշարային աղյուսակը 57 միավորով, սակայն 1 հանդիպում ավելի է անցկացրել «Արարատ-Արմենիայից» ու կորցրած միավորներով զիջում է: Առաջնության ավարտից 2 տուր առաջ «Արարատ-Արմենիան» 55 միավորով 2-րդն է:

Հանդիպման վիճելի դրվագը

Տպել
635 դիտում

Աննա Հակոբյանն այցելել է 12-րդ զավակն ունեցած Բեժանյանների ընտանիքին (լուսանկարներ)

1-ին զորամիավորումում իրականացվել են տեղազննման աշխատանքներ. ՊՆ

IDBank-ն առաջինը Հայաստանում ներկայացնում է Visa Signature պրեմիում դասի քարտը

Երևանն աճուրդով վաճառում է 11 հողատարածք. նախնական գները՝ 1.6-30 մլն դրամ

Հովհաննես Շահինյանի տունը խուզարկվել է կաշառք տալ-ստանալու փաստի առթիվ հարուցված քրգործի շրջանակներում

ԱԱԾ-ում տվյալներ են ստացվել կեղծ օգտատերերի միջոցով ահաբեկչության կոչերի տարածման վերաբերյալ. հարուցվել է քրեական գործ

Նիկոլ Փաշինյանը Հայաստանի 2019թ. 10 լավագույն մարզիկներին հանձնեց 5մլն դրամ պարգեւները

Կոտայքի մարզում, Արագածոտնի մարզի Աշտարակ և Թալին քաղաքներում մառախուղ է. ԱԻՆ

Պաշտպանը միջնորդեց վերադարձնել Արսեն Դավթյանի բջջային հեռախոսը կամ դրա քարտը

ՎՏԲ-Հայաստան Բանկը հերթական անգամ իջեցրել է հիփոթեքային վարկերի տոկոսադրույքը

ՍԴ-ի մասին օրինագիծը դեռ կարող ենք ուղարկել Վենետիկի հանձնաժողով, ժամանակ կա. Լիլիթ Մակունց

«Չարենցավանի քաղաքապետը, օգտագործելով հոր՝ Կովալենկո Շահգելդյանի պաշտոնը, խլեց շինությունս ու հողը. բաց նամակ վարչապետին

Ապօրինի որդեգրման գործով մեղադրյալ Լիանա Կարապետյանին «Երեւանի մանկան տուն» ՊՈԱԿ-ում փոխարինում է գլխավոր հաշվապահը

Մեղադրանքը խստացնելու որեւէ հիմք չկար. Ռազմիկ Աբրահամյանի պաշտպան

Մինչ օրս նոր կորոնավիրուսով վարակվածության դեպք Հայաստանում չի գրանցվել. Մեղրիում հսկողությունն ուժեղացվել է

Պետական գնումների համակարգում նույնանման կարիքները նույն կերպ չեն մեկնաբանվում. Ջանջուղազյան

Պետք է ամուր և պինդ կանգնենք սպորտի կողքին. վարչապետը պարգևներ է հանձնել 2019-ի 10 լավագույն մարզիկներին (լուսանկարներ)

Աքորիում անկած խոզերից վերցված նմուշներից ժանտախտի փորձաքննություն չի արվել. համապատասխան ախտորոշիչներ Հայաստանում չկան

Ջազ նվագախումբը կներկայացնի գերշվինյան ինքնատիպ երեկո

Իրանում խորհրդարանական ընտրություններ են. փոփոխությունների հավանականությունը մեծ է համարվում