Աշոտյանը դժգոհ է, որ Արոնյանի դպրոցը չի ֆինանսավորվում ՊԵԿ-ից, սպորտի նախարարությունը պատասխանում է

ՀՀԿ փոխնախագահ Արմեն Աշոտյանը կարծում է, որ հայ առաջատար շախմատիստներ Լեւոն Արոնյանի ու Գաբրիել Սարգսյանի գրոսմայստերական շախմատի դպրոցի պետական ֆինանսավորման վերաբերյալ «Հայկական ժամանակ»-ի հրապարակումը կողմնակալ է: Ըստ նրա՝ դրանում հարցը քաղաքականացնելու փորձ է արվում, քանի որ գրոսմայստերները Սերժ Սարգսյանի սանիկներն են: Աշոտյանը այսօր իր ֆեյսբուքյան գրառման մեջ խոսել է նաեւ այդ դպրոցի մարզիչների՝ 400-500 հազար դրամ աշխատավարձերի մասին եւ նշել, որ դա չպետք է խնդիր լիներ, որ դպրոցը չֆինանսավորվեր:

«Իհարկե, մեր երկրի քաղաքացիների համար դա մեծ գումար է, եւ լավ կլինի, որ բոլոր մարզաձեւերից ապագա չեմպիոններ պատրաստող մարզիչները նման աշխատավարձ ստանան: Բայց փողի պակասով հիմնավորել նման ունիկալ դպրոցի ապագան հարցականի տակ դնելու փաստը առնվազն բարոյական չէ»,- գրել է՝ անդրադառնալով հարցի վերաբերյալ ՀՀ Սպորտի եւ երիտասարդության հարցերի փոխնախարար Գեւորգ Լոռեցյանի մեկնաբանությանը:

Լոռեցյանը, որը թեմայի շուրջ հարցազրույց էր տվել ՀԺ-ին, ֆեյսբուքում պատասխանել է Աշոտյանին: Նա եւս մեկ անգամ նշել է, որ Սերժ Սարգսյանի սանիկները լինելու փաստը չի անդրադարձել դպրոցի վերաբերյալ որոշումների վրա:

«Հոդվածը մի փոքր ավելի ուշադիր կարդացեք: Փորձ է արվում ոչ թե քավոր-սանիկական կապը ներկայացնել պատճառ, այլ ուղղակի առկա տարաբնույթ շշուկների վերաբերյալ ճշտող հարց է տրվել, ինչին եւ ես պատասխանել եմ, որ բացառվում է նմանատիպ մոտեցում: Այո, նոր Հայաստանում քավոր-սանիկների ինստիտուտը ջախջախված է, այո, այդ թվում նաեւ մեր համար նշանակություն չունի, թե Գաբրիել Սարգսյանն ու Լեւոն Արոնյանն ում սանիկներն են, քանի որ ինձ համար առաջնահերթ նրանք աշխարհի ու օլիմպիադայի չեմպիոններ են:

Նրանց դպրոցի հարցով երկար եմ աշխատել, ինձանից սրտացավ մի փորձեք լինել: Ինչ վերաբերում է 500.000 աշխատավարձը սենսացիոն բնութագրելուն, ապա ոչ թե սա է սենսացիան, այլ այն, որ վերջին երկու տասնամյակում ձեր ղեկավարած Հայաստանում է աշխարհի ու օլիմպիական չեմպիոններ պատրաստող մարզիչը ստանում 80-150.000 դրամ աշխատավարձ»,- գրել է Լոռեցյանը:

Լոռեցյանը նաեւ ավելացրել է, որ շախմատի դպրոցի մարզիչներին առաջարկվել է, որ նրանց տրամադրվեն մարզիչի հաստիքներ նույն այն դրույքաչափերով, ինչ բոլոր այլ մարզաձեւերի մարզիչներին, որոնք ոչ պակաս կարեւոր են ու ոչ պակաս համաշխարհային համբավ ունեցող:

Արոնյանի ու Սարգսյանի դպրոցը հիմնվել է 2012 թ.: Կենտրոնի նպատակն է՝ օգնել 10-18 տարեկան խոստումնալից շախմատիստներին՝ զարգացնել իրենց հմտությունները: Ըստ մամուլի՝ այնտեղ սովորում է 20 աշակերտ: Ֆինանսավորումը դադարեցվել է 2018 թ. հոկտեմբերի 5-ից: Ինչպես նշում է Սարգսյանը, հիմա մարզիչներն աշխատում են առանց աշխատավարձի:

Հիշեցնենք, որ Արոնյանի եւ Սարգսյանի հիմնած շախմատի դպրոցի մարզիչները տարիներ շարունակ բարձր աշխատավարձեր են ստացել ՀՀ պետեկամուտների կոմիտեի արտաբյուջեից:

Տպել
1761 դիտում

Covid-19-ը մենակ չէ. 2020-ին հրդեհներ, ջրհեղեղներ, բերքի անբավարարություն ու մորեխների ներխուժում է կանխատեսվում

Ուկրաինան և Թուրքիան բանակցում են օդային հաղորդակցությունը վերսկսելու շուրջ

ՀՀ ԱԳՆ-ն հայտարարություն է տարածել «Մակուչյան և Մինասյանն ընդդեմ Ադրբեջանի և Հունգարիայի» ՄԻԵԴ-ի վճռի առնչությամբ

Իրանի գերագույն հոգևոր առաջնորդը 3․721 բանտարկյալի ներում կամ պատժի մեղմացում է շնորհել

Տանկային ստորաբաժանումները զորավարժություն են անցկացրել

ԵՏՀ կոլեգիայի նիստ է կայացել. որոշումներ՝ միության տարածքում սննդամթերքի անվտանգության եւ պարենային ապրանքների մասին

Ռուբեն Հայրապետյանի նկատմամբ հետախուզում է հայտարարվել. նրան կալանավորելու միջնորդություն է ներկայացվել

Ոստիկանության Կումայրիի բաժնի ծառայողներն ապօրինի ծառահատման դեպք են բացահայտել

Պտղունք համայնքի նորակառույց թաղամասի բնակիչները կապահովվեն կապույտ վառելիքով

ԱԻՆ-ը կատարել է 1245 վարակազերծում. 872-ը՝ մարզերում, 373-ը՝ Երևանում

Կվերանորոգվի Օշական համայնքի «Անահիտ» մանկապարտեզը

ՀՀ ՔԿ Երևան քաղաքի քննչական վարչությունն ամփոփել է հունվարից մինչև մայիս կատարած աշխատանքը

Երրորդ զորամիավորումում անցկացվել են անվտանգության կանոնների պահպանման պարապմունքներ

Վաղը փակ կլինի Նեղոցի ենթակայանից մինչև Հաղպատի խաչմերուկ տանող ճանապարհահատվածը

«Ես տասներկու տարի սպասել եմ այդ արդարացմանը». Մարտի 1-ի գործով դատավճիռների դեմ՝ 16 բողոք

Եթե մեկն ասի, որ առասպելական վիշապի կաշին հնդկահավի փետուրի հետ կօգնի կորոնավիրուսին, շատերը կհավատան․ Արմեն Փամբուխչյան

Դավիթաշենում դիտարկված 27 տնտեսվարողից 17-ի մոտ ԱԱՏՄ-ն խախտումներ է արձանագրել

Սյունիքի մաֆիոզական խմբակին պետք է տրվի համարժեք պատասխան. Ենգիբարյանն անդրադարձավ Սյունիքում տեղի ունեցած միջադեպին

Հայկավանում հակակարկտային կայաններ են տեղադրվել

Սերբիան պատրաստակամ է կորոնավիրուսի դեմ պայքարում աջակցել Հայաստանին. Արմեն Սարգսյանը զրուցել է Սերբիայի նախագահի հետ