Դատախազությունը Վճռաբեկ դատարանից պահանջում է հռչակել Մարտի 1-ի գործով դատապարտված Բարեղամյանի անմեղությունը

ՀՀ գլխավոր դատախազությունը Վճռաբեկ դատարանից պահանջում է հռչակել Մարտի 1-ի իրադարձություններին մասնակցելու համար դատապարտված նախկին քաղբանտարկյալ Արամ Բարեղամյանի անմեղությունը:

ՀՀ գլխավոր դատախազի խորհրդական Գոռ Աբրահամյանը մեր հարցին ի պատասխան ասաց, որ ՀՀ գլխավոր դատախազության կողմից ՀՀ վճռաբեկ բողոք է ներկայացվել 2008թ. հուլիսի 14-ի դատավճռով ՀՀ քրեական օրենսգրքի 316-րդ հոդվածի 2-րդ մասով եւ 112-ր հոդվածի 2-րդ մասի երկրորդ կետով 6 տարի ժամկետով ազատազրկման դատապարտված Արամ Բարեղամյանի վերաբերյալ Երևանի քրեական դատարանի 2008թ. հուլիսի 14-ին կայացված դատական ակտի և այն օրինական ուժի մեջ թողնելու մասին ՀՀ վերաքննիչ քրեական դատարանի 2008թ. հոկտեմբերի 3-ի որոշման դեմ: «2008թ. մարտի 1-ին և 2-ին կատարված իրադարձությունների առթիվ ՀՀ ՀՔԾ-ի վարույթում քննվող քրեական գործի նախաքննությամբ ի հայտ էին եկել ՀՀ քրեական դատավարության օրենսգրքի 426.3-րդ հոդվածով նախատեսված՝ դատական ակտի վերանայման հիմքեր: Ելնելով այն հանգամանքից, որ առկա է դատապարտյալի անմեղությունը ապացուցող առերեւույթ փաստական տվյալ՝ ՀՀ գլխավոր դատախազության հատկապես կարեւոր գործերով քննության նկատմամբ հսկողություն իրականացնող վարչության դատախազի կողմից կայացվել էր Արամ Բարեղամյանի վերաբերյալ դատական ակտը վերանայելու նպատակով նոր երեւան եկած հանգամանքների հետեւանքով վարույթ հարուցելու մասին որոշում, որը այդ հանգամանքների առթիվ քննություն կատարելու համար, դատապարտյալին վերաբերող քրեական գործի հետ միասին, ուղարկվել էր ՀՀ հատուկ քննչական ծառայություն: Քննության արդյունքում ՀՀ գլխավոր դատախազի տեղակալի կողմից բողոքով ՀՀ վճռաբեկ դատարանին միջնորդություն է ներկայացվել բեկանել եւ փոփոխել Արամ Բարեղամյանի վերաբերյալ վերոնշյալ դատական ակտերը՝ ճանաչելով եւ հռչակելով նրա անմեղությունը մեղսագրված արարքներում»,- մանրամասնեց Աբրահամյանը:

Դեռեւս 2018 թվականի դեկտեմբերին հայտնի դարձավ, որ Բարեղամյանի գործով ՀՀ գլխավոր դատախազությունը նոր երեւան եկած հանգամանքով վերանայման վարույթ հարուցելու մասին որոշում է կայացրել: Բարեղամյանը մեղավոր էր ճանաչվել իշխանության ներկայացուցչի նկատմամբ բռնություն գործադրելու եւ նրա առողջությանը ծանր մարմնական վնասվածք պատճառելու համար եւ դատապարտվել 6 տարվա ազատազրկման: Իշխանության ներկայացուցիչ հանդիսացող առանցքային տուժող Մալաթիայի նախկին փոխոստիկանապետ, գնդապետ Գագիկ Քամալյանը 10 տարի անց մտքափոխվել է եւ հայտարարել, թե իրականում չի իմացել եւ չգիտի՝ իրեն հարվածողը եղել է Արամ Բարեղամյանը, թե՝ այլ անձ:

- Պարոն Բարեղամյան, ձեզ համար սպասելի՞ էր, որ տուժող ճանաչված նախկին փոխոստիկանապետը 10 տարի անց կփոխի իր ցուցմունքը:

- Ես համոզված եմ, որ ոչ միայն իմ գործը, այլ Մարտի 1-ի բոլոր գործերը վերանայվելու են: Նամանավանադ իմ գործով որպես ապացույց դրվել էր մեկ ոստիկանի ցուցմունք, եւ այդ ցուցմունքով էլ չէր ապացուցվում իմ մեղավորությունը: Իրեն պետք է հիմա հարցնել, թե ինչպե՞ս է պատահել, որ հիմա չի պնդում, որ Արամ Բարեղամյանն է իրեն հարվածել, կարող է 10 տարի իր խիղճը տանջել է, չգիտեմ: Իր տված ցուցմունքը անգամ դատաքննության ընթացքում չապացուցվեց, պարզապես հանեց այնպես Ազարյանը դրեց դատեց (դատավոր Ալեքսանդր Ազարյանի մասին է խոսքը,-հեղ.), ասել էին՝ Արամը պետք է դատվի ու դատեցին:

- Պահանջելո՞ւ եք, որպեսզի ձեր դեմ ցուցմունք տված անձը պատասխանատվության ենթարկվի:

- Ժամանակից առաջ չընկնենք, էդ վճիռը կգա, դրանից հետո նոր կխոսենք: Այս հեղափոխությունից հետո երկրորդ կարծիք չկա, որ Մարտի 1-ը բացահայտվելու է, եւ իրական մեղավորները պատժվելու են:

- Դուք հիմա Մարտի 1-ի գործի շրջանակում ի՞նչ կարգավիճակ ունեք:

- Հեղափոխությունից հետո ես կանչվել եմ ՀՀ հատուկ քննչական ծառայություն եւ ինձ խոշտանգելու դեպքով ճանաչվել եմ տուժող: Այդ գործը միացրել են Մարտի 1-ի գործի հետ: Բացի այդ ես տուժել եմ եմ Մարտի 1-ի լուսադեմին. առաջին հարված ստացողը սեւ համազգեստավորների կողմից ես եմ եղել:

- Ոստիկաննե՞րն էին հավածում:

- Այդտեղ մի քանի բարձրաստիճան ոստիկաններ են եղել, մնացածը եղել են սեւ համազգեստով մարդիկ, որ պարզ չի, թե դրանք ովքեր են, հիմա այդ հարցը դեռ ոչ մեկ չի բարձրաձայնում: Այս քննությամբ պետք է բացահայտվի, թե լուսադեմին հարձակվողներն ովքեր են եղել:

- Ինչո՞վ են ձեզ հարվածել:

- Մահակով հարվածել են գլխիս, ուշաթափվել ընկել եմ: 7 օր հիվանդանոցում պառկել եմ, ինձ հիվանդանոցից են ձերբակալել: Սկզբում տարան Միրզոյան Անդրանիկի մոտ (ՀՔԾ նախկին պետ,-հեղ.), հետո տարան մի քննիչի մոտ. Վահագն Հարությունյանն այդ ամբողջ ընթացքում էտ սենյակում է եղել, փորձում էին ցուցմունք կորզել ինձնից:

- Վահագն Հարությունյանը մամուլին տված վերջին հարցազրույցներից մեկում նշել է, որ իր դեմ ցուցմունք տվածներից մեկը դու եք եղել:

- Այո, ես ասել եմ այն ինչ՝ իրականում կա:

- Հարությունյանը ձեր նկատմամբ բռնություն գործադրե՞լ է, որովհետեւ ինքը հերքում է:

- Այո, բա կարող է ասեր՝ ես չեմ եղե՞լ:

Մասնավորապես, ի՞նչ գործողություններ է արել:

- Քանի որ քննություն է գնում, եկեք մանրամասներից չխոսենք:

- Միայն ի՞նքն է եղել բռնություն գործադրողների մեջ:

- Ոչ, ոչ այլ անձինք էլ են եղել, պարզապես նախաքննական գաղտնիքից ելնելով չեմ կարող ասել:

Տպել
7948 դիտում

Երևանի քաղաքապետարանի և Կահիրեի նահանգապետարանի միջև գործակցությունը համատեղ ծրագրեր իրականացնելու հնարավորություն կտա

Քարակերտի մանկապարտեզներում սուբվենցիոն ծրագրով ջեռուցման համակարգ է կառուցվում. մարզպետը ծանոթացել է աշխատանքի ընթացքին

Ողբերգական դեպք Կոտայքում. ջրանցքում հայտնաբերված կնոջ դին դուրս է բերվել ցանցային կռունկի միջոցով

Նիկոլ Փաշինյանը խորհրդարանում փակ հանդիպում է անցկացնում «Քաղաքացիական պայմանագիր» խմբակցության հետ. «Ազատություն»

Ներքին Կարմիրաղբյուրում անասնագոմ է այրվել

ԱԺ նախագահը, «Քաղաքացիական պայմանագիր» խմբակցության պատգամավորները հարգանքի տուրք են մատուցել Մարտի 1-ի զոհերի հիշատակին

Անթալիայում հանդիպել են Հայաստանի և Թուրքիայի ԱԳ նախարարները. ինչ են վերահաստատել կողմերը (լուսանկարներ)

Թուրքիայի հիվանդանոցում զինված հարձակում է տեղի ունեցել. կան վիրավորներ

Թուրքմենստանում կանցկացվեն Հայաստանի մշակույթի օրեր. հստակեցվել են ժամկետներն ու նախնական նախագիծը

Պահեստազորում գտնվող ՌԴ քաղաքացիները կկանչվեն ռազմական պատրաստության հավաքի. Պուտինը հրամանագիր է ստորագրել

26-ամյա վարորդը «Շեվրոլետ վոլտ»-ով բախվել է եռագույն դրոշի պատվանդանին, վնասվել է ևս 4 մեքենա. կա վիրավոր

Մեկնարկել է Չեխիա - Հայաստան հանդիպման տոմսերի վաճառքը. հայտնի է արժեքը

Մարտի 1-ը իշխանության կողմից բիրտ ուժի կիրառման դրվագ չէր, այլ հետևանք քաղաքացու իրավունքների տևական ոտնահարման. նախագահ

ՀՀ ԱԳՆ-ն լուսանկարներ է հրապարակել Անթալիայի դիվանագիտական ֆորումից

ԼՂ-ից բռնի տեղահանվածներին տրվող 100 հազար դրամ միանվագ աջակցության շահառուների շրջանակն ընդլայնվել է

«Ուկրաինամետ» Ադրբեջանը չեղարկել է Զելենսկու այցը, նա Հայաստան էլ չի գա. Սաֆարյան

Երևանի քաղաքապետը նոր խորհրդական ունի

Հայաստանը Սուրբ Աթոռում նոր դեսպան ունի (լուսանկար)

Փոփոխություն է կատարվել ԼՂ-ից բռնի տեղահանված անձանց համար իրականացվող 50 + 50 հազար սոցիալական աջակցության ծրագրում

Արտակարգ դեպք Արարատում. չոր խոտն այրել են, ինչի հետևանքով նաև «Մերսեդես»-ն է հրդեհվել, վերածվել մոխրակույտի

Արթիկում ավազակությամբ շուրջ 37 մլն դրամի ոսկյա զարդեր հափշտակելու վարույթով 2 անձ կալանավորվել է. մանրամասներ

Թուրքիան կշարունակի Հայաստանի հետ հարաբերությունների կարգավորման գործընթացը՝ այն համաձայնեցնելով Ադրբեջանի հետ. Էրդողան

Բայրամովն ու Լավրովը քննարկել են եռակողմ պայմանավորվածությունների կատարման հարցը, խոսել ՀՀ-ի հետ խաղաղության գործընթացից

Ադրբեջանն ու Հայաստանը շատ մոտ են հարաբերությունների կարգավորմանը. Թուրքիայի արտգործնախարար

Անթալիայում կայացել է Բայրամով - Լավրով հանդիպումը. հայտնի է՝ ինչ հարցեր են քննարկվել

17 կամուրջ‚ 2 թունել, 5 տրանսպորտային հանգույց. Հյուսիս-հարավի հարավային ուղղությամբ մեծածավալ աշխատանք է նախատեսված

Արարատ Միրզոյանն ու Քուվեյթի արտաքին գործերի նախարարը տարածաշրջանային անվտանգության հարցեր են քննարկել

Ֆրանսիայից ուղարկված փոստային առաքանուց հայտնաբերվել են գնդակի մեջ թաքցված թմրամիջոցի պարունակությամբ դեղահաբեր. ՊԵԿ

ՄԻՊ ներկայացուցիչները չհայտարարված այցեր են իրականացրել «Վանաձոր» և «Աբովյան» ՔԿՀ-ներ. ինչ խնդիրներ են արձանագրվել

Անթալիայում, որտեղ 20 երկրի ղեկավարների մասնակցությամբ ընթանում է Դիվանագիտական ​​ֆորումը, երկրաշարժ է տեղի ունեցել

Մհեր Գրիգորյանը մասնակցել է Նիկոլայ Ռիժկովի հոգեհանգստի արարողությանը

Ընթանում է Նավալնիի հոգեհանգիստը, որին կհաջորդի հուղարկավորությունը. ներկա են դեսպաններ, քաղգործիչներ (լուսանկարներ)

Վրաստանը Հայաստանին ու Ադրբեջանին առաջարկում է բանակցությունների իր հարթակը. Դարսալիա

Հայաստանում Զանգեզուր անունով տարածքային միավոր չկա. Ռուբինյանն Անթալիայում խոսել է «միջանցք»-ի մասին

ԱԺ նախագահը և ՔՊ խմբակցության պատգամավորները հարգանքի տուրք են մատուցել Մարտի 1-ի զոհերի հիշատակին

Խաղաղության գործընթացում առաջընթացի պատասխանատվությունը կրում են տարածաշրջանի երկրները և դրանց ղեկավարությունը. Կլաար

Պապիկյանի նախագահությամբ կայացել է Վազգեն Սարգսյանի 65-ամյակի կազմակերպման միջգերատեսչական հանձնաժողովի առաջին նիստը

Ինչպիսին է մարտ ամսվա եղանակային կանխատեսումը

Հայ-թուրքական սահմանը նախ կբացվի 3-րդ երկրի և դիվանագիտական անձնագրեր ունեցողների համար, հետո՝ քաղաքացիների. Քըլըչ

Որդին հարվածներ է հասցրել 73-ամյա մորը, ինչի հետևանքով նա մահացել է