Հողագործն ահազանգում է՝ ցորենի արտերը վարակված են, իսկ պատասխանատուներն անգամ նմուշառում չեն արել

Լոռու մարզի Օձունի խոշորացված համայնքի Ամոջ բնակավայրերի հողագործներն ահազանգում են՝ ցորենի արտերում բույսը դադարել է աճել: Հողագործ Արման Ստեփանյանը ՀԺ-ի հետ զրույցում մանրամասնեց ստեղծված իրավիճակը. «Արտը գերազանց վիճակում էր, գնացի, որ պարարտանյութ տամ, տեսա՝ տալու բան չկա: Բույսը կտրած ընկած էր, հողը քանդեցինք, որ տեսնենք, թե ինչից է, տեսանք լրիվ որդի բներ են, մեջն էլ լիքը որդ»,-ասաց հողագործն ու հավելեց, որ խոսքը աշնանացան ցորենի ցանքսերի մասին է. «Մի 20-30 սմ ունեցող հասկեր էին, հաստատված ցորեն էր, պատրաստ էր պարարտացման, բայց դե հիմա անիմաստ է ավելորդ ծախս անել ու պարարտացնել»:

Արման Ստեփանյանն ասում է, որ իրեն տեղեկացրել են, թե հողը իրականում վարակված է սնկային հիվանդությամբ, այլ ոչ որդերով. «Ասել են՝ իբր 3-4 տարի այլեւս հնարավոր չէ որեւէ ցանքս կատարել այդտեղ»:

Հողագործի խոսքով, կոնկրետ իր ցանքատարածությունը 1 հա է, սակայն գյուղում այլ հողագործներ էլ կան, որոնց ցանքսերը եւս վարակվել են. «Իրանք ասում են, թե սնկային է, բայց ես բացառում եմ դա, ես շատ կուզեի, որ բուսաբուծության այդ մասնագետը գար գյուղ, մեր լուրջ հողագործների հետ քննարկեին, փորձանմուշներ վերցնեին, բայց չեն գալիս, իրենք իրենցով օդից վերցրել են, թե սնկային հիվանդություն է տարածվել»:

«Իմ 1 հեկտրաի վրա ես 200 դրամով սերմ եմ առել 300 կգ, վարելու համար 30 հազար դրամ եմ տվել, ցանելու համար՝ 20 հազար, ու էսքան փողը գնաց կորավ, բերքն էլ հետը»:

Հողագործն ասում է, որ ոչ մարզպետարանից, ոչ էլ գյուղնախից չեն եկել ու ոչ էլ որեւէ փորձանմուշ կատարել, պարզապես, չգիտես ինչպես, եզրակացրել են, թե պատճառը սնկային հիվանդություն է:

Ամոջում, ինչպես Արմանն է ասում, երբեւէ նման բան չի եղել: Հողատարածքը ինքը համագյուղացուց վարձակալել էր 10 տարի ժամկետով: Ու այսօր պարզ չէ՝ պետք է շարունակի վճարել չմշակվող հողի համար, թե ինչ պետք է անի:

Ամոջի վարչական ղեկավար Հարություն Գալստյանը ՀԺ-ի հետ զրույցում ասաց, որ խնդրի մասին տեղեկանալուց հետո զանգահարել է գյուղատնտեսության նախարարության բուսաբուծության վարչություն, ներկայացրել խնդիրն ու լուսանկարներ ուղարկել: Հենց այդտեղ էլ նշել են, որ հողը սնկային հիվանդությամբ է վարակվել, պատճառը, ինչպես վարչական ղեկավարին են ասել՝ եղանակային կտրուկ տատանումներն են եղել. «Եղանակները տաքանալուց հետո տարածումը կանխվեց, լուրջ վնասներ չկան հիմա...Առաջարկեցին 3 տեսակի պարարտանյութ խառնել իրար, բայց որքանով ես գիտեմ, էդ պարարտանյութը նույնիսկ Հայաստանում չկա: Քանի որ տարածումը չշարունակվեց, միջոցներ չձեռնարկվեց»:

Վարչական ղեկավարը եւս փաստեց՝ որեւէ մեկը հողից նմուշառում չի արել, գյուղ չի այցելել, եզրակացությունն էլ տրվել է խնդիրը հեռախոսով ներկայացնելուց ու լուսանկարները նայելուց հետո. «Էս պահին տարածում չկա, իսկ տուժած բնակչի մասով կփորձենք բյուջեից սոցիալական օգնություն ցուցաբերել, որպես վնասի փոխհատուցում»:

Տպել
2165 դիտում

Պուտինը կառավարությանը հանձնարարել է գումար հատկացնել Աբխազիայի բանակի արդիականացման համար

Վանաձորի մանկատան տնօրենի մրցույթը տեղի կունենա վաղը. 4 թեկնածու կա

Եղեգնուտ գյուղում ապօրինի 65 ծառ էր հատել. ոստիկանության բացահայտումը (տեսանյութ)

Օդի ջերմաստիճանը աստիճանաբար կբարձրանա 6-7 աստիճանով. Հայպետհիդրոմետ

Վաղը տեղի կունենա ՀՀ ֆուտբոլի սուպերգավաթի խաղարկությունը

Արա Սաղաթելյանն իմ 22 տարվա ընկերն է, որի մասին տեղյակ են բոլորը. Վանեցյանը՝ աղմկահարույց լուսանկարի մասին

Ի՞նչ պետք է իմանա իրավաբանական անձը ԵԱՏՄ անդամ չհանդիսացող երկրից Հայաստան ավտոմեքենա ներմուծելիս. ՊԵԿ-ի պարզաբանումը

Սյունիքում Իրանի քաղաքացու՝ հեղուկ գազ տեղափոխող բեռնատարի կցորդիչը 30մ գլորվել է դեպի ձորը. ԱԻՆ (տեսանյութ)

Արցախում զինծառայողը վիրավորվել է զենքի օգտագործման կանոնների խախտման հետեւանքով. նախնական տվյալներ

Եթե կա տեղեկատվություն, որը պետական գաղտնիք չի պարունակում, ապա պարոն Վանեցյանը պետք է հրապարակի այն․ Մակունց

Հնարավորություն կունենան ընդլայնվել. Արայիկ Հարությունյանն այսօր ընդունել է Հայաստանի ամերիկյան համալսարանի նախագահին

1,3 մլրդ եվրո արժողությամբ ներդրումային փաթեթ ու 178 ծրագրեր. Ավինյանն ընդունել է ՎԶԵԲ առաջին փոխնախագահին

«Գահերի խաղը» «Էմմի» մրցանակի է արժանացել՝ անկախ երկրպագուների դժգոհություններից

Ուշադիր ընթերցողը հասկացել է՝ ինչ նկատի ունեի ես. Վանեցյանը արձագանքել է Փաշինյանի հայտարարությանը. Hraparak.am

ՎՏԲ-Հայաստան բանկը և Armenian Assembly հ/կ-ն հուշագիր են ստորագրել

Սուրեն Պապիկյանի մարտահրավերը լրագրողներին. միասին անցնենք 48.3կմ երկարությամբ «Արփա-Սևան» թունելով

Վանաձորում որսորդական հրացանով կատարված սպանության փորձը բացահայտվել է. կասկածյալը ձերբակալվել է

Ուղղակի մոլորվել էր. Ադրբեջանի ՊՆ-ն հաստատել է կորուստն իր զինված ուժերում

Ժողովուրդը չհասկացավ, առեւտուր սարքեց, նաեւ քաղաքականացվեց. Խառատյանը՝ կիսամերկ տղամարդկանցով իր բեմադրության մասին

Վարչապետ Նիկոլ Փաշինյանն աշխատանքային այցով գտնվում է ԱՄՆ-ում. այցը մեկնարկել է Լոս Անջելես քաղաքից