Սա նոր Հայաստանն է, որտեղ էականը հասարակության, ոչ թե չինովնիկների կամքն է. բաց նամակ Փաշինյանին

Պարալլելս Ֆիլմպրոդաքշն ընկերություն

18 հունվարի 2018թ․

Երևան ՀՀ Վարչապետ պարոն Նիկոլ Փաշինյանին  

Հարգելի պարոն Փաշինյան, ՀՀ մշակույթի նախարարության և Հայաստանի ազգային կինոկենտրոնի կողմից Հայ-Բուլղար-Գերմանական «Տատիկիս վարսերը» կինոնախագծի դեմ անօրինականությունների շղթայի մասին բազմաթիվ հայտարարություններ են հնչել: Դրանք հրապարակվել են մամուլում, այդ թվում միջազգային պարբերականներում, եղել են պարզաբանումներ, հարցազրույցներ։ Այդ պատճառով ես չեմ անդրադառնա խնդրի ծագմանը և պատճառներին։

2018թ-ի դեկտեմբերի 18-ին, մեր երկար և հետևողական պայքարի արդյունքում, մշակույթի նախարարի պաշտոնակատար Լիլիթ Մակունցի կողմից հրավիրվեց միջգերատեսչական հանձնաժողով, որը քննարկեց պետական հանձնաժողովի կողմից մեր կինոնախագծի ֆինանսավորման ընդհատման հարցը և հանգեց եզրակացության, որ մերժելու հիմք հանդիսացած կանոնակարգի կետը չէր կարող կիրառվել կինոնախագծի վրա։

Նախարարի պաշտոնակատարը, այդպիսով, ընդունեց կինոնախագծի հանդեպ թույլ տված անօրինականության փաստը և հրահանգեց ազգային կինոկենտրոնին՝ վերսկսել ֆիլմի արտադրության աջակցությունը։ Սակայն կինոյի ստորին օղակի «կառավարիչները», մինչ օրս ստուգում են փաստաթղթեր, պետական կառույցներին ոչ հարիր, սադրիչ նամակներ են հղում միջազգային ներդրողներին, անում են առավելագույնը ֆիլմը կասեցնելու, նախագիծը տապալելու նպատակով։

Ֆիլմի դեմ իրականացրած անօրինականությունների պատճառով․

1) խաթարվել է ֆիլմի արտադրական պլանը, 2) չեղարկվել են հայաստանյան և միջազգային թիմի հետ պայմանագրերը, 3) դադարեցվել են հայաստանյան և բուլղարական նկարահանումները, 4) հետաձգվել են Գերմանիայում պլանավորված հետարտադրական աշխատանքները, 5) սառեցվել են արտասահմանյան ներդրումները, 6) արտադրող ընկերությանը հասցվել է խոշոր չափի ֆինանսական վնաս, 7) արտադրող ընկերության գործարար վարկին՝ անվերականգնելի բարոյական վնաս, 8) կուտակվել են պարտքեր, այդ թվում՝ ՀՀ հարկային մարմիններին։

Այս ամենը կատարվել է կառավարության կողմից, որը իշխանության է եկել ժողովրդական լայն զանգվածների բուռն աջակցության շնորհիվ, խոստանալով անհատի, քաղաքացու արարելու իրավունքի պաշտպանություն, տնտեսության մեջ հավասար մրցակցային պայմանների ապահովում, օրենքի գերակայություն, ներդրումների խթանում։

Նշված դրույթների ճիշտ հակառակ կիրառումն է, որ մեր կինոընկերությունը, չինովնիկական «բեսպրեդելի» ողջ ցինիզմով համեմված, կրել ու կրում է նոր Հայաստանում: Պատճառը մեկն է՝ Հայաստանում կինոյի կառավարման անարդյունավետ, մաշված մոդելի դեմ իմ կոշտ ու փաստարկված պայքարը։ Մոդել, որ ձևավորվել է նախորդ տասնամյակների ընթացքում և որի գործունեության արդյունքը այսօրվա հայկական կինոարտադրության մռայլ, միջազգային կինոինդուստրիայից մեկուսացված պատկերն է։ Հարգելի պարոն վարչապետ, ես թերահավատ եմ, որ այս նամակով «Տատիկիս Վարսերը» ֆիլմի խնդիրները կարգավորվելու են։

Իրատեսությունը ստիպում է արձանագրել, որ Հայաստանում գործադիր իշխանության ուղղահայացը չի աշխատում և ստորին օղակները, ինչպես մեր ֆիլմի դեպքում, հաճախ արգելափակում են վերադաս մարմնի հրահանգները։ Այդ պատճառով ես, իմ գործընկերները, մեր թիմն ու համախոհները ավելի շատ ապավինում ենք Հայաստանի հանրության, ՀՀ օրենսդիր, դատական իշխանությունների, զանգվածային լրատվամիջոցների աջակցությանը։

Մենք հրապարակային աննախադեպ քայլեր ենք իրականացնելու, որովհետև, այո, սա նոր Հայաստանն է, որտեղ էականը հասարակության, ոչ թե չինովնիկների կամքն է, որոնց ցանկություններից անկախ, մենք վերականգնելու ենք օրինականությունը, իրագործելու ենք ֆիլմ անելու մեր իրավունքը։ Ես գրում եմ այս նամակը, որովհետև ցանկանում եմ Ձեր՝ ՀՀ գործադիր իշխանության ղեկավարի ուշադրությունը հրավիրել կինոյի պետական կառավարման մոդելի բարեփոխման հրատապ անհրաժեշտության վրա։

Կինոյի կառավարումը միևնույն գործառույթներն ունեցող մշակույթի նախարարության, զանազան ՊՈԱԿ-ների, ՀԿ-ների, այլ կառույցների միջոցով իրականացնելու արատավոր մեխանիզմը սպառել է իրեն և դրա փոխարեն անհրաժեշտ է․

Ա․) ստեղծել կառավարությանն առընթեր մեկ պետական մասնագիտական կառույց՝ կինոյի ազգային գործակալություն կամ կոմիտե։

Բ) Կենտրոնացնել կինոյին տրվող պետական միջոցները այդ կառույցում:

Գ) Ազատվել տասնամյակներով կինոյի կառավարման ոլորտը ուզուրպացրած չինովնիկական ահռելի բանակից, որի պահպանման վրա պետական բյուջեից ավելի շատ գումարներ են ծախսվում, քան բուն գործառույթի՝ ֆիլմերի ստեղծման համար։

Դ) Վերացնել կինոյի կառավարման արատավոր փակ շրջանակը, որը ծառայել և ծառայում է խիստ որոշակի և շատ սահմանափակ թվով անձանց շահերի սպասարկմանը։

Այսպիսով, կառավարությունը կինոարտադրությանը հնարավորություն կտա կրկնել այն դրական փորձը, որն առկա է նախկին խորհրդային և Արևելյան Եվրոպայի բազմաթիվ երկրներում, ինչի շնորհիվ այդ երկրները կինոյի ոլորտում նախանձելի առաջընթաց են գրանցել։ Սրա վրա է, որ ես ցանկանում եմ հրավիրել Ձեր ուշադրությունը։

Պատրաստ եմ հանդիպել Ձեզ, ներկայացնել առաջադեմ երկրների կինոյի կառավարարման փորձը, իսկ կառույցը, որ ես ներկայացնում եմ, պատրաստ է աջակցել կառավարությանը կինոյի բարեփոխման հարցում՝ մանրակրկիտ տեղեկատվությամբ և մասնագիտական խորհրդատվությամբ, եթե կառավարության հռչակած պետական կառավարման արդյունավետության բարձրացման ծրագիրը գեղեցիկ խոսքեր չեն, այլ նպատակ։

Հարգանքով՝ Հովհաննես Գալստյան Կինոռեժիսոր, պրոդյուսեր Ֆիլմարտադրողների Համահայկական Ֆեդերացիա նախաձեռնություն 

Տպել
5043 դիտում

ՍԴ նախագահը Ստրասբուրգում հանդիպել է ՄԻԵԴ ղեկավարին. քննարկվել է գործընկերության զարգացումը

«Ես պիտի 17 ստանայի, ինչ տականքն եք դուք»․ ԳԹԿ մամուլի պատասխանատուն հրապարակել է իր արդյունքից դժգոհ դիմորդի արձագանքը

Նիկոլ Փաշինյանը հանդիպել է արտախորհրդարանական քաղաքական ուժերի ղեկավարների հետ

Կրակոց Երևանում․ էլիտար շենքի պատուհանի վրա հայտնաբերվել է հետքը, պատուհանագոգին՝ կրակված պարկուճ

Մոսկվայում արգելել են Նժդեհ պարախմբի համերգը, նախապես հայտարարվել է՝ համերգասրահում ական կա տեղադրված. Գինոսյան

Հայկական կողմին փոխանցված զինծառայողի մարմինը նույնականացնելու համար փորձաքննություն է նշանակվել

Կատարում Արայիկ Հարությունյանն այցելել է «Ալ-Ջազիրա». քննարկվել են ներհայաստանյան թեմաների լուսաբանման հետ կապված հարցեր

2022 թվականին ՄԻԵԴ-ը Հայաստանի դեմ կայացրել է 21 վճիռ. հրապարակվել է դատարանի տարեկան զեկույցը

Ձյան տեղումներ, մերկասառույց. իրավիճակը ՀՀ ավտոճանապարհներին՝ ժամը 17։00-ի դրությամբ

Ռուսաստանը սերտ կապի մեջ է Հայաստանի և Թուրքիայի ներկայացուցիչներ Ռուբինյանի և Քըլըչի հետ. ՌԴ ԱԳՆ

ՄԱԿ-ի դատարանում Եղիշե Կիրակոսյանը ներկայացրել է Հայաստանի միջանկյալ պահանջներն Ադրբեջանի նկատմամբ

Ստեղծվել է հանձնախումբ՝ Լոռու մարզի դատախազությունում համալիր ստուգում իրականացնելու նպատակով

Առանց Միջազգային դատարանի անհապաղ գործողությունների՝ Ղարաբաղի հայերի կյանքը վտանգված է. Լոուրենս Մարտին

Հաստատվել է 2023-2024 ուստարվա մի շարք դասարանների դասագրքերի ցանկը

Առգրավվել է Սևանա լճից ապօրինի դուրս բերված մոտ 2 տոննա սիգ և ձկնկիթ

Նիկոլ Փաշինյանը կարևորել է Ռազմարդյունաբերության կոմիտեի գործունեությունը սպառազինության արտադրության զարգացման գործում

Արցախի ներդրումային և գյուղատնտեսության աջակցության հիմնադրամները դադարեցրել են իրենց նկատմամբ տույժերի հաշվեգրումը

Մեր օրերի մարտահրավերների հաղթահարման գործում համալսարաններն ու կրթությունն առհասարակ մեծ դեր ունեն. Սոնա Ղազարյան

Գլխավոր դատախազի հանձնարարությամբ ուսումնասիրություն է սկսվել ջրօգտագործողների ընկերություններում

Սպիտակցի եղբայրները ձերբակալվել են ոստիկանության ծառայողի օրինական գործունեությանը միջամտելու համար․ ՔԿ

Որտեղ ՔՊ-ը հաղթում է՝ հաղթում է, որտեղ՝ ոչ, ընտրվում է այլ թեկնածու. Գնել Սանոսյան

5 մարզպետ՝ 5 տարում, Շիրակը պետք է ռեկորդակիր լինի․ Գնել Սանոսյանը ներկայացրեց նորանշանակ մարզպետ Մուշեղ Մուրադյանին

Ամենայն հայոց կաթողիկոսը ցավակցագիր է հղել Իրանի նախագահին

Եթե դատարանն անհապաղ միջոցներ չձեռնարկի, ԼՂ հայերը անհնարին ընտրության առջև կկանգնեն. Կիրակոսյանը՝ ՄԱԿ-ի դատարանում

«Հայաստան» խմբակցությունը լսումներ է նախաձեռնել՝ Լաչինի միջանցքն Ադրբեջանի կողմից փակելու վերաբերյալ

Մարմնամարզության Եվրոպայի առաջնությունը Երևանում անցակցնելը կարևոր իրադարձություն է Հայաստանի համար. Կարեն Գիլոյան

Ներնետման դեպք «Գորիս» ՔԿՀ-ում․ հայտնաբերվել են թմրամիջոցին նմանվող զանգվածներ և 4 մետաղադրամ

ԲԴԽ-ն դադարեցրել է դատավոր Ալեքսեյ Սուքոյանի լիազորությունները (տեսանյութ)

Երևանում ավտոբուսների համար նախատեսվում են առանձնացված գծեր, կմեծացվեն կանգառների սահմանները

Ազատ գյուղի զինվորական կացարանի հրդեհի հետևանքով այրվածքներ ստացած զինծառայողներից ևս մեկը տեղափոխվել է հիվանդասենյակ

Բոլորս պետք է համապատասխանենք վարքագծի բարձր չափորոշչին. գլխավոր դատախազին առընթեր էթիկայի հանձնաժողովը նոր անդամ ունի

Ազատ գյուղի զորամասի հրդեհի գործով վաշտի կապիտանը չի հարցաքննվել, նա դեռ ի վիճակի չէ խոսել. ՔԿ

ՊԵԿ-ը կանխել է շուրջ 480 միլիոն դրամ արժեքով ոսկյա զարդերի անօրինական տեղափոխումը Հայաստանից

ՀՀ ԱԳՆ-ն անհանգստացած է Երուսաղեմի քրիստոնեական կրոնական հաստատությունների և հայ բնակչության հանդեպ բռնության դեպքերից

Կարդիականացվի Մեղրիի սահմանային անցակետը. Ռուստամ Բադասյան

Նորիկյանը ստանձնել է Ազատ գյուղում հրդեհի հետևանքով զոհված Վոլոդյա Ներսիսյանի հայրիկի լիազոր ներկայացուցչի իրավունքները

ԿԽՄԿ միջնորդությամբ Արցախից 19 մարդ է այսօր վերադարձել Հայաստան

Հայանիստ գյուղի խաչմերուկում մեքենան բախվել էլեկտրական սյանը և բռնկվել․ կան տուժածներ

Զինծառայողի հրազենային վիրավորում ստանալու դեպքի առթիվ նախաձեռնվել է քրվարույթ, ձերբակալվել է դիրքի ավագի օգնականը․ ՔԿ

Ամենայն հայոց կաթողիկոսը մեկնել է Մեծ Բրիտանիա