Պետական մարմնին գրեթե մեկ ամիս ուղղված տասնյակ հեռախոսազանգեր եւ ոչ մի հստակ պատասխան

Քաղաքացիների գրավոր ու բանավոր դիմումները կամ հեռախոսազանգերը չեզոքացնելու, դրանք մեկը մյուսին հասցեագրելու եւ գլուխն ազատելու գործելաոճը դեռ շարունակում է հատուկ լինել պետական բազմաթիվ մարմինների: Քաղաքացին այսօր էլ պետք է պատրաստ լինի հսկայական ժամանակ ու նյարդեր ծախսել անգամ ամենապարզունակ թվացող հարցի պատասխանը ստանալու համար:

Սոցիալական ապահովության պետական ծառայությունը, պարզվում է, այդպիսի մարմինների շարքն է դասվում, ինչում համոզվելու առիթ ունեցանք անձամբ, երբ անհրաժեշտություն առաջացավ Ռուսաստանում բնակվող հարազատի խնդրանքով դիմել ծառայություն՝ կենսաթոշակին առնչվող հարցի վերաբերյալ պարզաբանում ստանալու ակնկալիքով:

Ռուսաստանից համապատասխան մարմինը նախորդ տարեվերջին հարցում է արել մեր երկրի Սոցիալական ապահովության պետական ծառայություն (ՍԱԾ), որպեսզի քաղաքացու կենսաթոշակը հաշվարկելու համար տվյալներ ստանա նրա՝ Հայաստանում աշխատած տարիների ստաժի վերաբերյալ: Պատասխանը ոչ մի կերպ տեղ չի հասնում:

Մեզնից պահանջվեց շուրջ մեկ ամիս՝ այդպես էլ ՍԱԾ-ից որեւէ հստակ պատասխան չստանալու համար, թե ինչ է լինելու հետո եւ թե ստեղծված իրավիճակի դեպքում խնդրի լուծման ինչ կարգավորում է նախատեսված:

Այդ գրեթե մեկ ամսվա ընթացքում պարզեցինք, որ առաջին հարցմանը պատասխանել են դեկտեմբերին: Փետրվարին ստացել են երկրորդ հարցումը, բայց այն կասեցրել են՝ համարելով, որ նույն անձի վերաբերյալ գրություն արդեն ուղարկել են, որը, սակայն, ինչպես նշեցինք, ճանապարհին անհետացել է: Սրանից հետոն ամենաբարդն էր, երբ ոչ մի կերպ հնարավոր չէր լինում հասկանալ հետագա քայլերը:

Բաժիններից մեկում ասացին, որ կասեցված հարցումը կվերաբացեն եւ կնշեն, որ դրան պետք է պատասխանել: Ընդգծեցին, որ պատասխանողը պետք է լինի այլ բաժին եւ առաջարկեցին մեկ շաբաթ հետո զանգահարել՝ համոզվելու համար, որ պատասխանել են: Նշված ժամկետը լրանալուց հետո պարզեցինք, որ այդ խնդրի մասին ոչ ոք չի հիշում: Ծառայության բաժիններից մեկում մեր հեռախոսազանգին ի պատասխան մեղադրեցին իրենց անհարկի անհանգստացնելու համար, բայց այդուհանդերձ ասացին, որ պետք է գրավոր դիմում գրել, որպեսզի տրամադրեն նախորդ հարցման պատասխանի պատճենը: Մեկ այլ բաժնից ասացին, որ Ռուսաստանից պետք է նոր հարցում ուղարկել՝ նշելով, որ նախորդի պատասխանը չի ստացվել, մեկ ուրիշն առաջարկեց մեկ այլ տարբերակ եւ այլն:  

Այդ ամբողջ ընթացքում զանգահարեցինք ծառայության տասնյակի չափ հեռախոսահամարներով ու մի քանի տասնյակ անգամներ, որովհետեւ լսափողի այն կողմից արձագանք ստանալն էլ մի առանձին բարեբախտություն էր: Բայց տեւական ժամանակ շարունակված շրջապտույտից հետո, միեւնույն է, մնացինք առանց մեզ հետաքրքրող հարցի հստակ պատասխանի:

Արդեն ապրիլի 23-ին Սոցիալական ապահովության պետական ծառայություն դիմեցինք որպես լրագրող՝ խնդրին հոդվածի միջոցով անդրադառնալու մտադրությամբ եւ ի վերջո հասկանալու, թե վերը նկարագրված դեպքերի համար ինչ ընթացակարգ է սահմանված: Մեզ առաջարկեցին հարցումն ուղարկել գրավոր:

Տպել
2079 դիտում

ՎՏԲ Բանկն առաջարկում է շուկայի ամենացածր սակագինը՝ Հայաստանից Ռուսաստան դրամական փոխանցումներ իրականացնելու համար

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան