Նոյեմբերին պտուղ-բանջարեղենի արտահանումն ավելացել է. փոխնախարար

Եթե գյուղատնտեսության ոլորտի նույն ծրագրերը իրականացվեն, գյուղատնտեսության նախարարության կրճատումը էական ազդեցություն չի ունենա ոլորտի վրա։ Այս մասին այսօր՝ հունվարի 31-ին, լրագրողների հետ զրույցում ասաց գյուղատնտեսության նախարարի առաջին տեղակալ Գեղամ Գեւորգյանը՝ պատասխանելով հարցին, թե Տնտեսական զարգացման եւ ներդրումների նախարարության հետ միավորման արդյունքում գյուղատնտեսությունը չի՞ տուժի արդյոք։

«Եթե գյուղատնտության ոլորտը նույն առաջնահերթությունների մեջ է մտնում, նույն ծրագրերն իրականացվելու են, կարծում եմ նախարարության անվանումը չպետք է էական ազդեցություն ունենա, կապրենք, կտեսնենք»,–նշեց նա։

Գեղամ Գեւորգյանը, այնուամենայնիվ, լիահույս է, որ գյուղատնտեսության ոլորտը լինելու է արդյունավետ եւ շարունակելու է զարգանալ։ Հարցին ՝ թե ինքն ի՞նչ կարգավիճակում է իրեն տեսնում առաջիկայում, նա նշեց, որ պատրաստ է աշխատել պետական կառավարման համակարգի ցանկացած պաշտոնում, որը թույլ կտա իր ներուժն ու կարողությունները։

Հիշեցնենք, որ շրջանառության մեջ դրված  «Կառավարության կառուցվածքի եւ գործունեության մասին» Հայաստանի Հանրապետության օրենքի նախագծով առաջարկվում է մի քանի նախարարությունների կրճատում։

Գեւորգյանը նշեց, որ գյուղատնտեսության կշիռը տնտեսության մեջ շարունակում է 27-30 տոկոս լինել։ «Ընդհանուր տնտեսության մեջ գյուղատնտեսության ոլորտը, վերամշակումն էլ հետը, 27-30 տոկոս է կազմում։ Սրանք առաջնային արտադրանքի թվերն են, մենք չունենք ռեգիստրացիոն համակարգեր, որ կարողանանք 100 տոկոսով պատկեր ունենանք, ուստի օպերատիվ տվյալներն ենք հայտարարում»,–նշեց նա՝ շեշտելով, որ արտառոց ոչ մի բան չի փոխվել, նախկինում էլ է գյուղատնտեսության կշիռը 27-30 տոկոս եղել։

Գեղամ Գեւորգյանը հայտնեց նաեւ, որ գյուղատնտեսական ապրանքների արտահանման ծավալները նոյեմբեր ամսին ոչ բոլոր կատեգորիաներով են նվազել, իսկ դեկտեմբերի տվյալները նա դժվարացավ նշել. «Արտահանման ծավալները նոյեմբերին նայած որ կատեգորիայով են նվազել, որովհետեւ պտուղ–բանջարեղենով ավելացել են»։

Հարցին, թե ինչ է փոխվել գյուղատնտեսության ոլորտում Նիկոլ Փաշինյանի վարչապետության օրոք, գյուղատնտեսության նախարարի առաջին տեղակալն ընդգծեց, որ կան հստակ փոփոխություններ. «Նոր ռազմավարություն ենք մշակել, որտեղ շեշտը դրվել է ինստիտուցիոնալ բարեփոխումների եւ ենթակառուցվածքների վրա, բայց դա չի նշանակում, որ այն նախագծերը, որոնք, ըստ մեզ, ունեն արդյունավետություն, չեն շարունակվելու։ Շարունակվելու են ե՛ւ կաթիլայինը, ե՛ւ հակակարկտային ցանցերը»։ 

Նա հավելեց՝ չի փորձում նախորդ նախարարների ծրագրերը վերագրել իրեն, չնայած դրանք որոշ փոփոխությունների ենթարկում են. «Օրինակ, ինտենսիվ այգիների ծրագիրը, որը պրակտիկայում չաշխատեց, որոշակի փոփոխություններ կատարեցինք»,–եզրափակեց Գեղամ Գեւորգյանը։

Տպել
5464 դիտում

ՀՀ ոստիկանապետ Արման Սարգսյանը հանձնարարել է ստուգել քաղաքացուն խոշտանգելու ահազանգի մանրամասները. ՄԻՊ

Հիվանդությունների վերահսկման և կանխարգելման կենտրոնի 14 աշխատակցի մոտ եւս կորոնավիրուս է հայտնաբերվել

3 ավիաընկերություններ այսօր կիրականացնեն Մոսկվա-Երեւան չվերթներ՝ տեղափոխելով ՀՀ քաղաքացիների

Ով ինչպես է օգտագործում կորոնավիրուսը

Վիշտն անսահման է. Ֆրանսիայում ՀՀ դեսպանը ցավակցել է Պատրիկ Դևեջյանի մահվան կապակցությամբ

Մահացել է լեհ մեծանուն կոմպոզիտոր, դիրիժոր և մանկավարժ Քշիշտոֆ Պենդերեցկին

Ցնցված եմ ֆրանսիահայ ականավոր գործիչ Պատրիկ Դեւեջյանի մահվան բոթից. Նիկոլ Փաշինյան

Հրշեջ-փրկարարները մարել են խոտածածկ տարածքներում բռնկված հրդեհները՝ մոտ 6 հա տարածքում

Հայաէրոնավիգացիայի աշխատակիցները կշարունակեն մեկուսացված մնալ Զվարթնոց օդանավակայանի պահպանվող տարածքում

ԿԳՄՍՆ-ն այսօրվանից սկսել է հավաքագրել համակարգչային սարքեր`ուսուցիչներին և աշակերտներին տրամադրելու համար

Ֆրանսիայում կորոնավիրուսից մահացել է հայազգի քաղաքական գործիչ Պատրիկ Դեւեջյանը. LePoint

Մայր Աթոռ Սուրբ Էջմիածնում կատարվել է Հանրապետական մաղթանք

Երեւանում հրդեհվել է չշահագործվող վագոն-տնակ

Հայ-Ռուսական համալսարանը հաղթել է «Մանուկյան Սիմոն» հիմնադրամի մրցույթում

Հայաստանում կորոնավիրուսով հիվանդների թիվը հասել է 424-ի. 52 նոր դեպք՝ 24 ժամում

ԱՄՆ-ում ՀՀ դեսպանության հայտարարությունը՝ ԱՄՆ-ում գտնվող ՀՀ ուսանողների կեցության եւ խնդիրների վերաբերյալ

Մեքենան դուրս է եկել ճանապարհի երթևեկելի հատվածից և գլխիվայր շրջվել. վարորդը հիվանդանոցում է

Վերջին 1 ժամում Նորքի հիվանդանոցում կորոնավիրուսից 2 մահվան դեպք է արձանագրվել. նախարար

Ժամը 21:00-ի դրությամբ Հայաստանում հաստատված է կորոնավիրուսի 407 դեպք

Երևանում հարբած վարորդը մարմնական վնասվածք է պատճառել ոստիկանին. տղամարդը ձերբակալվել է