Այս պահին ԵՊՀ հոգաբարձուների խորհրդում Արամ Սիմոնյանին անվստահություն հայտնելու հարցի վերաբերյալ քննարկում չկա

Անցյալ շաբաթ Երեւանի պետական համալսարանի հոգաբարձուների խորհուրդը ԵՊՀ ֆիզիկայի ֆակուլտետի քվանտային երեւույթների հետազոտման եւ մոդելավորման գիտահետազոտական լաբորատորիայի ու ԳՀ լաբորատորիաների քվանտային երևույթների հետազոտման եւ մոդելավորման ԳՀ լաբորատորիայի ավագ գիտաշխատող Գեւորգ Մուրադյանին միաձայն ընտրեց խորհրդի նախագահ։ Վերջինիս թեկնածությունն առաջադրել էր ԿԳ նախկին փոխնախարար, ԱԺ «Իմ քայլը» խմբակցության պատգամավոր Հովհաննես Հովհաննիսյանը։

Ընտրության հաջորդ օրն արդեն մամուլում գրվեց, թե Գեւորգ Մուրադյանը ՀՀԿ խորհրդի անդամ է եւ 2017 թվականին ՀՀԿ համամասնական ցուցակով առաջադրվել է պատգամավորի թեկնածու։ Մուրադյանը մեր զրույցում հերքեց լուրերը, թե ինքը ՀՀԿ անդամ է, սակայն ասաց, որ 2017-ի ԱԺ ընտրություններին ՀՀԿ համամասնական ցուցակում եղել է․

«Որեւէ կուսակցության անդամ երբեւէ չեմ եղել, մանավանդ՝ Հանրապետականի։ Բայց 2017 թվականի ընտրություններին ցուցակում եղել եմ որպես Կարեն Կարապետյանի թիմի անդամ»,-մասնավորապես նշեց Մուրադյանը։

Ի դեպ՝ Գեւորգ Մուրադյանը 2016 թվականին նշանակվել էր այդ ժամանակ ՀՀ վարչապետ Կարեն Կարապետյանի խորհրդական։

Ինչպես «Հայկական ժամանակ»-ի հետ զրույցում ասաց Մուրադյանը՝ ԵՊՀ հոգաբարձուների խորհրդի նախագահի պաշտոնում առաջադրվելը անսպասելի չէր․ խորհրդի անդամներից մի քանիսի հետ արդեն քննարկվել էր այդ հարցը։

Խոսելով իր առաջիկա անելիքների մասին՝ խորհրդի նախագահն ասաց, որ ԵՊՀ-ում, իհարկե, անհրաժեշտ են փոփոխություններ․

«Ինչպես նիստի ժամանակ նշեցի՝ այդ փոփոխությունն առաջին հերթին դիագնոստիկայի մասին է՝ թե՛ կառուցվածքային, թե՛ բովանդակային։ Բայց այս պահին դեռեւս ծանոթացման փուլում ենք, որպեսզի բոլոր խնդիրները հասկանանք եւ լուծումներ գտնենք։ Ժամանակ է պետք»,-ասաց Գեւորգ Մուրադյանը։

Նա նշեց, որ ԵՊՀ-ում խնդիրները սկսում են ֆինանսական կառավարումից, վերջանում՝ ծրագրերի բովանդակային մասի վրա աշխատելուց։ Մուրադյանի կարծիքով՝ ծրագրերը պետք է հետաքրքիր լինեն ե՛ւ դասախոսների, ե՛ւ ուսանողների համար․

«Պետք է այնպես անենք, որ դիմորդին շուկայի տեսանկյունից հետաքրքիր լինի Երեւանի պետական համալսարանը՝ սովորելու համար, եւ որ նա հասկանա՝ վաղը կարող է իր սովորածով վաստակել այն գումարը, որը վճարել է ուսման համար»։

Անդրադառնալով Պետական վերահսկողական ծառայության՝ «Երեւանի պետական համալսարան» հիմնադրամում կատարած ուսումնասիրություններին՝ Գեւորգ Մուրադյանն ասաց, որ ինքն ամբողջությամբ ծանոթ չէ ուսումնասիրությունների արդյունքներին ու փաստաթղթերին, դրա համար էլ չի կարող կարծիք հայտնել։ «Հայկական ժամանակ»-ի հարցին՝ այդ ուսումնասիրությունների անհրաժեշտությունը կա՞ր, խորհրդի նախագահը պատասխանեց․

«Անհրաժեշտ էր, թե ոչ, դա որոշում է ՊՎԾ-ն, իրավական տեսանկյունից դա իր գործառույթների տիրույթում է։ Եթե որոշել են, ենթադրում եմ, որ կար»։

Ինչ վերաբերում է հարցին, թե հոգաբարձուների խորհրդի օրակարգում ԵՊՀ ռեկտոր Արամ Սիմոնյանի հետագա պաշտոնավարման նպատակահարմարության վերաբերյալ հարց կա՞, արդյոք պատրաստվո՞ւմ են անվստահություն հայտնել ռեկտորին, խորհրդի նախագահն ասաց, որ այս պահին դեռեւս նման քննարկում չկա․

«Իսկ եթե խոսքը վերաբերում է նաեւ ՊՎԾ ստուգումներին, քանի արդյունքները չկան, չեմ կարող որեւէ բան ասել, բայց խորհրդի նիստի ժամանակ խորհրդի ցանկացած անդամ կարող է իր մտահոգությունները հայտնել եւ առաջարկություններ անել ցանկացած հարցի վերաբերյալ»,-«Հայկական ժամանակ»-ի հետ զրույցում ասաց ԵՊՀ հոգաբարձուների նախագահ նախագահ Գեւորգ Մուրադյանը։

Տպել
1786 դիտում

Ճապոնիան կոչ է արել ԼՂ շփման գծում դադարեցնել կրակը նստել բանակցային սեղանի շուրջ

Բարդ ու չերեւացող աշխատանք է տարվում բոլոր պատասխանատուների կողմից. Գ. Աբրահամյանը՝ միջազգային աշխատանքի մասին

Վերջապես մեր դիվանագիտությունը խոշոր հաղթանակ տարավ. Արցախը կռվում է միջազգային ահաբեկչության դեմ. վարչապետ

ՀՀ ողջ տարածքում վերջին օրերին դիտվում է կորոնավիրուսի դեպքերի նկատելի աճ. ԱՆ-ն հորդորում է չմոռանալ համավարակի մասին

Ադրբեջանում թուրքական ԱԹՍ-ները համակարգում է լիբիական փորձով թուրք գեներալը. կիպրական աղբյուր. Razminfo

Իրանը թույլ չի տա, որ ահաբեկիչները տեղակայվեն իր հյուսիսային սահմանին հարակից տարածքներում. ԱԳՆ

Մակրոնը երեկ զանգահարել է Պուտինին. քննարկել են Ղարաբաղում տիրող իրավիճակը

Որոշ ժամանակ տրանսպորտի սակավությունը էլ ավելի զգալի է լինելու. պատճառը պարզ է. ավագանու անդամ

Մեր բժիշկների արհեստավարժության շնորհիվ տասնյակ վիրավորներ բառացիորեն փրկվում են մահվան ճիրաններից (տեսանյութ)

Կայուն լարվածությունը ճակատային գծի բոլոր ուղղություններում պահպանվում է. ի՞նչ է կատարվել գիշերը. ՊԲ-ն մանրամասնում է

Արցախ ճանապարհեցինք մեր «Կարմիր բերետներ 5165» կամավորական ջոկատի տղաներին. Հայկ Մարության

Նորից ԱԹՍ զգետնեցինք. Արծրուն Հովհաննիսյան

Մերժելի եւ արատավոր մոտեցում է. Ջ.Ավետիսյանի Արցախի մասին պատմող ֆիլմը հանվել է Մոսկվայի կինոփառատոնի ծրագրից

Մեկ շաբաթվա, 10 օրվա մեջ ադրբեջանական բանակը փլուզվելու է, ռազմաճակատի գծից զինվորները փախչելու են. քաղաքագետ

Երեւանի գովազդային վահանակներին քարոզչական հոլովակներ են պտտվում. ինչի մասին են դրանք

Թուրքական մասնակցությունը պատերազմին և վարձկանների ներկայությունը ռազմական գոտում փաստացի ճանաչվեցին. Ռուբեն Ռուբինյան

Ադրբեջանն անգամ թուրքական օգնության հետ բախվում է ծանր հարվածների, Թրամփը դեռ լուռ է, Մակրոնը՝ մտահոգ. ԶԼՄ-ներ

Ջավախքցիները խաղաղվել են, Արցախին ուղարկված օգնությունը Հայաստան հասավ

Պատերազմն ավարտվելու է Ադրբեջանի պարտությամբ, կամ ոչ հաղթանակով. Արայիկ Հարությունյան

Արցախն իր պատմության մեջ երբեք չի գրավվել և երբեք չի գրավվելու. Արայիկ Հարությունյան