37 մլն դրամ պարտք՝ լուծարված «Շիրակ» ՀՌԸ-ին. աշխատակիցներն ավելի շատ մտահոգված են հետագա գործունեությամբ

Լուծարված «Շիրակ» հանրային հեռուստառադիոընկերության աշխատակիցներն արդեն 4-րդ ամիսն է՝ աշխատավարձ չեն ստացել: Տեղեկությունը «Հայկական ժամանակ»-ի հետ զրույցում հաստատեց «Շիրակ» ՀՌԸ-ի գործադիր տնօրեն Արթուր Ղանդիլյանը՝ նշելով, որ այս պահի դրությամբ պետությունն իրենց պետք է հատկացնի 37 մլն դրամ:

«Շիրակ» ՀՌԸ-ի տնօրենի փոխանցմամբ՝ նախկինում եղած 60 աշխատակիցներից այս պահին մնացել են 44-ը: Մի քանի փորձառու աշխատողներ տեղափոխվել են Երեւան, այստեղ աշխատանքի տեղավորվել, սակայն ՀՌԸ-ի հետագա գործունեությունն անորոշ է: Վերջինիս խոսքով՝ աշխատակիցներն ավելի շատ մտահոգված են հեռուստաընկերության հետագա գործունեությամբ, քան իրենց մի քանի ամիս չվճարված աշխատավարձերով:

«Այս պահին ունենք 4 ամսվա կուտակված աշխատավարձ, գումարած տույժեր, չվճարված արձակուրդային օրեր, ավելեցված արժեքի հարկ եւ այլն: Այդ բոլորը միասին 37 միլիոն դրամ է կազմում»,-ասաց Ղանդիլյանը: Արթուր Ղանդիլյանից հետաքրքրվեցինք, թե ի հայտ եկե՞լ են ներդրողներ, որոնք հետաքրքրվում են հեռուստառադիոընկությամբ, քանի որ վարչապետ Նիկոլ Փաշինյանը հայտարարել է, որ ներդրողներ կան, ովքեր ցանկանում են ֆինանսավորել «Շիրակ» ՀՌԸ-ն: 

«Այս պահին աշխատում ենք այն ուղղությամբ, որ ցանկացած ներդրող լինի, որպեսզի կարողանանք հեռուստաընկերությունը փրկել: Եթե այդ հարցը չլուծվի՝ բավականին տխուր կլինի»,-ասաց Ղանդիլյանը՝ մտահոգություն հայտնելով, որ հեռուստաընկերությունը լիցենզիա չստանալու պարագայում՝ գույքն աճուրդի կհանվի, ուստի, գնորդը ձեռք կբերի ոչ թե հեռուստատեսություն, այլ գույք եւ տեխնիկական միջոցներ, որին, սակայն, այս պահին ոչ մի ներդրող չի համաձայնվում:

«Շիրակ» ՀՌԸ-ից սպասում են, որ կառավարությունը որեւէ լուծում առաջարկի՝ գումարային մասի եւ հետագա գործունեության հետ կապված:

26-ամյա «Շիրակի հանրային հեռուստառադիո» ընկերությունը ստեղծվել էր ՀՀ կառավարության որոշմամբ, եւ լուծարվեց՝ կրկին կառավարության որոշմամբ։ Որոշման հիմքում այն էր, որ 2016 թվականի հոկտեմբերի 26-ից ՀՀ տարածքում անջատվել է անալոգային հեռարձակումը եւ ամբողջությամբ անցում կատարվել թվային հեռուստատեսային հեռարձակման: Եվ քանի որ «Շիրակի հանրային հեռուստառադիո» փակ բաժնետիրական ընկերությունը մինչ օրս իրականացնում է անալոգային հեռարձակում, չի կարողանում ապահովել լայն լսարան:

«Շիրակ» ՀՌԸ-ի թվային հեռարձակում իրականացնելու համար առաջնահերթ կպահանջվի համապատասխան օրենսդրական կարգավորում եւ զգալի ֆինանսական ներդրումներ, ինչը, ըստ կառավարության որոշման, այս պահին անիրատեսական է:

«Եթե պահպանվեն բոլոր աշխատատեղերը, դա իրենից ենթադրում է տարեկան մոտ 90 միլիոն դրամ: Երեք տարին մոտ 300 միլիոն գումար է անհրաժեշտ ներդնել, իսկ ինչքա՞ն գումար կաշխատի հեռուստաընկերությունը՝ դժվար է ասել»,-ասում է տնօրենը: Եվ նշում, որ շուկայում գործունեություն չեն ծավալում, որպես հանրային հեռուստաընկերություն գովազդի պատվերներ չեն ընդունում, միայն ունեն որոշակի հովանավորչական հաղորդումներ, որի եկամուտը տարվա կտրվածքով չի գերազանցում 10 միլիոն դրամը:

Ըստ Ղանդիլյանի, եթե նույնիսկ համաձայնվեն, որ հեռուստաընկերությունը մասնավորի կարգավիճակ ստանա եւ գովազդի պատվերներ ընդունելու իրավունք ունենա, միեւնույնն է՝ դա չի փրկի, քանի որ շուկայում նոր են, եկամուտը 30 միլիոն դրամը չի կարող գերազանցել:

«Փակօղակի մեջ ենք հայտնվել, երկու, երեք հոգի կային ներդրողներ, սակայն նրանք էլ կարծես չեն ուզում: Հայաստանյան ցանկացած ներդրող Երեւանում է գերդասում: Մեր օրերում հեռուստաընկերություններն ընկալվում են որպես քաղաքական գործիք. քաղաքական, քաղաքական՝ Երեւանից հաստատ լավ չի լինի»,-ասում է Ղանդիլյանը:

Գործադիր տնօրենի կարծիքով՝ հեռուստաընկերության լուծարումից հետո, դեռ մեկ ամիս էլ կտեւեն մնացած գործընթացները: Գույքը կհանձնվի պետգույքին, որն էլ աճուրդ կհայտարարի, կսկսի վաճառքի գործընթացը. «Եթե գույքը հանձնեցինք, տեղափոխվում ենք այլ աշխատանքի կամ էլ արատագաղթում, եթե արտագաղթեինք՝ վաղուց էինք դա արել»:

«Շիրակ» Հանրային հեռուստաընկերության հետագա գործունեության միակ լուծումն այս պահին գործադիր տնօրենը տեսնում է ՀՀ կառավարության կողմից նոր որոշումը. «Եթե որոշում կայացվի, որ հեռուստաընկերությունը լիցենզիա ստանա եւ շարունակի իր գործունեությունը մինչեւ նոր մրցույթ կամ թվայինի անցնելը, այդ ժամանակ հնարավոր է գտնվեն ներդնողներ, որոնք կցանկանան մեր քաղաքում որոշակի ծախսեր կատարել: Նման պարագայում հնարավորինս կանենք ամեն ինչ, որպեսզի արդարացվեն ներդրողի սպասելիքները եւ գումարներն անտեղի չկորեն»:

«Շիրակ» Հանրային հեռուստառադիոընկերության աշխատակիցների այս ամիսների չվճարված աշխատավարձերի խնդրով ՀԺ-ն մեկնաբանություն խնդրեց Ֆինանսների նախարությունից: Մեզ տեղեկացրեցին, որ մարտի 29-ին կառավարության 320N որոշմամբ, կառավարության պահուստային ֆոնդից գումարն արդեն հատկացվել է, այն կազմում է 37 մլն 500 դրամ: Ըստ կարգի՝ գումարը փոխանցվում է Հեռուստատեսության եւ ռադիոյի խորհուրդ: Ապրիլի 10-ին արդեն խորհուրդը կարող է ներկայացնել ֆինանսավորման հայտ եւ ֆինանսավորումը կկատարվի:

Հիշեցնենեք, որ «Շիրակի հանրային հեռուստառադիո» ՓԲԸ բաժնետոմսերի կառավարման լիազորությունը վերապահված էր Հանրային հեռուստառադիոընկերության խորհրդին։ Հանրային հեռուստառադիոնընկերության խորհրդի նախագահ Արա Շիրինյանը նշեց, որ հարցը գրեթե լուծված է, եւ հաշվապահների կողմից ընդամենը մի քանի օր կպահանջվի, որպեսզի գումարը փոխանցվի:

Արա Շիրինյանից հետաքրքրվեցինք, թե իր պաշտոնավարման ընթացքում հեռուստաընկերությունը փրկելու, կամ որեւէ նոր առաջարկ անելու քննարկումներ խորհրդում եղե՞լ են: Խորհրդի նախագահը նշեց, որ դեռեւս նման քննարկում չի եղել, դրա համար որոշակի ժամանակ է անհրաժեշտ: «Կարծում եմ՝ կառավարության նման որոշումն ինքնաբավ է: Մենք խորհրդում կարող ենք ինչ-որ բաներ քննարկել, որոշել, բայց այս պահին դա անիրական է: Որեւէ գործողության կամ հետադարձի ճանապարհ ունենալն այս պահին անիրական է»,-հավելեց Շիրինյանը:

Տպել
3285 դիտում

Հայաստանցի սպառողներին կոչ ենք անում չխոչընդոտել Թուրքիայից արդեն իսկ ներկրված ապրանքների սպառմանը․ Ղազարյան

ԼՂ-ում հակամարտության սրումը նպաստում է կորոնավիրուսի տարածման տեմպերի աճին. ԱՀԿ-ն հայտարարություն է տարածել

Կատալունիայի խորհրդարանը դատապարտում է Ադրբեջանի կողմից քաղաքացիական բնակչության վրա հարձակումները

Փաշինյանի որոշմամբ՝ Տաթև Անտոնյանը նշանակվել է ԱԽ գրասենյակի ղեկավարի տեղակալի պաշտոնում

ԵՊՀ-ի ուսանողներն ընթացիկ քննություն կհանձնեն, որոշվել է չչեղարկել քննությունները

Դու ժպտացիր, դու պարեցիր, դու կրթվեցիր, աշխարհով մեկ պտտվեցիր, բայց պինդ կանգնեցիր քո երկրի հողին. Աննա Հակոբյան

Ադրբեջանական ռմբակոծությունից տուժել են իրանական խաղաղ բնակավայրերը. ավերվել են տներ (տեսանյութ)

Հայոց պատմության մեջ կգրենք վրացական կողմի ևս մեկ դավաճանական քայլի մասին․ ակցիա Վրաստանի դեսպանատան մոտ

Պարզեցվել է ռազմական գործողությունների հետևանքով զոհված զինծառայողների թաղման նպաստի ստացման գործընթացը

Տիրան Խաչատրյանը, Անդրանիկ Փիլոյանը և Գարեգին Պողոսյանը պարգևատրվել են Հայրենիքի շքանշանով

Կանադական Օնտարիոյի խորհրդարանում առաջարկել են Թուրքիային հեռացնել ՆԱՏՕ-ից ու ճանաչել Արցախը

Մեր տղաների մարտական ոգին ու տրամադրվածությունը հաղթանակի հանդեպ միայն մեծ վստահություն է ներշնչում. ԱՀ նախագահ

Արդեն 3 շաբաթից ավելի Բյուրականի աստղադիտարանն իր հյուրատանն է հյուրընկալել Արցախից եկած երեխաներին ու նրանց խնամողներին

Թուրքական «Բայրակթար» դրոններին մատակարարվում է նաև Rotax 912 տիպի շարժիչներ՝ արտադրվող ավստրիական ընկերությունում

«Վախի ազդեցության տակ է եղել». աղմկահարույց տեսանյութի Ազնիվն իրոք գերեվարվել է. armeniasputnik

Կալիֆոռնիական Viastat Inc-ը հայտարարել է, որ դադարեցնում է անօդաչուների տուփերի վաճառքը Թուրքիային

Համառ մարտերը շարունակվում են տարբեր ուղղություններով. Արծրուն Հովհաննիսյան

Պահանջում ենք, որ ԱՄՆ-ն սանկցիաներ կիրառի Թուրքիայի նկատմամբ․ արցախցի կանանց ակցիան ԱՄՆ դեսպանատան մոտ

Աննա Հակոբյանը և Արմեն Բայբուրդյանը Քիմ Քարդաշյանին շնորհավորել են ծննդյան օրվա առթիվ

Սա հայրենական պատերազմ է. Արցախի նախագահը Աղդամի մատույցներից ուղերձով դիմում է բոլորին (տեսանյութ)