Վերջին անգամ հենց «Ռեալն» է «Բարսային» դուրս թողել գավաթի խաղարկությունից

Բավական երկար ժամանակ է՝ իսպանական գրանդեր «Ռեալն» ու «Բարսելոնան» միմյանց չեն հանդիպում Իսպանիայի գավաթի խաղարկության փլեյ-օֆում: Վերջին անգամ նրանք մրցաշարի այդ հատվածում՝ ավելի կոնկրետ կիսաեզրափակչում, խաղացել են 6 տարի առաջ՝ 2012-13 մրցաշրջանում: Մադրիդում հանդիպումն ավարտվել է 1:1, իսկ Բարսելոնայում «Ռեալը» հաղթել է 3:1: 2 խաղերի արդյունքում «արքայական ակումբը» «Բարսային» պայքարից դուրս է թողել, թեեւ ի վերջո հաղթողի կոչումը զիջել է «Ատլետիկոյին»:

Այդ մրցաշրջանից հետո կատալոնցիները մասնակցել են գավաթի խաղարկության բոլոր եզրափակիչներին: Դրանցից մեկում՝ 2013-14 մրցաշրջանի եզրափակչում, նրանց ճանապարհին կրկին կանգել է «Ռեալը», որը տիտղոսը նվաճել է հաղթելով 2:1 հաշվով: Դրանից հետո մրցաշարի տարբեր փուլերում «Բարսան» սայթաքումներ ունեցել է կամ էլ ստիպված է եղել, այսպես ասած, «քամբեք» անել, ինչպես ընթացիկ մրցաշրջանի քառորդ եզրափակչում, որտեղ առաջին խաղում «Սեւիլիային» պարտվեց 0:2, բայց պատասխան խաղում հաղթեց 6:1՝ դուրս թողնելով մրցակցին: Անկախ հանդիպած դժվարություններից՝ վերջին 4 տարիների ընթացքում գավաթին տիրել է «Բարսան»:

Առաջիկա կիսաեզրափակիչը կարեւոր հարցերի պատասխան կտա: Ազգային առաջնության ընթացիկ մրցաշրջանի 10-րդ տուրում «Ռեալը» մրցակցի հարկի տակ պարտվել է 5:1: «Արքայական ակումբն» իհարկե այդ ժամանակից ի վեր աստիճանաբար կարգավորում է գործերը, սակայն ամեն դեպքում սա թե թիմի, եւ թե գլխավոր մարզիչ Սանտիագո Սոլարիի համար իսկական քննություն է լինելու իրենց համար բարդ դասավորված մրցաշրջանում: «Բարսան» էլ հավակնում է 2018-19-ին 3 տիտղոս նվաճելուն՝ ազգային առաջնություն, գավաթի խաղարկություն եւ Չեմպիոնների լիգա: Գումարած դրան, եթե կատալոնական թիմը հաղթի, 5-րդ տարին անընդմեջ կդառնա Իսպանայի գավաթակիր:

Հանդիպումը կայանալու է վաղը՝ փետրվարի 6-ին, «Բարսելոնայի» «Կամպ նոու» մարզադաշտում: Մեկնարկելու է, Երեւանի ժամանակով, 24:00-ին եւ ցուցադրվելու է «Կենտրոն» հեռուստաալիքով: 2 թիմերն էլ ունեն վնասվածք ստացած առանցքային խաղացողներ: Լրատվամիջոցների ուշադրության կենտրոնում է հատկապես «Բարսայի» արգենտինացի առաջատար Լիոնել Մեսսին: Օրեր առաջ Լա լիգայի 22-րդ տուրի «Վալենսիայի» դեմ խաղում (2:2) նա խնդիրներ է ունեցել, եւ նրա մասնակցությունը վաղը հարցականի տակ է:

«Ռեալի» կազմում շարունակում է վնասվածքով հանդես գալ Կարիմ Բենզեման: Նա կոտրել է աջ ձեռքի ճկույտը, սակայն որոշել է չդիմել վիրահատության: Մի քանի հանդիպում է՝ ելույթ է ունենում այդպես, եւ կարողացել է իրեն իսկական առաջատարի պես դրսեւորել: Մշտապես երկրպագուների քննադատության տակ գտնվող ֆրանսիացու համար կարիերայի լավագույն ժամանակաշրջաններից է. վերջին 4 խաղում 6 գոլ է խփել:

Այս թիմերի պատասխան հանդիպումը Մադրիդի «Սանտիագո Բերնաբեու մարզադաշտում կայանալու է փետրվարի 27-ին: Դրանից ընդամենը 3 օր անց նրանք կրկին կմրցեն Մադրիդում: Կանցկացնեն Իսպանիայի առաջնության 26-րդ տուրի խաղը:

Գավաթի խաղարկության մյուս զույգը կազմել են «Բետիսն» ու «Վալենսիան»: Նրանք նախ կխաղան փետրվարի 7-ին, ապա 28-ին:

Տպել
681 դիտում

Դալարիկ և Քարակերտ գյուղերի հատվածում գնացքը բախվել է մեքենային. կա տուժած

Այսօր ընտրված 102 պատվիրակները դեկտեմբերի 11-ին Ստամբուլում կընտրեն Պոլսո հայոց 85-րդ պատրիարքին

5 ոսկի, 5 արծաթ, 1 բրոնզ. հաշմանդամ մարզիկների ​աշխարհի առաջնությունում ՀՀ ֆեդերացիայի հաջողությունները

Հինգերորդ շարասյան հակապետական քարոզչությունը

17:00-ի դրությամբ 16 համայնքում քվեարկել է ընտրողների 41.28 տոկոսը․ԿԸՀ տվյալները

Եվրանեսթ ԽՎ-ում տապալվեց ադրբեջանցիների՝ Մեծամորի ատոմակայանի փակման նախաձեռնությունը. Գայանե Աբրահամյան

Զավեն Անդրիասյանը՝ կայծակնային խաղի Եվրոպայի առաջնության փոխչեմպիոն

Հրշեջ-փրկարարները մարել են Բամբակաշատ գյուղում վագոն-տնակում բռնկված հրդեհը

Պոլսում պատրիարքական ընտրություններ են. Ստամբուլի հայկական եկեղեցիները վերածվել են ընտրատեղամասերի (լուսանկարներ)

Քուվեյթի Կարմիր մահիկի հետ համագործակցելով հայկական Կարմիր խաչը կօգնի սիրիացի փախստականներին

Ներքին Չարբախի տներից մեկում հայտնաբերվել է 56-ամյա բնակչի դին՝ կախված վիճակում

Երևանի Արմենակյան փողոցում բեռնատարը բախվել է տան պատին եւ շրջվել. տան պարիսպն ու դարպասը փլվել են

Դպրոցականների վիճաբանությունն ավարտվել է դանակահարությամբ. 16-ամյա տղան վիրավոր է

Առաջիկա օրերին Հայաստանում տեղումներ չեն սպասվում, եղանակը կտաքանա 4-5 աստիճանով

Երևանի արվեստի, երաժշտական և մարզակրթական դպրոցների աշխատակիցների աշխատավարձերը հունվարի 1-ից կբարձրանան

Վանաձորում մեքենայի տակ ընկած շունը տեղափոխվել է անվտանգ տարածք

Գագիկ Աղբալյանն առաջադրվել է ՀՀ ֆուտբոլի ֆեդերացիայի Գործադիր կոմիտեի անդամի թեկնածու

Մանկատան երեխաներին՝ բնակարանների գնման վկայագրերի տրամադրումը՝ տարվա ձեռքբերում. Բաթոյանն ամփոփում է տարին

Սյունիքի մարզի Գուդեմնիս գյուղում ավտոմեքենան ընկել է գետը

Վրաերթ Եղեգնաձոր քաղաքում. տուժածը հոսպիտալացվել է