Դահլիճում քար լռություն, ոչ մի բացականչություն եւ ոչ մի սուլոց. «Անմահների երկիրը» նվիրված էր Ապրիլյան պատերազմին

Երեկ Պատանի հանդիսատեսի թատրոնի կուլիսներում բեմական հագուստը փոխելուց հետո դերասան Սարգիս Գրիգորյանը շտապում էր թատրոնի մեծ սրահ՝ չհամբերելով նայել րոպեներ առաջ քար լռությամբ իր խաղով տարված հանդիսատեսի աչքերին: Սա Սարգիս Գրիգորյանի ամենապարտավորեցնող ներկայացումներից էր, ողջ ընթացքում լարվածությունը ոչ մի կերպ չէր հաղթահարել, պատճառը դահլիճում գտնվող հանդիսատեսն էր, որի գրեթե 80 տոկոսը զոհվածների ծնողներ, Քառօրյա պատերազմի մասնակից տղաներ, ու բարձրաստիճան զինվորականներ էին:

Ապրիլի 2-ի «Անմահների երկիրը» ներկայացումը նայելու էին եկել նաեւ Արցախյան պատերազմի հերոս, գեներալ-մայոր Արկադի Տեր-Թադեւոսյանը՝ Կոմանդոսը, արդարադատության նախարար Արտակ Զեյնալյանն ու պատգամավորներ:

«Սա ինձ համար քննություն էր, ու ես հիմա անհամբեր սպասում եմ, որպեսզի նայեմ իրենց աչքերի մեջ, հասկանամ՝ գոհունակություն կա՞, թե՝ հենց այնպես մի գործ ենք արել»,-ասաց Սարգիս Գրիգորյանը: Դերասանն անկեղծացավ, որ անգամ ծափերի ակնկալիք չեն ունեցել, քանի որ թե՛ ընտրված թեման, թե՛ դրաման ներկայացնելու օրը եւ թե դահլիճում ներկա հանդիսատեսը դա են հուշել:

Ներկայացման ողջ ընթացքում դահլիճում քար լռություն էր, չնայած, ավարտին զուսպ ծափեր հնչեցին, բայց չեղավ ոչ մի բացականչություն եւ ոչ մի սուլոց: Ապրիլյան պատերազմի մասնակից Անդրեյ Վարդումյանը, որի մոտ դեռ թարմ են հիշողություններն ու ապրումները, դժվարացավ որեւէ բան ասել: Զինվորն իր մեջ ուժ էր գտել եւս մեկ անգամ վերհիշել երեք տարի առաջ կատարվածը: «Ներկայացումը շատ շատ հավանեցի, բայց ավելին ասել պարզապես չեմ կարող»,- «Հայկական ժամանակ»-ի հետ զրույցում ասաց Անդրեյը:

«Անմահների երկիրը» մեկ գործողությամբ դրամայում ներկայացված էր սահման պահող տղաների կյանքից մի հատված: Տղաների մոտ դիրքեր է գնում Երեւանից ժամանած մի երիտասարդ լրագրող, որը ցանկանում է հայրենքի պաշտպանների մասին ֆիլմ նկարել եւ մրցույթում ներկայացնել, որպեսզի հետագայում կարողանա մեկնել ԱՄՆ:

Զինվորների իրական պարտականությունները չպատկերացնող եւ արտերկրում ճանաչման ու մեծ փառքի հովերով տարված լրագրողը սահման ոտք դնելուց ընդամենը րոպեներ անց բախվում է իրականության հետ եւ գրեթե մոռանում, թե ինչի համար էր եկել: Մի քանի օր անց նա սկսում է արժեւորել եւ տարբերակել էկրաններից այն կողմ տեսածն ու իրական կյանքը, լսում ադրբեջանցիների ոճրագործությունների անվերջանալի պատմությունների շարքը: Լրագրողն այդ ամենը հասկանալու համար բավականին թանկ է վճարում՝ ականատեսը լինելով արդեն հարազատացած տղաների մահվան:

«Անմահների երկիրը» մեկ գործողությամբ դրամայի բեմադրիչն է Դավիթ Հարությունյանը: Գաղափարի հեղինակն է Սարգիս Գրիգորյանը, որը «Հայկական ժամանակ»-ի հետ զրույցում հայտնեց, որ գրեթե մեկ տարի առաջ է ծնվել նման գաղափար, բավականին երկար են թիմով աշխատել, առավել քան պատասխանատու ու դժվար է եղել մինչեւ վերջին վայրկյանը: «Նման ներկայացումներ պետք է շատ լինեն, սա է ժամանակի հրամայականը: Նման ներկայացումներն ավելի ուժեղ ոգի ու ամրություն են տալիս: Կարծում եմ՝ ինչ որ չափով ստացվեց ասել այն, ինչ մենք ուզում էինք, եւ չէր կարող չստացվել մի բան, որի մեջ այդքան սեր ես դնում»,-ասաց նա:

«Անմահների երկիրը» պիեսի հեղինակը Էդուարդ Զորիկյանն է, պրոդյուսեր՝ Արմեն Միրզոյանը, բեմադրող նկարիչը՝ Կարեն Գրիգորյանը, կոմպոզիտորը՝ Արման Էլբերտը: Դերասաններն են՝ Սարգիս Գրիգորյանը, Հայկ Սարգսյանը, Գեորգի Հովակիմյանը, Իշխան Դարբինյանը, Աշոտ Հակոբյանը եւ Հովհաննես Հաջինյանը:

Տպել
790 դիտում

Պուտինը կառավարությանը հանձնարարել է գումար հատկացնել Աբխազիայի բանակի արդիականացման համար

Վանաձորի մանկատան տնօրենի մրցույթը տեղի կունենա վաղը. 4 թեկնածու կա

Եղեգնուտ գյուղում ապօրինի 65 ծառ էր հատել. ոստիկանության բացահայտումը (տեսանյութ)

Օդի ջերմաստիճանը աստիճանաբար կբարձրանա 6-7 աստիճանով. Հայպետհիդրոմետ

Վաղը տեղի կունենա ՀՀ ֆուտբոլի սուպերգավաթի խաղարկությունը

Արա Սաղաթելյանն իմ 22 տարվա ընկերն է, որի մասին տեղյակ են բոլորը. Վանեցյանը՝ աղմկահարույց լուսանկարի մասին

Ի՞նչ պետք է իմանա իրավաբանական անձը ԵԱՏՄ անդամ չհանդիսացող երկրից Հայաստան ավտոմեքենա ներմուծելիս. ՊԵԿ-ի պարզաբանումը

Սյունիքում Իրանի քաղաքացու՝ հեղուկ գազ տեղափոխող բեռնատարի կցորդիչը 30մ գլորվել է դեպի ձորը. ԱԻՆ (տեսանյութ)

Արցախում զինծառայողը վիրավորվել է զենքի օգտագործման կանոնների խախտման հետեւանքով. նախնական տվյալներ

Եթե կա տեղեկատվություն, որը պետական գաղտնիք չի պարունակում, ապա պարոն Վանեցյանը պետք է հրապարակի այն․ Մակունց

Հնարավորություն կունենան ընդլայնվել. Արայիկ Հարությունյանն այսօր ընդունել է Հայաստանի ամերիկյան համալսարանի նախագահին

1,3 մլրդ եվրո արժողությամբ ներդրումային փաթեթ ու 178 ծրագրեր. Ավինյանն ընդունել է ՎԶԵԲ առաջին փոխնախագահին

«Գահերի խաղը» «Էմմի» մրցանակի է արժանացել՝ անկախ երկրպագուների դժգոհություններից

Ուշադիր ընթերցողը հասկացել է՝ ինչ նկատի ունեի ես. Վանեցյանը արձագանքել է Փաշինյանի հայտարարությանը. Hraparak.am

ՎՏԲ-Հայաստան բանկը և Armenian Assembly հ/կ-ն հուշագիր են ստորագրել

Սուրեն Պապիկյանի մարտահրավերը լրագրողներին. միասին անցնենք 48.3կմ երկարությամբ «Արփա-Սևան» թունելով

Վանաձորում որսորդական հրացանով կատարված սպանության փորձը բացահայտվել է. կասկածյալը ձերբակալվել է

Ուղղակի մոլորվել էր. Ադրբեջանի ՊՆ-ն հաստատել է կորուստն իր զինված ուժերում

Ժողովուրդը չհասկացավ, առեւտուր սարքեց, նաեւ քաղաքականացվեց. Խառատյանը՝ կիսամերկ տղամարդկանցով իր բեմադրության մասին

Վարչապետ Նիկոլ Փաշինյանն աշխատանքային այցով գտնվում է ԱՄՆ-ում. այցը մեկնարկել է Լոս Անջելես քաղաքից