Սա հասարակական կազմակերպություն է, սա պետություն պետության մեջ չէ, բանակ՝ բանակի մեջ չէ. ՊՆ նախկին նախարար

Ապրիլի 7-ին «Երկրապահ» կամավորականների միությունը արտահերթ համագումար հրավիրեց, որի ժամանակ նոր վարչություն ընտրվեց, իսկ ԵԿՄ նախագահի պաշտոնում միաձայն ընտրվեց ԱԺ «Իմ քայլը» խմբակցության պատգամավոր, «Սասուն» ջոկատի հրամանատար Սասուն Միքայելյանը: Հիշեցնենք, որ գեներալ Մանվել Գրիգորյանի հետ կապված ԱԱԾ աղմկահարույց բացահայտումներից հետո՝ 2018 թվականի հունիսի 24-ին, ԵԿՄ-ն վարչության նիստում կասեցրեց ԵԿՄ նախագահ Մանվել Գրիգորյանի լիազորությունները։

«Հայկական ժամանակ»-ը զրուցեց ԵԿՄ նորընտիր վարչության անդամ, ՀՀ պաշտպանության նախկին նախարար Վաղարշակ Հարությունյանի հետ:

- Պարոն Հարությունյան, հանրության մոտ կարծիք է ձեւավորվել, որ նոր իրողություններում ԵԿՄ-ն այլեւս անելիք չունի եւ պետք է այդ կառույցը փակվի: Կիսո՞ւմ եք այս տեսակետը, եւ եթե ոչ, ապա կխնդրեի հիմնավորել, թե ինչո՞ւ պիտի կառույցն իր գործունեությունը շարունակի:

- Եկեք հասկանանք՝ դա ինչ կառույց է, ինչպես է ձեւավորվել այն եւ ընդհանրապես այլ պետություններում կա՞ն այդպիսի կառույցներ, թե՝ ոչ: Այս կառույցը ձեւավորվել է պատերազմի ժամանակ, լուծել է կարեւորագույն խնդիրներ, ունի մեծ ներդրում մեր հաղթանակներում: Արդյունքում մենք ունենք այս կազմակերպությունը, որի նպատակն է բարձրացնել բանակի մարտունակությունը՝ պետության անվտանգությունը ապահովելու համար, լուծել պատերազմի մասնակիցների սոցիալական խնդիրները եւ նոր սերունդ դաստիարակել:

Հիմա ձեր հարցին հարցով եմ պատասխանում՝ իսկ կա՞ պետություն, որը եղել է պատերազմի մասնակից ու չունի այդպիսի կառույց: Չկա, դա կլինի ԱՄՆ-ում, դա կլինի Ռուսաստանում: Այնպես որ, այն հարցադրումը՝ այդ կառույցը պետք է, թե՝ ոչ, ինքնուրույն պատասխանը տալիս է: Դա պահանջված կառույց է, եթե նույնիսկ չլիներ, մենք պետք է դա ստեղծեինք: Շնորհիվ Վազգեն Սարգսյանի եւ այլ մարդկանց, մենք ունենք այդ կառույցը: Հիմա խնդիրը հետեւյալն է՝ այդ կառույցը ամրապնդել եւ անել ամեն ինչ, որպեսզի ինքը իրականացնի այն խնդիրները, որոնք իր առջեւ դրված են:

- Երեկ տեղի ունեցավ ԵԿՄ արտահերթ համագումար, որի ժամանակ ԵԿՄ նախագահ ընտրվեց Սասուն Միքայելյանը: Երկար տարիներ խոսվում էր, որ կառույցը իշխանությունների կցորդ էր դարձել: Ինչո՞ւ հենց գործող իշխանության ներկայացուցիչ Սասուն Միքայելյանի թեկնածության վրա ԵԿՄ-ում կանգ առան, եւ եթե Միքայելյանը չլիներ իշխանության ներկայացուցիչ, արդյո՞ք նրան ԵԿՄ նախագահի պաշտոնում կցանկանային տեսնել ԵԿՄ-ականները:

- Եկեք սկսենք սկզբունքներից. Ի՞նչ խնդիր է լուծում ԵԿՄ-ն: Դա պետության անվտանգության ապահովման խնդիրն է, բանակի հետ սերտ կապը, սոցիալական խնդիրները եւ սերունդներին ռազմահայրենասիրական դաստիրակչությունը: Հիմա հարց եմ տալիս, իսկ այդ խնդիրները հնարավո՞ր է լուծել՝ լինելով ընդդիմադիր դաշտում: Սա բնական է, դա նույնն է, ինչ-որ հարցնես՝ վարչապետը կամ նախարարը պիտի իշխանության մե՞ջ լինի, թե ոչ: Իհարկե, սա այն կառույցն է, որը սերտ համագործակցում է բանակի հետ առաջին հերթին եւ բնականաբար իշխանության հետ: Հիմա այլ հարց է, որ այդ կազմակերպությունը ժամանակին օգտագործել են տարբեր հարցերի շուրջ՝ ես չեմ բացառում դա, բայց դա այլ հարթության հարց է, որ կազմակերպությունը ծառայել է ոչ այն նպատակներին, որը հռչակված է եղել:

Հանրությունը դրա մասին երեւի չգիտի, բայց հոկտեմբերի 27-ից հետո ԵԿՄ-ն, բանակը լուծեցին նաեւ մի կարեւորագույն խնդիր, որը հետագայում թույլ չտվեց Ղարաբաղի հարցը լուծել ոչ հայանպաստ տարբերակով: Ֆիքսենք, որ «Երկրապահ»-ը լրջագույն ներդրում ունի պատերազմի ժամանակ՝ հաղթանակի համար եւ նաեւ խաղաղ պայմաններում ծառայում է պետությանը եւ Հայաստանի շահերին: Այնպես որ, այստեղ պետք չէ խառնել տարբեր հարթություններ: Իսկ որպեսզի այդ կառույցը չօգտագործվի այլ նպատակներով՝ դա արդեն համապատասխան ուժերի, պետության խնդիրն է:

- Քանի որ միությունը շարունակելու է իր աշխատանքը վերջին շրջանում ձեռք բերած ոչ այնքան բարի համբավի պայմաններում՝ ի՞նչ քայլեր է ձեռնարկելու նոր վարչությունը եւ ԵԿՄ նորընտիր նախագահը, որպեսզի հանրությունը այդ կառույցին սկսի դրական վերաբերվել:

- Ես չէի ասի, որ վերաբերմունքը երկրապահին բացասական է: Մենք պետք է ասենք, որ այո, առանձին մարդիկ իրենց պահվածքով, իրենց մոտեցումներով վարկաբեկել են ոչ թե ամբողջ երկրապահը, այլ առաջին հերթին իրենց, եւ այստեղ էլ մենք չպիտի խառնենք առանձին անձերին եւ կազմակերպությանը: Իսկ որ կազմակերպությունն ամբողջ իր կազմով Ապրիլյան գործողությունների ժամանակ այցելեց շփման գիծ, ռազմական գործողությունների գոտի, դա այդ կառույցն է արել, չէ՞: Այնպես որ, երբ մենք մի կառույցի գնահատական ենք տալիս, մենք պետք է տանք ընդհանուր գնահատական, իրականացնո՞ւմ է իր առջեւ դրված ֆունկցիաները, թե՝ ոչ, հետո բացասական կողմերը: Չի կարելի առանձին անձերի բացասական գործողությունները տարածել ամբողջ կազմակերպության վրա:

-  Այս փուլում, ո՞րն է լինելու միության առաքելությունը:

 - Դա չի փոխվելու, խնդիրը նրանում է, թե ինչքանով կազմակերպությունը կկատարի իր առջեւ դրված խնդիրները, ինչ որակով եւ ինչ խորությամբ: Նոր խնդիր ես չեմ տեսնում:

- Տեսակետներ են հնչել, որ ԵԿՄ-ն պետություն է պետության մեջ, կամ բանակ՝ բանակի մեջ, քանի որ ունենք Զինված ուժեր, եւ այս պարագայում նմանատիպ միություն ունենալը այդքան էլ ճիշտ չէ: Ինչպե՞ս կմեկնաբանեք սա:

- Սա հասարակական կազմակերպություն է, սա պետություն պետության մեջ չէ, բանակ՝ բանակի մեջ չէ:

- ՀԱԲ-ի (Հայոց ազգային բանակ) հետ են համեմատում նաեւ:

- ՀԱԲ-ը եղել է այն ժամանակ զինված, Երկրապահն այսօր զինված չէ, Երկրապահն այսօր բանակի նման տեխնիկա չունի եւ իր կառուցվածքն ունի: Սա ՀԿ է, որը գրանցված է եւ ունի իր հստակ կանոնադրությունը: Այնպես որ, այստեղ խոսել, թե սա բանակ՝ բանակի ներսում է, սխալ է: Բայց ամենակարեւորը՝ մենք խոսեցինք, որ այսպիսի կառույցներն անհրաժեշտ են: Սա բնական երեւույթ է:

- Երեկվա համագումարին մասնակցում էր նաեւ ՀՀ վարչապետ Նիկոլ Փաշինյանը, Պաշտպանության նախարար Դավիթ Տոնոյանը: Նրանց ներկայությունը արդյո՞ք ինչ-որ խորհուրդ ուներ:

- Երբ «Երկրապահ»-ը ստեղծվում էր, հիմնադրման համագումարին ե՛ւ նախագահը կար ե՛ւ պաշտպանության նախարարը կար: Վարչապետի եւ պաշտպանության նախարարի ներկայությունը բխում է այն ֆունկցիաներից՝ ինչ-որ դրված է այդ կառույցի վրա: Ու այստեղ պիտի լինի սերտ կապ բանակի հետ: Դուք պատկերացնո՞ւմ եք, թե ինչպես կարող է այդ կառույցն իր գործունեությունն իրականացնել՝ առանց բանակի հետ համագործակցելու՝ ռազմական գործողությունների ժամանակ: Այստեղ պետք է հստակ ամեն ինչ երեւա, թե Երկրապահն ուր է գնում եւ ինչ ֆունկցիա է կատարում: Սա մի պետական համակարգ է, որը լուծում է մի խնդիր՝ բանակի եւ պետության անվտանգության ապահովման խնդիր:

- ԵԿՄ-ում ինքնամաքրման պրոցես տեղի ունենալո՞ւ է: Այսինքն, այն մարդիկ, ովքեր այդքան էլ կապ չունեն պատերազմի հետ, դուրս մղվելո՞ւ են միությունից:

- Ես հիմա չեմ ուզում այդ թեմայով ծավալվել, որովհետեւ նոր խորհուրդ է ձեւավորված, խորհուրդն այդ ամեն ինչը կուսումնասիրի, անցած ճանապարհը, բացթողումները կուսումնասիրի եւ կանի եզրակացություն ու կընդունի համապատասխան որոշումներ:

Տպել
2656 դիտում

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են