Եկել եմ պարոն նախագահ Ռոբերտ Քոչարյանին իմ աջակցությունը հայտնելու․ Աղվան Վարդանյան

ԱԺ նախկին պատգամավոր, դաշնակցությունից հեռացված Աղվան Վարդանյանն այսօր եկել էր Երեւան քաղաքի ընդհանուր իրավասության դատարանի բակ՝ իր աջակցությունը հայտնելու սահմանադրական կարգի տապալման մեջ մեղադրվող Ռոբերտ Քոչարյանին։ Այս դատարանում ընթանում է Քոչարյանի խափանման միջոցի հարցի քննությունը։

Վարդանյանն ասաց, որ թեպետ Քոչարյանը որեւէ մեկի աջակցության կարիքը չունի, այնուհանդերձ յուրաքանչյուր պատասխանատու քաղաքացի պարտավոր է իր դիրքորոշումն արտահայտել։ Աղվան Վարդանյանի կարծիքով՝ Քոչարյանի նկատմամբ քաղաքական հետապնդում է իրականացվում․

«Առաջին իսկ օրից սկսած, երբ որ պարոն Քոչարյանին ներկայացվեց մեղադրանք, բնական է, որ նյութերը սկսել էին հավաքել դրանից գոնե ամիս-ամիսուկես առաջ, պարզ է, որ իշխանափոխությունից հետո, իշխանության թավշյա բռնազավթումից հետո առաջին պատկերը մարտի 1–ի գործով պարոն Քոչարյանին մեղադրյալ նշանակելն է»,–ասաց Վարդանյանը։

Նրա խոսքով՝ բոլորը ականատես են եղել, երբ տասնյակ անգամներ Քոչարյանի անմեղության կանխավարկածը խախտվել է՝ առաջին դեմքերի մակարդակով, օրինակ հայտնի ձայնագրությունները եւ այլն։

Պատասխանելով լրագրողի հարցին, թե տրամաբանական չէ՞, որ հեղափոխությունից հետո առաջինը հենց պետք է մարտի 1–ի դեպքը բացահայտվեր՝ Վարդանյանը պատասխանեց, որ Մարտի 1–ի գործը բացահայտել նշանակում է 10 զոհերի կոնկրետ սպանողներին բացահայտել եւ բոլոր մեղավորներին, ովքեր մասնակից էին դրան, համապատասխան մեղադրանքներ ներկայացնել։

Վարդանյանը կարծում է, թե այս ամենն արվում է՝ հասարակությանը մանիպուլացիայի ենթարկելու համար։

«Գործն այս ռակուրսով փորձել քննելը, ուղղակի քաղաքական հետապնդում է եւ նախկին մեղքը իրենց սեփական անձերից հեռացնել»,– ասաց Վարդանյանը՝ մեկնաբանելով, թե մարտի 1–ի առավոտյան Ազատության հրապարակում ոչ մի զոհ չի եղել եւ ոստիկանական ստորաբաժանումները մոտեցել են բացարձակ անզեն․

«Ոստիկաները նախապատրաստված դիմադրության են հանդիպել եւ այդ օրը առավոտյան վիրավորվել է 34 ոստիկան, ամբողջ օրվա ընթացքում՝ 187։ Մենք, որ ասում ենք՝ խաղաղ ցույցեր. Էլ չեմ խոսում Տեր–Պետրոսյանի դերակատարության մասին ընդհանրապես, այսօրվա իշխանությունների դերակատարության մասին՝ ամբոխին գրգռելու։ Զոհերը եղել են Լեո-Պարոնյան անկյունում, գրգռված ամբոխն ուղղակի ոստիկանական շղթան ջարդելով անցել է այնտեղ, դա խաղաղ ցույց է՞ր»,- ասաց Վարդանյանը։

Ինչ վերաբերում է Լեւոն Տեր–Պետրոսյանին կալանքի տակ պահելու վերաբերյալ ՄԻԵԴ-ի որոշմանը, Վարդանյանն ասաց.

«Շատերն ասում էին, որ Լեւոն Տեր–Պետրոսյանը կարող էր գար եւ խաղաղեցներ ցույցը, բայց նա չէր գալու, նրա նպատակը հենց սա էր, եւ երբ որ նա ասում էր՝ թող ոչ մի զոհ չպահանջվի ինձնից բացի, նա ասում էր խոսքով, գործով նա դա չէր անում։ Նա խոսքի մարդ էր, ոչ թե գործի։ Հաջորդ օրն ինքն ասելու էր՝ ամեն ինչ շատ լավ է, ուրիշ ձեւ չկա։ Այս մասին պարոն Փաշինյանը մանրամասն գրել է, կարդացեք իր հոդվածը»։

Տպել
2153 դիտում

4 բալ ուժգնությամբ երկրաշարժ է գրանցվել Սոթք գյուղի մոտ, Վարդենիսում

Այսօր վթարային ջրանջատում է սպասվում Արարատի մարզի 2 համայնքում

Վարչապետը հանդիպել է անհետ կորած եւ գերեվարված զինծառայողների ընտանիքի անդամների հետ

Էլեկտրաէներգիայի պլանային անջատումներ կլինեն Երևանում, Արագածոտնում, Կոտայքում և Շիրակում

Ճամբարակ քաղաքում տեղում է ձյուն, Սյունիքի մարզի Գորիս քաղաքում՝ ձնախառն անձրև

Լաչինի միջանցքի, անհետ կորածների, գերիների ու այլ հարցերի մասին հեռախոսազրույցներ են ունեցել Փաշինյանն ու Պուտինը

Վարչապետը քիչ անց կհանդիպի անհետ կորած եւ գերեվարված զինվորների ընտանիքների անդամներին․ վարչապետի մամուլի խոսնակ

ՀՀ սահմանից ներս ներխուժում տեղի չի ունցել, որևէ նոր զիջում տեղի չի ունեցել. Ռուբեն Ռուբինյան

ԵՄ-ն խիստ պատժամիջոցներ կկիրառի Թուրքիայի դեմ՝ Միջերկրական ծովում ապօրինության եւ Ղարաբաղում միջամտության համար

ՀՀ սահմաններից ներս ադրբեջանական բանակի զինվորներ չկան․ Գնել Սանոսյան

Գյումրիում ռուս զինծառայողի դի է հայտնաբերվել. ռուսական կողմը քննություն է սկսել

Հրդեհ է բռնկվել է Նոյեմբերյան քաղաքի երկհարկանի տներից մեկի նկուղում․ ԱԻՆ

Բաքվում Ֆրանսիայի դեսպան Զակարի Գրոսսը կանչվել է Ադրբեջանի ԱԳՆ. РИА Новости

Վայոց ձորի մարզի 7 համայնքում իրականացվում է սուբվենցիոն 27 ծրագիր

Երիտասարդներն ուժեղ էին փորձառուներից. ավարտվել է ազատ ոճի ըմբշամարտի Հայաստանի առաջնությունը

Վերսկսվել են Մոսկվա-Գյումրի-Մոսկվա երթուղով չվերթերը

Թշնամու 15 տանկ խոցած Արցախի հերոս Դավթի մարմինը մի քանի օր առաջ են գտել․ մանրամասներ

ԱԺ նախագահ Արարատ Միրզոյանը նամակ է հղել Ֆրանսիայի Սենատի նախագահ Ժերար Լարշեին

Զառիթափ համայնքի սահմանամերձ Սերս բնակավայրում իրականացվում են գիշերային լուսավորության կառուցման աշխատանքներ

«Ալաշկերտը» հաղթեց առաջատարին, «Վանն» ուժեղ գտնվեց «Շիրակից»